https://www.facebook.com/365301390234509/

UP Kalipunan ng Mag-aaral sa Kasaysayan

Home
Philippines
Baguio City
UP Kalipunan ng Mag-aaral sa Kasaysayan

Pang-akademikong organisasyon sa Unibersidad ng Pilipinas Baguio ng mga nagpapakadalubhasa at may interes sa pag-aaral ng Kasaysayan

Ang Malay o Kamalayan ay isang katangian ng kaisipan. Nangangahulugan ito ng pagiging gising, alisto, at tumutugon sa kapaligirang kinapapalooban. Kami, mga kasapi sa UP KAMALAYAN, ay naniniwala sa kahalagahan ng kasaysayan bilang gabay sa pagbabago ng lipunan. Kami ay may layuning ipakilala at palaguin ang kaalaman sa kasaysayan bilang pagsalamin sa diwa ng nasyonalismo at sa kakayahan ng bawat isa upang bigyang kritiko ang takbo ng lipunan.

21/08/2026

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆 𝐍𝐆 𝐔𝐏 𝐊𝐀𝐌𝐀𝐋𝐀𝐘𝐀𝐍 𝐍𝐆𝐀𝐘𝐎𝐍𝐆 𝐈𝐊𝐀-𝟐𝟏 𝐍𝐆 𝐀𝐆𝐎𝐒𝐓𝐎 𝟐𝟎𝟐𝟔, 𝐍𝐈𝐍𝐎𝐘 𝐀𝐐𝐔𝐈𝐍𝐎 𝐃𝐀𝐘

Ang bala na pumatay kay Benigno “Ninoy” Aquino Jr. ay hindi lamang isang malagim na trahedyang nagtapos sa buhay ng isang politiko. Bagkus, nararapat itong alalahanin sa pamamagitan ng pagsisiyasat sa mga politikal na puwersang nagbigay-daan sa pagpaslang sa kaniya sa tarmac ng Manila International Airport. Ito ay isang pangyayari na naglantad sa panganib na kinaharap ng mga tumindig at naging bahagi ng oposisyon sa ilalim ng rehimeng Marcos. Ang pag-aalala kay Ninoy nang walang sapat na pag-unawa sa konteksto ay ang paglimot sa sistemang nagtulak sa kaniyang pagkamatay.

Ang kaniyang pagkamatay ay hindi lamang isang nag-iisang kaso sa ilalim ng administrasyon ni Ferdinand Marcos Sr.— sa halip ito ay sumasalamin sa mas malawak na suliraning politikal ng Pilipinas kung saan ang mga oposisyon ay sinusupil, at ang takot ay naging bahagi ng pang-araw-araw na pamumuhay ng mga mamamayan. Ang pagtatangkang patahimikin ang boses ni Ninoy ay hindi nagtapos noong ika-21 ng Agosto 1983; bagkus ito ay gumising sa mga galit na Pilipino at isang bayan na sumisigaw para sa pagbabago.

Ang Ninoy Aquino Day ay hindi lamang isang simpleng pag-alaala sa kaniyang buhay at pagkamatay. Ito ay nananatiling paalala sa bayan kung ano ang maaaring mangyari kapag ang kapangyarihan ay hindi napapanagot, at ang sinumang kumukuwestiyon dito ay itinuturing na banta. Ginugunita natin siya hindi dahil hinihingi ng kasaysayan na magkaroon ng modernong bayani, kundi dahil ang kaniyang pagkamatay ay parte ng pakikibakang humubog sa kasaysayan ng Pilipinas.

Ang pag-aalala kay Ninoy Aquino Jr. ay nangangahulugan ding pag-alala sa mga Pilipinong namuhay at tumindig sa ilalim ng sistemang mapaniil ni Ferdinand Marcos Sr.

