19/03/2026
HINDI PUWEDENG SUMABAY MAG-EID ANG PILIPINAS SA SAUDI ARABIA❗❗❗
👉 TANONG NG IILAN:
"Kaming nasa Pilipinas, Maaari ba kaming sumabay sa Saudi Arabia na mag-Eid bukas Araw ng Biyernes?
👉 Direktang Sagot: HINDI MAAARI❗❗
Sundin mo ang Anunsyo ng inyong Mufti sa Pilipinas at huwag sumunod sa anunsyo ng Saudi Arabia.
👉 Ang pinaka tamang pananaw ng mga Ulama (pantas) ay ang bawat bansa ay nararapat ang pagsilip ng unang buwan sa pag-umpisa at pagtatapos ng Ramadan.
♦️ Nararapat siyang sumunod sa anunsyo ng kanyang bansa (Mufti) at huwag sumabay sa anunsyo ng ibang bansa kahit ito ay bansang SAUDI ARABIA!!
👉 Sinabi ng Propeta (sumakanya ang biyaya at kapayapaan):
“Kayo ay mag ayuno kung ito ay inyong nakita (unang buwan) at inyong itigil ang pag-aayuno kapag inyong nakita (unang buwan..”
👉 Nagpahayag ang Permanent Committee ng Saudi Arabia ng:
“Nagkaisa ang lahat ng Ulama (pantas) na ang paglabas ng unang buwan sa lahat ng bansa ay magkakaiba ng panahon.
Ang bagay na ito ay nasasaksihan (nararamdaman) at sinang-ayunan ng may tamang kaisipan at pang-uunawa!!
👉 Kung ating sisilipin ang kasaysayan sa loob ng mahigit 1400 taon na ang nakakalipas,
Walang naganap na panahon na nagkaisa ang lahat ng bansang Muslim at nagdepende lamang sa iisang bansa sa pagsilip ng buwan❗
Dahil dito, kanilang nakikita ang pagpapanatili sa anumang ginawa ng sinaunang mga mananampalataya at huwag gawing malaking issue ang bagay na ito.
-Ang bawat bansa ay may karapatan sa pagpipili kung ano ang nakikita ng kanilang mga pantas (Ulama) na nakakabuti na pinapanigan ng matibay na batayan” FATAWA LUGNA DAIMA 10/102
👉 Kaya ang pag silip na ito sa unang buwan ay ipinag utos sa lahat ng bansa.
👉👉 MATIBAY NA DALEEL:
- Sa panahon ng pamumuno ni Muawiyya kung saan siya ay nakabase sa bansang Syria, kanilang sinilip ang unang buwan, Gayundin sa Madinah sa pamumuno in Abdullah Ibn Abbas ay kanila ring sinilip ang unang buwan.
- Ang dalawang bansa ay nagkaroon ng pagkakaiba ng kalagayan sa araw ng paglabas ng unang buwan❗
👉 Kung ang kautusan ay magdepende lamang sa isang bansa sa pagsilip ng unang buwan, hindi sana mangyari na magkaroon ng pagkaiba sa pag-umpisa sa araw ng pag aayuno at hindi narin payagan ang ibang lugar na sumilip ng unang buwan.
👉👉 Alalahanin natin sa panahong yaon ay iisa lamang ang pinuno ng mga Muslim sa buong mundo, walang iba kundi si Muawiyya, Ngunit magkaganun pa man, magkaiba ang araw ng kanilang pag-umpisa ng pag-aayuno.
👉👉 NARITO ANG DALEEL:
♦️ Isinaylaysay ni Kuraib:
“Inutusan ako ni Um Fadal (ina ni Ibn Abbas) na pumunta kay Muawiyya (Ameerul Mu’mineen) sa lugar sa Sham (Syria, Lebanon,Palestin & Jordan),
Sinabi ni Kuraib: “Nakarating na ako sa Bansang Sham at nagawa ko na ang kautusan sa akin. Pumasok ang buwan ng Ramadan na ako ay nasa Sham at nakita ko ang unang buwan sa gabi ng Biyernes,
Muli, ako ay bumalik na ng Madinah sa huling buwan.
Tinanong ako ni Abdullah Ibn Abbas (anak ni Um fadl), muli ay binanggit niya ang pagkakita ng unang buwan at kanyang sinabi:
“kailan niyo nakita ang unang buwan?”
Sinabi ko: “Nakita namin ang unang buwan sa gabi ng Biyernes”
Muli, Sinabi ni Ibn Abbas: “Nakita mo ba mismo sa iyong sarili?”
Sinabi ko: “Oo nakita ko at nakita ng mga tao at sila ay nag ayuno at nag ayuno rin ang Pinuno ng mga Muslim na si Muawiyya.
Sinabi ni Iban Abbas:
“Ngunit kami ay nakita namin ang unang buwan sa gabi ng Sabado” at kasalukuyan kaming mag-aayuno hanggang sa makumpleto namin ang 30 araw o Makita namin ang buwan”
Sinabi ko: “Hindi ba tayo magdepende sa pagkakita ni Muawiyya (ng buwan) at sa kanyang pag-aayuno?”
Sinabi ni Ibn Abbas:
“Hindi! Dahil ito ang kautusan ng Sugo ni Allah sa amin”
Naiulat mula kay Imam Muslim
👉👉 Ito ang pinaka matibay na batayan na bawat bansa ay nararapat sumilip ng unang buwan at hindi magdepende sa pagsilip ng iba.
♦️ Binanggit ni IMAM AN-NAWAWI hinggil sa bagay na ito: “Katunayan ang HADITH na ito ay tumutukoy na ang bawat bansa ay nangangailangan ng pagsilip ng unang buwan, at kung sakali kanilang makita ang unang buwan, hindi sakop sa hatol na ito ang mga lugar na malayo sa kanila”
Paliwanag mula sa Saheeh Muslim
PINAGKUHANAN SA USAPIN:
ن كريب أن أم الفضل بعثته إلى معاوية بالشام، فقال: فقدمت الشام، فقضيت حاجتها، واستهلَّ عليَّ رمضان وأنا بالشام، فرأيت الهلال ليلة الجمعة، ثم قدمت المدينة في آخر الشهر، فسألني عبدالله بن عباس، ثم ذكر الهلال فقال: متى رأيتم الهلال؟ فقلت: رأيناه ليلة الجمعة، فقال: أنت رأيته؟ فقلت: نعم ورآه الناس وصاموا، وصام معاوية، فقال: لكنَّا رأيناه ليلة السبت، فلا نزال نصوم حتى نكمل ثلاثين أو نراه، فقلت: ألا تكتفي برؤية معاوية وصيامه؟ فقال: لا هكذا أمرنا رسول الله صلى الله عليه وسلم [رواه مسلم:1819
وقد ذكر النووي: "أن هذا الحديث يدل على أن لكل بلد رؤيته، وأنهم إذا رأوا الهلال في بلد لا يثبت حكمه لما بعد عنهم" شرح صحيح مسلم (ج ص188 ـ 197)
✍️ Zulameen Sarento Puti
