Agham Youth - UP Baguio

05/04/2026

OPISYAL NA PAHAYAG NG NEXUS 2026 SA KAKULANGAN NG REPRESENTASYON SA COLLEGE OF SCIENCE

Nagsisilbing mahalagang espasyo ang NEXUS bilang isang debate platform para mas siyasatin at kilalanin ang mga tumatakbong kinatawan ng CS. Subalit ngayong taon, dahil sa kakulangan ng mga kandidato, hindi ito naisagawa sa tradisyunal nitong anyo. Sa kabila nito, patuloy na isinusulong ng NEXUS ang layunin nitong mailapit sa student body ang tumatakbong kandidato sa pamamagitan ng pagsusuri sa kanyang mga naging pahayag at tindig sa isinagawang MDA. Mahalaga ito upang matiyak na ang iisang kandidato ay hindi lamang nahahalal dahil sa kawalan ng kalaban, kundi tunay na sinusuri ng komunidad na kanyang pagsisilbihan.

Miting de Avance | March 26, 2026
College of Science Spokesperson: DARREL JOHN “DJ” CAROLINO
https://www.facebook.com/share/p/1E7fjWearB/

Sa kasalukuyang halalan, mariing binibigyan-diin ng Agham Youth-UP Baguio ang malubhang kakulangan sa representasyon sa College of Science, kung saan isa lamang ang tumatakbong kandidato para sa tatlong bakanteng posisyon bilang kinatawan ng kolehiyo. Ang ganitong kalagayan ay hindi lamang simpleng kakulangan sa bilang, kundi malinaw na sintomas ng mas malalim na suliranin ng partisipasyon, mobilisasyon, at demokratikong pakikilahok sa hanay ng mga mag-aaral, partikular na sa CS.

Hindi dapat nagiging normal ang kakulangan sa representasyon. Ang pagkakaroon ng sapat at makabuluhang pagpipilian ay pundasyon ng isang demokratikong proseso. Kapag iisa lamang ang tumatakbo, nalalagay sa alanganin ang tunay na diwa ng representasyon na nagmumula dapat sa malawak na mandato at aktibong partisipasyon ng mga estudyante. Sa kabila nito, kinikilala ng NEXUS ang paglahok ng nag-iisang kandidato bilang bahagi ng mahalagang proseso ng representasyon at pakikilahok sa loob ng CS.

Kaya nananawagan ang Agham Youth UPB sa buong komunidad ng College of Science na muling buhayin ang diwa ng pakikilahok at paninindigan. Higit kailanman, kinakailangan ang kolektibong pagkilos upang hikayatin ang mas marami pang estudyante na lumahok, tumindig, at maglingkod. Ang representasyon ay hindi lamang responsibilidad ng iilan, ito ay tungkulin ng buong komunidad.

Sa huli, ang laban ay para sa tunay na representasyon ay laban para sa isang sistemang nagbibigay-boses sa lahat. Hindi sapat ang pagkakaroon ng kinatawan; kinakailangan ang kinatawang hinubog ng pakikibaka, pananagutan, at tunay na koneksyon sa masa ng mga estudyante. Kaya sa darating na halalan, bumoto nang may kamalayan at pagsusuri, hindi lamang para sa College of Science, kundi para sa buong UP Baguio.

Make Science and Technology, Serve the People!

05/04/2026

SIYENTISTA NG BAYAN, GET TO KNOW YOUR COLLEGE OF SCIENCE CANDIDATE: DARREL JOHN “DJ” CAROLINO

Heto ang naging mga tugon at paninindigan ng ating CS Representative Candidate sa Miting de Avance:

✅ On Academic Demands: Pagpapalawak ng student services para maibsan ang stress ng mga CS students.
✅ On Tailored Engagement: Pagpapalakas ng komunikasyon sa bawat block at departamento.
✅ On Specific Stances: Kabilang ang kanyang posisyon sa AI Usage, Academic Dishonesty, Carbon Tax, at E-Jeepneys

23/03/2026

Fingerprints: The unique marks of women in Science.

Breaking barriers in science isn't just about getting a seat at the table; it's about changing who the table serves. This Women's Month, join us for a discussion on Women in STEM in the Struggle for People-Centered Science.

