NRCS Karnali Province - नेपाल रेडक्रस सोसाइटी कर्णाली प्रदेश, Birendranagar Municipality ward no 7, Eye Hospital Chowk, Surkhet (2026)

Q: What is the address?

Birendranagar Municipality Ward No 7, Eye Hospital Chowk

29/01/2026

सबैमा सुवर्ण अवसर
मौका को फाईदा उठाउन नछुट्नुस है ।

12/01/2026

राउटे समुदायका युवालाई आधारभूत प्राथमिक उपचार तालिम

लोपोन्मुख फिरन्ते जाति राउटे समुदायका युवाहरुलाई प्राथमिक उपचारका आधारभूत ज्ञान र सीप प्रदान गर्ने उद्देश्यले आधारभूत प्राथमिक उपचार तालिम आयोजना गरिएको छ । नेपालको सांस्कृतिक विविधता झल्काउन महत्वपूर्ण भूमिका खेलेको यो राउटे जाती दैलेख, सुर्खेत, अछाम, जाजरकोट, सल्यान आसपासका जंगलमा बस्दै आएका छन् । परम्परागत घरेलु उपचार पद्दतीले राउटे समूदायमा जटिल खालका स्वास्थ्य समस्या देखापर्न थालेपछि आधारभूत प्राथमिक उपचार तालिमको आयोजना गरिएको हो

नेपाल रेडक्रस सोसाइटी कर्णाली प्रदेशको प्राविधिक सहजीकरण र सोसेक नेपालको व्यवस्थापनमा आयोजित ३ दिने उक्त तालिम २०८२ पुस २२ देखि २४ गते सम्म संचालन भएको हो । हाल लेकवेशी नगरपालिका, वडा नं. ७, सुर्खेतको जंगलमा बसोवास गर्दै आएका राउटे समुदायका आठ महिला र सात पुरुष गरी १५ जना राउटे युवाहरुको सहभागिता उक्त तालिम संचालन गरिएको थियो । तालिमकी सहभागी काजलु शाही भन्छिन् “हामीले जंगलमा धेरै काठका भाँडाकुँडा प्रयोग गर्छौं र उक्त काठका सामग्री बनाउने क्रममा जंगलमा रुख काट्दा वा सामग्री बनाउने क्रममा फलामका हातहतियार प्रयोग गर्छौं र बेला बेला चोट लागिरहन्छ । रुखबाट पनि लडेर हात खुट्टा भाँचिन्छन्, कतिपय बेला आगोले पनि पोल्छ । हामीले यी सबै दुर्घटना भएको बेला कसरी प्राथमिक उपचार गर्ने भन्ने कुरा जान्यौं, सीप पनि सिक्यौं, धेरै खुशी लागेको छ ।”

राउटे समुदायका अर्का सहभागी नबीन शाहीले समेत यस तालिमले राउटे समुदायका ब्यक्तिहरु प्राथमिक उपचार नपाउँदा अकालमा हुने मृत्युबाट जोगाउन धेरै नै सहयोग गरेको कुरा ब्यक्त गर्दै यस किसिमको ज्ञान र सीप दिने संस्थाहरुलाई धन्यबाद समेत दिनुभयो । नेपाल रेडक्रस सोसाइटी कर्णाली प्रदेशका कार्यक्रम व्यवस्थापक राजकुमार क्षेत्रीले नेपालको सन्दर्भमा राउटे समुदायकालागि प्राथमिक उपचार तालिम पहिलो पटक गरिएको र राउटे समुदायले यो तालिममा सक्रिय सहभागिता जनाउनुले राउटे समुदायको विस्तारै आधुनिक चिकित्सा तर्फ विश्वास बढ्दै गएको आंकलन गर्न सकिने कुरा ब्यक्त गर्नुभयो । केहि सैद्धान्तिक छलफल र मूलतः विभिन्न प्रयोगात्मक अभ्यास समेटिएको उक्त तालिमको सहजीकरण नेपाल रेडक्रस सोसाइटीका प्रशिक्षकहरु यज्ञ लामिछाने, दिपक अर्याल र सम्झना खत्रीले गर्नुभएको थियो ।

