Canterbury Somali Community Association Incorporated - CSCA Inc.

04/04/2026

03/04/2026

Waxaa si habsami leh u qabsoontay doorashadii hoggaanka Jaaliyadda Soomaaliyeed ee Canterbury somali Community Association oo ka dhacday christchurch new zealand galabnimadii khamiista 26/03/2026
Doorashadan ayaa ahayd mid si weyn loo sugayay, iyadoo ay ka soo qayb galeen xubno badan oo ka tirsan jaaliyadda, kuwaas oo muujiyay xiisaha ay u qabaan horumarinta iyo midnimada bulshada.

Doorashada waxaa si daahfuran oo cadaalad ah u maamulayay guddiga doorashada, kuwaas oo hubiyay in nidaamka codbixintu u dhacay si waafaqsan xeerarka iyo habraacyada u degsan jaaliyadda.

Intii ay socotay doorashadu, musharrixiin kala duwan ayaa u tartamay xilalka kala duwan ee hoggaanka, iyagoo soo bandhigay aragtiyahooda iyo qorshayaashooda ku aaddan horumarinta jaaliyadda, xoojinta wadajirka, iyo ka shaqaynta danta guud.

Ugu dambayn, natiijada doorashada ayaa lagu dhawaaqay, waxaana ku guuleystay:
• Guddoomiyaha: Osman ahmed
• Guddoomiye ku-xigeenka: mohamed bile
• Xoghayaha: hassan yusuf
• Qasnajiga: nimco mursal
• Gudoomiyaha arimaha bulshada : TAhliil Ali

Jaaliyaddu waxay u hambalyaynaysaa hoggaanka cusub, waxayna ku boorinaysaa inay si daacadnimo, hufnaan iyo isla xisaabtan leh ugu adeegaan bulshada. Sidoo kale, waxaa mahad gaar ah la siinayaa musharrixiintii ka qayb gashay doorashada iyo dhammaan xubnihii codkooda dhiibtay.

Doorashadan ayaa astaan u ah horumarka dimuqraadiyadeed ee jaaliyadda iyo sida ay uga go’an tahay dhisidda mustaqbal wanaagsan oo mideysan.

Gabagabo:
Jaaliyadda Soomaaliyeed waxay mar kale muujisay awoodda ay u leedahay is-maamul, wadajir iyo horumar. Waxaa la rajaynayaa in hoggaanka cusub ay ka shaqeeyaan danta guud, isla markaana ay sii xoojiyaan midnimada iyo iskaashiga bulshada.

mohamed Bile
gudoomiye ku xigeen

Allah mahad iska leh.

02/04/2026

27/03/2026

Asalaamu Calaykum Waraxmatullaahi Wabarakaatuh dhammaan walaalaha Soomaaliyeed

Ku soo dhowaada bogga rasmiga ah ee Jaaliyadda Soomaaliyeed ee

Boggan waxaa loo aas-aasay in uu noqdo meel aynu ku mideysano, ku wadaagno wararka muhiimka ah, fursadaha, iyo arrimaha khuseeya bulshada Soomaaliyeed ee halkan ku nool.

Ujeeddooyinka boggan waxaa ka mid ah:
• Xoojinta midnimada iyo wadajirka jaaliyadda
• Is-wargelinta iyo wadaagista macluumaadka muhiimka ah
• Taageeridda horumarka bulshada Soomaaliyeed
• • Faafinta fursadaha shaqo, waxbarasho, iyo tababaro
• Taageeridda dhalinyarada iyo horumarintooda mustaqbalka
• Dhiirrigelinta ganacsiga yaryar iyo is-kaashiga dhaqaale
• Ilaalinta iyo kobcinta dhaqanka, afka, iyo hidaha Soomaaliyeed
• Abaabulka munaasabadaha iyo kulamada jaaliyadda
• Taageeridda dadka cusub ee dalka yimid si ay ula qabsadaan nolosha
• Wacyigelin ku saabsan caafimaadka, waxbarashada, iyo arrimaha bulshada
• Ka shaqeynta xalinta khilaafaadka si nabad ah
• Dhisidda xiriir wanaagsan oo lala yeesho bulshada kale iyo hay’adaha dalka
• Dhiirrigelinta iskaa-wax-u-qabso iyo caawinta dadka tabaaleysan
• Kobcinta kalsoonida iyo isku xirnaanta bulshada.

Waxaan ku boorrinaynaa dhammaan xubnaha inay ka qaybqaataan horumarinta boggan, isla markaana ay ilaaliyaan anshaxa, ixtiraamka, iyo wada noolaanshaha wanaagsan.

Jaaliyad mideysan waa bulsho horumar leh

Ku soo dhowaada mar kale, gacmo furan ayaana idin kugu soo dhoweynaynaa.

Midnimo, wadajir, iyo is kaashi ayaa ah furaha horumarkeena

Mahadsanidiin dhammaantiin.

Mohamed Bile
Gudoomiye ku xigeen