11/10/2025
https://www.facebook.com/share/p/16HKciKFxC/
๐๐๐ฌ๐๐ฒ๐๐ง๐ ๐๐๐๐ข๐๐ฌ๐ญ๐๐ง ๐ง๐ข๐ง๐ ๐๐ฎ๐๐ฌ๐ญ๐ซ๐ ๐๐รฑ๐จ๐ซ๐ ๐๐๐ฅ ๐๐๐ง๐ญ๐ข๐ฌ๐ข๐ฆ๐จ ๐๐จ๐ฌ๐๐ซ๐ข๐จ, ๐๐ ๐๐๐ฏ๐๐ฅ ๐๐ ๐๐ง๐ ๐๐ฅ๐๐ฌ! โจ๐
Reina ning Santo Rosario, kekaming Indu ning La Naval de Angeles.
Makatipun kami king mal mung arapan antimong metung a balayan king kapagmasusian king pamanyambut king larangan; uli ning panatang pengaku at atuparan; king mitatรกk a panaun at menatiling mal kekami; kapalyarian a aranasan at manatiling mabie king pilubluban mi; lugud a tinggap at miyatbanan; ing kekang pamamintakasi at lubus a pasalamatan; ing Dios a parangalan at sasamban.
O kaluguran ming Indu,
kabang ding labi mi bubulung king panalangin, ding taliri tatalan karing binutil ning rosario, ding tud makasiklaod, ding kekaming mata makatangad la keka - ,magparalampu kami king kekang pakalulu, king kekang kalam at king kekang lugud.
O Indu ning karatunan,
ibait me ing Dios karing kekaming pusu. Ibait me ing karatunan king kekaming yatu. Ibait me ing Verbong magdalang kapaldanan king sablang kasakitan, sambutan ing kasalanan kapamilatan ning lugud, daygan ing kamatayan, at pagdala mu kaming bie. antimo nung makananu kang misan memilatan para king ikasaplala ing kasalpantayanan karing kekaming isla, ipanalangin mu kami ngeni king oras ning kekaming pamakipagkal para king katutuwan at katuliran, para king kapayapan at lugud kang Cristo.
O Reina mi, Indu ning b***n Angeles at ning bansang Filipinas,
karing malugud mung takde, kukumunan me i Jesus, ing kekaming Dios, Ari at Talapangabus. Lalรกpit me kekami ban layun mi yang samban at suyuan, luguran at atagmuan ing kekaming pangakabus. O Indu mi at Reina, bista man mangalati la mu ring pusu mi, alang kasimpara ne man ing lugud mi para kekayu. At anyawaran mi pu kekayu, ume kayu at makisaut kekami, kambe ning pakamalan yung anak, ban โting upayang mipagkalaman kami kapamilatan ning mayubu yung pangaatyu; mikatmuan at layun isalikut yu kami king kekayung lugud at lingap; ituntutn kami painturu king alang anggang Fiat at Magnificat king Dios ,a king keyang lagiu ati kami mititpun. AMEN.
Viva La Virgen!
Viva Indu at Reina ning Sto. Rosario!
Viva La Naval de Angeles!
