23/08/2026
रयाले कि चेली रिता तामाङ लेख्नुहुन्छ :
काठमाडौंको जमलस्थित राष्ट्रिय नाचघरमा हिजो शनिवार भव्य र गरिमामय रूपमा सम्पन्न ‘मिस एन्ड मिसेस ब्युटिफुल नेपाल’ प्रतियोगितामा ‘मिसेस नेपाल’को उपाधि जित्न सफल भएकोमा अत्यन्तै खुसी, गौरवान्वित र भावुक छु। राष्ट्रिय सभा उपाध्यक्ष माननीय लिलाकुमारी भण्डारीज्यूको प्रमुख आतिथ्यता, वरिष्ठ अभिनेता शिव श्रेष्ठज्यू, वरिष्ठ नायिका तृप्ती नाडकरज्यू, वरिष्ठ गायक आनन्द कार्कीज्यूको आतिथ्यतामा भएको प्रतियोगितामा मिसेस नेपालसँगै मिसेस फोटोजेनिक, मिसेस ट्यालेन्ट, मिसेस बेस्ट वाक टाइटल पनि जित्न सफल भएको छु । यस गरिमामय प्रतियोगिता आयोजना गरी हामीलाई आफ्नो प्रतिभा प्रस्तुत गर्ने अवसर प्रदान गर्नुभएकोमा दक्ष इन्टरनेशनल प्रालि परिवार तथा अध्यक्ष टेकराज पाण्डेज्यूप्रति हार्दिक आभार व्यक्त गर्दछु।
त्यसैगरी, प्रतियोगिताका कोरियोग्राफर अश्विन झाज्यूलाई विशेष धन्यवाद। उहाँको मार्गदर्शन, प्रशिक्षण र निरन्तर सहयोगले प्रतियोगिताको तयारीदेखि मञ्च प्रस्तुतिसम्म धेरै कुरा सिक्ने र आफूलाई अझ आत्मविश्वासका साथ प्रस्तुत गर्ने अवसर मिल्यो। ट्यालेन्ट राउण्डको निर्णायक चन्दा पुन म्याम लगायत मलाई यो प्रतियोगितामा भाग लिन हौसला दिनुहुने २०२३ फस्ट रनरअप सुनिता लिम्बु म्यामप्रति नतमस्तक छु । सबैलाई आभार!
कला, सौन्दर्य, प्रतिभा र आत्मविश्वासलाई एउटै मञ्चमा प्रस्तुत गर्ने यस्ता कार्यक्रमले नेपाली महिला प्रतिभालाई थप प्रोत्साहन, अवसर र पहिचान प्रदान गर्ने विश्वास लिएको छु।
मेरो यो यात्रामा साथ, माया, हौसला र शुभेच्छा दिनुहुने सम्पूर्ण परिवार, साथीभाइ तथा शुभेच्छुकहरूप्रति हृदयदेखि नै धन्यवाद।
‘मिसेस नेपाल’को यो उपाधि मेरो लागि नयाँ जिम्मेवारी, नयाँ उत्साह र अझ राम्रो काम गर्ने प्रेरणा बनेको छ। ❤️🇳🇵 Miss&Mrs Beautiful Nepal