27/12/2025

नेपाल रेडक्रस सोसाइटी कर्णाली प्रदेशद्वारा ९औं विकास योजना विकासका लागि सुझाव संकलन

नेपाल रेडक्रस सोसाइटी कर्णाली प्रदेशले नेपाल रेडक्रस सोसाइटीको ८ औं विकास योजना (२०२२–२०२५) को अवधी समाप्तीको परिवेशमो ९ औं विकास योजना (२०२६–२०३०) विकासकालागि सुझाव संकलन कार्यशालाको आयोजना गरेको छ । नेपाल रेडक्रस सोसाइटी कर्णाली प्रदेशका अध्यक्ष श्री लिलाराम सुबेदीको अध्यक्षतामा २०८२ पौष ११ गते संचालित उक्त कार्यक्रममा नेपाल रेडक्रस सोसाइटी कर्णाली प्रदेश कार्यसमितिका पदाधिकारी तथा सदस्यहरू, सुर्खेत जिल्ला शाखाका प्रतिनिधिहरू, प्रदेश तथा जिल्ला स्तरमा कार्यरत कर्मचारीहरू, विभिन्न उपशाखा प्रतिनिधिहरू तथा रेडक्रस सर्कलमा प्रतिनिधित्व गर्ने युवाहरू गरि जम्मा २६ जनाको सक्रिय सहभागिता रहेको थियो ।
नेपाल रेडक्रस सोसाइटी कर्णाली प्रदेशका कार्यक्रम व्यवस्थापक श्री राजकुमार क्षेत्रीले सहजीकरण गर्नुभएको उक्त कार्यशालामा नेपाल रेडक्रस सोसाइटी ९ औं विकास योजना (२०२६–२०३०) विकास गर्नुपर्ने औचित्य, आठौं विकास योजनाको समिक्षाबाट प्राप्त आगामी कार्यदिशा, एकीकृत योजना (Unified Plan) का रणनीतिक प्राथमिकताहरु, आइएफआरसी रणनीति २०३० का लक्ष्य तथा रुपान्तरण प्रक्रियाहरु, हनोई कार्य आह्वान (२०२३) का ९ प्रतिबद्धताहरू, दिगो विकास लक्ष्यहरू, नेपाल सरकारको सोह्रौं पंच वर्षिय योजना (२०८१/८२ – २०८५/८६) का प्राथमिकताका क्षेत्रहरु, नेपाल रेडक्रस सोसाइटीको दुरदृष्टि, दूरगामी लक्ष्यहरु, संस्थागत मूल्यहरु र नेरेसो आठौं विकास योजनाका रणनैतिक दिशाहरु र सो का उद्देश्यहरु तथा मूख्य कार्यक्षेत्रहरुबारे प्रस्तुती र छलफल गरिएको थियो । उक्त छलफलसँगै नौं विकास योजनालाई अझ प्रभावकारी, समावेशी र परिणाममुखी बनाउनका लागि संभावित रणनैतिक दिशाहरु र सो का उद्देश्यहरु तथा मूख्य कार्यक्षेत्रहरुबारे समूह छलफल गरि विविध सुझावहरू संकलन गरिएको थियो । कार्यशालाका सहभागीहरूले नेरेसो आठौं विकास योजनाका आधारमा आगामी योजनाको रणनैतिक दिशाको रुपमा श्रोत व्यवस्थापन, बसाइसराई र विस्थापन व्यवस्थापन, संगठन विकास भन्ने भन्दा पनि संगठन सुदृढिकरण जस्ता कुरा थप गर्नुपर्ने, रणनैतिक दिशाका उद्देश्यहरु तथा कार्यक्षेत्रमा एम्बुलेन्स सेवालाई पनि देखिने गरि जोड्नु पर्ने, सामुदायिक आँखा तथा कान सेवाको प्रवद्र्धन र सुदृढिकरण, निर्णायक तहमा युवाको पहुच हुनेगरि सहभागिता बृद्धि, सामुदायिक युवा रेडक्रस सर्कल वृद्धि, पूर्व सूचना प्रणाली सुदृढिकरण, स्वयंसेवकको क्षमता वृद्धि र परिचालन आदी विषयवस्तुहरु समेटिनु पर्ने जस्ता महत्वपूर्ण सुझावहरू आएका थिए ।
कार्यक्रमबाट संकलित सुझावहरूले नेपाल रेडक्रस सोसाइटीको भावी रणनीति तथा नौं विकास योजना निर्माणमा महत्वपूर्ण योगदान पुर्‍याउने अपेक्षा गरिएको छ ।