20/08/2026

Samahan ang UP Kamalayan sa pangalawang bahagi ng 𝗗𝗶𝗽𝗹𝗼-𝗞𝗮𝘀𝗮𝘆𝘀𝗮𝘆𝗮𝗻 𝗧𝗮𝗹𝗸𝘀 na pinamagatang “𝟭𝟵𝟯𝟳: 𝑻𝒉𝒆 𝒀𝒆𝒂𝒓 𝒐𝒇 𝑫𝒊𝒑𝒍𝒐𝒎𝒂𝒕𝒊𝒄 𝑩𝒆𝒈𝒊𝒏𝒏𝒊𝒏𝒈𝒔" ngayong Agosto 21, ganap na 1:30 PM sa Zoom, kasama si Manuel L. Quezon III bilang pangunahing tagapagsalita sa diskusyon.

Si Manuel L. Quezon III ay ang Executive Director ng Museo del Galeón, kung saan siya ay pangunahing nagbibigay-gabay sa direksyong pangkuratoryal ng museo. Bilang isang historyador, manunulat, at brodkaster, dala niya ang kaniyang karanasan at kaalaman sa pagtataguyod ng pampublikong kasaysayan at kulturang Pilipino. Sa pamamagitan ng kaniyang mga gawain, binibigyang-buhay ng Museo del Galeón ang mga kasaysayang hindi gaanong naisasalaysay at ipinapakita ang mahalagang papel ng Pilipinas sa malawak na kasaysayan ng pandaigdigang kalakalan at paglalayag.

Tatalakayin sa programang ito ang ugnayang diplomatiko sa ilalim ng administrasyon ng dating Pangulong Manuel L. Quezon, partikular sa konteksto ng pamamahalang Amerikano.

Huwag palampasin ang pagkakataong ito upang tuklasin ang mas malawak at mas malalim na mundo ng diplomasiya sa kasaysayan!

Maaaring magrehistro sa nakapaskil na QR Code o sa link:

https://tinyurl.com/UPKDiploKasaysayan2
https://tinyurl.com/UPKDiploKasaysayan2
https://tinyurl.com/UPKDiploKasaysayan2

-

𝗦𝘂𝗯𝗮𝘆𝗯𝗮𝘆𝗮𝗻 𝗽𝗮 𝗮𝗻𝗴 𝗶𝗯𝗮𝗻𝗴 𝗶𝗻𝗶𝗵𝗮𝗻𝗱𝗮𝗻𝗴 𝗮𝗸𝘁𝗶𝗯𝗶𝗱𝗮𝗱 𝗮𝘁 𝗽𝗼𝘀𝘁𝗶𝗻𝗴 𝗻𝗴 𝗨𝗣 𝗞𝗔𝗠𝗔𝗟𝗔𝗬𝗔𝗡 𝘂𝗸𝗼𝗹 𝘀𝗮 𝗶𝗺𝗽𝗹𝘂𝘄𝗲𝗻𝘀𝗶𝘆𝗮 𝗻𝗴 𝗺𝗶𝗴𝗿𝗮𝘀𝘆𝗼𝗻 𝗮𝘁 𝗱𝗶𝗽𝗹𝗼𝗺𝗮𝘀𝗶𝘆𝗮 𝘀𝗮 𝗮𝘁𝗶𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗮𝘁 𝗹𝗶𝗽𝘂𝗻𝗮𝗻 𝘀𝗮 𝗺𝗴𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗹𝗶𝗻𝗴𝗴𝗼.

18/08/2026

𝗠𝗔, 𝗔𝗡𝗢𝗡𝗚 𝗨𝗟𝗔𝗠? 👀

Hanap niyo ba ay masarap? 🤤 sulit? 💸 at nakakabusog? 😋

Kung oo ang sagot, ito na ang para sa inyo! 🤫 Muling nagbabalik ang pamilyar na sarap, handang busugin kayong lahat!

𝗢𝗳𝗳𝗶𝗰𝗶𝗮𝗹 𝗠𝗲𝗻𝘂 🍴
🍚 𝗖𝗵𝗮𝗼 𝗙𝗮𝗻 - 𝗣𝗵𝗽 𝟱𝟱!
🍚 𝗦𝗶𝗼𝗺𝗮𝗶 𝗖𝗵𝗮𝗼 𝗙𝗮𝗻 - 𝗣𝗵𝗽 𝟳𝟬!

