Innabuyog - Gabriela Youth SLU

02/09/2026

𝐌𝐀𝐁𝐔𝐇𝐀𝐘 𝐀𝐍𝐆 𝐁𝐀𝐑𝐈𝐊𝐀𝐃𝐀!
𝐓𝐔𝐓𝐔𝐋𝐀𝐍 𝐀𝐍𝐆 𝐏𝐀𝐆𝐌𝐈𝐌𝐈𝐍𝐀 𝐒𝐀 𝐍𝐔𝐄𝐕𝐀 𝐕𝐈𝐙𝐂𝐀𝐘𝐀!

Sa sagradong lupa ng Nueva Vizcaya, walang tigil ang pananakop ng mga dayuhang kumpanya sa pagmimina na uhaw at patuloy na naghahangad ng libu-libong ektarya ng lupa sa Dupax del Norte at Kasibu. Mula Mayo 8, patuloy ang pakikibaka ng mga magsasaka at katutubo sa pagpasok ng mga krudo ng North Luzon Mineral Resources Corporation (NLMRC). Subalit nitong ika-19 ng Agosto, dalawang lider ng Kasibu Intertribal Response for Ecological Develipment (KIRED) ang inaresto at 11 residente pa noong ika-28 ng Agosto ang inaresto ng pulisya habang nakatayo sa barikadang panangga.

Sa kabila ng pagsuspinde ng Mines and Geosciences Bureau (MGB) noong Pebrero 2026 sa permit ng Woggle Corporation, isang dayuhang kumpanya, dahil sa matinding pagtutol ng mamamayan, hawak pa rin nila ang pahintulot ng Department of Environment and Natural Resources (DENR). 𝙈𝙖𝙡𝙞𝙣𝙖𝙬 𝙣𝙖 𝙝𝙞𝙣𝙙𝙞 𝙣𝙖𝙠𝙞𝙠𝙞𝙣𝙞𝙜 𝙖𝙣𝙜 𝙖𝙝𝙚𝙣𝙨𝙮𝙖 𝙣𝙜 𝙜𝙤𝙗𝙮𝙚𝙧𝙣𝙤 𝙨𝙖 𝙩𝙞𝙣𝙞𝙜 𝙣𝙜 𝙩𝙖𝙪𝙢𝙗𝙖𝙮𝙖𝙣, bagkus, pinapalawig pa ang mga dambuhalang proyektong sumisira sa kalikasan, kabuhayan, at kinabukasan. Patuloy na hinahayaang manaig ang salapi ng mga dayuhan kaysa sa buhay ng kanilang nasasakupan at patuloy na inuuna ang interes ng mga dayuhang kapitalista kaysa sa ikabubuti ng masa.

Hindi lamang ito tungkol sa pagmimina kundi sa direktang paglapastangan, pagwawalang-bahala, at paggamit ng dahas laban sa taumbayang lumalaban para sa sariling tahanan. 𝘼𝙣𝙜 𝙥𝙪𝙡𝙞𝙨𝙮𝙖𝙣𝙜 𝙙𝙖𝙥𝙖𝙩 𝙥𝙞𝙣𝙖𝙜𝙨𝙞𝙨𝙞𝙡𝙗𝙞𝙝𝙖𝙣 𝙖𝙩 𝙥𝙞𝙣𝙤𝙥𝙧𝙤𝙩𝙚𝙠𝙩𝙖𝙝𝙖𝙣 𝙖𝙣𝙜 𝙢𝙖𝙨𝙖, 𝙨𝙞𝙡𝙖 𝙥𝙖 𝙖𝙣𝙜 𝙨𝙞𝙮𝙖𝙣𝙜 𝙣𝙖𝙠𝙖𝙙𝙖𝙧𝙖𝙜𝙙𝙖𝙜 𝙨𝙖 𝙥𝙖𝙨𝙖𝙠𝙞𝙩 𝙖𝙩 𝙠𝙖𝙝𝙞𝙧𝙖𝙥𝙖𝙣𝙜 𝙥𝙖𝙨𝙖𝙣 𝙣𝙜 𝙢𝙖𝙨𝙖𝙣𝙜 𝙖𝙣𝙖𝙠𝙥𝙖𝙬𝙞𝙨.

Hindi bago ang hirap at pang-aapi sa Kasibu. Mula noong 1994 nang pinirmahan ang Financial or Technical Assistance Agreement (FTAA) ng OceanaGold, at sinimulan ang komersyal na operasyon noong 2013, patuloy nitong inuubos ang yaman ng probinsya habang ang mga naninirahan ay nananatiling lugmok sa kahirapan. Ang ginto, mineral, at kalikasan ng Nueva Vizcaya ay pag-aari ng taumbayan na patuloy na winawaldas ng mga dayuhang kapitalista. Sa kanila ang yaman, sa atin ang wasak na lupa, lason na ilog, at nawalang kabuhayan. 𝙎𝙖 𝙠𝙖𝙣𝙞𝙡𝙖 𝙖𝙣𝙜 𝙥𝙖𝙠𝙞𝙣𝙖𝙗𝙖𝙣𝙜 𝙖𝙩 𝙨𝙖 𝙖𝙩𝙞𝙣 𝙖𝙣𝙜 𝙠𝙖𝙝𝙞𝙧𝙖𝙥𝙖𝙣.