11/12/2025

लैङ्गिक हिंसा विरुद्धको १६ दिने अभियान मनाइयो ।

हरेक वर्ष नोभेम्बर २५ देखि डिसेम्बर १० सम्म विश्वभर मनाइने “लैङ्गिक हिंसा विरुद्धको १६ दिने अभियान” यस वर्ष पनि “प्रविधिको सही प्रयोग गरौ, लैङ्गिक हिंसाको अन्त्य गरौ” भन्ने राष्ट्रिय नारा र “United to End Digital Violence Against All Women and Girls” भन्ने अन्तर्राष्ट्रिय नाराका साथ विभिन्न कार्यक्रमहरु सहित मनाईयो ।

उक्त अभियानसाग ऐक्यवद्धता जनाउादै नेपाल रेडक्रस सोसाइटी कर्णाली प्रदेश कार्यालयले पनि मिति नोभेम्बर २५ देखि डिसेम्बर १० सम्म लैङ्गिक हिंसा विरुद्धको ऐक्यवद्धता हस्ताक्षर कार्यक्रम सञ्चालन गरेको थियो । कार्यक्रममा कार्यसमिति अध्यक्ष श्री लिलाराम सुवेदीज्यूको हस्ताक्षरबाट औपचारिक रूपमा शुरु भएको उक्त ऐक्यवद्धता हस्ताक्षर कार्यक्रममा प्रदेश कार्यालयका सबै कर्मचारीहरू, कार्यालयमा आएका आगन्तुक, सेवाग्राही, विभिन्न सरोकारवाला संघ–संस्थाका प्रतिनिधिहरू तथा अन्य सर्वसाधारण नागरिकहरुले समेत हस्ताक्षर गरी अभियानप्रति आफ्नो ऐक्यवद्धता जनाएका थिए । १६ दिनसम्म सञ्चालन गरिएको उक्त हस्ताक्षर अभियानमा करीब २५० जनाले हस्ताक्षर गरेर लैङ्गिक हिंसा रोकथाम र डिजिटल प्रविधीको सही उपयोग गरि महिला तथा किशोरीमाथि हुने अनलाइन दुव्र्यवहार अन्त्य गर्ने प्रतिवद्धता जनाउनु भएको थियो ।

18/11/2025

व्यवहार परिवर्तन सम्बन्धी ८ दिने तालिम सम्पन्न

व्यवहार परिवर्तन (Behavior Change) सम्बन्धी ८ दिने तालिम नेपाल रेडक्रस सोसाइटीको आयोजना तथा स्वीस रेडक्रस तथा ब्रिटिस रेडक्रसको आर्थिक सहयोगमा सफलतापूर्वक सम्पन्न भएको छ। तालिम सुर्खेतको वीरेन्द्रनगरमा कार्तिक २४ गतेदेखि मंसिर १ गतेसम्म सञ्चालन गरिएको थियो ।

