RHU Castañeda

10/08/2026

🎉 MRSIA 2026 — OPISYAL NANG INILUNSAD SA ALFONSO CASTAÑEDA! 💉

Ngayong araw, opisyal nang inilunsad ang Measles-Rubella Supplemental Immunization Activity (MR SIA) 2026 sa Munisipyo ng Alfonso Castañeda, bilang bahagi ng sama-samang pagkilos para maprotektahan ang mga batang 6–59 months old laban sa Measles at Rubella. 🛡️👧👦

Naging bahagi ng paglulunsad ang ating Vice Mayor Evelinda Huerta, kasama ang iba pang mga lokal na opisyal ng bayan, bilang pagpapakita ng suporta ng Pamahalaang Bayan ng Alfonso Castañeda sa mahalagang programang pangkalusugan na ito.

Ang implementasyon ng MRSIA 2026 ay isinasagawa sa pamamagitan ng Municipal Health Office, sa pamumuno ng ating MHO- Dra. Annie C. Bawayan, katuwang ang ating mga health workers at barangay partners, at sa patuloy na suporta ng Pamahalaang Bayan sa ilalim ng pamumuno ng ating Mayor Wilson M. Capiao.

👶 May anak ka bang 6–59 months old?
TARA NA! PROTEKTAHAN NATIN SILA!

💉 LIBRENG MR VACCINE
🎁 MAY FREEBIES PARA SA MGA MABABAKUNAHAN! 🥳

📍 Vaccination Site:
👉 Sa harap ng Alfonso Castañeda RHU

Parents, Guardians, at Caregivers, huwag itong palampasin! Dalhin na ang inyong mga anak at bigyan sila ng dagdag na proteksyon laban sa Measles at Rubella. ❤️

✨ BAKUNA NGAYON, PROTEKSYON PARA BUKAS! ✨

03/08/2026

🚨 DENGUE ALERT UPDATE 🚨

📢 PABATID SA LAHAT
Patuloy ang pagtaas ng kaso ng dengue sa ating munisipalidad. Habang patuloy ang nararanasang pag-ulan dulot ng bagyo, tumataas din ang panganib ng pagdami ng mga lamok na nagdadala ng dengue. Mag-ingat at makiisa sa pagpigil sa pagkalat ng sakit.

📊 Nitong nagdaang linggo (July 27–August 2, 2026), walong (8) bagong kaso ng dengue ang naitala:
📍 Barangay Lublub – 3 kaso (Purok 2 at 5)
📍 Barangay Abuyo – 1 kaso (Purok 2)
📍 Barangay Galintuja – 4 kaso (Purok 4)

⚠️ PAALALA SA PANAHON NG BAGYO
Habang umuulan, hangga't maaari ay tiyaking walang mga lalagyan sa paligid ng bahay na maaaring maipunan ng tubig. Pagkatapos humupa ang ulan o bagyo, agad na alisin ang naipong tubig sa mga gulong, bote, paso, timba, drum, alulod, at iba pang lalagyan dahil maaari itong maging pamugaran ng lamok sa loob lamang ng ilang araw.

🦟 Isagawa araw-araw ang 4T's Kontra Mosquito:
🟢 Taob – Ipagtaob ang mga lalagyan ng tubig na maaaring pamugaran ng lamok.
🟢 Taktak – Taktakin ang mga paso, gulong, at iba pang lalagyan upang maalis ang mga itlog ng lamok.
🟢 Tuyo – Panatilihing tuyo at malinis ang bakuran at paligid kapag ligtas nang magsagawa ng paglilinis.
🟢 Takip – Takpan nang maayos ang lahat ng imbakan ng tubig.

🚨 Mahalagang Paalala:
✅ Kapag ligtas na ang panahon, linisin agad ang bakuran at paligid ng bahay.
✅ Alisin ang lahat ng naipong tubig matapos ang pag-ulan o pagbaha.
✅ Makiisa sa clean-up drive ng inyong barangay upang mapuksa ang mga pinamumugaran ng lamok.

⚠️ Kung ikaw o miyembro ng inyong pamilya ay may lagnat na tumatagal ng dalawa (2) o higit pang araw, lalo na kung may kasamang matinding pananakit ng ulo, pananakit ng katawan, pagsusuka, o pagdurugo, agad na magpakonsulta sa pinakamalapit na Barangay Health Station, Rural Health Unit, o Alfonso Castañeda Municipal Hospital.

🤝 Ang dengue ay maiiwasan kung sama-sama tayong kikilos. Sa gitna ng bagyo, unahin ang kaligtasan ng pamilya. Pagkatapos ng pag-ulan, agad nating linisin ang ating paligid upang hindi makapamugad ang mga lamok.

🌿 Malinis na Kapaligiran, Malusog na Komunidad.

30/07/2026

Happy Birthday to our amazing ambulance driver..our road hero, who's always ready to hit the road and get us where we need to be—safely and swiftly! 🥳🚑🎂

Have an amazing birthday! Thank you in advance sa pa "Pansit"
From MHO Family

27/07/2026

🚨 DENGUE ALERT UPDATE 🚨

📢 PABATID SA LAHAT

Patuloy ang pagtaas ng kaso ng dengue sa ating munisipalidad. Dahil sa sunod-sunod na pag-ulan, mas maraming lugar ang maaaring pamugaran ng mga lamok na nagdadala ng dengue.

📊 Nitong nagdaang linggo (July 19-26, 2026), anim (6) ang naitalang bagong kaso ng dengue:
📍 Barangay Lublub – 3 cases (Purok 2,3,5)
📍 Barangay Abuyo – 2 cases (Purok 1 & 2)
📍 Barangay Galintuja – 1 case (Purok 1)

⚠️ BABALA: Ang mga naipong tubig sa mga gulong, bote, paso, timba, drum, alulod, at iba pang lalagyan matapos ang pag-ulan ay maaaring maging pamugaran ng lamok sa loob lamang ng ilang araw. Huwag hayaang dumami ang lamok sa ating komunidad.

