23/12/2025
तिनपाटन गाउँपालिकामा कृषि सामग्री वितरण कार्यक्रम सम्पन्न
सिन्धुली । मिति २०८२ साल पौष ७ गते तिनपाटन गाउँपालिका र हेफर प्रोजेक्ट नेपालको आर्थिक तथा प्राविधिक सहयोगमा तथा हाम्रो प्रयास नेपाल, सिन्धुलीको सहकार्यमा सञ्चालित “कृषि तथा पशु विकासमा आधारित साना किसान र युवा उद्यमशीलता विकास परियोजना” अन्तर्गत कृषि सामग्री वितरण कार्यक्रम सम्पन्न भएको छ ।
तिनपाटन गाउँपालिकाका अध्यक्ष श्री कर्णबहादुर मगर ज्यूको अध्यक्षतामा आयोजित उक्त कार्यक्रम तिनपाटन गाउँपालिका–११, लाम्पन्रटारस्थित गाउँपालिका कार्यालयमा औपचारिक रूपमा सम्पन्न गरिएको हो ।
परियोजनाअन्तर्गत ५० प्रतिशत अनुदानमा ७ हर्स पावर डिजेल इन्जिन भएको ३१ वटा हाते ट्र्याक्टर, जम्मा लागत रु. १५,११,२५० बराबरका, समूहका सदस्यहरूलाई वितरण गरिएको छ । त्यसैगरी १०० प्रतिशत अनुदानमा रु. १,६९,५०० लागतका २० वटा स्टिल मिल्क क्यान, तरकारी खेती गर्ने कृषकहरूका लागि रु. १,३२,२१० लागतका १८ वटा प्लास्टिक टनेल तथा रु. १,०१,७०० बराबरको मल्चिङ सामग्रीसमेत समूहका सदस्यहरूलाई उपहार प्रदान गरिएको छ ।
कार्यक्रममा तिनपाटन गाउँपालिकाका उपाध्यक्ष श्री धनबहादुर पुलामी, प्रमुख प्रशासकीय अधिकृत श्री मनोज शाह, तिनपाटन गाउँपालिकाका ११ वटै वडाका वडा अध्यक्षज्युहरू, गाउँपालिका सदस्यज्युहरु तथा सम्बन्धित शाखाका शाखाप्रमुखज्युहरू सहभागी रहनुभएको थियो। साथै हाम्रो प्रयास नेपाल, सिन्धुलीका अध्यक्ष श्री गंगा दाहाल, हेफर प्रोजेक्ट नेपालका कार्यक्रम अधिकृत श्री ठाकुर खड्का, परियोजनाका कर्मचारीहरू तथा समूहका दिदीबहिनीहरूको उल्लेखनीय उपस्थितिमा कार्यक्रम सम्पन्न गरिएको थियो ।
कार्यक्रममा बोल्ने वक्ताहरूले यस्ता परियोजनाले साना किसान र युवाहरूलाई व्यावसायिक कृषि तथा पशुपालनतर्फ आकर्षित गर्दै स्थानीय उत्पादन, रोजगारी र आम्दानी वृद्धिमा टेवा पु¥याउने विश्वास व्यक्त गर्नुभयो ।