व्यवहार परिवर्तन (Behavior Change) का लागि सहजकर्ता विकास गर्ने उद्देश्यले संचालित उक्त तालिममा कर्णाली प्रदेशको नेरेसो कर्णाली प्रदेश कार्यालय, सुर्खेत जिल्ला शाखा, दैलेख जिल्ला शाखा, रुकुम पश्चिम जिल्ला शाखा, लुम्बिनी प्रदेशको नेरेसो रुपन्देही जिल्ला शाखा, बाग्मती प्रदेशको नेरेसो भक्तपुर जिल्ला शाखा, सुदूरपश्चिम प्रदेशको नेरेसो कैलाली जिल्ला शाखाका स्वयंसेवक/कर्मचारीकहरु, कर्णाली प्रदेश आन्तरिक मामिला तथा कानुन मन्त्रालय, सल्यान जिल्लाको कुमाख गाउँपालिका, रुकुम पश्चिम जिल्लाको सानोभेरी गाउँपालिका, जाजरकोट जिल्लाको शिवालय गाउँपालिका, नेपाल रेडक्रस सोसाइटी आँखा अस्पताल सुर्खेत, भक्तपुर जिल्लाको सूर्यविनायक नगरपालिका र चागुनारायण नगरपालिका कर्मचारीहरु गरी कुल १८ जनाको सहभागिता रहेको थियो।
स्वीस रेडक्रसकी स्वास्थ्य सल्लाहकार मोनिका क्रिष्टोफोरी खड्का, नेरेसो कर्णाली प्रदेश कार्यालयका राजकुमार क्षेत्री र रेशम खड्का, नेरेसो लुम्बिनी प्रदेश कार्यालयका जगन्नाथ चौधरी तथा स्वीस रेडक्रस नेपाल अफिसकी छोदेन लामा योन्जनले सहजीकरण गर्नुभएको उक्त तालिममा समस्या र व्यवहार राम्ररी कसरी पहिचान गर्ने, कर्ता तथा गैर–कर्ताको व्यवहारका कारणहरू विश्लेषण गर्न तथ्यांक कसरी संकलन गर्ने र कसरी विश्लेषण गरि व्यवहारका कारणहरू पत्ता लगाउने, व्यवहार परिवर्तनका उपयुक्त विधिहरू कसरी छनोट गर्ने, व्यवहार परिवर्तनका गतिविधिहरु कसरी डिजाइन गर्ने, व्यवहार परिवर्तनका गतिविधिहरुको योजना बनाई प्रभावकारी रूपमा कसरी कार्यान्वयन गर्ने र अनुगमन तथा मूल्याङ्कन प्रक्रिया कसरी अपनाउने भन्ने बारे सैदान्तिक छलफल र फिल्ड तथा तालिम कक्षमा प्रयोगात्मक अभ्यास गरियको थियो ।
तालिमका सहभागीहरूले तालिमबाट समुदायको व्यवहार परिवर्तन गर्न आवस्यक ज्ञान तथा सिप प्राप्त भयको र आफ्नो व्यक्तिगत व्यवहार समेत परिवर्तन गर्न सहयोगी हुने धारणा ब्यक्त गर्नु भयको थियो ।

03/11/2025

विगत सन् २०२५ मे महिना देखी व्यवहार परिवर्तनसँग सम्बन्धित विषयमा अध्ययन विश्लेषण गर्नेगरि यस नेपाल रेडक्रस सोसाइटी कर्णाली प्रदेश कार्यालयमा इन्टर्नका रुपमा कार्यरत स्वीस रेडक्रसकी जुनियर प्रोफेशनल अफिसर क्रिष्टिना विर्थले आफ्नो अध्ययन अवधी पुरा गरिसके पश्चात यहि अक्टुबर २८ तारिखका दिन एक ‘फेरी भेटौंला’ कार्यक्रमको आयोजना गरि नीजलाई विदाई गरिएको छ । उक्त कार्यक्रममा प्रदेश कार्यालय कार्यरत सम्पूर्ण कर्मचारीहरुले क्रिष्टिना विर्थसँग बिताएका क्षण, अनुभव पुर्नस्मरण गर्दै उहाँको प्रगतिको कामना गर्नुभएको थियो । शुभकामना ब्यक्त गर्ने क्रममा कार्यक्रम व्यवस्थापक श्री राजकुमार क्षेत्रीज्यूले व्यवहार परिवर्तनका सन्दर्भमा क्रिष्टिना विर्थले अध्ययन गरेर दिनुभएको प्रतिवेदनले आगामी दिनहरुमा समुदायको व्यवहार परिवर्तन सम्बन्धी गतिविधीहरु डिजाइन गर्न सहयोगी हुने कुरा ब्यक्त गर्नुभएको थियो । उक्त कार्यक्रममा प्रदेश अध्यक्ष श्री लिलाराम सुबेदीज्यूले क्रिष्टिना विर्थको उज्वल भविश्यको कामना गर्दै पुनः नेपाल आई नेपाल रेडक्रस सोसाइटीलाई आवश्यक सहयोग र सहजीकरण गरीदिनका लागि अनुरोध पनि गर्नुभएको थियो ।