Makisalo at magpakabusog sa CSS Courtyard ngayong Aug. 20! 🤩🍴

Kaya kung ang tanong mo ay “Ma, anong ulam?” 🤔🫵
Ang sagot: CHAO FAN! 🤩🍚

Kitakits! 🥳

14/08/2026

𝗬𝗼𝘂’𝘃𝗲 𝗚𝗼𝘁 𝗮 𝗧𝗼𝘂𝗿 𝗪𝗶𝘁𝗵 𝗠𝗲! 💫🖼

Yohoo! Dito ang TAOngin 👀 The Anthropology Organization is inviting you to take an adventure straight to Museo Kordilyera! 🚀🌑 Kung saan buhay ang loyalty ni Woody at ang heroic spirit ni Buzz Lightyear sa mga box of wonders ng UP Baguio!

Assemble, mga Iskolars! 🌻Allow the miracles of Andy’s room to fill your heart as you visit and take a look at the textiles, materials, and research tucked within the university’s very own Toy Chest. “The Collector’s Vault: Museo Kordilyera Tour” is TAO UPB’s collaboration with UP Kamalayan, kicking off on August 18, 2026 📆 in this academic year’s SokSayLubong.

Embark your adventure with stories of courage and wisdom from artifacts that have stood the test of time much like toys that never stop believing in the child who loves them. Just like Woody and Buzz, samahan niyo kaming pakinggan at makita ang mga kwento at artifact na sobrang worth mo pang malaman—mga kwentong buhay pa rin at nagsasalita tungkol sa mayaman at mistikal na kasaysayan ng Cordillera!

Kaya bago ka pa ma-”claimed” ng ibang plano this week, mag-register ka na! 📝

📍 Start your adventure here:
https://bit.ly/45YCKd6
https://bit.ly/45YCKd6
https://bit.ly/45YCKd6

✨ Just as Buzz once said, this is not flying — this is falling, with style, into discovery. So gear up, grab your fellows, and traverse this journey together. 💚

𝗧𝗼 𝗜𝗻𝗳𝗶𝗻𝗶𝘁𝘆, 𝗮𝗻𝗱 𝗕𝗲𝘆𝗼𝗻𝗱! 𝗜𝘀𝗸𝗼𝗹𝗮𝗿 𝗻𝗴 𝗕𝗮𝘆𝗮𝗻! 🚀

Caption by JC Cotino
Publication by Rae Campos

12/08/2026

Samahan ang UP Kamalayan sa unang bahagi ng 𝗗𝗶𝗽𝗹𝗼-𝗞𝗮𝘀𝗮𝘆𝘀𝗮𝘆𝗮𝗻 𝗧𝗮𝗹𝗸𝘀 na pinamagatang “𝑩𝒂𝒕𝒕𝒍𝒆𝒇𝒊𝒆𝒍𝒅 𝑫𝒆𝒎𝒐𝒄𝒓𝒂𝒄𝒚 𝒐𝒏 𝒕𝒉𝒆 𝑺𝒆𝒗𝒆𝒏 𝒀𝒆𝒂𝒓𝒔' 𝑾𝒂𝒓" ngayong Agosto 14 sa Zoom ng 10:30 AM, kasama si Kristie Patricia Flannery bilang pangunahing tagapagsalita sa diskusyon.

Si Kristie Patricia Flannery ay isang historyador na nakatuon sa pag-aaral ng Imperyong Espanyol, Pasipiko, at sinaunang daigdig. Siya ay kasalukuyang Research Fellow sa Institute for Humanities and Social Sciences ng Australian Catholic University. Isa sa kaniyang mga akda ay ang “Battlefield Diplomacy and Empire-building in the Indo-Pacific World during the Seven Years’ War,” kung saan tinatalakay kung paano naging bahagi ng kasaysayan noong ika-18 siglo ang diplomasiyang hindi lamang nakakulong sa ugnayan ng mga estado, kundi maging sa negosasyon ng mga awtoridad ng imperyo at mga sundalo.

Huwag palampasin ang pagkakataong ito upang tuklasin ang mas malawak at mas malalim na mundo ng diplomasiya sa kasaysayan!

