14/07/2026
𝐖𝐇𝐀𝐓'𝐒 𝐒𝐏𝐄𝐂𝐈𝐀𝐋 𝐀𝐁𝐎𝐔𝐓 𝐒𝐎𝐂𝐈𝐀𝐋 𝐒𝐓𝐔𝐃𝐈𝐄𝐒? | 𝐎𝐍𝐃𝐄 𝐄𝐃𝐈𝐓𝐈𝐎𝐍? 🕵️♀️✨
“𝙄 𝙙𝙞𝙙𝙣’𝙩 𝙘𝙝𝙤𝙤𝙨𝙚 𝙎𝙤𝙘𝙞𝙖𝙡 𝙎𝙩𝙪𝙙𝙞𝙚𝙨; 𝙎𝙤𝙘𝙞𝙖𝙡 𝙎𝙩𝙪𝙙𝙞𝙚𝙨 𝙘𝙝𝙤𝙨𝙚 𝙢𝙚”
Hindi lahat ng kuwento ay nagsisimula sa isang pangarap. Minsan, nagsisimula ito sa pag-aalinlangan sa mga desisyon na hindi ka naman sigurado at hindi mo pinili. Ngunit, may mga pag kakataong ang mga landas na hindi natin pinili ay sya pala ang huhubog sa ating pagkatao. Isang paglalakbay na nagsimula sa pag-aalinlangan ngunit nagtapos sa pagmamahal.
Si 𝗟𝗼𝘃𝗲 𝗝𝗼𝘆 𝗚. 𝗢𝗻𝗱𝗲 ay isa sa mga unang nagtapos sa programang Bachelor of Secondary Education, major in Social Studies, at nagtapos na may karangalang Magna Cum Laude. Isa sa mga estudyanteng sumubok at natutong tingnan ang kursong ito sa ibang lente. Hindi bilang koleksiyon ng mga petsa at pangalan, kundi bilang disiplinang nagtuturo kung paano unawain ang tao, ang lipunan, at ang sariling papel sa paghubog nito.
Ang pinakamalaking kalaban ng Social Studies ay hindi ang hirap ng kurso. Kundi ang maling pagkakakilala rito. Sa panahong maraming estudyante ang hindi pinipili ang Social Studies dahil sa paniniwalang ito ay puro kasaysayan, walang katapusang memorisasyon, mahahabang babasahin, at nakikita nilang isang ‘boring’ na asignatura sa paaralan.
"𝘏𝘪𝘴𝘵𝘰𝘳𝘺 𝘭𝘢𝘯𝘨 𝘺𝘢𝘯."
"𝘗𝘶𝘳𝘰 𝘥𝘢𝘵𝘦𝘴."
“𝘗𝘶𝘳𝘰 𝘮𝘦𝘮𝘰𝘳𝘪𝘻𝘦”
Eto nga lang ba ang papel ng kursong ito?
"𝙆𝙖𝙮𝙖 𝙠𝙖𝙥𝙖𝙜 𝙎𝙤𝙘𝙞𝙖𝙡 𝙎𝙩𝙪𝙙𝙞𝙚𝙨 𝙖𝙣𝙜 𝙨𝙪𝙗𝙟𝙚𝙘𝙩, 𝙡𝙖𝙜𝙞 𝙣𝙞𝙡𝙖𝙣𝙜 𝙨𝙞𝙣𝙖𝙨𝙖𝙗𝙞 𝙣𝙖 𝙖𝙗𝙤𝙪𝙩 𝙙𝙖𝙩𝙚𝙨 𝙖𝙣𝙙 𝙥𝙚𝙤𝙥𝙡𝙚 𝙡𝙖𝙣𝙜 𝙣𝙖𝙢𝙖𝙣 𝙙𝙖𝙬 𝙞𝙮𝙤𝙣, 𝙬𝙝𝙞𝙘𝙝 𝙞𝙨 100% 𝙬𝙧𝙤𝙣𝙜. 𝙈𝙖𝙨𝙖𝙮𝙖 𝙨𝙖 𝙢𝙖𝙟𝙤𝙧 𝙣𝙖 𝙞𝙩𝙤, 𝙖𝙣𝙙 𝙞𝙩 𝙞𝙨 𝙖𝙡𝙨𝙤 𝙞𝙣𝙩𝙚𝙧𝙚𝙨𝙩𝙞𝙣𝙜 𝙩𝙤 𝙨𝙩𝙪𝙙𝙮 𝙝𝙞𝙨𝙩𝙤𝙧𝙮.”
