10/05/2026
๐๐๐ง๐ข๐ง๐๐ข๐ ๐๐ง ๐๐ญ ๐๐ฎ๐ญ๐ฎ๐ฅ๐๐ง ๐๐ง๐ ๐๐๐ ๐ฉ๐๐ฉ๐๐ฅ๐๐๐ง๐๐ฐ ๐ฌ๐ ๐๐๐ง๐๐ซ๐๐ฅ ๐๐๐ฎ๐๐๐ญ๐ข๐จ๐ง ๐๐ฎ๐ซ๐ซ๐ข๐๐ฎ๐ฅ๐ฎ๐ฆ! ๐๐ฌ๐ฎ๐ฅ๐จ๐ง๐ ๐๐ง๐ ๐๐๐ค๐๐๐๐ฒ๐๐ง ๐๐ญ ๐๐๐ฉ๐๐ ๐ฉ๐๐ฅ๐๐ฒ๐๐ง๐ ๐๐ ๐๐ซ๐จ๐ ๐ซ๐๐ฆ ๐ฌ๐ ๐ฆ๐ ๐ ๐๐จ๐ฅ๐๐ก๐ข๐ฒ๐จโ๐ญ ๐๐๐ฆ๐๐ง๐ญ๐๐ฌ๐๐ง!
Opisyal na Pahayag ng All UP Academic Employees Union (AUPAEU) hinggil sa panukalang Reframed General Education Curriculum (RGEC)
Mariing tinututulan ng All UP Academic Employees Union (AUPAEU) ang Reframed General Education Curriculum (RGEC) ng Commission on Higher Education (CHED) na naglalayong higit pang bawasan at palabnawin ang General Education (GE) sa antas tersyarya. Malinaw na ang plano sa lalong pagbawas sa GE mula sa kasalukuyang 36 tungong 18 yunit ay hindi simpleng rebisyon o redesign sa kurikulum kundi isang katakot-takot na paglihis sa panlipunang tungkulin ng isang unibersidad bilang espasyo ng kritikal at malikhaing pag-iisip, matalas na pagsusuri at pag-unawa sa lipunan at daigdig, at etikal at kultural na pagpapahalaga sa mga mag-aaral.
Ang GE ay hindi minor o dagdag na mga kurso lamang sa kolehiyo. Ito ang intelektuwal, etikal, at humanistang gulugod ng edukasyong tersyarya. Sa pamamagitan ng mga kurso sa wika, panitikan, sining, kasaysayan, pilosopiya, sikolohiya, at agham at teknolohiya, nahuhubog ang mga mag-aaral bilang mamamayang nagsusuri, nagtatanong, nakikialam, at kumikilos. Ang GE ay moog at himpilang naghahanda sa mga mag-aaral sa kanilang panlipunang buhay at pakikilahok. Sa panahon ng disimpormasyon, pasismo, imperyalistang panghihimasok, at ibaโt ibang krisis panlipunan, higit na kinakailangan ang mas malalim at mas matatag na GE na gagabay sa mga mag-aaral sa isang makatao at makatarungang pagtugon sa mga suliranin, krisis, at pangangailangan ng bayan.
Sa ngalan ng diumanoโy employability, efficiency, at future-readiness, ipinipilit sa atin ang isang makitid at neoliberal na pananaw sa edukasyon kung saan ang panukat ng pagkatuto ay ang agarang pakinabang sa merkado sa halip na mas malawak at mabigat na ambag sa lipunan at sambayanan. Hindi na bago sa atin ang ganitong hakbang sa pagpapalabnaw ng edukasyong Pilipino. Sa bisa ng CMO No. 20, series of 2013, una nang tinanggal at pinahina ang pag-aaral sa Filipino, panitikan, at Konstitusyon ng Pilipinas. Sa ipinanunukulang RGEC, tinapyas ang mga GE courses at inihahain ang limang core courses at isang institutional GE na lamang kung saan makikita ang tila haluhalong mga kompetensi at outcomes sa ngalan ng pagiging interdisiplinaryo nang walang lubusang pag-uugat sa pinagmulang disiplina.
Ang pag-aalis o pagsasanib ng mga kursong gaya ng Understanding the Self, Contemporary World, Purposive Communication, Art Appreciation, Ethics, Readings in Philippine History, Mathematics in the Modern World, at Science and Technology and Society, at iba pang larangan sa humanidades at agham panlipunan ay matingkad na pagwawalang-halaga sa mga larangang humuhubog sa atin bilang tao. Mapanganib ang ipinalalagay na maaaring basta pagsamahin ang ibaโt ibang disiplina sa iilang interdisiplinaryong kurso nang hindi isinasaalang-alang ang lalim, kasaysayan, at metodolohikal na pundasyon ng bawat larangan. Ang tunay na interdisiplinaryong pag-aaral ay hindi simpleng pagdidikit ng mga paksa o learning outcomes. Ang mga disiplina ay bunga ng mahabang tradisyon ng pananaliksik, talastasan, at intelektuwal na paglinang. Ang paniniwalang maaaring ituro ng sinuman ang mga kursong kulang sa malinaw na pundasyong disiplinal ay hindi progresibong reporma kundi kababawang intelektuwal.
