Jowable Youth

16/04/2026

⏳ LESS THAN 24 HOURS LEFT! 🏃‍♂️🏃‍♀️

Final countdown na!

Hanggang midnight na lang ang registration for Eco Miles – Learners Smile Fun Run 2026 at hindi na ito mae-extend. ❌⏰

⚠️ Limited slots na lang din ang natitira! Kaya kung sasama ka, ngayon na ang time 👀

Huwag palampasin ang takbong may puso para sa kalikasan at sa kinabukasan ng kabataang Angateño. 🌱📚

Ito na ‘yung last chance mo… sasama ka ba? 💖

👉 REGISTER HERE: https://forms.gle/ZXhwptSDQoYDJewKA

📍 April 25, 2026 | Angat, Bulacan

25/03/2026

🌱💖 Bawat hakbang, may kabuluhan!

Inihahandog ng Angat Runners, sa pakikipagtulungan sa Angat Local Youth Development Council (LYDC) ang Eco Miles – Learners Smile Fun Run.

Sa darating na ika-25 ng Abril, 2026, makiisa at tumakbo para sa makabuluhang layunin na hindi lang para sa kalusugan, kundi para rin sa Angateñong kabataan! 🥰

Ang malilikom na proceeds ay ilalaan para sa mga piling mag-aaral ng pampublikong paaralan sa Bayan ng Angat. 📝📖


📌 Para sa mga nais sumali:

1️⃣ Mag rehistro sa link below:

https://forms.gle/m9QqimWrfbedweKL6

Scan the QR code para sa online registration at payment.

2️⃣ Mag-register manually sa pamamagitan ng pakikipag-ugnayan sa Angat LYDC o Angat Runners pages

🎁 Ang distribution ng race shirts at bib numbers ay iaannounce soon, kasama ang iba pang surprises gaya ng papremyo at kaabang-abang na panauhin.

Sama-sama tayong tumakbo para sa kalikasan, sa kabataan, at para sa kinabukasan ng bayan ng Angat. 💜💙

10/02/2026

GABI NG PARANGAL 2026: DALUBHASA NG BAYAN — DANGAL AT MAG-AANGAT NG PAMAYANAN

Mga Kabataang Angatenyo, inaanyayahan namin kayo para sa isang gabi ng pagdiriwang ng inyong tagumpay at upang ipakita sa buong bayan ang bunga ng inyong sipag, at dedikasyon!

Ang Gabi ng Parangal 2026 ay para sa inyo — ang mga dalubhasang nagsumikap, nagtagumpay, at patuloy na nagbibigay dangal sa ating komunidad.

📅 Petsa: March 7, 2026
📍 Lugar: Angat Municipal Gymnasium

💡 MAG-REGISTER NA!

Sundin lamang ang mga hakbang:

1️⃣ Punan ang registration form dito:

https://forms.gle/4jkjG5J65FFCuhtS9

2️⃣ Siguraduhing tama ang iyong impormasyon.

3️⃣ Hintayin ang confirmation message para sa iyong pagdalo.

📌 Deadline ng Registration: February 22, 2026

Huwag palampasin ang pagkakataong maging bahagi ng gabi ng inspirasyon, pagpupunyagi, at pagkilala sa mga kabataang nagtagumpay sa kanilang mga piniling larangan.

Muli, isang malugod na pagbati sa ating mga bagong Dalubhasa ng Bayan!

25/01/2026

Limang taon ng pagkilos na pinanday ng tapang, malasakit, at paniniwala sa kakayahan ng kabataan.

Sa paglipas ng panahon, ang Jowable Youth ay naging isang tahanan para sa mga kabataang handang matuto, kumilos, at magbahagi ng oras at lakas para sa kapwa. Sa bawat programang naisakatuparan, mas pinagtitibay ang paniniwalang ang kabataan ay hindi lamang tagasunod, kundi mga lider na may malasakit at paninindigan.

Sa pagdiriwang ng Ikalimang Taon ng Pagkakatatag, patuloy nating pinanghahawakan ang adhikaing magsilbi—tahimik man o lantad—para sa komunidad at sa mas makabuluhang bukas. Ito ay paalala na may puwang para sa mga kabataang handang makiisa, makaramdam, at maging bahagi ng patuloy na pagkilos.

Magsilbing inspirasyon, kumilos nang may puso, at patuloy na maging liwanag para sa bukas.

25/01/2026

Maligayang kaarawan, Mayor Reynante “JOWAR” Bautista 🎉

Ang JOWABLE Youth ay isinilang mula sa paniniwalang ang kabataan ay may kakayahang manguna, magmalasakit, at maglingkod nang may layunin. Sa likod ng paniniwalang ito ay isang lider, isang ama ang piniling magtiwala, makinig, at magbukas ng mga pintuan para sa mas marami.