Let's tackle the real issues: from the neoliberal barriers holding women back to the question of what kind of science we are building. Because representation isn't enough if the system stays the same.

When: Wednesday, March 25
Time: 5:30 PM - 9:00 PM
Where: USC Office

Make Science and Technology serve the people.
See you there!

Poster: Jamie Sales
Caption: Elijah Chumacog

12/03/2026

Got some cravings? 👀💙

Swing by the AGHAM Youth UP Baguio booth for some quick and yummy bites! 😋

🌟 Fishball – ₱10 for 5 pieces�🌟 Kikiam – ₱10 for 3 pieces�🌟 Samosas – ₱50 each

We’ll be at KA Quad until March 13 (Friday), 4:00 PM so don’t miss out. See you there! 🫶

11/03/2026

𝐁𝐑𝐄𝐀𝐊𝐈𝐍𝐆 | Earlier today, organizations and individuals in the University of the Philippines Baguio received a red-tagging bomb threat. AGHAM Youth UP Baguio condemns this in the strongest possible terms. There is no place for red-tagging, fascist intimidation, and state-sponsored terror in our university.

UP Baguio must remain a space for critical thought, scientific inquiry, democratic participation, and principled dissent. It must never be turned into a ground for fear, harassment, and political persecution. This bomb threat is not an isolated act of malice; it is part of the broader machinery of state repression that seeks to silence progressive organizations, terrorize the youth, and crush all those who dare to stand with the people.

Red-tagging is never harmless. It is a violent and dangerous weapon used to vilify activists, justify surveillance, enable attacks, and place lives at risk. Time and again, it has been used against students, teachers, organizers, scientists, and ordinary citizens who speak out against exploitation, injustice, and tyranny. Such threats are deliberate attempts to suffocate dissent and normalize a culture of fear within institutions that should instead uphold freedom, truth, and public service.

As a national democratic science youth organization, AGHAM Youth UP Baguio recognizes that this attack is also an assault on science in the service of the people. The same rotten system that breeds fascist violence is the same system that suppresses scientific truth, weaponizes ignorance, and criminalizes those who use knowledge to expose exploitation and serve the masses. When the state attacks progressive organizations, it also attacks the very possibility of a science that is pro-people, critical, and emancipatory.

We reject the lie that it is criminal to organize, to protest, to study social realities, and to stand for the oppressed. What is truly criminal is a system that answers calls for justice with threats, militarization, and terror. What is truly criminal is a state that fears an organized and politically conscious youth.

In the face of this threat, we refuse to be silenced. We will continue to defend academic freedom, democratic rights, and the university as a space for militant discourse and collective struggle. We will continue to uphold science and education in the service of the Filipino people!

MAKE SCIENCE AND TECHNOLOGY SERVE THE PEOPLE! ✊❤️‍🔥







Statement by: Becca Lucero
Pubmat by: Jared Licdan

11/03/2026

08/03/2026

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆 𝐍𝐆 𝐀𝐆𝐇𝐀𝐌 𝐘𝐎𝐔𝐓𝐇 𝐔𝐏 𝐁𝐀𝐆𝐔𝐈𝐎 𝐒𝐀 𝐏𝐀𝐍𝐃𝐀𝐈𝐆𝐃𝐈𝐆𝐀𝐍𝐆 𝐀𝐑𝐀𝐖 𝐍𝐆 𝐊𝐀𝐁𝐀𝐁𝐀𝐈𝐇𝐀𝐍𝐆 𝐀𝐍𝐀𝐊𝐏𝐀𝐖𝐈𝐒

Sa paggunita ng Pandaigdigang Araw ng Kababaihang Anakpawis, taas-kamaong binibigyang-pugay ng AGHAM Youth UP Baguio ang lahat ng babaeng manggagawa, magsasaka, estudyante, mananaliksik, at siyentistang patuloy na nakikibaka laban sa patriyarka, pyudalismo, at imperyalismong siyang ugat ng kanilang pagsasamantala. Sa isang lipunang ang agham at teknolohiya ay kontrolado ng iilan at ginagamit hindi para sa kapakanan ng mamamayan kundi para sa tubo, higit na binibigatan ang kababaihan: sa mababang sahod, di-bayad na gawaing tahanan, kawalan ng ligtas at makataong serbisyong pangkalusugan, at pagkakait ng akses sa maka-masang edukasyong siyentipiko. Habang patuloy na itinataas ang presyo ng mga batayang bilihin, isinusulong ang pribatisasyon ng mga serbisyong panlipunan, at winawasak ang kalikasan sa ngalan ng ganansya, kababaihan ang laging unang sumasalo sa bigat ng krisis.