Maaaring magrehistro sa nakapaskil na QR Code o sa link:
https://tinyurl.com/UPKDiploKasaysayan1
https://tinyurl.com/UPKDiploKasaysayan1
https://tinyurl.com/UPKDiploKasaysayan1

-

𝗦𝘂𝗯𝗮𝘆𝗯𝗮𝘆𝗮𝗻 𝗽𝗮 𝗮𝗻𝗴 𝗶𝗯𝗮𝗻𝗴 𝗶𝗻𝗶𝗵𝗮𝗻𝗱𝗮𝗻𝗴 𝗮𝗸𝘁𝗶𝗯𝗶𝗱𝗮𝗱 𝗮𝘁 𝗽𝗼𝘀𝘁𝗶𝗻𝗴 𝗻𝗴 𝗨𝗣 𝗞𝗔𝗠𝗔𝗟𝗔𝗬𝗔𝗡 𝘂𝗸𝗼𝗹 𝘀𝗮 𝗶𝗺𝗽𝗹𝘂𝘄𝗲𝗻𝘀𝗶𝘆𝗮 𝗻𝗴 𝗺𝗶𝗴𝗿𝗮𝘀𝘆𝗼𝗻 𝗮𝘁 𝗱𝗶𝗽𝗹𝗼𝗺𝗮𝘀𝗶𝘆𝗮 𝘀𝗮 𝗮𝘁𝗶𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗮𝘁 𝗹𝗶𝗽𝘂𝗻𝗮𝗻 𝘀𝗮 𝗺𝗴𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗹𝗶𝗻𝗴𝗴𝗼.

12/08/2026

𝐇𝐈𝐒𝐓𝐎𝐑𝐘 𝐌𝐎𝐍𝐓𝐇 𝐂𝐄𝐋𝐄𝐁𝐑𝐀𝐓𝐈𝐎𝐍 𝟐𝟎𝟐𝟔: 𝑫𝑰𝑷𝑳𝑶-𝑲𝑨𝑺𝑨𝒀𝑺𝑨𝒀𝑨𝑵 𝑻𝑨𝑳𝑲𝑺

Inihahandog ng UP KAMALAYAN ang Diplo-Kasaysayan Talks bilang bahagi ng pagdiriwang ng Buwan ng Kasaysayan ngayong Agosto.

Ang 𝗗𝗶𝗽𝗹𝗼-𝗞𝗮𝘀𝗮𝘆𝘀𝗮𝘆𝗮𝗻 𝗧𝗮𝗹𝗸𝘀 ay isang serye ng mga pang-akademikong diskusyon na iikot sa usapin ng diplomasiya sa iba't ibang bahagi ng kasaysayan ng Pilipinas. Tatalakayin dito ang mga usaping diplomatiko na umiral sa gitna ng mga kolonyal, post-kolonyal, at lokal na salaysay na nagsisilbing mga batis sa pag-aaral ng kasaysayan ng bansa.

Abangan sa mga susunod na araw ang mga detalye tungkol sa bawat lektura, kabilang ang registration form, oras, at lugar ng pagdarausan. Ang mga lektura ay libre at bukas sa lahat ng interesadong makinig, ngunit limitado ang bilang ng mga kalahok na maaaring tanggapin.

Huwag palampasin ang mga susunod na anunsyo!

–

𝗦𝘂𝗯𝗮𝘆𝗯𝗮𝘆𝗮𝗻 𝗽𝗮 𝗮𝗻𝗴 𝗶𝗯𝗮𝗻𝗴 𝗶𝗻𝗶𝗵𝗮𝗻𝗱𝗮𝗻𝗴 𝗮𝗸𝘁𝗶𝗯𝗶𝗱𝗮𝗱 𝗮𝘁 𝗽𝗼𝘀𝘁𝗶𝗻𝗴 𝗻𝗴 𝗨𝗣 𝗞𝗔𝗠𝗔𝗟𝗔𝗬𝗔𝗡 𝘂𝗸𝗼𝗹 𝘀𝗮 𝗶𝗺𝗽𝗹𝘂𝘄𝗲𝗻𝘀𝗶𝘆𝗮 𝗻𝗴 𝗺𝗶𝗴𝗿𝗮𝘀𝘆𝗼𝗻 𝗮𝘁 𝗱𝗶𝗽𝗹𝗼𝗺𝗮𝘀𝗶𝘆𝗮 𝘀𝗮 𝗮𝘁𝗶𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗮𝘁 𝗹𝗶𝗽𝘂𝗻𝗮𝗻 𝘀𝗮 𝗺𝗴𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗹𝗶𝗻𝗴𝗴𝗼.