“𝙈𝙖𝙨𝙖𝙮𝙖𝙣𝙜 𝙗𝙖𝙨𝙖𝙝𝙞𝙣 𝙖𝙣𝙜 𝙠𝙖𝙨𝙖𝙮𝙨𝙖𝙮𝙖𝙣 𝙣𝙜 𝙢𝙪𝙣𝙙𝙤 𝙙𝙖𝙝𝙞𝙡 𝙞𝙩 𝙜𝙤𝙚𝙨 𝙗𝙚𝙮𝙤𝙣𝙙 𝙩𝙝𝙤𝙨𝙚 𝙙𝙖𝙩𝙚𝙨, 𝙥𝙡𝙖𝙘𝙚𝙨, 𝙖𝙣𝙙 𝙥𝙚𝙤𝙥𝙡𝙚. 𝙈𝙖𝙨 𝙢𝙖𝙖-𝙖𝙥𝙥𝙧𝙚𝙘𝙞𝙖𝙩𝙚 𝙢𝙤 𝙞𝙮𝙤𝙣 𝙠𝙪𝙣𝙜 𝙣𝙖𝙠𝙖𝙩𝙞𝙣𝙜𝙞𝙣 𝙠𝙖 𝙨𝙖 𝙨𝙩𝙤𝙧𝙮𝙖 𝙖𝙩 𝙖𝙣𝙜 𝙣𝙖𝙞𝙨 𝙣𝙞𝙩𝙤𝙣𝙜 𝙨𝙖𝙗𝙞𝙝𝙞𝙣 𝙨𝙖'𝙮𝙤 𝙗𝙞𝙡𝙖𝙣𝙜 𝙢𝙖𝙢𝙗𝙖𝙗𝙖𝙨𝙖.”
Burahin natin sa ating isipan na ang kursong ito ay nagtatapos lamang bilang pag alaala sa ating nakaraan. Sa halip, binubuksan nito ang mas malawak na pag-unawa sa lipunan sa pamamagitan ng iba't ibang larangan tulad ng politika, mga batas, ekonomiks, heograpiya, at kultura. Mga disiplinang nagbibigay-linaw sa mga isyung kinahaharap ng tao sa kasalukuyan.
“𝙄𝙣 𝙎𝙤𝙘𝙞𝙖𝙡 𝙎𝙩𝙪𝙙𝙞𝙚𝙨, 𝙬𝙚 𝙝𝙖𝙫𝙚 𝙬𝙝𝙖𝙩 𝙬𝙚 𝙘𝙖𝙡𝙡 𝙢𝙪𝙡𝙩𝙞𝙥𝙚𝙧𝙨𝙥𝙚𝙘𝙩𝙞𝙫𝙞𝙩𝙮, 𝙬𝙝𝙞𝙘𝙝 𝙞𝙨 𝙖𝙣𝙜 𝙥𝙖𝙜𝙩𝙞𝙣𝙜𝙞𝙣 𝙨𝙖 𝙞𝙨𝙖𝙣𝙜 𝙥𝙖𝙣𝙜𝙮𝙖𝙮𝙖𝙧𝙞 𝙤 𝙞𝙨𝙮𝙪 𝙜𝙖𝙢𝙞𝙩 𝙖𝙣𝙜 𝙞𝙗𝙖'𝙩 𝙞𝙗𝙖𝙣𝙜 𝙥𝙖𝙣𝙖𝙣𝙖𝙬 𝙣𝙜 𝙞𝙗𝙖'𝙩 𝙞𝙗𝙖𝙣𝙜 𝙩𝙖𝙤 𝙤 𝙜𝙧𝙪𝙥𝙤. 