Tulad ng sinabi ni Mao Zedong, “Women hold up half the sky.” Ngunit sa ilalim ng bulok na sistemang umiiral, ang kababaihang bumubuhat sa kalahati ng langit ay siya ring pinakamatinding pinapasan ang bigat ng kahirapan, karahasan, at kawalang-katarungan. Hindi hiwalay ang laban ng kababaihan sa laban para sa pambansa, siyentipiko, at makamasang kaunlaran. Ang kababaihang anakpawis ay hindi lamang biktima ng bulok na sistema, sila ay talibang lumalaban at lumilikha ng kasaysayan.

Kaya sa araw na ito, mariing iginigiit ng AGHAM Youth UP Baguio na ang tunay na pagpapalaya sa kababaihan ay hindi makakamit sa hungkag na representasyon o pa-women empowerment na walang pagbaklas sa mga estrukturang nagpapanatili ng kahirapan, karahasan, at kawalang-katarungan. Ipaglaban natin ang agham at teknolohiyang nakaugat sa pangangailangan ng mamamayan, hindi sa ganansya ng iilan. Makibaka para sa lipunang walang pagsasamantala, kung saan ang talino, lakas, at dangal ng kababaihan ay hindi ikinukulong kundi pinalalaya. Sapagkat kung tunay na kababaihan ang bumubuhat sa kalahati ng langit, nararapat lamang na wasakin nila kasama ng sambayanan ang sistemang patuloy na nagpapaluhod sa kanila sa lupa.

ABANTE, BABAE! PALABAN, MILITANTE!
IPAGLABAN ANG AGHAM AT LIPUNANG NAGSISILBI SA MAMAMAYAN!

28/02/2026

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆 𝐍𝐆 𝐀𝐆𝐇𝐀𝐌 𝐘𝐎𝐔𝐓𝐇 𝐔𝐏 𝐁𝐀𝐆𝐔𝐈𝐎 𝐒𝐀 𝐈𝐊𝐀-𝟒𝟎 𝐍𝐀 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐄𝐃𝐒𝐀

Sa pagtatapos ng Pebrero, hindi natin tinatapos ang paggunita, lalo nating pinaiigting ang paniningil. Kahit lumipas ang Pebrero 25, nananatiling buhay ang diwa ng EDSA@40 dahil araw-araw pa rin tayong hinahamak ng gutom, taas-presyo, at pagnanakaw sa kaban ng bayan. Nakiisa ang AGHAM Youth UP Baguio sa kilos-protesta noong Pebrero 25 bilang malinaw na tindig: DOUBLE OUSTER MARCOS–DUTERTE! Hari at reyna ng korapsyon, tagapagmana ng pandarambong, at tagapagpatuloy ng mga patakarang pahirap sa mamamayan.

Sistema ang korapsyon, at nasa tuktok ang Marcos–Duterte. Mula sa confidential funds na ginagawang sariling alkansya, hanggang sa ill-gotten wealth na ipinagmamalaki pa, at mga proyektong bilyon-bilyon ang halaga pero mamamayan ang lugi—malinaw: ang estado ay ginawang ATM ng naghaharing uri. Habang pinapasan natin ang buwis at singil, sila ang kumakamkam ng pondo at nagbubusog sa kanilang mga kaalyado.

At habang ninanakaw ang pondo, unti-unting namamatay ang ating kinabukasan. Pondo para sa edukasyon at serbisyong pangkalusugan? Kinakaltasan. Suporta sa agham at teknolohiya para sa bayan? Inuurong. Samantala, tuloy ang mga proyektong mapanira at mapangwasak: malakihang pagmimina sa Cordillera, pribatisasyon ng mga pampublikong espasyo at serbisyo, at militarisasyon na ginagamit para takutin ang mga komunidad. Ito ang tunay na “kaunlaran” nila: kaunlaran para sa tubo, at kamatayan para sa masa.