Sa naganap na pag-aresto sa mga indibidwal na nagtatanggol ng kanilang pamayanan ay isang malinaw na manipestasyon ng pinagtitibay na burukrata-kapitalismo ang umaapi sa taumbayan. Mula sa DENR, MGB, at hanggang sa tanggapan ng Pangulo, ang nangunguna sa pagtatanggol sa mga dayuhang nais lamang lubusin ang pananamantala para sa sariling kita. Ang batas na nagtatanggol sana sa karapatan ng mamamayan ay tinatapakan, ikinukulong, pinatatahimik, at ginagamitan ng dahas. Binabali ang batas para paboran ang dambuhalang dayuhang kapitalista. 𝙎𝙖 𝙝𝙖𝙡𝙞𝙥 𝙣𝙖 𝙞𝙥𝙖𝙜𝙩𝙖𝙣𝙜𝙜𝙤𝙡 𝙖𝙣𝙜 𝙢𝙖𝙢𝙖𝙢𝙖𝙮𝙖𝙣 𝙖𝙮 𝙞𝙥𝙞𝙣𝙖𝙜𝙩𝙖𝙩𝙖𝙣𝙜𝙜𝙤𝙡 𝙠𝙪𝙣𝙜 𝙨𝙞𝙣𝙤 𝙖𝙣𝙜 𝙢𝙖𝙮𝙖𝙢𝙖𝙣.

𝙈𝙖𝙡𝙞𝙣𝙖𝙬 𝙣𝙖 𝙖𝙣𝙜 𝙚𝙨𝙩𝙖𝙙𝙤 𝙖𝙮 𝙝𝙞𝙣𝙙𝙞 𝙣𝙖𝙜𝙨𝙞𝙨𝙞𝙡𝙗𝙞 𝙨𝙖 𝙢𝙖𝙨𝙖, 𝙠𝙪𝙣𝙙𝙞 𝙥𝙖𝙧𝙖 𝙨𝙖 𝙢𝙜𝙖 𝙣𝙖𝙣𝙖𝙣𝙖𝙢𝙖𝙣𝙩𝙖𝙡𝙖 𝙣𝙞𝙩𝙤. Sapagkat, ang dapat kinikilala bilang lupang ninuno at sagradong espasyo, itinuturing bilang lugar na maaaring gamitin para sa panandaliang kita ng mga imperyalistang dayuhan at naghaharing uri.

Ang barikada sa Kasibu ay patunay sa patuloy na pananamantala hindi lamang sa pagmimina, kundi sa pangmalawakang kasakiman ng mga mapang-abusong nanunungkulan para sa kanilang sariling kapakanan.

Sa patuloy na kawalang-katarungang ito, hindi mananahimik ang mamamayan. Mariing kinokondena ang patuloy na pagmimina at pananamantala ng espasyo para sa interes ng malalaking negosyo at dayuhan. Mariing tinututulan ang “eksplorasyon” ng NLMRC na magdadala ng pagguho ng kabundukan at pagpapalayas sa mga katutubo mula sa lupang minana. Sapagkat hindi pag-unlad kundi pananakop at pananamantala ang mananaig. Hindi ito pagtutol sa pag-unlad, kundi sa huwad na pag-asenso na ang kapalit ay pagkasira lamang ng kalikasan para sa kanilang sariling pagkakakitaan.

Ilantad ang katotohanan: pasista ang ikinikilos ng pulisya, tahimik at walang ginagawa ang ahensya ng agrikultura, at patuloy na manaig ang mga imperyalista at burukrata-kapitalista! Dayuhan ang nagdidikta, dayuhan ang yumayaman. Habang tayo ay patuloy na lumalagapak sa putikan.

𝙏𝙪𝙢𝙞𝙩𝙞𝙣𝙙𝙞𝙜 𝙠𝙖𝙨𝙖𝙢𝙖 𝙣𝙜 𝙗𝙖𝙧𝙞𝙠𝙖𝙙𝙖 𝙖𝙣𝙜 𝙥𝙖𝙣𝙖𝙬𝙖𝙜𝙖𝙣 𝙣𝙜 𝙗𝙖𝙬𝙖𝙩 𝙞𝙨𝙖—ng bawat magsasaka, katutubo, kabataan, at mamamayang patuloy na lumalaban sa pang-aagaw at pandarambong sa yaman ng Nueva Vizcaya.

