Shared Chapters PH

16/02/2026

16/02/2026

NA-MANIPULATE NG SARILING PAMILYA

May pinsan akong babae na inampon ng magulang ko. Dahil sa pang walo na sya ay hindi na daw sya kaya tustusan ng sarili nitong magulang. Sa kabilang banda ay excited naman ako magkaron ng kapatid since only child lang ako. 7 years ang tanda ko sa kanya. Naging para kaming tunay na magkapatid na away bati. Alam nya kung sino ang tunay nyang magulang, dahil pinaalam din naman dito habang lumalaki at dinadalaw nila si pinsan paminsan-minsan. Nang makagraduate sya ng elementary. Hiniling ng magulang nito na kunin na ito dahil kaya na daw nila tustusan. Nakakalungkot man pero hindi namin pinagdamot makasama sya ng tunay na magulang at mga kapatid nya..

4 years later, lumapit ulit ang magulang nya para ibalik samin si pinsan. Ganun ulit ang rason, nahirapan sila tustusan. Masaya ako sa pagbalik nya. Kaya lang sa pagbalik nya madalas kami mawalan ng pera. Hindi naman kalakihan pero alam kong sya lang ang kukuha kung sakali. Hindi ko pinansin yung maliliit lang, pero nung lumaki na yung kupit, nagtataka na ko.

Minsan ay naiwan nya yung cp na binigay ko, nacurious ako at binuksan. May GC silang magkakapatid. Nabasa ko na may kapatid syang patagong nagpupunta samin, at inaabutan nya ng nakukuha nyang pera sa bahay. Nabasa ko din dito kung pano sya utusan ng mga kapatid nya at kung pano sila magsalitan ng mga masasamang salita tungkol sakin. Mayabang din ang tingin nila sa pamilya namin, dahil daw may pera, may trabaho at kung anu-ano pa ang nabasa ko. Nakita nya kong hawak ang phone nya at agad sya nagsumbong sa magulang ko na nangingialam daw ng gamit nya. kaya pinakita ko din sa magulang ko mga nabasa ko. Sa totoo lang ay, mahal na mahal namin sya pero nasasaktan kami na nagbago na si pinsan. Para syang na manipulate ng sariling pamilya?

Pinag-uusapan na namin na paalisin na ito o pauwiin sa tunay na pamilya nya. O dapat pa ba namin sya bigyan ng pagkakataon gantong parang hirap na kami pagkatiwalaan sya?

16/02/2026

2 John 1:6

14/02/2026

5 years ago, may naging LIP ako for 1 year. Nurse sya at inamin nya sakin na drug user sya. Sabi nya ay titigil daw sya para sa relasyon na binuo namin. Sa kabila ng pagtigil nya naging masyadong mainitin ang ulo, nananakit at para syang paranoid na hindi ko maintindihan.

Nung makakalahating taon kami, minamaliit nya ako kasi under grad ako that time at may anak sa pagkadalaga. tapos isa pang stress nya ay ang katiting na sahod nya sa hospital, kaya ako yung pinagbubuntunan nya. Pagnag away kami, hindi sya uuwi sakin pag galing sa work, uuwi sa parents or barkada nya. Madaming beses nya ng ginawa yon, at ng di ko na kinaya, Dinala ko lahat ng gamit nya sa house ng parents nya, at desidido na hihiwalayan na sya. Masakit man, pero kailangan kong magdesisyon para na rin sa kapakanan ko at ng anak ko.

Fast forward, tinuloy ko ang pag aaral ko, nakagraduate at nagkaron ako ng magandang trabaho. May mga time non na kumokontak sya, pero di ko na pinapansin. Hanggang sa nangamusta ulit sya. sinagot ko na ito ng "okay naman". after that message nireplyan nya ko ng "sorry", nang hindi ako makareply ay inulit nya ng "sorry talaga". Sabi ko "hayaan mo na yun, nakamove on naman na ako". Ang huling message nya "I just miss you". Hindi ko na nireplyan dahil may naramdaman din ako na namiss ko rin kahit papano ang magandang pinagsamahan namin, Pero nakamove-on na ko sa kanya.

In 5 yrs nakikita ko syang nags-seen, nagl-like at nagm-message sakin sa fb. Hindi ko sya bnlock dahil gusto ko makita nya na sa kabila ng sakit na iniwan nya sakin, Hindi titigil ang mundo ko para ayusin ang buhay ko.

Ngayon ay malapit na ako ikasal sa taong tanggap ang nakaraan ko at minamahal kami ng anak ko ng tama. Habang sya naman ay nabalitaan kong pinaghahanap na din ng pulisya dahil itinurong pusher.

Kamusta kaya ako kung sakaling nagpakatanga ako dahil sa pagmamahal ko sa ex ko na yun noon?

14/02/2026

Shared Chapters is a supportive community where you can share your stories anonymously. We value your privacy and offer a safe space for honest self-expression and connection with others.