Kaya panawagan ng AGHAM Youth UP Baguio: huwag tayong magpaloko sa pekeng paggunita na walang pananagutan. Buhayin ang diwa ng EDSA sa tunay nitong anyo: organisado, militanteng pagkilos.

Ilaban ang Agham at Teknolohiya na nagsisilbi sa mamamayan, hindi sa negosyo at interes ng naghaharing-uri. Ipaglaban ang serbisyong publiko, kabuhayan, at karapatan, at panagutin ang mga kurakot at pahirap.

Siyentista ng Bayan, paglingkuran ang sambayanan! Isabuhay ang diwa ng EDSA! Ang diwa ng EDSA ay diwa ng Agham at Teknolohiya na mapagpalaya! 🤍

06/02/2026

HANDA NA BA KAYO❓‼️

Ang Agham Youth UPB ay patuloy pa rin sa paghahanap ng mga Iskolar ng Bayan na naniniwalang ang agham at teknolohiya ay para sa masa.

Kaya naman, sumali sa aming Special Mass Orientation na gaganapin sa:�📅 Feb. 09, 2026 (Monday)�⏰ 8 pm�📍 Google meet (online)

✨ Alamin kung paano nagiging instrumento ng pagbabago ang agham sa paglilingkod sa sambayanan.

❗️Paalala: Hindi lamang limitado ang AY sa mga estudyante ng College of Science, dahil ito ay bukas sa kung sino mang nagtataguyod ng parehas na adbokasiya!

🔗 Mag-register na at maging bahagi ng kilusang naglilingkod sa masa! See you there!
https://forms.gle/HyCEmRqR3SptbfK26

05/02/2026

WALANG PANANAGUTAN SA PALASYO, WALANG HIYA SA KONGRESO: OPISYAL NA PAHAYAG NG AGHAM YOUTH UPB SA PAGBASURA NG IMPEACHMENT LABAN KAY MARCOS JR.

Mariin at buong galit naming kinokondena ang pagbasura ng Kongreso sa ikalawang impeachment complaint laban kay Ferdinand Marcos Jr. Ito ay hindi simpleng “procedural matter”, ito ay lantad na paglapastangan at tahasang pagkitil sa anumang natitirang mekanismo ng pananagutan sa gobyerno. Sa isang iglap, pinatunayan ng Kamara na hindi sila check and balance ng ehekutibo, sila ay bodyguard ng Malacañang at kakutsaba sa pandarambong.

Sa likod ng palusot na “insufficiency in substance,” pinatay nila ang reklamo bago pa man umabot sa tunay na pagdinig. Ito ang klasikong taktika ng naghaharing uri: kapag ang umuusbong na ang katotohanan, ibinabaon ito sa teknikalidad. Pero malinaw sa mamamayan: ang mismong gobyerno ang ginagamit na sandata upang tiyaking walang mananagot.

Mas malala: hindi lang si Marcos Jr. ang pinoprotektahan. Pinoprotektahan din nila ang sarili nila: ang mga mambabatas na benepisyaryo, enabler, o tahimik na kasabwat sa naglalakihang pagnanakaw sa pondo ng bayan. Habang binabaha ang mga komunidad, binabaha rin ang kaban ng bayan ng kickback, pork insertions, overpricing, ghost projects, at sistematikong pandarambong. At ngayon, ang Kongreso ang nagsilbing kandado upang hindi mabuksan ang baho ng multi-bilyong anomalya, lalo na sa mga proyektong ipinapakaing “public service” tulad ng flood control at iba pang programang ginagawang negosyo ng mga pulitiko at kontratista.

Hindi na ito simpleng pagkukulang, ito ay kolektibong krimen. Sa pagbabasura ng reklamo, inilantad ng Kongreso ang tunay nitong mukha: hindi ito institusyon ng pananagutan kundi isang protection racket, isang samahan ng mga pulitikong handang yurakan ang Konstitusyon, lokohin ang mamamayan, at ibenta ang katotohanan kapalit ng sariling interes.

