Namuna Balgriha

Shortcuts

• Address
• Telephone
• Opening Hours
• Alerts
• Claim ownership or report listing

• 

  Want your organization to be the top-listed Non Profit Organization in Morang?

Our Story

सामाजिक सेवामा लाग्ने उत्तम मनशायले स्थानिय बिशेष गरी महिला दिदी बहिनीहरु मिलेर उर्लाबारी–७ मा कार्यालय रहने गरि महिला बिकास तथा बालबालिका चेतना केन्द्र नामक संस्था बि.सं. २०५७ साल श्रावण १९ गते बिधिवत स्थापना गरि त्यस संस्था द्धारा शुरुमा अशहाय बृद्ध अनाथ आश्रम सञ्चालन गरि बृद्ध–बृद्धा तथा अशहाय–अभिभावक बिहिन बालबालिकाहरुलाई संरक्षण गर्ने कार्य स्थापनाको दोश्रो बर्ष बाट प्रारम्भ भयो । यसको केही बर्ष पछि त्यस्ता बृद्ध–बृद्धा र बालबालिकाहरु एकै ठाउँ, एकै भवनमा बिभिन्न कारणले गर्दा संरक्षणमा असहजता हुने स्थितिको महशुस गरि बृद्ध–बृद्धाको पाटोलाई हटाएर बालबालिकाहरुको मात्र संरक्षणमा लाग्ने र उक्त अशहाय बृद्ध अनाथ आश्रमको नाम “नमूना बालगृह” (बाल आश्रम) राख्ने प्रक्रिया पुरा भए पश्चात औपचारिक रुपमा यसको नाम “नमूना बालगृह” रहन गएको हो ।

यस गृहमा हाल मेची देखि कर्णाली सम्मका ४५ जना अशहाय बालबालिकाहरुले संरक्षण पाई हाल सम्म तीनजना समाजमा पुनर्थास्थापना भई सकेका र चालिस जना संरक्षणमा रही नर्सरी देखि कक्षा १२ सम्म अध्यायन गरिरहेका छन । हाल यो गृह महिला बिकास तथा बालबालिका चेतना केन्द्र द्धारा सञ्चालित छ र यसलाई यथार्थमा नमूना नै बनाउने उद्देश्यका साथ यसका सञ्चालकहरु यसै समाजका सदस्यहरुको सहयोगमा अहोरात्र खटि रहनु भएको छ ।

हाम्रो समाजमा देखा परेका मानब बेचबिखन, हिंसा, स्थानगमन, बेरोजगारी, लैङ्गिक बिभेद गरिबी, नैतिक ह्रास जस्ता समस्याहरुको परिणाम स्वरुप हाम्रै समाज, गाउँ–घर, छर–छिमेक, सहर–बजार, समुदाय र तिनको सेरोफेरोमा पाईने अशहाय, बेवारिसे, अभिभावक बिहिन बालबालिकाहरुको आधारभुत आवश्यकताको ब्यवस्था मिलाएर बाँच्न पाउने अधिकारको सम्मान गर्दै गाउँ–ठाउँ, समाज र राष्ट्रकै स्वाबलम्बी, सुयोग्य, आत्मानिर्भर नागरिक तैयार गर्ने महान उद्देश्य राखि सामाजिक सेवाको पवित्र भावनाबाट यो नमूना बालगृह सञ्चालित छ । यहाँका सञ्चालकहरुलाई सदैब अझ बढि जिम्मेवारी र उत्तरदायित्वका साथ अगाडी बढ्न प्रेरणा, हौसला, सहयोग, साथ दिनुहुने सम्पूर्ण महानुभाव, संघ–संस्था लगायत सबै प्रति सदैब आभारी रहदै आगामी दिनमा पनि सबैबाट आवश्यक साथ–सहयोगको अपेक्षा गर्दै समुदायका सबैले गौरब गर्न लायक बनाउने लक्षभेदनमा यसका सञ्चालकहरु जुटि रहेको सबैमा सादर अनुरोध छ ।