Sangguniang Kabataan - Brgy. Mayamot

31/07/2026

Maligayang kaarawan, Power Coach Lanie! 🎉💜

Maraming salamat sa The Power Movers at kay former sk kagawad Mark sa pag-anyaya sa SK Mayamot at KAYA Mayamot na maging bahagi ng inyong Fitdance Marathon.

Isang karangalan ang makiisa sa programang nagsusulong ng aktibo at malusog na pamumuhay para sa ating komunidad. Hangad namin ang inyong patuloy na tagumpay at mas marami pang taong ma-inspire sa inyong adbokasiya.

Muli, happy birthday po, at maraming salamat! 💜

31/07/2026

💜 Virginia Summerville Clean-Up Drive & Feeding Program 🧹🍲

Taos-puso naming binabati ang ating Virginia Summerville Youth Organization sa matagumpay na pagsasagawa ng kanilang Clean-Up Drive at Feeding Program, isang proyektong handog ng Sangguniang Kabataan ng Barangay Mayamot sa pangunguna ni SK Chairman - Hannah Cordis kasama ang KAYA Mayamot.

Bagama't hindi kami nakadalo sa aktibidad, natutuwa kaming makita na naging maayos at matagumpay ang pagpapatupad nito ng Sitio Virginia Summerville Youth Organization sa pangunguna ng kanilang youth leader na si Ate Jie.

Patuloy nating ipakita na sa pamamagitan ng pagkakaisa at aktibong pakikilahok ng kabataan, mas marami pa tayong magagawang mabubuting programa para sa ating komunidad.

Maraming salamat at mabuhay ang kabataang Mayamot! 💜

31/07/2026

🇵🇭 𝐏𝐀𝐆𝐏𝐔𝐏𝐔𝐆𝐀𝐘 𝐍𝐆 𝐓𝐀𝐆𝐔𝐌𝐏𝐀𝐘 🇵🇭

Sa bawat watawat na ating itinataas, ipinagdiriwang natin ang sipag, tiyaga, at tagumpay ng bawat kabataang Pilipino.

Inaanyayahan ng Sangguniang Kabataan ng Barangay Mayamot sa pangunguna ni SK Chairman - Hannah Cordis kasama ang KAYA Mayamot na ang lahat ay makiisa sa Pagpupugay ng Tagumpay: Flag Ceremony at Pagkilala sa ALS Graduates at Latin Honors Batch 1 bilang pagkilala sa mga kabataang nagsumikap upang maabot ang kanilang mga pangarap.

📅 August 3, 2026 (Lunes)
🕗 8:00 AM
📍 New SK Office, Unit 7 - Sitio Sto. Niño 3, Barangay Mayamot

Hindi lamang natin bibigyang-pugay ang ating mga ALS Graduates at Latin Honor Awardees, kundi magbibigay rin tayo ng espesyal na pagkilala at inspirasyon sa ating mga Out-of-School Youth (OSY).

Sa ating mga kabataang pansamantalang nahinto ang pag-aaral—hindi pa huli ang lahat. Maraming pagkakataon ang naghihintay sa inyo. Ang edukasyon ay hindi nasusukat sa bilis ng pagtatapos kundi sa tapang na muling bumangon at ipagpatuloy ang pangarap. Ang Alternative Learning System (ALS) at iba pang programang pangkabataan ay bukas para sa inyong bagong simula.

Sama-sama nating ipakita na sa Barangay Mayamot, walang kabataang naiiwan at bawat pangarap ay may pagkakataong matupad.

Tara na at makiisa sa isang umagang puno ng pag-asa, pagkilala, at pagmamahal sa bayan.

KAYA ang Pagkakaisa. KAYA ang Kinabukasan. 💜🇵🇭

31/07/2026

31/07/2026

𝐂𝐋𝐄𝐀𝐍-𝐔𝐏 𝐃𝐑𝐈𝐕𝐄 & 𝐌𝐀𝐒𝐔𝐒𝐓𝐀𝐍𝐒𝐈𝐘𝐀𝐍𝐆 𝐇𝐀𝐍𝐃𝐎𝐆 | 𝐏𝐄Ñ𝐀 𝟒𝐂🧹🍲

Matagumpay na naisagawa ang ating Clean-Up Drive at Feeding Program sa Sitio Peña 4C sa pangunguna ni SK Chairman - Hannah Cordis at ng KAYA Mayamot.

