02/05/2026
๐จ๐ฅ๐๐ก๐ ๐ ๐๐ก๐๐๐๐๐๐ช๐, ๐๐จ๐๐๐ข๐ก๐ ๐ ๐๐ฃ๐๐๐ฃ๐๐๐๐ฌ๐!
๐๐๐๐๐๐๐๐๐๐ก๐ ๐๐ก๐๐๐ฃ๐๐ช๐๐ฆ, ๐ฆ๐๐ก๐๐๐๐๐ก ๐ก๐ ๐๐๐ฌ๐๐ก, ๐๐๐ฆ๐๐ ๐ ๐ฆ๐ ๐ฃ๐๐๐๐๐๐๐ก! โ๐ป
Mula Baguio Convention Center hanggang Igorot Park, umalingawngaw ngayong Mayo Uno ang sama-samang panawagan ng uring manggagawa, kabataan, kababaihan, at ibaโt ibang batayang sektor laban sa lumalalang kahirapan, mababang sahod, at patuloy na pagsasamantala sa lakas paggawa ng mamamayan. Kasama sa hanay ang Innabuyog Gabriela Youth - SLU, bitbit ang paninindigang ang laban ng manggagawa ay hindi hiwalay sa laban ng kababaihang anakpawis, ng mga estudyanteng araw-araw tinatawid ang krisis sa edukasyon, at ng kabataang maagang itinutulak sa paggawa dahil sa kahirapan.
Habang patuloy ang pagtaas ng presyo ng langis at iba pang pangunahing bilihin, ang mga ina, manggagawang babae, at kabataang kababaihan ang unang sumasalo ng bigat ng krisis. Higit pa rito, sa gitna ng tumitinding pasanin ng mamamayan, nananatili ang pagpataw ng 12% VAT at Excise Tax na lalo pang nagpapahirap sa danas ng sambayang Pilipino, habang ang rehimeng Marcos-Duterte at ang mga sangkot sa korapsyon ay patuloy na nagpapakasasa sa yaman ng bansa. Sa kabila nito, nananatiling mababa ang pasahod sa mga kababaihang manggagawa at anakpawis, na lalong nagpapatindi sa kanilang kahirapan at kawalan ng seguridad sa kabuhayan.
Sa ilalim ng sistemang pinapaboran ang imperyalista, pyudal, at burukrata kapitalistang interes, ang pawis ng uring manggagawa ang lumilikha ng yaman ngunit ang bunga nito ay patuloy na kinakaltas, kinakamkam, at inilalayo sa mga kamay ng mamamayan. Mababang pasahod, malawakang kontraktwalisasyon, kawalan ng lupa, at lumalalang presyo ng mga pangunahing bilihin ang konkretong mukha ng sistemang ito.
Kaya sa lansangan, kasama ng uring manggagawa, muli naming igigiit na ang paglaya ng kababaihan ay hindi hiwalay sa paglaya ng masang api. Hindi titigil ang masa hangga't hindi nanagot ang sangkot sa korapsyon, mga pahirap sa manggagawa, ang rehimeng Marcos-Duterte.
Hanggaโt may pagsasamantala, may kababaihang lalaban at hanggaโt may pang-aapi, may kabataang mag-oorganisa.
Kaya malinaw ang panawagan ng mga manggagawa, tanggalin ang 12% VAT at Excise Tax at ipatupad ang โฑ1,200 living wage upang matiyak ang nakabubuhay na sahod at disenteng trabaho para sa lahat.
Kababaihan, ang lugar mo ay sa pakikibaka!
Ang lugar natin ay nasa hanay ng sambayanang lumalaban!