Ang Agham Youth UP Baguio ay mariin na itinatakwil ang huwad na “kaunlaran” na itinutulak ng rehimen at ng mga alipores nito sa Kongreso. Ang pondo para sa disaster preparedness, climate resilience, at serbisyong panlipunan ay ginagawang ATM ng iilan. Ang “development” nila ay development para sa kickback; ang “projects” nila ay proyekto ng pandaraya; ang “governance” nila ay pamamahala ng magnanakaw. Ito ang anti-siyensiya at anti-mamamayang mukha ng burukrata-kapitalismo: naghahari ang kasinungalingan, at pinapasan ng masa ang baha, gutom, taas-presyo, at kawalan ng serbisyo.

Ang mensahe ng desisyong ito ay malinaw at mapanganib: ang makapangyarihan ay nangingibabaw kaysa sa pananagutan; ang hustisya ay para lang sa mahihirap; at ang korapsyon ay puwedeng ibaon basta kontrolado ang proseso. Ngunit tandaan nila: hindi napapatay ang katotohanan sa isang mosyon, hindi nabubura ang galit ng mamamayan sa isang boto, at lalong hindi natatapos ang paniningil sa isang “dismissed” na reklamo.

Kung tumanggi ang Kongreso na panagutin ang ehekutibo, mas lalo lamang nitong ibinabalik ang hustisya sa lansangan: sa sama-samang pagkilos, sa militanteng pag-oorganisa, at sa tuloy-tuloy na paglalantad sa pandarambong ng rehimen. Ang mamamayan ang tunay na hukom, at ang kasaysayan ang tunay na sentensiya.

LAHAT NG SANGKOT, DAPAT MANAGOT!
MARCOS SR. AT MARCOS JR. WALANG PINAG-IBA!





Statement by: Becca Lucero
Pubmat by: Jared Licdan

30/01/2026

📣 ✨𝗠𝗔𝗞𝗘 𝗦𝗖𝗜𝗘𝗡𝗖𝗘 𝗔𝗡𝗗 𝗧𝗘𝗖𝗛𝗡𝗢𝗟𝗢𝗚𝗬 𝗦𝗘𝗥𝗩𝗘 𝗧𝗛𝗘 𝗣𝗘𝗢𝗣𝗟𝗘! ✨📣

Mainit na pagbati sa ating napakalamig na panahon, mga Iskolar ng Bayan! 🧑‍🔬👩‍💻🧪🧫🧬

Ang Agham ay dapat para sa masa, nagsisilbi sa sambayanan at nagtatanggol sa kalikasan, habang itinataguyod ang kinabukasang pantay at makatarungan. Patuloy pa rin natin ipinaglalaban na ang agham at teknolohiya ay hindi para sa tubo at interes ng iilan.

Kaya’t tara na at sama-sama nating pagyamanin ang kritikal na pag-iisip, paglinangin ang Agham at Teknolohiya para sa sambayanan, at palakasin ang kolektibong boses ng kabataan. 🧑‍🧒‍🧒 Inaanyayahan ka ng Agham Youth UP Baguio sa aming Mass Orientation.

📅: February 2, 2026 (Monday)
🕐: 1 PM
🏢: IB 105

Tara, mga Iskolar ng Bayan! ✊ Mag-register na sa link na ito:

https://forms.gle/uZRUV4devhzM3ZHb6
https://forms.gle/uZRUV4devhzM3ZHb6
https://forms.gle/uZRUV4devhzM3ZHb6

27/01/2026

𝗜𝗣𝗔𝗚𝗟𝗔𝗕𝗔𝗡 𝗔𝗡𝗚 𝗞𝗔𝗟𝗜𝗞𝗔𝗦𝗔𝗡! 𝗜𝗧𝗜𝗚𝗜𝗟 𝗔𝗡𝗚 𝗠𝗔𝗟𝗔𝗞𝗜𝗛𝗔𝗡𝗚 𝗣𝗔𝗚𝗠𝗜𝗠𝗜𝗡𝗔! 𝗛𝗨𝗦𝗧𝗜𝗦𝗬𝗔 𝗣𝗔𝗥𝗔 𝗦𝗔 𝗠𝗚𝗔 𝗧𝗔𝗚𝗔𝗣𝗔𝗚𝗧𝗔𝗡𝗚𝗚𝗢𝗟 𝗡𝗚 𝗟𝗨𝗣𝗔 𝗦𝗔 𝗗𝗨𝗣𝗔𝗫 𝗗𝗘𝗟 𝗡𝗢𝗥𝗧𝗘!