Hindi rin katanggap-tanggap ang argumento ng CHED hinggil sa diumanoโy redundancy sa pagitan ng Senior High School at edukasyong tersyarya. Ang SHS at kolehiyo ay may magkaibang antas, saklaw, lalim, at layunin ng pagkatuto. Ang GE sa kolehiyo ay hindi simpleng pag-uulit ng nilalaman at kasanayan sa SHS kundi mas mataas at mas kritikal na antas ng pagsusuri at pag-unawa. Kung may mga pagkakatulad man sa ilang paksa, hindi awtomatikong nangangahulugan ito ng pag-uulit. Sa halip na bawasan ang GE, nararapat na tiyakin ang mas mahusay na artikulasyon at progresibong pagpapaunlad ng kurikulum mula batayang edukasyon hanggang tersyarya. Sa harap pa nga ng mababang antas ng kahandaan at kasanayan ng maraming mag-aaral bunga ng lumalalang krisis sa edukasyon sa bansa, lalong kinakailangan ang mas matibay at mas malalim na GE sa mga pamantasan.
Dagdag pa, kapuna-puna ang lohika ng job-centric at market-driven na edukasyon na nakapaloob sa RGEC. Hindi pabrika ng murang lakas-paggawa ang mga pamantasan at kolehiyo. Hindi dapat ituring ang mga estudyante bilang human capital lamang na huhubugin ayon sa pangangailangan ng pandaigdigang merkado at dayuhang pamantayan. Ang unibersidad ay hindi dapat gawing sentro ng produksiyon ng sunud-sunuran, depolitisado, at teknokratikong manggagawa. Sa likod ng retorika ng inobasyon at AI readiness, nakatago ang tangkang gawing mas pasibo, mas komersiyalisado, at mas mababaw ang mismong konsepto ng edukasyong tersyarya. Dapat nating isipin na ang edukasyon ay hindi maaaring ikahon sa teknikal na kasanayan at market competencies lamang. Kapag winasak ang pundasyon ng malalayang sining o liberal arts ng unibersidad, winawasak din ang kakayahan ng mamamayan na unawain at baguhin ang lipunang kaniyang ginagalawan.
Isa ring kabalintunaan na habang itinataguyod umano sa RGEC ang Labor Education, inilalagay naman sa bingit ng bangin ang kabuhayan at seguridad sa trabaho ng libo-libong g**o sa kolehiyo. Malinaw na may malawakang implikasyon ang pagbabawas ng GE sa teaching load, malubhang kontraktwalisasyon, sapilitang reassignment, at displacement ng mga g**o sa ibaโt ibang pamantasan. Sa karanasan pa lamang ng implementasyon ng dating rebisyon sa GE lagpas isang dekada na ang nakararaan, napatunayan nang walang sapat na mekanismo ang estado upang protektahan ang mga manggagawang pang-edukasyon laban sa pagkawala ng trabaho at kabuhayan. Hindi maaaring ipatupad ang anumang reporma sa edukasyon na isinasakripisyo ang dignidad at seguridad ng mga g**o at kawani.
Lubhang nakababahala rin ang kawalan ng tunay na demokratiko at konsultatibong proseso sa pagbuo ng RGEC. Ang mga pampublikong konsultasyon ay hindi dapat maging palabas lamang upang lagyan ng lehitimasyon ang mga nauna nang napagdesisyunang patakaran at programa. Ang pagdidisenyo ng GE ay isang usaping may malalim na implikasyon sa pambansang direksiyon ng edukasyon at sa pagkamamamayang Pilipino. Kung gayon, dapat itong maging bunga ng malawak, inklusibo, masinsin, at makabuluhang pakikipagdiyalogo sa mga g**o, estudyante, unyon, propesyonal na organisasyon, at mga pamayanang pinaglilingkuran ng mga pamantasan.
Sa halip na pagbabawas at pagpapalabnaw ng GE, nananawagan kami ng isang tunay na makabayan, siyentipiko, makamasa, at mapagpalayang reporma sa edukasyon. Kabilang sa mga ipinapanawagan naming hakbang ang sumusunod:
โ
Ibasura ang panukalang RGEC sa kasalukuyang anyo nito.
โ
Itigil ang anumang planong pilot implementation nito.
โ
Magsagawa muna ng komprehensibong pagtatasa sa kasalukuyang kurikulum ng GE bago magpatupad ng anumang malawakang pagbabago.
โ
Tiyakin ang malawak at demokratikong konsultasyon sa mga g**o, estudyante, at iba pang stakeholder sa edukasyon.
โ
Huwag alisin, sa halip ay palakasin, ang mga kurso sa humanidades at agham panlipunan.
โ
Igalang ang akademikong kalayaan at awtonomiya ng mga institusyon sa pagdidisenyo ng kanilang GE programs.
โ
Tiyakin ang proteksiyon sa seguridad at makataong trabaho at sahod ng lahat ng g**ong maaapektuhan ng anumang reporma.
โ
Isulong ang isang GE na nakaugat sa kalagayan at pangangailangan ng sambayanan sa halip na sa dikta ng merkado at dayuhang pamantayan.
Nananawagan kami sa buong sektor ng edukasyon, mula sa kaguruan, estudyante, kawani, at administrador, kasama ang malawak na hanay ng mga mamamayan, na magkaisa at isulong ang isang tunay na makabayan at mapagpalayang GE program. Kapag hinayaan nating manaig ang uri ng edukasyong nakasandig lamang sa merkado at makadayuhang pamantayan ng kahusayan at pangangailangan, hindi lamang ang mga kursong ito ang mawawala sa atin kundi ang kakayahan nating humubog ng mga mamamayang may malalim na panlipunang kamalayan at pananagutan.
Ibasura ang RGEC!
Palakasin at itaguyod ang makabayan at mapagpalayang GE!
Akademikong kalayaan, ipaglaban!
Ipagtanggol ang pamantasan at bayan!
