27/09/2026
हार्दिक श्रद्धाञ्जली
श्री सिर्जनशील अपाङ्ग स्वावलम्बन केन्द्रको पहिलो ग्राहकका रूपमा रहनुभएका तथा सन् २०१० देखि निरन्तर सहयोग प्रदान गर्दै आउनुभएका स्वर्गीय डिग्बी होयल ज्यू ले अपाङ्गता भएका व्यक्तिहरूको आवास, शिक्षा तथा स्वरोजगारका क्षेत्रमा पुर्याउनुभएको अतुलनीय योगदान सधैँ स्मरणीय रहनेछ।
मिति २३ सेप्टेम्बर २०२६ मा उहाँको भएको दुःखद निधनको खबरले हामी सम्पूर्ण सिर्जनशील परिवार अत्यन्त मर्माहत र स्तब्ध भएका छौँ। उहाँले संस्थाप्रति देखाउनुभएको निरन्तर सद्भाव, सहयोग र अपाङ्गता भएका व्यक्तिहरूको जीवनस्तर सुधारका लागि पुर्याउनुभएको योगदानप्रति हामी हार्दिक कृतज्ञता व्यक्त गर्दछौँ।
यस दुःखद घडीमा शोकसन्तप्त परिवारजनप्रति हार्दिक समवेदना व्यक्त गर्दै दिवंगत आत्माको चिरशान्तिको कामना गर्दछौँ। परमेश्वरले शोकाकुल परिवारलाई यस अपूरणीय क्षति सहन गर्ने धैर्य, साहस र शक्ति प्रदान गरून् भन्ने प्रार्थना गर्दछौँ।
भावपूर्ण श्रद्धाञ्जली। 🙏