Hindi lamang tayo nagtulungan upang mapanatiling malinis ang ating komunidad, kundi nagbahagi rin tayo ng libreng mainit na sopas para sa ating mga estudyanteng papasok at kagagaling lamang sa paaralan bilang munting handog upang mapunan ang kanilang lakas at mapasaya ang kanilang araw. 📚🥣

Lubos ang aming pasasalamat sa ating mga kabataang volunteers na naglaan ng oras at lakas para sa paglilinis ng komunidad, gayundin sa ating mga masisipag na ladies na buong pusong naghanda at nag-asikaso ng sopas para sa ating mga estudyante. 💜

Sa bawat tumulong at nakiisa, maraming salamat! Patuloy nating patunayan na sa pagkakaisa at bayanihan, mas marami pa tayong kayang gawin para sa ating komunidad.

31/07/2026

🚀 𝐘𝐎𝐔𝐑 𝐈𝐃𝐄𝐀. 𝐘𝐎𝐔𝐑 𝐅𝐔𝐓𝐔𝐑𝐄. 𝐘𝐎𝐔𝐑 𝐒𝐓𝐀𝐑𝐓.

May business idea ka ba na handa nang gawing realidad? Ngayon na ang pagkakataon mong ipakita ang iyong galing sa 𝗬𝗼𝘂𝘁𝗵 𝗦𝘁𝗮𝗿𝘁𝗨𝗽: 𝗕𝘂𝘀𝗶𝗻𝗲𝘀𝘀 𝗣𝗿𝗼𝗽𝗼𝘀𝗮𝗹 𝗘𝘅𝗽𝗼! 💡✨

Handog ng Sangguniang Kabataan ng Barangay Mayamot sa pangunguna ni SK Chairman - Hannah Cordis katuwang ang KAYA Mayamot, ang programang ito ay naglalayong bigyan ng pagkakataon ang mga kabataang Mayamot na maipakita ang kanilang inobatibong ideya at magkaroon ng pagkakataong makatanggap ng ₱10,000 start-up grant upang masimulan ang kanilang negosyo.

📌 Sino ang maaaring sumali?
✔️ Edad 15–30 taong gulang
✔️ Indibidwal o grupo na may business idea o start-up proposal
✔️ Hindi kailangan ng existing business
✔️ Rehistradong botante at residente ng Barangay Mayamot

📋 Mga Kailangang Isumite:
✅ Registration Form
✅ Required Identification Documents
✅ Business Proposal
✅ Pitch Deck

🗓️ Important Deadlines
📍 Registration Form – August 8 | 11:59 PM
📍 Business Proposal & Pitch Deck – August 14 | 11:59 PM

📲 I-scan ang QR codes sa mga larawan para sa Registration Form at Business Proposal Format.

I-submit ang registration form at business proposal sa:
Gmail: [email protected]

✨ Turn your idea into impact. Pitch today. Build tomorrow.

31/07/2026

🎓 𝐂𝐀𝐒𝐇 𝐈𝐍𝐂𝐄𝐍𝐓𝐈𝐕𝐄𝐒 𝐏𝐀𝐑𝐀 𝐒𝐀 𝐌𝐆𝐀 𝐂𝐎𝐋𝐋𝐄𝐆𝐄 𝐆𝐑𝐀𝐃𝐔𝐀𝐓𝐄𝐒 𝐍𝐀 𝐌𝐀𝐘 𝐋𝐀𝐓𝐈𝐍 𝐇𝐎𝐍𝐎𝐑𝐒 (𝐒𝐘 𝟐𝟎𝟐𝟓-𝟐𝟎𝟐𝟔) 𝐁𝐀𝐓𝐂𝐇 𝟏

Isang malaking pasasalamat at pagbati sa lahat ng ating mga college graduates na may Latin honors! Bilang pagkilala sa inyong sipag at talino, inihahanda ng Sangguniang Kabataan ng Brgy. Mayamot, SK Chairman Hannah Cordis, ang cash incentives para sa inyo! 🎉