𝙃𝙞𝙣𝙙𝙞 𝙡𝙖𝙣𝙜 𝙞𝙞𝙨𝙖𝙣𝙜 𝙠𝙬𝙚𝙣𝙩𝙤 𝙤 𝙤𝙥𝙞𝙣𝙮𝙤𝙣 𝙖𝙣𝙜 𝙥𝙞𝙣𝙖𝙠𝙞𝙠𝙞𝙣𝙜𝙜𝙖𝙣, 𝙠𝙪𝙣𝙙𝙞 𝙨𝙞𝙣𝙪𝙨𝙪𝙗𝙪𝙠𝙖𝙣 𝙙𝙞𝙣𝙜 𝙪𝙣𝙖𝙬𝙖𝙞𝙣 𝙖𝙣𝙜 𝙥𝙖𝙣𝙞𝙜 𝙣𝙜 𝙞𝙗𝙖, 𝙬𝙝𝙞𝙘𝙝 𝙝𝙚𝙡𝙥𝙨 𝙢𝙚 𝙩𝙤 𝙗𝙚 𝙢𝙤𝙧𝙚 𝙝𝙤𝙡𝙞𝙨𝙩𝙞𝙘 𝙞𝙣 𝙫𝙞𝙚𝙬𝙞𝙣𝙜 𝙚𝙫𝙚𝙣𝙩𝙨 𝙖𝙣𝙙 𝙨𝙞𝙩𝙪𝙖𝙩𝙞𝙤𝙣𝙨 𝙞𝙣 𝙤𝙪𝙧 𝙨𝙤𝙘𝙞𝙚𝙩𝙮.”
Higit pa sa pagpapalawak ng kaalaman, may mas iniwan sakanya ang kursong ito. Ito ang matutong makinig bago humusga. Dito din niya na natutunan na hindi ibig sabihin lahat ng pananaw ay tama, pero mahalagang marinig at masuri mo muna ang bawat isa bago ka gumawa ng konklusyon.
Kung ang ibang programa ay nakatuon sa paghubog ng kasanayan, ang Social Studies ay nagsisimula sa mas mahalagang tanong. Ito ay paano mo uunawain ang lipunang iyong paglilingkuran? Sapagkat bago ka maging isang mahusay na g**o, kailangan mo munang matutong unawain ang mga taong tuturuan mo at ang mundong kanilang