08/08/2026

𝐃𝐢𝐩𝐥𝐨𝐦𝐚𝐬𝐢𝐲𝐚 𝐛𝐢𝐥𝐚𝐧𝐠 𝐃𝐚𝐚𝐧 𝐬𝐚 𝐃𝐚𝐥𝐨𝐲 𝐧𝐠 𝐌𝐢𝐠𝐫𝐚𝐬𝐲𝐨𝐧

Sa kasaysayan, mababakas ang makabuluhang papel ng diplomasiya sa paglinang ng ugnayan sa pagitan ng mga lipunan at estado sa iba’t ibang panahon. Ang konsepto ng diplomasiya ay nagmula sa sinaunang Gresya at Roma, ngunit maaari itong maugat nang magsimula ang mga kabihasnan sa iba't ibang parte ng mundo. Nagsimulang umiral ang konseptong ito nang mabuo ang iba’t ibang pamayanan at pangkat ng mga tao—at nag-udyok sa pangangailangang makipag-ugnayan sa isa’t isa.

Sa pagdaan ng panahon, nagsilbi ang diplomasiya bilang pangunahing daluyan ng personal na interes, paglinang ng ugnayang kalakalan o hanapbuhay, at pagbuo ng mga kasunduan sa pagitan ng mga estado—hindi naiiba ang Pilipinas sa usaping ito. Isa sa kongkretong halimbawa ng mahalagang papel ng diplomasiya sa kasaysayan ng Pilipinas ay ang naging kontribusyon ni Felipe Agoncillo. Siya ang kauna-unahang kinatawang diplomatiko ng Pilipinas, at nagsikap na isulong ang internasyonal na pagkilala sa kasarinlan ng Pilipinas sa pamamagitan ng pagharap sa mga banyagang bansa.

Ang diplomasiya ay isang mekanismo na nagpapalawak sa ugnayang pampulitika, pang-ekonomiya, at pangkultura ng isang estado. Bunsod ng mga desisyon at kasunduang diplomatiko, ito ay nagbubukas ng mga kondisyong nag-iimpluwensiya sa paggalaw ng mga tao. Dahil dito, malinaw na may sentral na papel ang diplomasiya sa paghubog ng mga migrasyon sa kasaysayan, sapilitan man o boluntaryo.

Sa pag-aaral ng diplomasiya, hindi lamang nararapat na suriin ito bilang isang dimensyon. Bagkus, mahalaga na siyasatin ang ibang prosesong pangkasaysayan, katulad ng migrasyon sa lente ng diplomasiya—partikular sa pagsusuri ng mga proseso at desisyong diplomatiko na nagsilbing ugat ng paggalaw ng mga tao.

—

𝗔𝗯𝗮𝗻𝗴𝗮𝗻 𝗮𝗻𝗴 𝗺𝗴𝗮 𝗶𝗻𝗶𝗵𝗮𝗻𝗱𝗮𝗻𝗴 𝗮𝗸𝘁𝗶𝗯𝗶𝗱𝗮𝗱 𝗮𝘁 𝗽𝗼𝘀𝘁𝗶𝗻𝗴 𝗻𝗴 𝗨𝗣 𝗞𝗔𝗠𝗔𝗟𝗔𝗬𝗔𝗡 𝘂𝗸𝗼𝗹 𝘀𝗮 𝗶𝗺𝗽𝗹𝘂𝘄𝗲𝗻𝘀𝗶𝘆𝗮 𝗻𝗴 𝗺𝗶𝗴𝗿𝗮𝘀𝘆𝗼𝗻 𝗮𝘁 𝗱𝗶𝗽𝗹𝗼𝗺𝗮𝘀𝗶𝘆𝗮 𝘀𝗮 𝗮𝘁𝗶𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗮𝘁 𝗹𝗶𝗽𝘂𝗻𝗮𝗻 𝘀𝗮 𝗺𝗴𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗹𝗶𝗻𝗴𝗴𝗼.

