17/02/2026
๐ช๐จ๐ท๐จ๐ฉ๐จ๐ณ๐ผ๐จ๐ต!
๐๐ข๐ฅ๐ข๐ฉ๐๐ญ ๐ง๐ ๐ฉ๐ฎ๐ง๐ ๐๐-๐๐ ๐๐๐ฒ๐จ ๐ง๐ข๐ง๐ ๐๐๐ฅ๐๐ง๐ ๐๐๐ง๐ฎ๐ ๐ข๐ง๐ ๐๐๐๐ข๐๐ฌ๐ญ๐๐ง ๐ง๐๐ง๐ ๐๐ฉ๐ฎ๐ง๐ ๐๐๐ง๐ญ๐ข.
Metung a maulaga at magrasyang pamipulung kayantabe ning kekatamung kura paroko i Rev. Fr. Marcelino B. Mandap, dikil king pamalak a pamibayu king petsa ning pamagselebra king kafiestan nang San Vicente Ferrer - ibat king orihinal a Abril 5, milipat yang Mayo 5. Pisabyan murin king pamipulung ding maulagang pastoral a konsiderasyun, lalu na king katutuan ing Abril 5 yang kadalasang mitutud king Panaun ning Kuaresma at Maleldo, nung kapilan ing mabilug a Santa Iglesia makatutuk ya king pamag ayunu, pamanisi, at kapigaganakan king Pasyun o Lasaโt Kasakitan ning Ginu, anya limitadu ing masampat nang selebrasyun ning kafiestan.
Anting maulagang batayan, pepalino ne ning Orden ding Dominicano, nung nukarin ya makabilang i San Vicente Ferrer, mitalaga ya king Mayo 5 anting opisyal ng kafiestan ning santu. Ing panukalang pamipabyu ning petsa sasang ayun ya king king tradisyun ning Orden at makapamie - dalan king mas angkup at mas mapalyari at mas maugalang pamagselebra king kafiestan ning kekatamung mal a patulunan.
Lubus ing kekaming kapasalamatan ning mabilug a kamunidad nang Apung Centi king pamanantabe, kabaluan, at makabulat ng pamananggap ning kekatamung kura paroko kabang susundu mi ing pamisasanmetung para king ikasaplala ning kekaming Komunidad at ning parokya, at king lalung ikasulung at layun pamilaganap ning debosyun kang San Vicente Ferrer at king lugud at kasalpantayanan king Dios.๐โจ
