Panday Sining Pampanga

10/12/2025

TAAS-KAMAO PARA SA HUMAN RIGHTS DEFENDERS!

Ngayong International Human Rights Day, buong pagpupugay naming itinataas ang lahat ng human rights defenders na walang tigil na nagtatanggol sa mamamayan sa kabila ng pananakot, red-tagging, at patuloy na pag-atake. Sila ang unang sumasama sa mga komunidad na matagal nang pinabayaan, unang humaharap sa mga biktima ng abuso, at unang tumutindig kapag sinisikil ang karapatan ng taumbayan. Sa kanilang araw-araw na pakikibaka, makikita ang tapang na dapat sana’y ginagawa ng estado—tapang na hindi umaatras, hindi napapagod, at hindi bumibitaw sa prinsipyo ng hustisya at dignidad.

Bilang mga artista ng bayan, kinikilala namin na ang aming sining ay higit pa sa pagtatanghal—ito ay daluyan ng paglaban, inspirasyon ng masa, at salamin ng mga katotohanang ipinaglalaban ng human rights defenders. Sa kanilang lakas at paninindigan namin hinuhugot ang sining na kumakampi, naglalantad, at patuloy na kumikilos. Kaya’t ngayong araw, malinaw ang aming panawagan: ipagtanggol ang mga nagtatanggol. Hangga’t may human rights defenders na handang tumindig para sa mamamayan, mananatiling buhay ang sining at kilusang nagtataguyod ng karapatan at kalayaan.

03/12/2025

PAGPUPUGAY SA ISANG TUNAY NA ARTISTA NG BAYAN!✊🏻

Pinakamataas na pagpupugay kay Antipas "Biboy" Delotavo, ika’y mananatiling buhay ang diwa niya sa bawat obra na naglalahad ng katotohanan at pakikibaka ng sambayanan. Isa sa pinakamatalim niyang ambag, "Ang Itak sa Puso ni Mang Juan," ay patuloy na sumasaksi na ang sining ay hindi luksang palamuti, kundi sandata ng masa mula sa welga ng mga manggagawa ng Coca-Cola hanggang sa bawat laban ng uring inaapi.

Bilang mga artista ng bayan, tulad ni Antipas, patuloy naming isinusulong ang sining na nakaugat sa masa, naglilingkod sa pakikibaka, at hindi natitinag sa harap ng pagsikil. Sa hagod ng kanyang mga kulay, itinuro niyang ang sining ay sandata—at ang bawat obra ay panawagan.

Mabuhay ka, Ka Antipas "Biboy" Delotavo. Mabuhay ang sining na naglilingkod sa masa.

22/11/2025

ICYMI: Matagumpay ang kilos-protesta kontra korapsyon, ng mga kabataan ng Clark o BayaniONE!

Nakiisa ang Panday Sining Pampanga sa malawak na pagtindig ng kabataan laban sa korapsyon, pagpapanawagan para sa dagdag badyet sa edukasyon, at pagtutol sa patuloy na pandarambong ng Rehimeng Marcos-Duterte!

Sa malawak na pagkilos ng UP Clark at National University - Clark, kaisa ang mga pambansa-demokratikong mga organisasyon ng Anakbayan, Panday Sining, Bahaghari at STAND UP, muling pinapatunayan sa kasaysayan na ang kabataan ang hindi nauubos na balon ng bagong henerasyon ng palaban at militanteng lider-aktibista.

Sa paparating na araw ni Bonifacio, ating isabuhay ang diwa ng pakikibaka ng Katipunan, ating palawakin ang ating hanay at malawakang kumilos. Isulong ang bagong tipo ng Pambansa-Demokrasya, na syang tunay na makakapagpalaya sa tanikala ng sambayanan!

PAG-ASA NG BAYAN, KABATAAN!
ARTISTA NG BAYAN, NGAYON AY LUMALABAN!

17/11/2025

ITANGHAL ANG MGA MARTIR NG HACIENDA LUISITA MASAKER! MAGBALIKWAS NANG SAMA SAMA, KASAYSAYAN AY LIKHAIN!

Mayaman ang Pilipinas, ngunit naghihirap ang sambayanang Pilipino,
Higit pa lalo sa uring magsasaka,
Na syang bumubuhay sa bansa,
Na syang pinapatay ng gutom at pagka-maralita.

