05/06/2026
Gikan ni Madam Cathy Binag, comment post,,,,
Mga kababayan, gusto kong himayin natin ngayon ang isang napakalaking panlilinlang na pilit ipinapakain sa atin. Nakita niyo ba itong kumakalat na "Official Statement" daw ng IBP National Director for Communications? Ipinagtatanggol nila ang 12-senator quorum nina Sotto at Gatchalian, at pinapalabas na hindi raw ito simpleng "Grade 1 math" kundi nakasandig sa Supreme Court jurisprudence na Avelino vs. Cuenco noong 1949.
Pwes, isa-isahin natin ang kasinungalingan na ito! Huwag nilang bobohin ang mga Pilipino, dahil malinaw na binabali nila ang Saligang Batas para lang sa pag-agaw ng pwesto.
Una, bakit hindi pwedeng gamitin ang Avelino vs. Cuenco ngayon 2026? Simpleng-simple ang facts ng kaso na iyan noong 1949: Si Senator Tomas Confesor ay pisikal na nasa Amerika. Wala siya sa teritoryo ng Pilipinas, kaya wala siya sa hurisdiksyon at hindi pwedeng pilitin ng Senado na dumalo (beyond coercive jurisdiction). Dahil doon, ibinawas siya sa 24 na senador, kaya naging 23 ang base number. At ang majority ng 23 ay 12. Valid ang 12 noon dahil physically imposibleng ma-reach ang isang miyembro.
Pero anong nangyayari ngayon sa 2026? Ang palusot nina Gatchalian at Sotto, 22 na lang daw ang base number dahil nakakulong si Sen. Jinggoy Estrada at pinaghahanap ng ICC si Sen. Bato dela Rosa. Excuse me! Nasa labas ba sila ng teritoryo ng Pilipinas? Wala! Nasa loob sila ng bansa at nasa ilalim pa rin ng kapangyarihan at hurisdiksyon ng ating batas. Hindi mo pwedeng basta-bastang ibawas ang dalawang senador sa total number para lang makuha mo yung numerong "12" at sabihing quorum kayo! Manipulasyon iyan ng mga numero at malaking pambabastos sa batas!
Pangalawa, hindi kinakatawan ng post na ito ang buong IBP at lahat ng abogado sa Pilipinas.
Klaruhin natin—ang pahayag na ito ay galing lamang sa opisina ng kanilang communications director. Hindi ito kumakatawan sa sentimyento at opinyon ng lahat ng matitinong abogado sa buong bansa. Maraming magagaling na legal minds ang mariing tumututol sa pambabaluktot na ito. Ang IBP ay dapat nagtatanggol sa rule of law, hindi nagiging tagapagsalita o apologist ng isang political bloc na nagpipilit magka-quorum kahit kinulang sila sa tao. Brainwashing ito para isipin ng publiko na dahil IBP ang nagsalita, tama na agad sila.
Pangatlo, ang malinaw na utos ng 1987 Constitution.
Balikan natin ang Article VI, Section 16(2) ng ating Saligang Batas. Napakalinaw ng nakasulat: "A majority of each House shall constitute a quorum to do business." Mayroon tayong 24 na Senador. Ang majority ng 24 ay 13. Hindi 12, hindi 11. 13! Kahit anong legal gymnastics at mabubulaklak na salita ang ilagay ninyo diyan, hindi niyo mababago ang katotohanang kinapos kayo.
Nakakalungkot na ginagamit nila ang mga salitang "jurisprudence" at "parliamentary practice" para lang i-justify ang mali. Hindi tayo namba-bash lang, tayo ay naka-base sa totoong facts at rule of law! Sina Sotto at Gatchalian, imbes na maghanap ng tunay na 13 votes para sa isang lehitimong quorum at liderato, pinipilit nilang isingit ang sitwasyon sa isang 1949 ruling na maling-mali at hindi lapat sa kasalukuyang konteksto.
Kung gusto ninyong mamuno at mag-conduct ng official business sa Senado, kunin niyo ang labintatlo. Hangga't dose lang kayo, walang quorum, at walang lehitimong transaksyon! Huwag ninyong nakawan ng tamang proseso ang Senado at ang taumbayan!