Ipaglaban ang lupa. Ipaglaban ang buhay. Ipaglaban ang kabuhayan.

𝘿𝙖𝙜𝙖, 𝙗𝙞𝙖𝙜, 𝙠𝙞𝙣𝙖𝙗𝙖𝙠𝙣𝙖𝙣𝙜, 𝙨𝙖𝙡𝙖𝙠𝙣𝙞𝙗𝙖𝙣!

31/08/2026

𝐌𝐀𝐁𝐔𝐇𝐀𝐘 𝐀𝐍𝐆 𝐌𝐆𝐀 𝐁𝐀𝐘𝐀𝐍𝐈 𝐍𝐆 𝐌𝐀𝐒𝐀!

Sa Araw ng mga Bayani, ang pinararangalan natin ay hindi lang ang mga pangalan sa aklat, kundi maging ang mga manggagawa, magsasaka, kababaihan, at kabataang Pilipino na tumitindig at nagbibigay-buhay sa lipunan.

Kasabay ng pagpapahirap, pang-aapi, at pagpapabaya ng sistema, sila pa rin ang lakas-loob na lumalaban sa kasakiman ng naghaharing uri. Ang mga nagpapatakbo ng ekonomiya—ang mga manggagawang hindi natatamasa ang makatarungang sahod sa kanilang paggawa, ang mga magsasakang nagtatanim ngunit hindi makakain, at ang kababaihan at kabataang tinatapakan ang karapatan at pasan-pasan ang bigat ng lipunan—bayanihan ang tanging daan tungo sa kalayaan at katarungang panlipunan.

Ang pagkilos at pakikibaka ay hindi pagpipilian, kundi isang tungkulin para sa kalayaan ng bawat uring pinagsamantalahan. 𝐁𝐚𝐰𝐚𝐭 𝐦𝐚𝐧𝐠𝐠𝐚𝐠𝐚𝐰𝐚, 𝐦𝐚𝐠𝐬𝐚𝐬𝐚𝐤𝐚, 𝐤𝐚𝐛𝐚𝐛𝐚𝐢𝐡𝐚𝐧, 𝐚𝐭 𝐤𝐚𝐛𝐚𝐭𝐚𝐚𝐧𝐠 𝐭𝐮𝐦𝐢𝐭𝐢𝐧𝐝𝐢𝐠 𝐤𝐨𝐧𝐭𝐫𝐚 𝐬𝐚 𝐭𝐚𝐭𝐥𝐨𝐧𝐠 𝐮𝐠𝐚𝐭 𝐧𝐠 𝐩𝐚𝐧𝐠-𝐚𝐚𝐩𝐢 𝐬𝐚 𝐥𝐢𝐩𝐮𝐧𝐚𝐧 𝐚𝐲 𝐚𝐧𝐠 𝐭𝐮𝐧𝐚𝐲 𝐧𝐚 𝐦𝐠𝐚 𝐛𝐚𝐲𝐚𝐧𝐢 𝐧𝐠 𝐛𝐚𝐲𝐚𝐧.

Kaya’t simula sa araw na ito, huwag tayong maging manonood sa sarili nating bayan. Ang tunay na kabayanihan ay hindi magmumula sa iilan—magmumula ito sa masang Pilipino na patuloy na nagpapagal at lumalaban.

Hangga’t hindi nabubuwag ang sistemang pilit umaapi sa taumbayan, tayo ang tatayong bayani ng bayan.

𝐓𝐀𝐀𝐒 𝐊𝐀𝐌𝐀𝐎𝐍𝐆 𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐆𝐀 𝐓𝐔𝐍𝐀𝐘 𝐍𝐀 𝐁𝐀𝐘𝐀𝐍𝐈 𝐍𝐆 𝐀𝐓𝐈𝐍𝐆 𝐁𝐀𝐘𝐀𝐍! ✊🏼

07/08/2026

𝑴𝒈𝒂 𝑳𝒖𝒘𝒊𝒔𝒚𝒂𝒏𝒐, 𝑴𝒂𝒌𝒊𝒊𝒔𝒂 𝒔𝒂 𝑭𝒊𝒓𝒔𝒕 𝑫𝒂𝒚 𝑭𝒊𝒈𝒉𝒕! ✊
🗓️AUG 10 | ⌚️12:30 PM | 📍SLU MAIN GATE

Sa gitna ng lumalalang krisis panlipunan at kaliwa’t kanang isyung kinakaharap ng sangkaestudyantehan sa pamantasan, lalong hayag ang danas at hinaing ng mga Luwisyano. Kaya naman, sa muli nating pagsalubong sa panibagong akademikong taon, nararapat lamang na harapin din natin ang panibagong yugto ng mga hamon sa loob at labas ng pamantasan.