ginagalawan. Ito ang paniniwalang unti-unting natuklasan ni Onde habang mas nakikilala niya ang kursong minsang hindi niya pinili.
"𝙊𝙪𝙧 𝙢𝙖𝙟𝙤𝙧 𝙛𝙤𝙘𝙪𝙨𝙚𝙨 𝙤𝙣 𝙤𝙪𝙧 𝙨𝙤𝙘𝙞𝙚𝙩𝙮 𝙖𝙣𝙙 𝙚𝙫𝙚𝙧𝙮𝙩𝙝𝙞𝙣𝙜 𝙞𝙣 𝙞𝙩, 𝙠𝙖𝙮𝙖 𝙩𝙖𝙡𝙖𝙜𝙖𝙣𝙜 𝙢𝙖𝙨 𝙡𝙖𝙡𝙖𝙬𝙖𝙠 𝙮𝙪𝙣𝙜 𝙪𝙣𝙙𝙚𝙧𝙨𝙩𝙖𝙣𝙙𝙞𝙣𝙜 𝙖𝙣𝙙 𝙥𝙚𝙧𝙨𝙥𝙚𝙘𝙩𝙞𝙫𝙚 𝙢𝙤, 𝙖𝙣𝙙 𝙮𝙤𝙪 𝙖𝙧𝙚 𝙖𝙗𝙡𝙚 𝙩𝙤 𝙖𝙥𝙥𝙡𝙮 𝙬𝙝𝙖𝙩 𝙮𝙤𝙪 𝙝𝙖𝙫𝙚 𝙡𝙚𝙖𝙧𝙣𝙚𝙙 𝙩𝙤 𝙧𝙚𝙖𝙡-𝙡𝙞𝙛𝙚 𝙨𝙞𝙩𝙪𝙖𝙩𝙞𝙤𝙣𝙨. 𝘼𝙣𝙜 𝘼𝙧𝙖𝙡𝙞𝙣𝙜 𝙋𝙖𝙣𝙡𝙞𝙥𝙪𝙣𝙖𝙣 𝙖𝙣𝙜 𝙣𝙖𝙜𝙩𝙪𝙩𝙪𝙧𝙤 𝙨𝙖 𝙢𝙜𝙖 𝙗𝙖𝙩𝙖 𝙠𝙪𝙣𝙜 𝙥𝙖𝙖𝙣𝙤 𝙢𝙖𝙝𝙖𝙡𝙞𝙣 𝙖𝙩 𝙞𝙥𝙖𝙜𝙡𝙖𝙗𝙖𝙣 𝙖𝙣𝙜 𝙠𝙖𝙣𝙞𝙡𝙖𝙣𝙜 𝙗𝙖𝙣𝙨𝙖. 𝙏𝙞𝙣𝙪𝙩𝙪𝙧𝙪𝙖𝙣 𝙣𝙖𝙩𝙞𝙣 𝙖𝙣𝙜 𝙢𝙜𝙖 𝙗𝙖𝙩𝙖 𝙣𝙖 𝙢𝙖𝙪𝙣𝙖𝙬𝙖𝙖𝙣 𝙖𝙩 𝙥𝙖𝙝𝙖𝙡𝙖𝙜𝙖𝙝𝙖𝙣 𝙖𝙣𝙜 𝙠𝙖𝙣𝙞𝙡𝙖𝙣𝙜 𝙠𝙖𝙨𝙖𝙮𝙨𝙖𝙮𝙖𝙣, 𝙢𝙖𝙞𝙣𝙩𝙞𝙣𝙙𝙞𝙝𝙖𝙣 𝙖𝙣𝙜 𝙨𝙞𝙨𝙩𝙚𝙢𝙖𝙣𝙜 𝙢𝙖𝙮𝙧𝙤𝙤𝙣 𝙨𝙖 𝙠𝙖𝙣𝙞𝙡𝙖𝙣𝙜 𝙡𝙞𝙥𝙪𝙣𝙖𝙣, 𝙖𝙩 𝙢𝙖𝙝𝙪𝙗𝙤𝙜 𝙨𝙞𝙡𝙖 𝙪𝙥𝙖𝙣𝙜 𝙢𝙖𝙜𝙞𝙣𝙜 𝙥𝙖𝙜-𝙖𝙨𝙖 𝙣𝙜 𝙖𝙩𝙞𝙣𝙜 𝙗𝙖𝙮𝙖𝙣 𝙨𝙖 𝙠𝙞𝙣𝙖𝙗𝙪𝙠𝙖𝙨𝙖𝙣, 𝙩𝙤 𝙗𝙚 𝙖 𝙘𝙞𝙫𝙞𝙘𝙖𝙡𝙡𝙮 𝙘𝙤𝙢𝙥𝙚𝙩𝙚𝙣𝙩 𝙞𝙣𝙙𝙞𝙫𝙞𝙙𝙪𝙖𝙡 𝙬𝙝𝙤 𝙬𝙤𝙪𝙡𝙙 𝙝𝙚𝙡𝙥 𝙞𝙣 𝙣𝙖𝙩𝙞𝙤𝙣-𝙗𝙪𝙞𝙡𝙙𝙞𝙣𝙜 𝙞𝙣 𝙩𝙝𝙚 𝙛𝙪𝙩𝙪𝙧𝙚. 𝙄𝙮𝙖𝙣 𝙖𝙣𝙜 𝙢𝙖𝙮𝙧𝙤𝙤𝙣 𝙨𝙖 𝙎𝙤𝙘𝙞𝙖𝙡 𝙎𝙩𝙪𝙙𝙞𝙚𝙨."