📌 BATCH 1 PAYOUT DETAILS
📅 Petsa: August 3, 2026 (Lunes)
⏰ Oras: 7:00 AM
📍 Lokasyon: New SK Office, Sto. Niño 3 Pagrai Hills

✅ MGA KAILANGAN (REQUIREMENTS)
Siguraduhing dala ang mga sumusunod na dokumento:
• Photocopy ng Valid ID (must be a resident of Brgy. Mayamot)
• Photocopy ng School ID
• Photocopy ng Certificate of Recognition (o Latin Honors Certificate)

🔔 Paalala: Abangan ang anunsyo para sa Batch 2 Application!

Para sa karagdagang tanong, maaaring mag-message sa aming FB Page

30/07/2026

🛡️ 𝐊𝐀𝐘𝐀 𝐚𝐧𝐠 𝐩𝐫𝐨𝐭𝐞𝐤𝐬𝐢𝐲𝐨𝐧, 𝐊𝐀𝐘𝐀 𝐚𝐧𝐠 𝐤𝐚𝐭𝐢𝐲𝐚𝐤𝐚𝐧, 𝐊𝐀𝐘𝐀 𝐝𝐚𝐩𝐚𝐭 𝐒𝐈𝐆𝐔𝐑𝐀𝐃𝐎! 🛡️

✅ DAY 3 — SITIO MAC ADAMS

Matagumpay na naipagpatuloy sa Sitio Mac Adams ang Libreng Accident Insurance Program, isang proyektong handog ni SK Chairman - Hannah Cordis para sa Kabataang Mayamot, katuwang ang KAYA Mayamot.💜

Mas naging masaya ang ating Day 3 sa pamamagitan ng mga simpleng palaro—Shooting Challenge at Sturdy Challenge para sa mga bata at 45 Seconds, 4 Shots Challenge para sa mga binata. 🏀✨

Maraming salamat sa ating Youth Head na si Ate Reen at Jeremiah gayundin sa mga kabataang boluntaryo ng Sitio Mac Adams na tumulong at sumuporta na naging susi sa tagumpay ng programang ito. 🫶🏻

Tuloy-tuloy ang serbisyo. Tuloy-tuloy ang proteksyon. Tuloy-tuloy ang malasakit para sa Kabataang Mayamot! 🛡️💜

29/07/2026

🛡️ 𝐊𝐀𝐘𝐀 𝐚𝐧𝐠 𝐩𝐫𝐨𝐭𝐞𝐤𝐬𝐢𝐲𝐨𝐧, 𝐊𝐀𝐘𝐀 𝐚𝐧𝐠 𝐤𝐚𝐭𝐢𝐲𝐚𝐤𝐚𝐧, 𝐊𝐀𝐘𝐀 𝐝𝐚𝐩𝐚𝐭 𝐒𝐈𝐆𝐔𝐑𝐀𝐃𝐎! 🛡️

✅ DAY 2 — SITIO SALANG BAYAN

Matagumpay na naipagpatuloy sa Sitio Salang Bayan ang Libreng Accident Insurance Program, isang proyektong handog ni SK Chairman - Hannah Cordis para sa Kabataang Mayamot, katuwang ang KAYA Mayamot. 💜

Mas naging masaya ang ating Day 2 sa pamamagitan ng mga simpleng palaro—3-Point Shooting Challenge para sa mga bata at 45 Seconds, 4 Shots Challenge para sa mga binata. 🏀✨

Maraming salamat sa ating Youth Leader na si Paul Oldan, gayundin sa mga kabataang boluntaryo ng Sitio Salang Bayan na tumulong sa pagtatayo ng tent, pag-aayos ng mga lamesa at upuan, at sa pagpapahiram ng speaker. Ang inyong suporta at pagtutulungan ang naging susi sa tagumpay ng programang ito. 🫶🏻

Tuloy-tuloy ang serbisyo. Tuloy-tuloy ang proteksyon. Tuloy-tuloy ang malasakit para sa Kabataang Mayamot! 🛡️💜