Hindi na bago sa Unibersidad ng San Luis ang mga isyung patuloy na nagpapahirap sa mga estudyante. Mula sa paulit-ulit na problema sa enrollment, patuloy na pagtaas ng matrikula at iba pang bayarin, dagdag na gastusin sa mga bagong teknolohiya at aplikasyon, kakulangan sa maayos na pasilidad at iba pang imprastruktura, hanggang sa kakulangan ng sapat na kagamitang pang-edukasyon sa laboratoryo at iba pang praktikal na pagsasanay, lahat ng ito ay nananatiling danas pa rin ng nakararami. Higit pa rito, nakikita rin nating ang Rehimeng Marcos-Duterte, at ang lumalalang isyu ng korapsyon, ay pinalalala pa ang kalagayan ng malawakang krisis sa edukasyon bunga ng mga mapanupil at kontra-estudyanteng polisiya ng gobyerno. Taon-taon man ay nagbabago ang akademikong kalendaryo, ngunit malinaw na nananatili namang pare-pareho ang mga problemang kinahaharap ng mga estudyante.

Ngayon, higit kailanman, hindi tayo papayag sa patuloy na pananamantala at pagpapahirap sa sektor ng kabataan! Kaya naman, inaanyayahan namin ang bawat Luwisyano na lumabas sa kani-kanilang mga silid-aralan at makiisa sa pagtambol ng ating mga panawagan.

Sama-sama nating ipaglaban ang isang 𝘱𝘢𝘮𝘣𝘢𝘯𝘴𝘢, 𝘴𝘪𝘺𝘦𝘯𝘵𝘪𝘱𝘪𝘬𝘰, 𝘢𝘵 𝘮𝘢𝘬𝘢-𝘮𝘢𝘴𝘢𝘯𝘨 𝘦𝘥𝘶𝘬𝘢𝘴𝘺𝘰𝘯!

Buong tapang at lakas nating salubungin ang panibagong akademikong taon. 𝑳𝒖𝒘𝒊𝒔𝒚𝒂𝒏𝒐, 𝒕𝒖𝒍𝒐𝒚 𝒂𝒏𝒈 𝒍𝒂𝒃𝒂𝒏!



SLU Supreme Student Council
SLU KASAMA/SSC-School of Nursing, Allied Health, and Biological Sciences
SLU SSC SEA Assembly
SLU KASAMA/SSC SAMCIS Assembly
SLU SSC - STELA Assembly
SLU Congress of Louisians
SLU Commission on Elections
DASIG SLU
REPORMA-ACS
𝐑𝐈𝐆𝐇𝐓𝐒-𝐒𝐋𝐔
𝐒𝐄𝐀𝐏𝐀𝐆
STELA Mentors' Guild
Prime Movers Society - JSWAP SLU Chapter
SLU Political Science Academic Society
The Apothecaries' Society
Saint Louis University Debate Society
Anakbayan Saint Louis University
Innabuyog - Gabriela Youth SLU
Bahaghari SLU

07/08/2026

𝐁𝐀𝐁𝐀𝐄, 𝐀𝐍𝐆 𝐋𝐔𝐆𝐀𝐑 𝐌𝐎 𝐀𝐘 𝐒𝐀 𝐏𝐀𝐊𝐈𝐊𝐈𝐁𝐀𝐊𝐀!

Maging bahagi ng isang pambansang-demokratikong rebolusyon na isinusulong ang karapatan, kasarinlan, at laban ng kababaihan.

Inaanyayahan ng 𝐈𝐧𝐧𝐚𝐛𝐮𝐲𝐨𝐠 - 𝐆𝐚𝐛𝐫𝐢𝐞𝐥𝐚 𝐘𝐨𝐮𝐭𝐡 (𝐈𝐆𝐘) 𝐒𝐋𝐔 ang mga kabataang kababaihan na nagnanais magpalalim ng kaalaman at pag-unawa sa kalagayan ng kababaihan at ng lipunan para mabigyang linaw sa mga isyung kinakaharap ng kababaihan at ang kaugnayan nito sa mas malawak na kalagayang panlipunan.

Magkita-kita tayo sa 𝐀𝐮𝐠𝐮𝐬𝐭 𝟕, 𝟐𝟎𝟐𝟔 at 𝐀𝐮𝐠𝐮𝐬𝐭 𝟏𝟒, 𝟐𝟎𝟐𝟔, at sumali sa 𝐌𝐚𝐬𝐬 𝐎𝐫𝐢𝐞𝐧𝐭𝐚𝐭𝐢𝐨𝐧 𝐠𝐫𝐨𝐮𝐩 𝐜𝐡𝐚𝐭 para sa iba pang detalye:

https://bit.ly/IGY2026
https://bit.ly/IGY2026
https://bit.ly/IGY2026

Lumahok sa mga pag-aaral, mga protesta, at iba pang mga kolektibong pagkilos para sa hustisyang panlipunan at pagkakapantay-pantay.

Makiisa. Mag-organisa. Makibaka.