Malawak ang Hacienda Luisita,
Malawak ang lupain at kasaysayan,
Ng inhustisya at pakikibaka
Hindi magapi-gapi, sa nagdaang dekada.

Sa panahong ang estado ang nagkakait ng karapatan,
Kanino mangangatwiran, sino ang lalapitan?
Sa militar at pulis na syang pumapaslang
Sa bata, kapatid at magulang?

Higit lalo nagliliyab ang diwa ng pakikibaka
Sa panahon ang lupa, kabuhayan at karapatan ay mistulang wawa.
Sa bawat patak ng dugo, dumadagundong
Ang hiyaw ng kilusang masa, ang rebolusyon.

HUSTISYA SA LAHAT NG MARTIR NG HACIENDA LUISITA MASAKER!
HACIENDA LUISITA, IBIGAY SA MAGSASAKA!

16/11/2025

ITANGHAL ANG KABAYANIHAN NG MGA MARTIR NG ASYENDA LUISITA MASAKER!

Ngayong araw, ika-16 ng Nobyembre, ginugunita natin ang ika-21 anibersaryo ng Hacienda Luisita Massacre — taon-taong paalala sa inhustisya at kasakiman ng estado sa uring magsasaka.

Sa Hacienda Luisita, inilunsad ang programa, bitbit ang mga panawagan para sa lupa, kabuhaya , paninirahan at hustisya. Sa pangunguna ng Alyansa ng Manggagawang Bukid sa Asyenda Luisita (AMBALA), Kaisa ang mga organisasyon mula Gitnang Luzon, at mamamayan upang gunitain ang mga martir ng Hacienda Luisita at ipagpatuloy ang pakikibaka ng masang anakpawis sa lupa, kabuhayan, paninirahan at hustisya.

Naglunsad ang Panday Sining Pampanga ng isang pagtatanghal, bitbit ang galit, lungkot at determinasyon ng sambayanang inaapi. Muling pinapatunayan na ang sining kultural ay siyang sumasalamin sa buhay at pakikibaka ng sambayanang pilipino!

Sa lumipas na 21 taon, higit dalawang dekadang binabagabag ng inhustisya ang Luisita, papalawak at papalakas lamang ang pakikibaka. Umiigting ang tawag sa hanay ng kabataan na makiisa at sumapi sa pakikibaka ng masang anakpawis, para sa lupa, kabuhayan, karapatan at soberanya!

MABUHAY ANG LAHAT NG MARTIR NG HACIENDA LUISITA!
HACIENDA LUISITA, IBIGAY SA MAGSASAKA!

09/11/2025

PANALANGIN PARA KING PAMPANGA

Ang ating mga kabalen ay nasa gitna ng panganib na dala ng Super Typhoon Uwan (Fung-wong), na nagdulot ng matinding pagbaha, malalakas na hangin, at malawak na pinsala sa iba’t ibang bahagi ng Pampanga. Libu-libong pamilya ang nawalan ng tirahan at nangangailangan ng ating mabilis na pagtugon.

URGENT CALL PARA KING DONASYUN!

Emergency Hotlines na maaaring tawagan para sa agarang tulong:

Angeles City: 0917-851-9581

Apalit: 0998-180-9077

Arayat: 0922-906-2071

Bacolor: 0966-136-5586

Candaba: 0915-110-6306

Floridablanca: 0962-126-6282

Guagua: 0932-183-3712

Lubao: 0917-812-5607

Mabalacat: 0939-924-3166

Macabebe: 0917-608-6038

Magalang: 0953-146-1077

Masantol: 0906-189-3021

Mexico: 0997-146-8254

Minalin: 0926-500-2119

Porac: 0953-694-2079

San Fernando: 0939-936-2423

San Luis: 0935-049-1036

San Simon: 0994-245-5764

Santa Ana: 0915-640-1656

Santa Rita: 0960-341-2399

Santo Tomas: 0917-505-9197

Sasmuan: 0997-655-9762

Mga maaaring i-donate para sa ating mga nasalanta:

• Food packs at tubig
• Household items
• Damit
• Toiletries
• Beddings o kumot

In-Kind Drop-off Point (Angeles City):
ABI Office, #54 Rue De Paree Street, Angeles City

For Cash Donations:
Pakirefer sa QR code na nakalagay sa mga kalakip na larawan para sa secure na cash transfers.