Nakikiisa ang AGHAM Youth UP Baguio sa mamamayan ng Bitnong, Dupax del Norte, Nueva Vizcaya sa kanilang matapang at kolektibong paglaban laban sa mapanirang operasyon ng malakihang pagmimina. Kinukundena namin ang marahas na pagbuwag sa people’s barricade at ang iligal at arbitraryong pag-aresto sa mga residente na mapayapang ipinagtatanggol ang kanilang lupaing ninuno at likas-yaman.

Ang pagpasok ng Woggle Corporation, isang dayuhang suportadong kumpanya na binigyan ng permit sa pagmimina at eksplorasyon sa libo-libong ektarya ng lupain, ay malinaw na banta hindi lamang sa kabuhayan ng komunidad kundi sa mismong ekolohiya ng lugar. Ang pagmimina ng ginto at tanso ay nagdudulot ng malawakang pagkakalbo ng kagubatan, polusyon sa mga ilog at bukal, pagguho ng lupa, at pagkasira ng biodiversity—mga pinsalang hindi na maibabalik at lalo pang nagpapalala sa krisis sa klima.

Ang tinatawag nilang “kaunlaran” ay panlilinlang. Sa halip, ito ay lantad na pandarambong sa kalikasan para sa tubo ng iilan.

Ang nangyayari sa Dupax ay hindi hiwalay na kaso. Ito ay bahagi ng mas malawak na padron ng malakihang pagmimina sa buong bansa lalo na sa Cordillera, kung saan matagal nang nararanasan ng mga komunidad ang mapaminsalang epekto ng pagmimina: mga landslide, pagbaha, pagkawasak ng kabundukan, at militarisasyon laban sa mga tumututol. Sa ngalan ng pagmimina, ang lupa ay winawasak, ang tubig ay nilalason, at ang mamamayan ay pinatatahimik.

Ang mga pag-aresto sa mga residente ng Dupax ay patunay ng pagsasanib ng interes ng korporasyon at estado—isang anyo ng burukrata kapitalismo, kung saan ginagamit ng mga opisyal ng gobyerno, pulis, at hukuman ang kanilang kapangyarihan upang ipagtanggol ang negosyo ng malalaking kumpanya kapalit ng tubo, pampulitikang interes, at dayuhang kontrol sa ating likas-yaman.

Sa halip na protektahan ang kalikasan at mamamayan, pinipili ng estado na maglingkod sa mga mapagsamantalang korporasyon. Ang tunay na krimen ay hindi ang pagtatayo ng barricade—kundi ang pagnanakaw sa lupa at pagkawasak sa kapaligiran.

Kami ay nananawagan para sa agarang paglaya ng lahat ng inarestong residente at tagapagtanggol ng lupa, itigil ang lahat ng nakasisirang operasyong pagmimina at eksplorasyon sa Dupax del Norte, wakasan ang militarisasyon at panunupil sa mga komunidad na lumalaban para sa kalikasan at panagutin ang mga korporasyon at opisyal ng gobyernong sangkot sa pandarambong sa likas-yaman.

Patuloy na nananawagan ang AGHAM Youth UP Baguio para sa isang maka-agham at makamasang pag-unlad na nakabatay sa balangkas ng pambansang industriyalisasyon, isang pag-unlad na tunay na nagsisilbi sa tao at kalikasan, hindi sa tubo ng mga dayuhan at dambuhalang korporasyon.

Kanselahin ang permit ng Woggle Mining Corporation! Ibabasura ang pasya ng RTC Branch 30! Daga, biag, kinabaknang, salakniban!





Statement by: Becca Lucero
Pubmat by: Deric Garrido