Dahil ang laban ng kababaihan ay laban ng buong sambayanan! ✊🏻

31/07/2026

𝗔𝗻𝗴 𝗽𝗮𝗻𝗴𝗮𝗸𝗼𝗻𝗴 "𝗽𝗮𝗻𝘀𝗮𝗺𝗮𝗻𝘁𝗮𝗹𝗮" 𝗮𝘆 𝘁𝗶𝗹𝗮 𝗻𝗮𝗴𝗶𝗻𝗴 𝗽𝗮𝗻𝗮𝗻𝗮𝗺𝗮𝗻𝘁𝗮𝗹𝗮.

Sa kasagsagan ng pandemya, taong 2020, ang sinabing “pansamantalang lunas” sa gitna ng pandemya ay naging pangmatagalang pasakit sa mga katutubong Aeta Ambala ng Sitio Tibag, Barangay Naugsol, Subic Zambales, nang gawing tambakan ng toneladang dumi ang lupang kinalalagyan ng kanilang tahanan at kabuhayan. Ang pangakong “pansamantala” ay tila naging pananamantala— pananamantala ng kapangyarihan ng mga opisyal ng Subic na hindi para maglingkod, kundi para makipagsabwatan, magpalusot, at protektahan ang pansariling kapakanan. Pilit binabalewala ang hinaing ng bayan habang ginagawang pagkakakitaan at kasangkapan ang kapangyarihan para sa katiwalian.

Ang lupaing sagana sa buhay at nagsilbing pinagkukunan ng kabuhayan ay lantarang ginawang tambakan ng kapabayaan. Sa halip na kilalanin bilang lupang ninuno at sagradong espasyo, itinuring ito bilang lugar na maaaring isakripisyo para sa panandaliang kaginhawaan ng mga nananamantala. Ang pinipilit na “maayos,” “walang amoy,” at “hindi nakaaapekto” ng tinambakang lupa ay hindi lamang pagtanggi sa nararanasang reyalidad ng mga residente, kundi isang anyo ng pagbubura sa kanilang tinig at karanasan.

Ang pagkasira ng kanilang kapaligiran, pagdumi ng pinagkukunan ng tubig, paglaganap ng sakit, at pagkawala ng kabuhayan ay nagbunsod ng unti-unting pagpapaalis sa mga Aeta sa kanilang sariling lupang ninuno. Bagama’t walang hayagang dahas, ang pagkakait sa kanilang ligtas na pamumuhay ay isang anyo ng sapilitang pagpapatalsik at paglabag sa kanilang kolektibong karapatan bilang mga katutubo.

Malinaw na isang manipestasyon ito ng burukrata kapitalismo, kung saan ang estado ay nagsisilbi hindi sa masang mamamayan kundi sa naghaharing uri at sa kanilang mga imperyalista at malalaking burgesyang kasabwat. Sa halip na ipagtanggol ang karapatan sa sariling pagpapasya at ang lupang ninuno ng mga katutubo, ginagamit ang kapangyarihan ng estado bilang instrumento upang ipatupad ang mga mapanirang proyekto ng pagmimina, komersyalisasyon, at iba pang anyo ng pandarambong na nagbubunsod ng dislokasyon at lalong pagsasamantala sa kanilang mga pamayanan. Ang sistematikong pagwawalang-bahala sa kanilang mga ulat, hinaing, at lehitimong paglaban ay lantad na patunay na ang umiiral na estado ay nagsisilbi sa interes ng iilan. Sa pamamagitan ng mapanupil na burukrasya at kontrol sa mga institusyon, binabaluktot ang katotohanan, pinatatahimik ang pagtutol ng mamamayan, at ginagawang katanggap-tanggap ang hayagang pang-aapi at kawalang-katarungan.

Higit pa rito, ating inilalantad ang papel ng imperyalismo sa pagpapatuloy ng pambansang pang-aapi laban sa mga katutubo. Ang marginalisasyon ng mga pambansang minorya ay hindi lamang natatanging karanasan sa Pilipinas, kundi bahagi ng mas malawak na padron ng pandaigdigang pagsasamantala kung saan ang mga katutubong mamamayan sa iba’t ibang sulok ng mundo ay sistematikong inaagawan ng kanilang lupang ninuno, kabuhayan, at karapatang magpasya para sa kanilang sariling pamayanan. Nakaugat ito sa imperyalistang pananaw na itinuturing ang kanilang mga lupain bilang mga rekurso para sa tubo at akumulasyon ng kapital, sa halip na kilalanin ang mga ito bilang saligan ng kanilang kultura, kasaysayan, at kolektibong pag-iral. Sa ganitong kalagayan, ang pakikibaka ng mga pambansang minorya ay hindi lamang paglaban sa lokal na pang-aagaw ng lupa, kundi bahagi rin ng mas malawakang pakikibaka laban sa imperyalismo na nagpapatuloy sa historikal na pang-aapi at pagsasamantala sa mga katutubong mamamayan sa iba’t ibang panig ng daigdig.