19/10/2025

दिपावली तथा छठकाे शुभकामना 🙏🙏

29/09/2025

हार्दिक शुभकामना

09/09/2025

मानव सेवामा सधैं क्रियाशिल रेडक्रस

नेपाल रेडक्रस कर्णाली प्रदेश र नेरेसो सुर्खेत जिल्ला शाखाका तालिम प्राप्त प्राथमिक उपचारकको टोलीले आज भदौ २४ गते भएको जेन–जी आन्दोलनमा प्राथमिक उपचार सेवा पुर्याएको छ । आज आन्दोलनका क्रममा ८६ जना घाइतेहरुलाई प्राथमिक उपचार सेवा पुर्याइएको हो ।
सेवा लिने मध्ये २ जना गम्भीर गोली लागेकालाई शिघ्र प्राथमिक उपचार गरि तत्काल अस्पताल प्रेषण गरिएको थियो भने १८ जनालाई विशेष प्राथमिक उपचारपछि थप उपचारकालागि सिफारिस गरिएको थियो र बाँकी ६६ जनालाई प्राथमिक उपचार गरि सुरक्षित स्थानमा स्थानान्तरण गरिएको थियो ।

04/09/2025

नेपाल रेडक्रस स्थापना दिवस मनाईयो ।

नेपाल रेडक्रस सोसाइटी कर्णाली प्रदेश कार्यालयले नेपाल रेडक्रस सोसाइटीको ६३आंै स्थापना दिवस ‘मानवताको पक्षमा' (On the side of Humanity) भन्ने नाराका साथ अन्तरक्रिया कार्यक्रम गरी मनाएकोे छ ।
नेरेसो प्रदेश कार्यालयका अध्यक्ष श्री लिलाराम सुवेदीज्यूको अध्यक्षतामा संचालित उक्त कार्यक्रममा उपस्थित रेडक्रसकर्मी स्वयंसेवक तथा कर्मचारीहरुद्वारा रेडक्रसका संस्थापक जँ हेनरी ड्युनाको तस्विरमा माल्यार्पण गरी सम्मान ब्यक्त गरिएकोे थियो । उक्त अन्तरक्रिया कार्यक्रममा रेडक्रसकर्मीद्वारा भावना ब्यक्त गर्ने क्रममा नेपाल रेडक्रस सोसाइटी अहिले असहज परिस्थितीमा रहेको र हामी सबै रेडक्रसकर्मी मिलेर मानवताको पक्षमा एक ढिक्का भई यथाशिघ्र संस्थालाई सहज परिस्थितीमा लैजान आ–आफ्ना तह र तप्काबाट मनैदेखि लाग्नुपर्ने भन्ने समेत चर्चा गरिएको थियो । प्रदेश अध्यक्षज्यूद्वारा सबै रेडक्रसकर्मीहरुलाई शुभकामना समेत ब्यक्त गर्नु भएको थियो ।

27/07/2025

सुची दर्ता सम्बन्धि सुचना

11/07/2025

अब वीरेन्द्रनगर सुर्खेतमा !
नेरेसो कर्णाली प्रदेशद्धारा संचालित न्यूनतम शुल्कमा आवास सुविधा !
Raj Kumar Kshetri Asha Shahi

NRCS Karnali Province - नेपाल रेडक्रस सोसाइटी कर्णाली प्रदेश

29/01/2026

12/01/2026

27/12/2025

11/12/2025

18/11/2025

03/11/2025

19/10/2025

29/09/2025

09/09/2025

04/09/2025

27/07/2025

11/07/2025

Address

Telephone

Website

Alerts

Contact The Organization

Shortcuts

Share

Category