22/08/2026
🇼🇸🇼🇸🇼🇸
🥇 PINE AURO LE AUFAIPESE UNITED AUCKLAND GOSPEL CHOIR I SWEDEN 🇸🇪
O le tauvaga aufaipese a le lalolagi lea sa talimālō ai Sweden 🇸🇪 i Europa ua pale ai le aufaipese tu’ufa’atasi a Aukilani lea sa avea ma sui a Aotearoa/Niu Sila ma le Pasefika atoa i le pine auro🥇
O le Fetalaiga iā Seumanu Seuoti Simon Matāfai JP lea sa avea ma ta’ita’i i lea fa’amoemoe ma na ia fa’afetaia le alofa o le Atua i le malaga mamao ma le a’e manū o faiva e pei ona latou feagai ai ma fa’alagamaea fa’alemusika po’o Pese Lotu (Gospel).
Mai fa’amasino e to’a fitu, e 93.5 le latou score mai pese e fa na usuina i le 15 minute faatapulaaina. O le World Choir Games World Choir Games 2026 e aofia ai aufaipese e silia i le 160 mai atunu’u e silia i le 40 ma tagata pepese e silia i le 11,000.
O le tausaga 2024, lea sa talimālō ai Aukilani, Aotearoa/Niu Sila ma sa manumalo ai foi le aufaipese nei ma le latou faailoga auro. O lona uiga ua fa’asolo atu lava i luga le taumafai a lea aufaipese e faailoa le talalelei iā Keriso i so’o se tagata.
Fa’amālō lava i nei tama fanau le fa’aea! Viia le Atua ma ia saga fa’amanuia le Tapaau sili ile Lagi i taleni ma agava’a. Samoa mo Samoa! 🇼🇸 (s)
K.o.k.o Samoa
Radio Samoa
AucklandGospelChoir
Temple View Gospel Choir