Dahil sa patuloy na kawalang-katarungang ito, hindi maaaring manatiling tahimik ang mamamayan. Mariin nating kinokondena ang pagtrato sa lupang ninuno ng mga katutubo bilang tambakan ng basura at mapagsamantalang espasyo para sa interes ng malalaking negosyo. Ang kalikasan at ang pamayanan ng mga Aeta ay hindi maaaring isakripisyo alang-alang sa huwad na kaunlarang nagbubunga lamang ng pagkawasak ng kapaligiran, sapilitang pagpapalayas, at lalong pagpapahirap sa mga komunidad na siyang tunay na tagapangalaga ng ating kagubatan at kabundukan.
Kasabay nito, nananawagan tayo ng tunay na pananagutan ng estado sa paggalang at pagtatanggol sa mga karapatan ng mga katutubo, kabilang ang ganap na pagpapatupad ng diwa ng IPRA Law. Gayunpaman, ipinakikita ng karanasan ng mga Aeta sa Zambales na hindi sapat ang pagkakaroon ng mga batas kung nananatiling nangingibabaw ang interes ng mga naghaharing uri at ng mga dayuhang nakikinabang sa pagsasamantala sa likas na yaman. Sa huli, ang pakikibaka para sa pagtatanggol sa lupang ninuno ng mga Aeta ay hindi lamang usapin ng isang komunidad, kundi bahagi ng mas malawak na pakikibaka ng sambayanang Pilipino laban sa imperyalismo, pyudalismo, at burukrata kapitalismo—ang ugat ng patuloy na pang-aapi, pandarambong sa kalikasan, at pagkakait ng tunay na hustisyang panlipunan.

𝗔𝗻𝗴 𝘁𝘂𝗻𝗮𝘆 𝗻𝗮 𝗸𝗮𝘁𝗮𝗿𝘂𝗻𝗴𝗮𝗻 𝗮𝘆 𝗽𝗮𝗴𝗽𝗮𝗽𝗮𝗻𝗮𝗴𝗼𝘁 𝘀𝗮 𝗶𝘀𝗮𝗻𝗴 𝘀𝗶𝘀𝘁𝗲𝗺𝗮𝗻𝗴 𝗻𝗮𝗴𝗹𝘂𝗹𝘂𝘄𝗮𝗹 𝗻𝗴 𝗽𝗮𝗻𝗱𝗮𝗿𝗮𝗺𝗯𝗼𝗻𝗴, 𝗽𝗮𝗻𝗴-𝗮𝗮𝗽𝗶, 𝗮𝘁 𝗽𝗮𝗴𝗸𝗮𝗸𝗮𝗶𝘁 𝘀𝗮 𝗸𝗮𝗿𝗮𝗽𝗮𝘁𝗮𝗻 𝗻𝗴 𝗺𝗮𝘀𝗮.

25/07/2026

𝟭, 𝟮, 𝟯, 𝗴𝗼! 𝗞𝗼𝗹𝗲𝗸𝘁𝗶𝗯𝗼𝗻𝗴 𝗹𝗮𝗯𝗮𝗻 𝗻𝗮 ’𝘁𝗼!

Habang naghahanda ang rehimeng US-Marcos para sa panibagong SONA na isang huwad at tadtad ng palamuti at propaganda, lalong umuusbong ang tunay na kalagayan ng mamamayan: kahirapan, mga huwad na programa’t proyekto, komersyalisadong edukasyon, at patuloy na pagyurak sa demokratikong karapatan. Hindi kayang itago ng mababangong salita ang lumalalang krisis ng lipunan.

Sa harap ng tumitinding pagsasamantala at pang-aapi, tungkulin ng kabataan na lansagin ang ilusyon, ilantad ang katotohanan, at makiisa sa pakikibaka ng sambayanan.

Bilang paghahanda sa State of the Youth Address at SONA ng Bayan, sama-sama nating itaas ang panawagan:

𝗜𝗧𝗔𝗞𝗪𝗜𝗟 𝗔𝗡𝗚 𝗣𝗔𝗣𝗘𝗧, 𝗣𝗔𝗦𝗜𝗦𝗧𝗔, 𝗔𝗧 𝗣𝗔𝗛𝗜𝗥𝗔𝗣 𝗡𝗔 𝗥𝗘𝗛𝗜𝗠𝗘𝗡𝗚-𝗨𝗦 𝗠𝗔𝗥𝗖𝗢𝗦!

Mula paaralan hanggang komunidad, inaanyayahan ang lahat ng kabataan sa Baguio na makiisa sa STATE OF THE YOUTH ADDRESS (SOYA) 2026 —isang gabi ng talakayan, pagtatanghal, at sama-samang paninindigan para sa interes ng masang anakpawis at kabataan.