14/02/2026

Romans 12:10

13/02/2026

"I-UWI MO NA AKO"

Mag asawa at Kapitbahay namin ang Ninong at Ninang namin sa kasal. Kapatid din ng byenan ko si Ninong, so Tito din ng asawa ko. Mabait at masaya kasama ang pamilya ni Ninong. Close kami ng anak nyang babae since magkaedad kami halos nito at ganung din ang mga anak namin.

Bago at matapos ang kasal ay lagi nang nandyan si Ninong at Ninang na tumutulong sa panimula namin. Pagmay sobra silang pagkain ay pinapadalhan kami at kapag may mga lakad sila, tulad ng kapag mamamasyal sila at inaaya kami. Minsan naman pagnasa trabaho ay pinagmamaneho kami ni Ninong pag may mga kailangan akong puntahan, tulad ng pagpapacheck up ng mga bata at pagkuha ng mga paninda, basta pwede sya ay lagi sya nag aalok ng tulong. Minsan din ay kinakamusta nito ang kita ko sa pagtitinda, mahina man o malakas ang benta ko ay binibigyan nya ko ng pera, pandagdag daw sa puhunan ko. Masaya kaming mag-asawa na ang Ninong at Ninang namin ay pinangatawanan talaga ang pagiging pangalawang magulang.

Minsang hapon ay nakita nya ko na pumick up ng paninda, buhat-buhat ko din ang anak ko. Tinanong nya ko kung pauwi na daw ako, umoo naman ako dito. Sabay na daw ako sa kanya since pauwi na din daw sya. Di ko naman sya tinanggihan dahil hindi naman isang beses na sinabay ako ni Ninong pauwi. Nagk-kwentuhan pa kami habang nagmamaneho sya, hanggang napansin ko ay hindi nya dinaan sa normal na kalsadang dinadaanan namin pauwi. Inisip ko na lang baka may dadaanan pa syang iba o kaya naman ay gusto pa mamasyal. Pero dinala nya ko sa lugar kung san limitado lang ang mga sasakyan na dumadaan.

Huminto sya kung saan wala na masyadong sasakyan dumaan at tinanong nya ko kung ano na daw ba kami? kung may gusto ba ko sa kanya? at kung tatanggapin ko daw ba sya since may gusto daw sya sakin? Ako naman ay nagugulat sa mga tanong nya at sinasabi ko na lang na baliw si Ninong at pinipilit ko na lang sya umuwi. pero hindi pa sya nakuntento ay bumaba pa sya ng sasakyan para lapitan ako sa inuupuan ko. Pinipilit nya ko na sumagot, "Ano?"ayan yung paulit-ulit nyang tanong na hindi ko masagot. At dahil hindi ako nagsasalita ay pinilit nyang mayakap ako at mahalikan. Hinaharang ko na lang ang anak ko sa ginagawa nya sakin since buhat-buhat ko at yakap-yakap ang bata. Hindi ko na rin mapigilan maiyak kasabay ng pag-iyak ng anak ko at paulit-ulit ko sinabi na, "iuwi mo na ko". Siguro napansin din ni Ninong na takut na takot na ko sa ginagawa nya sakin. kaya tumigil ito at hinatid na lang ako pag-uwi.

Pag-uwi ko ay agad ko sinarado ang pinto at di ko parin natigilan umiyak habang inaasikaso ang anak ko. Nang dumating na ang mister ko ay sinabi ko sa kanya ang ginawa sakin ni Ninong, Galit na galit ang mister ko na sumugod sa bahay nila Ninong at sumisigaw na ipapakulong daw namin sya sa ginawa nito sakin. Nalaman din agad ito ng byenan kong lalaki at ni Ninang.

Pagdating ng gabi ay dumating ang byenan ko at nagmumumura dahil sa galit kay Ninong. Dumating din agad si Ninang sa bahay namin, Umiyak ito sakin at humingi ng tawad. Nag-iyakan kaming dalawa, pero hinihingi nya samin na wag na pakasuhan si Ninong. Sabi ng byenan ko ay pag uusapan muna naming pamilya ang nangyari sakin.

Nang umalis si Ninang ay tinatanong nila ako kung anong plano ko. Actually hindi ko pa alam, pero alam kong dapat ay may hustisya ako sa nangyari sakin. Pero dahil naawa ang Byenan ko kay Ninang ay sinubukan din ako nitong pakiusapan na patawarin na lang namin, lalo na ay maraming naitulong samin ang mag-asawang Ninong at Ninang ko. Sabi din nito sakin na hindi naman ako totally nar*pe kaya subukan na lang daw namin magpatawad.

Natapos ang usapan sa pangako ng asawa ko na hindi na kami sasama o lalapit sa kanila. At kung anu-ano pa para pakalmahin ako at bawasan ang takot ko.
Hindi ko na alam kung anong magiging desisyon ko lalo na at madami akong kailangan isaalang-alang once buoin ko ang desisyon na kasuhan si Ninong. Habang iniisip ko ang mabuti nilang pakikisama samin. dun ko narealise na may kapalit pala ang kabutihan ni Ninong.

13/02/2026

1 Peter 4:16