Habang nakatuon tayo ngayon sa agarang pagtulong, hindi rin natin dapat balewalain ang mas malalaking usaping nagpapalakas at nagpapalala sa mga trahedyang tulad nito. Ang walang katapusang pagbaha ay isang matinding paalala na ang sakuna ay kadalasang hindi lamang likas, kundi resulta rin ng kabiguan sa pamamahala.

Manatiling ligtas, handa, at wag makalimot magmalasakit!

03/11/2025

LIPUNA'Y PANDAYIN, ARMAS ANG 'YONG SINING!

🎭 ARTIST REVEAL #20 – PANDAY SINING PAMPANGA 🎭

Ang Panday Sining Pampanga ay ang pambansa-demokratikong pang-kulturang pangmasang organisasyon ng mga kabataan at artista ng bayan. Sa pamamagitan ng musika, tula at pagtatanghal, ipinapakita ng grupo na ang sining at kultura ay makapangyarihang sandata sa pagmumulat, pag-oorganisa, at pagpapakilos ng mga artista ng bayan laban sa pang-aapi, katiwalian, at kawalang-katarungan.

Artista ng Bayan, Ngayon ay Lumalaban!
Lipuna’y Pandayin, Armas ang ‘Yong Sining!

📅 Nov 9, 2025 | 5PM onwards
📍 Sto. Entierro St. Cor. Miranda St., Angeles City, Pampanga

Organized by Concerned Citizens of Pampanga and United Pampanga Artists Against Corruption

22/10/2025

HIGIT PA SA BUWAN NG PESANTE, MAKIBAKA PARA SA LUPA, MAKIISA SA PAKIKIBAKA NG MAGSASAKA!

Bilang kulminasyon para sa buwan ng pesante, ang mga magsasaka ng Gitnang Luzon, Timog Katagalugan, Negros, kaisa ang g**o, taong simbahan, kabataan at artista ng bayan ay dinala ang kanilang pwersa mula sa kampuhan sa DAR patungo sa Mendiola!

Hindi natatapos tuwing buwan ng Oktubre ang pakikibaka ng sambayanan at magsasaka para sa lupa. Ang lupa ay buhay—hindi lamang sa magsasaka kundi sa buong sambayanang pilipino—kaya’t sa gitna ng malawakang pangangamkam ng lupa, pagtalikod ng estado sa lokal na produksyon, at pagatake sa ating mga magsasaka, tiyak na aanihin natin ang tagumpay netong papalakas at papalawak na pagkilos para sa tunay na reporma sa lupa, pagdepensa sa lupang ninuno at panirikan.

Kaya mga kabataan, artista ng bayan, anong kinabukasan pa ba ang dadatnan natin kung ngayon pa lang pinapatay na tayo ng sistemang mapang-api?
Ngayon higit kailanman ang panahon na makiisa sa mga magsasaka, mag-organisa at makibaka para sa pambansang demokrasya!

TUNAY NA REPORMA SA LUPA, IPAGLABAN!
MAKIBAKA, HUWAG MATAKOT!

20/10/2025

TIGNAN: Sa pangunguna ng mga magsasaka ng Gitnang Luzon kanina, kasamang nag-martsa ang Panday Sining Pampanga mula sa UP Avenue patungong Department of Agrarian Reform (DAR) kung saan nakakampo ang mga pesante mula sa iba't ibang panig ng bansa, bitbit ang mga panawagang 'Tunay na Reporma sa Lupa' at 'Save the Rice Granary'.

Kasama ng mga anak ng lupa, itinindig ng mga alagad ng sining ang kulturang naglilingkod sa sambayanan, sining na hindi tahimik sa harap ng gutom at pang-aagaw ng lupa. Ang bawat hakbang ay panawagan para sa tunay na reporma sa lupa at pagtataguyod ng kabuhayan ng mga magsasaka laban sa mga panginoong maylupa at dayuhang interes.

Sa gitna ng sigaw at kulay ng pakikibaka, pinatotohanan ng Panday Sining Pampanga na ang sining ay hindi para sa iilan kundi ito ay sandata ng mamamayan para sa pambansang paglaya!