Ngunit ang halaga ng isang programa ay hindi lamang nasusukat sa mga aral na naibibigay nito. Nasusukat din ito sa mga taong unang naniwala sa layunin nito at piniling maging bahagi ng kasaysayan nito.
"𝙒𝙚 𝙖𝙡𝙬𝙖𝙮𝙨 𝙨𝙖𝙮 𝙣𝙖 '𝙚𝙭𝙥𝙚𝙧𝙞𝙢𝙚𝙣𝙩' 𝙠𝙖𝙢𝙞 𝙠𝙖𝙨𝙞 𝙣𝙜𝙖 𝙪𝙣𝙖, 𝙪𝙣𝙖𝙣𝙜 𝙖𝙣𝙖𝙠 𝙣𝙜 𝙎𝙤𝙘𝙞𝙖𝙡 𝙎𝙩𝙪𝙙𝙞𝙚𝙨 𝙨𝙖 𝙖𝙩𝙞𝙣𝙜 𝙙𝙚𝙥𝙖𝙧𝙩𝙢𝙚𝙣𝙩."
Nagsimula sila bilang mahigit tatlumpung estudyante sa isang programang wala pang kasiguruhan. Madalas pa nga nilang biro sa isa't isa na sila ang "experiment" ng departamento bilang kauna-unahang batch ng Social Studies. Sa paglipas ng apat na taon, marami ang lumihis ng landas, ngunit dalawampu't dalawang estudyante ang nanatiling matatag at nagtapos na may iisang layunin at pinatunayan ang halaga ng programang minsang kinuwestiyon ng marami. Sila ang nagbigay ng pangalan, pagkakakilanlan, at kasaysayan sa kursong ito sa ASCOT.
Kaya, ikaw? Bakit hindi mo bigyan ng pagkakataon na pilliin ang kursong ito?
"𝙂𝙞𝙫𝙚 𝙞𝙩 𝙖 𝙨𝙚𝙘𝙤𝙣𝙙 𝙘𝙝𝙖𝙣𝙘𝙚. 𝙈𝙖𝙨𝙖𝙮𝙖𝙣𝙜 𝙥𝙖𝙜-𝙖𝙧𝙖𝙡𝙖𝙣 𝙖𝙣𝙜 𝙢𝙜𝙖 𝙗𝙖𝙜𝙖𝙮 𝙩𝙪𝙣𝙜𝙠𝙤𝙡 𝙨𝙖 𝙖𝙩𝙞𝙣𝙜 𝙡𝙞𝙥𝙪𝙣𝙖𝙣. 𝙄 𝙩𝙝𝙞𝙣𝙠 𝙮𝙤𝙪 𝙬𝙞𝙡𝙡 𝙡𝙤𝙫𝙚 𝙞𝙩 𝙟𝙪𝙨𝙩 𝙖𝙨 𝙢𝙪𝙘𝙝 𝙖𝙨 𝙄 𝙙𝙤."
Dalawampu't dalawang mag-aaral na ang nagpatunay na ang Social Studies sa ASCOT ay higit pa sa kursong madalas ikahon sa kasaysayan, isa itong programang karapat-dapat bigyan ng pagkakataon.
Hindi lahat ay pipili ng Social Studies. Ngunit kung darating ang araw na piliin ka nito, huwag kang matakot. Bigyan mo ng pagkakataon na pilliin ang kursong ito sapagkat higit pa sa kasaysayan, higit pa sa politika at batas ang itinuturo nito. Ito ay isang aral na hindi kailanman naluluma—na ang pag-unawa sa lipunan ay nagsisimula sa pag-unawa sa tao at dito mo lamang sa kursong ito matatagpuan.
✒: Nalissa Bustillos
🎨: Jhenniefer Lumasac