Sa inyo pong kaarawan, muli naming pinagtitibay ang adhikaing patuloy na maglingkod—hindi para sa pagkilala, kundi para sa kapwa at sa kinabukasan. Ang inyo pong paggabay ay nagsisilbing paalala na ang tunay na pamumuno ay nasusukat sa mga kabataang patuloy na tumitindig at kumikilos.

Maraming salamat po sa inspirasyon at tiwalang patuloy ninyong ipinagkakaloob. Kasama po ninyo kami sa pagpapatuloy ng paglilingkod at paghubog ng kabataang may malasakit at paninindigan.

10/11/2025

Narito po ang kasalukuyang tala ng ilan sa ating mga kababayang lubos na naapektuhan ng Super Typhoon Uwan, lalo na po iyong mga lumikas mula sa mga lugar na madalas bahain.

Agad po tayong nakapagsagawa ng emergency relief operations para sa kanila, at tuloy-tuloy pa rin po ang ating pagsubaybay sa kalagayan sa iba’t ibang bahagi ng bayan.

Kung may mga emergency situations po sa inyong lugar, huwag pong mag-atubiling makipag-ugnayan sa ating mga hotlines upang agad nating maipaabot ang tulong na kinakailangan.

Maraming salamat po kay Cong. Salvador Pleyto sa maagap na paghahatid ng tulong sa ating mga kababayan. Sa mga nakaluluwag naman po nating kababayan, maaari po kayong magbahagi din sa kanila ng anumang kakayanin ninyong tulong upang kahit paano ay makagaan sa kanilang pasanin.

Sa ganitong panahon ng pagsubok, nawa’y manaig ang pagkakaisa at malasakit sa kapwa. Itabi muna natin ang paninira at sisihan—ang mahalaga ngayon ay magkaisa tayo sa pagtulong sa ating mga kababayang lubos na naapektuhan.

Sama-sama po tayong babangon, dahil sa Angat, walang maiiwan.

08/10/2025

16/09/2025

Congratulations, Sophia Varilla! 🩵✨

Malugod kong binabati ang isa sa aking mga ipinagmamalaking anak sa JOWABLE Youth, si Sophia Mae Varilla, sa matagumpay na pagpasa sa kamakailang ginanap na Licensure Examination for Social Workers.

Ang iyong tagumpay ay hindi lamang bunga ng iyong sipag at tiyaga, kundi patunay din ng iyong malasakit sa kapwa. Sa iyong pagkakapasa, legal mo nang magagamit ang iyong propesyon upang lalo pang paigtingin ang nasimulan mong tapat na paglilingkod sa mga komunidad ng bayan ng Angat.

Nawa’y magsilbi itong inspirasyon sa marami pang kabataan na patuloy na mag-aral, mangarap, at ialay ang kanilang kakayahan para sa ikabubuti ng ating bayan.

Mabuhay ka, Sophia! Kami ay lubos na proud sa iyo. 🎉👏

03/09/2025

30/07/2025

Voter Registration Alert, mga Angateños!

Muling bubuksan ang voter registration mula Agosto 1 hanggang 10, 2025, araw-araw kabilang ang mga holiday, mula 8:00 AM hanggang 5:00 PM.

Tumatanggap ang Comelec ng mga aplikasyon para sa:
🔹 Bagong registration
🔹 Pagbabago ng pangalan o status
🔹 Pagwawasto ng impormasyon sa rehistro
🔹 Reactivation ng record
🔹 Pagdaragdag sa listahan ng rehistradong botante
🔹 Pagbabalik ng pangalan sa listahan ng botante
🔹 Transfer ng record mula sa Foreign Post patungong lokal
🔹 Pag-update ng datos ng PWDs, Senior Citizens, IPs/ICCs at iba pang vulnerable sectors

❗Hindi tumatanggap ng aplikasyon para sa lokal na transfer ng registration records.

Magsadya sa Comelec Office na matatagpuan sa likod ng ating Bahay Pamahalaan.

Huwag palampasin ang pagkakataong ito para makaboto sa Barangay at SK Elections sa Disyembre 1, 2025!

25/07/2025

𝐏𝐚𝐠𝐛𝐚𝐭𝐢, 𝐉𝐎𝐖𝐀𝐁𝐋𝐄 𝐘𝐎𝐔𝐓𝐇!🎉

Pagpupugay sa mga kabataan na nagpamalas ng kanilang 𝗵𝘂𝘀𝗮𝘆 𝗮𝘁 𝗴𝗮𝗹𝗶𝗻𝗴 𝘀𝗮 𝗽𝗮𝗴-𝗮𝗮𝗿𝗮𝗹. Ang inyong dedikasyon at sipag ay patunay na walang imposible sa taong may pangarap at determinasyon. Patuloy nawa kayong maging inspirasyon at mabuting halimbawa sa ating mga kapwa kabataan.

Ipinagmamalaki namin kayo, mga ka-Jowable. Ang inyong tagumpay ay tagumpay ng buong bayan.