TUNAY NA REPORMA SA LUPA, IPAGLABAN!
LUPA PARA SA NAGBUBUNGKAL!
SAVE THE RICE GRANARY! SAVE CENTRAL LUZON!

19/10/2025

TIGNAN: Matagumpay na inilunsad ang programa ng mga magsasaka ng Gitnang Luzon, ngayong unang araw ng paglahok sa kampuhan 2025!

Sa pangunguna ng Alyansa ng Magbubukid ng Gitnang Luzon (AMGL) at BAYAN Gitnang Luzon, kaisa ang mga organisasyon ng magsasaka, mangingisda at manggagawang bukid; AMBALA, SAMMBAT, AUFSDAI at MAKISAMA Tinang, bitbit ang panawagang pagtutol sa malawakang Land-Use Conversion, demolisyon at palayasan, reklamasyon ng lupa at malubhang pagsasamantala sa kanilang kabuhayan.

Sama-samang pinapatambol ng mga magsasaka at kabataan ang kampanyang 'Save The Rice Granary' na pinaiigting anb pagtanggol sa karapatang pang-lupa, kabuhayan, at pagkain ng sambayanang Pilipino.

Ang Panday Sining Pampanga, sa pagsusulong ng pakikibaka ng kabataan at sambayanan ay nakikiisa at pinapaigting ang panawagan ng magsasaka! Para sa lupa, kabuhayan, pagkain at soberanya, ipaglaban ang tunay na reporma sa lupa!

TUNAY NA REPORMA SA LUPA, IPAGLABAN!
SAVE THE RICE GRANARY! SAVE CENTRAL LUZON!

19/10/2025

TIGNAN: Matagumpay na inilunsad ang programa ng mga magsasaka ng Gitnang Luzon, ngayong unang araw ng paglahok sa kampuhan 2025!

Sa pangunguna ng Alyansa ng Magbubukid ng Gitnang Luzon (AMGL) at BAYAN Gitnang Luzon, kaisa ang mga organisasyon ng magsasaka, mangingisda at manggagawang bukid; AMBALA, SAMMBAT, AUFSDAI at MAKISAMA Tinang, bitbit ang panawagang pagtutol sa malawakang Land-Use Conversion, demolisyon at palayasan, reklamasyon ng lupa at malubhang pagsasamantala sa kanilang kabuhayan.

Sama-samang pinapatambol ng mga magsasaka at kabataan ang kampanyang 'Save The Rice Granary' na pinaiigting anb pagtanggol sa karapatang pang-lupa, kabuhayan, at pagkain ng sambayanang Pilipino.

Ang Panday Sining Pampanga, sa pagsusulong ng pakikibaka ng kabataan at sambayanan ay nakikiisa at pinapaigting ang panawagan ng magsasaka! Para sa lupa, kabuhayan, pagkain at soberanya, ipaglaban ang tunay na reporma sa lupa!

TUNAY NA REPORMA SA LUPA, IPAGLABAN!
SAVE THE RICE GRANARY! SAVE CENTRAL LUZON!

18/10/2025

TIGNAN: Nagkaisa ang Panday Sining Pampanga at Kabataang Tarlakenyo ng Bayan sa tatlong araw ng makabayang sining at kolektibong pagkilos para sa paggawa ng mural at balatengga para sa kampuhan ng mga magsasaka!

Sa bawat kulay at hagod ng pintura, isinabuhay ang panawagang ng magsasaka! Ang kampanya na ‘Save the Rice Granary!’
Panawagang laban sa malawakang Land-Use conversion, landgrabbing, neoliberal na mga patakarang patuloy na nagpapahirap sa magsasaka’t sambayanan.

Sama-sama tayong kumilos ngayong buwan ng pesante; lumahok at sumuporta sa kampuhan ngayong Oktubre 19-21!

Isabuhay bilang artista ng bayan ang pangkulturang rebolusyon, sumanib sa batayang masa, isulong ang pakikibaka para lupa, kabuhayan, kalayaan at soberanya!

TUNAY NA REPORMA SA LUPA, IPAGLABAN!
SAVE THE RICE GRANARY! SAVE CENTRAL LUZON!