Ing Pangatatag ning Aguman Kapampangan International
Qng makateknolohiyang paralan ening kasalukuyan a panaun
meging dalan ya ing internet ban mabuo ing metung a organisasyun da ding kapampangan king mabilug a yatu. A disi-otsu ning Setyembre banuang adwang libo at siyam,
qng metung a sikat a social site keng internet ing Facebook
mebuo ya ing metung a page a pemalagyuan dang Samahan
ng mga Kapam
pangan sa Facebook. A-onse ning Hulyo banuang adwang libo’t apulu qng alang
kasangkanan mewala yang bigla ing page qng social site. Pamauli na nita ding manimuna apagdisisyunan da na gawang
panibayu at pamalagyuan de iting Aguman Kapampangan
International, abalu da ding mitatatag na atin nang page qng
lagyung iti mabilug a yatu anya pebalwan da la ding anggang
manimuna kareti ban makisanmetung. Ena la man mebigu at
mekisanmetung la ding Aguman Kapampangan Korea at kaybat
sinunud ya ing Aguman Kapampangan San Antonio Texas USA. Bulan ning Hulyo 12, 2010 mebuo ya ing page a Aguman
Kapampangan International kapalit na ning Samahan ng mga
Kapampangan sa Facebook. Meging aktibo la reti angga na king midisisyunan yang
gawan ya iting metung a organisasyun. Qng pangatatag ning Aguman Kapampangan International
meyakit ing pamisanmetungan ding lahing kapampangan
mabilug a yatu. Pamisanmetung da ding anggang Aguman
Kapampangan. Eni kasalukuyan ing organisayun mangalap
ya pang miyembru mabilug a yatu ban dacal la ding sumaup
pa at isulung ing pamag lingap karing pakakalulung kapatad
tamung kapampangan.