📍 JULY 26
👉 𝘽𝙖𝙜𝙪𝙞𝙤 𝙎𝙩𝙖𝙩𝙚 𝙤𝙛 𝙩𝙝𝙚 𝙔𝙤𝙪𝙩𝙝 𝘼𝙙𝙙𝙧𝙚𝙨𝙨 (𝙎𝙊𝙔𝘼)
🕠 5:30 PM | Baguio People’s Center

📍 JULY 27
👉 𝘽𝙖𝙜𝙪𝙞𝙤 𝙎𝙊𝙉𝘼 𝙣𝙜 𝘽𝙖𝙮𝙖𝙣
🕥 10:30 AM | Malcolm Square

26/06/2026

𝗟𝗚𝗕𝗧𝗤𝗜𝗔+ (𝗻𝗼𝘂𝗻)
/ 𝘢𝘤𝘳𝘰𝘯𝘺𝘮 - 𝘤𝘰𝘭𝘭𝘦𝘤𝘵𝘪𝘷𝘦 𝘵𝘦𝘳𝘮 /

Tumatalakay sa isang komunidad at identidad na sumasaklaw sa iba’t ibang sekswal na oryentasyon at identidad, kabilang ang 𝗟𝗲𝘀𝗯𝗶𝗮𝗻, 𝗚𝗮𝘆, 𝗕𝗶𝘀𝗲𝘅𝘂𝗮𝗹, 𝗤𝘂𝗲𝗲𝗿, 𝗜𝗻𝘁𝗲𝗿𝘀𝗲𝘅, 𝗔𝘀𝗲𝘅𝘂𝗮𝗹 𝗮𝘁 𝗶𝗯𝗮 pang hindi tuwing naitatakda ng tradisyunal na sistema ng kasarian at pag-ibig.

Sa kasaysayan ng kilusan at patuloy na panawagan, isang katanungan ang maaaring kumatok sa ating mga isipan: 𝗕𝗮𝗸𝗶𝘁 𝗻𝗴𝗮 𝗯𝗮 𝗮𝗻𝗴 𝗹𝗲𝘁𝗿𝗮𝗻𝗴 “𝗟” 𝗮𝗻𝗴 𝗻𝗮𝘀𝗮 𝘂𝗻𝗮𝗵𝗮𝗻?

Sa gitna ng isang lipunan na pilit nagtatakda ng mga pamantayan kung sino lang ang may karapatang magmahal, ang desisyon ng mga lesbyana na mabuhay nang tapat at may dangal ay isang gawaing mapangahas. Sa kasalukuyan, mabigat ang bitbit kaakibat ng pagpapakatotoo, gaya na lamang ng 𝘭𝘦𝘴𝘣𝘪𝘢𝘯 𝘦𝘳𝘢𝘴𝘶𝘳𝘦 𝘰 𝘢𝘯𝘨 𝘱𝘪𝘭𝘪𝘵 𝘯𝘢 𝘱𝘢𝘨𝘣𝘶𝘳𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘸𝘦𝘯𝘵𝘰, 𝘬𝘰𝘯𝘵𝘳𝘪𝘣𝘶𝘴𝘺𝘰𝘯, 𝘢𝘵 𝘣𝘰𝘴𝘦𝘴 𝘴𝘢 𝘮𝘨𝘢 𝘥𝘪𝘴𝘬𝘶𝘳𝘴𝘰 𝘯𝘨 𝘭𝘪𝘱𝘶𝘯𝘢𝘯.

Kasabay nito ang talamak na pangungutya sa social media at mga pampublikong lugar, kung saan ang kanilang pananamit, gupit ng buhok, at pagkilos ay ginagawang paksa ng cyberbullying at mararahas na salita. Madalas ding minamaliit ang kanilang pagkakakilanlan sa pamamagitan ng pagsasabi na ang pagiging lesbyana ay isang "phase" lamang o pansamantalang yugto na kalaunan ay lilipas din—isang mapanghusgang pananaw na nagkakait sa kanila ng taos-pusong pagkilala at respeto. Bukod dito, talamak ang hyper-sexualization kung saan ang relasyon at katawan ng mga lesbyana ay binabastos, ginagawang katatawanan, at itinuturing lamang na libangan para sa pagnanasa ng kalalakihan. Ang mga sistemikong isyung ito ang naging ugat kung bakit marami sa kanila ang patuloy na nakararanas ng diskriminasyon sa trabaho, paaralan, at maging sa kanila mismong tahanan.