🦟 Isagawa araw-araw ang 4T's Kontra Mosquito:

🟢 Taob – Ipagtaob ang mga lalagyan ng tubig na maaaring pamugaran ng lamok.

🟢 Taktak – Taktakin ang mga paso, gulong, at iba pang lalagyan upang maalis ang mga itlog ng lamok.
🟢 Tuyo – Panatilihing tuyo at malinis ang bakuran at paligid.
🟢 Takip – Takpan nang maayos ang lahat ng imbakan ng tubig.

🚨 Mahalagang Paalala:
✅ Linisin ang bakuran pagkatapos ng bawat pag-ulan.
✅ Alisin ang anumang naipong tubig sa loob at paligid ng bahay.
✅ Makiisa sa clean-up drive ng inyong barangay upang mapuksa ang mga pinamumugaran ng lamok.

⚠️ Kung may lagnat na tumatagal ng 2 araw o higit pa, lalo na kung may kasamang pananakit ng ulo, pananakit ng katawan, pagsusuka, o pagdurugo, agad na magpakonsulta sa pinakamalapit na Barangay Health Station, Rural Health Unit, o Alfonso Castañeda Municipal Hospital.

🤝 Ang dengue ay maiiwasan kung sama-sama tayong kikilos. Ang simpleng paglilinis ng ating paligid ay makapagliligtas ng buhay.

🌿 Malinis na Kapaligiran, Malusog na Komunidad.
Sama-sama nating sugpuin ang dengue!

Alfonso Castañeda

16/07/2026

📢 PABATID SA LAHAT

Ang MHO Alfonso Castañeda ay nakapagtala ng sunod-sunod na kaso ng dengue sa Barangay Lublub simula noong nakaraang linggo. Sa kasalukuyan, umabot na sa limang (5) kaso ang naitala.

Dahil dito, hinihikayat ang lahat ng residente na makiisa sa pagsasagawa ng 4T's Kontra Mosquito:
🟢 Taob – Ipagtaob ang mga lalagyan ng tubig na maaaring pamugaran ng lamok.
🟢 Taktak – Taktakin ang mga paso, gulong, at iba pang lalagyan upang maalis ang itlog ng lamok.
🟢 Tuyo – Panatilihing tuyo at malinis ang paligid.
🟢 Takip – Takpan nang maayos ang lahat ng imbakan ng tubig.

Ang dengue ay isang seryosong sakit na maaaring magdulot ng malubhang komplikasyon at maging sanhi ng pagkamatay kung hindi agad maagapan.

🌿 Malinis na Kapaligiran, Malusog na Komunidad.

10/07/2026

COVID-19 Awareness

02/07/2026

ANNOUNCEMENT!!
Maari nyo na pong kunin ang resulta ng inyong Chest Xray noong June 19, 2026
look for YANG

02/07/2026

🌧️🦟 TAG-ULAN NA! MAG-INGAT LABAN SA DENGUE! 🦟🌧️

Dahil sa patuloy na pag-ulan at pagtaas ng bilang ng mga kaso ng dengue sa mga karatig-bayan ng ating munisipalidad, hinihikayat ang bawat pamilya na maging mapagmatyag at makiisa sa ating kampanya laban sa dengue.

⏰ Araw-araw, tuwing alas-4:00 ng hapon, gawin ang KONTRA DENGUE!

✅ TAOB – Itaob ang mga lalagyan ng tubig na hindi ginagamit upang hindi pamugaran ng lamok.

✅ TAKTAK – Taktakin ang mga lalagyan tulad ng paso, gulong, at iba pang maaaring pamugaran ng itlog ng lamok.

✅ TAKIP – Takpan nang maayos ang lahat ng imbakan ng malinis na tubig.

✅ TUYO – Panatilihing tuyo at malinis ang paligid. Alisin ang mga nakatiwangwang na lalagyan na maaaring maipunan ng tubig-ulan.

🦟 Ang lamok na nagdadala ng dengue ay mabilis dumami sa mga lugar na may naipong malinis na tubig. Ang simpleng paglilinis ng ating kapaligiran ay malaking hakbang upang maprotektahan ang ating pamilya at komunidad.

📢 Makiisa sa "Alas Kwatro Kontra Dengue" at gawing araw-araw na gawain ang TAOB, TAKTAK, TAKIP, at TUYO.

💚 Sama-sama nating sugpuin ang dengue. Ang pag-iwas ay nagsisimula sa ating tahanan!

19/06/2026

Extended Po Ang ating chest xray, punta napo kau ng 1pm Dito sa Hospital

LIBRENG CHEST X-RAY!
TB CARAVAN 2026

"Maagang Pagtuklas, Agarang Lunas – Sama-sama Nating Wakasan ang TB!"

When: June 19, 2026 (Biyernes) Where: Alfonso Castañeda Municipal Hospital
🕗 Oras: 8:00 AM – 12:00 NN
🎯 200 SLOTS ONLY!
⚠️ First Come, First Served basis.

18/06/2026

LIBRENG CHEST X-RAY!
TB CARAVAN 2026

"Maagang Pagtuklas, Agarang Lunas – Sama-sama Nating Wakasan ang TB!"

When: June 19, 2026 (Biyernes) Where: Alfonso Castañeda Municipal Hospital
🕗 Oras: 8:00 AM – 12:00 NN
🎯 200 SLOTS ONLY!
⚠️ First Come, First Served basis.