Mga Batis:

Bohnet, H., Zardo, F., Binder, C., Dalkiran, M., Günay, C., Pisoiu, D., Dzihic, V., & Reichelt, S. (2024). The Impact of Migration on International Relations: Power Relations, Security, and Migration Diplomacy Reexamined. UK & Austria: University of Continuing Education Krems (UWK) and the Austrian Institute for International Affairs.

Elechi, L.O. (2022). The Origin, History and Theory of Diplomacy. Special Issue on Contemporary Laws & Diplomacy, 10(1), 42-54.

Takagi, Y. (2021). The nexus of nationalism and internationalism: the journey of a “diplomat” after the galleons. Philippine Review of Economics, 57(2), 49-68.

Tamene, G. (2004). The international relations of diplomacy. Slovenská politologická r***e, 44-86.

01/07/2026

𝐈𝐒𝐀𝐍𝐆 𝐓𝐀𝐀𝐒-𝐊𝐀𝐌𝐀𝐎𝐍𝐆 𝐏𝐀𝐆𝐁𝐀𝐓𝐈 𝐀𝐓 𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐆𝐀 𝐍𝐀𝐆𝐒𝐈𝐏𝐀𝐆𝐓𝐀𝐏𝐎𝐒 𝐍𝐆𝐀𝐘𝐎𝐍𝐆 𝟐𝟎𝟐𝟔! 🌻

Nakikiisa ang UP Kamalayan sa pagdiriwang at pagkilala sa matagumpay na pagtatapos ng aming mga kapwa miyembro ngayong taong 2026.

Taos-pusong hangad ng organisasyon ang inyong patuloy na pagyakap sa mga aral at prinsipyong nahubog mula sa loob ng organisasyon. Nawa’y patuloy na magsilbing gabay at inspirasyon ang UP Kamalayan tungo sa inyong mga mithiin sa buhay.

Malugod naming kinikilala at pinasasalamatan ang inyong makabuluhang ambag, natatanging dedikasyon, at hindi matatawarang paglilingkod sa UP Kamalayan. Padayon, Batch 2026!

𝙈𝙖𝙥𝙖𝙣𝙜𝙖𝙣𝙞𝙗 𝙖𝙣𝙜 𝙥𝙖𝙜𝙡𝙞𝙢𝙤𝙩.
𝘼𝙣𝙜 𝙥𝙖𝙜-𝙖𝙡𝙖𝙡𝙖 𝙖𝙮 𝙥𝙖𝙜𝙠𝙞𝙡𝙤𝙨.

25/06/2026

𝐔𝐏 𝐊𝐚𝐦𝐚𝐥𝐚𝐲𝐚𝐧 𝐒𝐞𝐧𝐝-𝐎𝐟𝐟 𝟐𝟎𝟐𝟔🌻

Noong Hunyo 19, nagtipon ang mga magsisipagtapos at iba pang miyembro ng UP Kamalayan sa CSS AVR upang gunitain ang matagumpay na pagtatapos ng isang makabuluhang kabanata ng kanilang buhay sa pamantasan. Ang selebrasyong ito ay nagsilbing daan upang balikan ang mga alaala at kuwentong hinubog ng panahon, kung saan ang mga hamon ay naging pundasyon ng kanilang katatagan, at ang tagumpay ay bunga ng kanilang masigasig na pagsusumikap sa loob ng unibersidad at ng organisasyon.

Narito ang UP Kamalayan bilang kasama sa pagdiriwang ng isang mahalagang yugto ng inyong buhay. Nawa’y magsilbi itong paalala na ang inyong kontribusyon, alaala, at kuwentong sama-samang binuo ay mananatiling bahagi ng UP Kamalayan. Buong-pusong hangad ng organisasyon ang inyong tagumpay sa mga landas na inyong tatahakin sa hinaharap.