Kaya naman, mariing tinututulan ng komunidad ang pagbura sa kanilang pag-iral, ang pambabastos at panlalait, ang pagtrato sa kanilang pagkakakilanlan bilang isang biro o pansamantalang yugto lamang, at ang maruming pagtingin sa kanilang mga relasyon.
𝗡𝗴𝘂𝗻𝗶𝘁 𝘀𝗮 𝗵𝗶𝗻𝗮𝗯𝗮 𝗻𝗴 𝗽𝗮𝗻𝗮𝗵𝗼𝗻, 𝘀𝗮 𝗴𝗶𝘁𝗻𝗮 𝗻𝗴 𝗱𝗶𝘀𝗸𝗿𝗶𝗺𝗶𝗻𝗮𝘀𝘆𝗼𝗻, 𝗺𝗮𝘁𝗮𝗴𝗮𝗹 𝗻𝗮𝗻𝗴 𝗻𝗮𝘀𝗮 𝗶𝗯𝗮’𝘁 𝗶𝗯𝗮𝗻𝗴 𝗹𝗮𝗿𝗮𝗻𝗴𝗮𝗻 𝗮𝘁 𝗺𝗮𝗿𝗮𝗺𝗶𝗻𝗴 𝗹𝗮𝗻𝘀𝗮𝗻𝗴𝗮𝗻 𝗮𝗻𝗴 𝗺𝗴𝗮 𝗹𝗲𝘀𝗯𝗶𝘆𝗮𝗻𝗮.

Sa mahabang linya ng kasaysayang ito, 𝙝𝙞𝙣𝙙𝙞 𝙞𝙨𝙖𝙣𝙜 𝙖𝙠𝙨𝙞𝙙𝙚𝙣𝙩𝙚 𝙣𝙖 𝙖𝙣𝙜 "𝙇" 𝙖𝙣𝙜 𝙪𝙣𝙖𝙣𝙜 𝙩𝙞𝙩𝙞𝙠 𝙣𝙖 𝙢𝙖𝙠𝙞𝙠𝙞𝙩𝙖 𝙨𝙖 𝙇𝙂𝘽𝙏𝙌𝙄𝘼+. Isa itong malalim na pagkilala sa mahalagang papel ng mga lesbyana—mula sa pagtayo ng unang barikada, hanggang sa matapang na pagharap at pagtatanggol sa komunidad. Sila ang isa sa mga naunang nagpakita ng tapang sa paglaban sa kulturang patriyarkal. Higit sa lahat, noong kasagsagan ng HIV/AIDS epidemic noong dekada ‘80 at ‘90, habang marami ang mga iniwan ng lipunan at mga institusyon, maraming lesbyana ang tumindig bilang pangunahing tagapag-alaga. Sila ang nag-organisa para makatulong at sumuporta sa mga ospital at komunisas sa gitna ng matinding diskriminasyon at pagpapabaya ng estado sa lipunan.

Kaya naman, upang tuluyang wasakin ang mga mapang-aping sistemang ito, buong lakas nating ipinaglalaban ang agarang pagpasa ng SOGIE Equality Bill sa buong bansa upang magkaroon ng tunay na proteksyon laban sa pambabastos at hindi pantay na trato sa mga trabaho, eskwela, at komunidad. Kasabay nito ang malawakang edukasyon na mag-aalis sa mga maling paniniwala at mapanghusgang tingin sa mga lesbyana at iba pang miyembro ng LGBTQIA+. Karapatan ng bawat mamamayan ang mabuhay nang may kaligtasan, dignidad, at hustisya.

𝗗𝗮𝗵𝗶𝗹 𝘀𝗮 𝗽𝗮𝗴𝗵𝗮𝗯𝗮 𝗽𝗮 𝗻𝗴 𝗽𝗮𝗻𝗮𝗵𝗼𝗻, 𝗽𝗮𝘁𝘂𝗹𝗼𝘆 𝗻𝗮 𝗺𝗮𝗴𝘀𝗶𝘀𝗶𝗹𝗮𝗻𝗴 𝗮𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗻𝗴 𝗺𝗴𝗮 𝗹𝗲𝘀𝗯𝘆𝗮𝗻𝗮𝗻𝗴 𝗺𝗮𝘆 𝘁𝗮𝗽𝗮𝗻𝗴 𝗻𝗮 𝗺𝗮𝗴-𝗮𝗸𝗹𝗮𝘀 𝗹𝗮𝗯𝗮𝗻 𝘀𝗮 𝗱𝗶𝘀𝗸𝗿𝗶𝗺𝗶𝗻𝗮𝘀𝘆𝗼𝗻 𝗮𝘁 𝗺𝗮𝗴𝘀𝘂𝘀𝘂𝗹𝗼𝗻𝗴 𝗻𝗴 𝘁𝘂𝗻𝗮𝘆 𝗻𝗮 𝗸𝗮𝗹𝗮𝘆𝗮𝗮𝗻 𝗽𝗮𝗿𝗮 𝘀𝗮 𝗹𝗮𝗵𝗮𝘁!

25/06/2026

That’s our Millie Tanhté! ✊🏻🌈

UPDATE: Nagpasa na sila mhie! 😍