24/06/2026
मिति २०८३ साल असार ८ गते २२ जुन २०२६ का दिन ग्लोवल लर्निङ ल्याव , सहारा नेपाल र मेची नगर नगरपालिका ४ नं. वडा कार्यालयको सहयोगमा जिल्ला प्रशासन कार्यालय झापा र जिल्ला प्रहरी कार्यालय झापाको समन्वयमा लिडरसिप एकाडेमी युवा समुह बाहुनडाँगी झापाको आयोजनामा एलिफेन्ट रिर्सोट मेचीनगर ४ मा दुव्र्यसन सम्बन्धि विद्यार्थी अभिमुखिकरण तथा सचेतना कार्यक्रम मेचीनगर ४ नं. वडा अध्यक्ष श्री अर्जुन कार्की ज्यू,को अध्यक्षता एवम सहायक प्रमुख जिल्ला अधिकारी श्री तेज प्रकाश प्रसाई ज्यूको प्रमुख आतिथ्यता एवम् जिल्ला प्रहरी प्रमुख श्री बसुन्धरा खड्का ज्यू को विशिष्ट आतिथ्यतामा कार्यक्रम सम्पन्न गरियो।
कार्यक्रममा सहारा नेपालको कार्य समिती सदस्य ध्यान बहादुर भारतीले स्वागत गर्नु भएको थियो । कार्यक्रममा सोमराज ढकालले सहजीकरण गर्नुभएको थियो । कार्यक्रममा लागु पदार्थको प्रयोग र ओसार पसारमा वालवालिकाहरु कसरी फस्छन। र कसरी दुव्र्यसनको शिकार बन्छन यस बाट कसरी बच्न सकिन्छ ।आफ्नो समुदायलाई दुव्र्यसन रहित समाज बनाउन कसरी सकिन्छ भन्ने विषयमा नै केन्द्रित रहेर कार्यक्रम सहजीकरण गरिएको थियो ।कार्यक्रममा प्रमुख अतिथी र विशिष्ट अतिथीहरुले साना नानीबाबुहरुलाई प्रलोभन देखाएर प्रयोग गर्न सक्छन तपाईहरुलाई कसैले दुव्यसनको बानी लगाउन चुरोट खैनी गुट्का आदीबाट शुरु गर्छन कसैले त्यस्तो भनेमा नो भन्नुस पैसाको लोभ देखाएर सामान ओसार पसार गर्न लगाउन सक्छन सचेत रहनुहोला भन्नु भएको थियो । साथै जिल्ला प्रहरी प्रमुखले लागु औषधमा फस्दा के के हुनसक्छ कसरी पसाउन सक्छन भन्ने विषयमा पावरपोईन्ट मार्फत प्रस्तुतीकरण समेत गर्नु भएको थियो ।कार्यक्रममा ईलाका कार्यालय प्रमुख,बाहुनडागी बिओपी प्रमुख,विद्याविकास एकाडेमीका प्रबन्ध निर्देशक, टोल विकास संस्स्थाका अध्यक्ष। जनप्रतिनिधिहरु , शिक्षक , लिडरसिप एकाडेमीका युवाहरु, सुरक्षकर्मीहरु , पत्रकार र मेचीनगर नगरपालिका ४ नं वडाका ४ वटा विद्यालयका ६९ जना विद्यार्थीहरु सहित १०८ जनाको उपस्थिती रहेको थियो । उक्त कार्यक्रम को संचालन प्रतिमा भट्टराईले गर्नुभएको थियो ।