Mapanganib ang paglimot.
Ang pag-alala ay pagkilos.

12/06/2026

𝗢𝗣𝗜𝗦𝗬𝗔𝗟 𝗡𝗔 𝗣𝗔𝗛𝗔𝗬𝗔𝗚 𝗔𝗧 𝗠𝗘𝗡𝗦𝗔𝗛𝗘 𝗡𝗚 𝗨𝗣 𝗞𝗔𝗠𝗔𝗟𝗔𝗬𝗔𝗡 𝗦𝗔 𝗜𝗞𝗔-𝟭𝟮𝟴 𝗡𝗔 𝗣𝗔𝗚𝗗𝗜𝗥𝗜𝗪𝗔𝗡𝗚 𝗡𝗚 𝗔𝗥𝗔𝗪 𝗡𝗚 𝗞𝗔𝗟𝗔𝗬𝗔𝗔𝗡 | 𝟭𝟮 𝗛𝗨𝗡𝗬𝗢 𝟮𝟬𝟮𝟲

Unang nasilayan at naibunyag ang opisyal na watawat ng Pilipinas noong ika-28 ng Mayo taong 1898, bilang simbolo ng tagumpay na nakamit ng mga Pilipinong rebolusyonaryo laban sa mga Kastila sa Laban ng Alapan. Ito ang unang araw kung saan nasilayan ang watawat na sumasalamin sa determinasyon ng Pilipinas bilang isang bayang handa nang kumawala sa gapos ng tanikalang kinokontrol ng dayuhan at humarap sa kinabukasan na may sariling pagkakakilanlan. Ang watawat na nagdadala at umaalala sa lahat ng dugo at buhay na ibinuwis—bawat hibla nito ay isang pangako ng bawat pusong Pilipinong lumalaban para sa kasarinlan ng minamahal na bansang Pilipinas.

Makalipas ang dalawang linggo, ika-12 ng Hunyo sa kaparehong taon, mula sa bintana ng bahay ni Heneral Emilio Aguinaldo sa Kawit, Cavite, ay opisyal na idineklara ang kasarinlan ng Pilipinas—kasarinlan na malayo sa inakala ng mga Pilipino na magbabalik sa komportableng buhay, tahimik, payapa, at malayo sa karahasan. Dahil ang araw kung kailan nagkaroon ng kasarinlan ang bansang Pilipinas ay ang araw din kung kailan nagsimula ang mas malalim na pakikipaglaban ng mga Pilipino. Dahil ang nangyaring pagwagayway sa watawat ng Pilipinas ay hindi tanda ng pagtatapos ng digmaan, bagkus naging daan ito upang mabunyag ang katotohanang ang kalayaan ay hindi isang estado ng bansa, kundi isang prosesong walang katapusan.

Sa pagkatatag ng Unang Republika ng Pilipinas sa gabay ng Konstitusyon ng Malolos, naitampok ang bansa bilang kauna-unahang demokratikong republika sa buong Asya, isang makasaysayang patunay na ang mga Pilipino ay may kakayahang mamuno sa kanilang sarili. Higit pa sa simbolo, ang Konstitusyon ng Malolos ay nagtatag ng isang lipunang may hiwalay na kapangyarihan ng simbahan at ng estado, nagbibigay-karapatan sa mamamayan, at nagpapatunay na ang husay at dunong ng bawat Pilipino ay hindi nangangailangan ng pagkilala mula sa sinumang dayuhan. Sapat na ang sinimulang rebolusyon ng Katipunan at ang patuloy na pakikibakang isinasagawa sa kasalukuyan upang patunayan na ang mga Pilipino ay may sariling pagpapasya at hindi nakadepende sa mga imperyalistang dayuhan.

Ang paggunita sa ika-12 ng Hunyo ay hindi isang seremonya ng nostalgia o pag-alala. Ito ay aktibong pagtitibay ng pangakong isinabuhay at sinumpaan ng mga rebolusyonaryong Pilipino—na ang kalayaan ng bawat Pilipino ay hindi makukumpleto hangga't nananatiling buhay ang kahirapan, ang pagsupil, at ang katahimikan na ipinapataw sa mga nangangahas magsalita. At hangga't nananatili ang mga katotohanang ito, nananatili ring buhay ang tungkulin ng bawat Pilipino na maging kritikal at patuloy na kumilos at umaksyon.

Kaya naman, bilang isang pang-akademikong organisasyon ng mga mag-aaral ng kasaysayan, kaisa ang Kalipunan sa pagdiriwang ng ika-128 na pagdiriwang ng Araw ng Kalayaan. Bukod rito, bilang organisasyong naglalayon na gawing mas malawak ang pag-aaral at pag-unawa sa kasaysayan, patuloy na sinasalamin ng UP KAMALAYAN ang mga katanungang: 𝗽𝗮𝗿𝗮 𝗸𝗮𝗻𝗶𝗻𝗼 𝗻𝗴𝗮 𝗯𝗮 𝗻𝗮𝗸𝗮𝗺𝗶𝘁 𝗮𝗻𝗴 𝗸𝗮𝗹𝗮𝘆𝗮𝗮𝗻𝗴 𝗶𝘁𝗼 𝗻𝗴 𝗣𝗶𝗹𝗶𝗽𝗶𝗻𝗮𝘀? 𝗧𝘂𝗻𝗮𝘆 𝗻𝗴𝗮 𝗯𝗮𝗻𝗴 𝗽𝗮𝗿𝗮 𝗶𝘁𝗼 𝘀𝗮 𝗹𝗮𝗵𝗮𝘁 𝗻𝗴 𝗣𝗶𝗹𝗶𝗽𝗶𝗻𝗼? 𝗞𝘂𝗻𝗴 𝗴𝗮𝗻𝗼’𝗼𝗻 𝗻𝗴𝗮 𝗮𝗻𝗴 𝘁𝗼𝘁𝗼𝗼, 𝗯𝗮𝗸𝗶𝘁 𝗵𝗮𝗻𝗴𝗴𝗮𝗻𝗴 𝗻𝗴𝗮𝘆𝗼𝗻 𝗮𝘆 𝗻𝗮𝗻𝗮𝗻𝗮𝘁𝗶𝗹𝗶𝗻𝗴 𝗯𝘂𝗵𝗮𝘆 𝗮𝗻𝗴 𝗱𝗶𝘄𝗮𝗻𝗴 𝗸𝗼𝗹𝗼𝗻𝘆𝗮𝗹𝗶𝘀𝗺𝗼 𝘀𝗮 𝗮𝘁𝗶𝗻𝗴 𝗺𝗴𝗮 𝗶𝘀𝘁𝗿𝘂𝗸𝘁𝘂𝗿𝗮, 𝘀𝗮 𝗮𝘁𝗶𝗻𝗴 𝗺𝗴𝗮 𝗶𝗻𝘀𝘁𝗶𝘁𝘂𝘀𝘆𝗼𝗻, 𝗮𝘁 𝘀𝗮 𝗮𝘁𝗶𝗻𝗴 𝘀𝗮𝗿𝗶𝗹𝗶𝗻𝗴 𝗸𝗮𝗺𝗮𝗹𝗮𝘆𝗮𝗻?

Address

College Of Social Sciences, University Of The Philippines Baguio
Baguio City
2600

Website

facebook.com

Alerts

Be the first to know and let us send you an email when UP Kalipunan ng Mag-aaral sa Kasaysayan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to UP Kalipunan ng Mag-aaral sa Kasaysayan:

Want your organization to be the top-listed Non Profit Organization in Baguio City?

UP Kalipunan ng Mag-aaral sa Kasaysayan

21/08/2026

20/08/2026

18/08/2026

14/08/2026

12/08/2026

12/08/2026

08/08/2026

01/07/2026

25/06/2026

12/06/2026

Address

Website

Alerts

Contact The Organization

Shortcuts

Share

Category

Listing takedown request