Floriculture Association Nepal

Floriculture Association Nepal Working for the overall development of the floriculture sector of Nepal

पुष्प उद्यमी तथा पुष्प प्रेमी महानुभावहरुका लागि सुबर्ण अवसर
06/08/2026

पुष्प उद्यमी तथा पुष्प प्रेमी महानुभावहरुका लागि सुबर्ण अवसर

फ्यान फुटसल च्याम्पियनसिप–२०८३ भव्य रूपमा सम्पन्न:फ्लोरिकल्चर एशोसिएसन नेपाल (फ्यान) द्वारा आफ्ना सदस्य पुष्प व्यवसायीहर...
06/08/2026

फ्यान फुटसल च्याम्पियनसिप–२०८३ भव्य रूपमा सम्पन्न:
फ्लोरिकल्चर एशोसिएसन नेपाल (फ्यान) द्वारा आफ्ना सदस्य पुष्प व्यवसायीहरूबीच आपसी सद्भाव, भाइचारा, सहकार्य, खेल भावना तथा स्वस्थ मनोरञ्जन प्रवर्द्धन गर्ने उद्देश्यले आयोजना गरिएको "फ्यान फुटसल च्याम्पियनसिप–२०८३" वि.सं. २०८३ साल साउन २० गते ललितपुरको टर्फ पार्क, ढोलाहिटी मा अत्यन्त उत्साहपूर्ण वातावरणमा सफलतापूर्वक सम्पन्न भएको छ । फ्यानका उपाध्यक्ष श्री सुमन महर्जन को संयोजकत्वमा गठित आयोजक समितिले प्रतियोगिताको सम्पूर्ण व्यवस्थापन कुशलतापूर्वक सम्पन्न गरेको थियो। प्रतियोगितामा नर्सरी, कट फ्लावर ग्रोवर तथा कट फ्लावर रिटेलर क्षेत्रका गरी १२ टोलीका ८२ जना पुष्प व्यवसायी खेलाडीहरूको सहभागिता रहेको थियो ।

कार्यक्रमको शुभारम्भ फ्यान कार्यसमितिका पदाधिकारी तथा एफसिएलका पदाधिकारीहरूबीच मैत्रीपूर्ण खेलबाट गरिएको थियो। दिनभर सञ्चालन भएको प्रतियोगितामा जम्मा २० वटा प्रतिस्पर्धात्मक खेल सम्पन्न भएका थिए। खेलभर सहभागी टोलीहरूले अनुशासित, प्रतिस्पर्धात्मक र खेलभावनायुक्त प्रदर्शन गर्दै दर्शकहरूलाई रोमाञ्चक खेलको भरपुर मनोरञ्जन प्रदान गरेका थिए। सहभागी पुष्प व्यवसायी तथा दर्शकहरूको उल्लेखनीय उपस्थितिले सम्पूर्ण कार्यक्रमलाई थप उत्साहपूर्ण बनाएको थियो।
प्रतिस्पर्धात्मक फाइनल खेलमा नवसेवा नर्सरी समूहले स्कारलेट नर्सरी समूहलाई ४–१ गोल अन्तरले पराजित गर्दै "फ्यान फुटसल च्याम्पियनसिप–२०८३" को उपाधि जित्न सफल भयो। त्यसैगरी स्कारलेट नर्सरी समूह प्रथम उपविजेता तथा राज खड्का समूह द्वितीय उपविजेता बन्न सफल भएका छन् ।

प्रतियोगिताको नतिजा:
🥇 विजेता: नवसेवा नर्सरी समूह
🥈 प्रथम उपविजेता: स्कारलेट नर्सरी समूह
🥉 द्वितीय उपविजेता: राज खड्का समूह
विजेता तथा उपविजेता टोलीहरूलाई ट्रफी, मेडल, प्रमाणपत्र तथा नगद पुरस्कार प्रदान गरी सम्मान गरिएको थियो। साथै प्रतियोगितामा सहभागी सम्पूर्ण खेलाडीहरूलाई सहभागिता प्रमाणपत्र प्रदान गरिएको थियो ।
यस प्रतियोगिताको सफल आयोजनाका लागि प्रायोजक संस्थाको रुपमा रहि आर्थिक सहयोग प्रदान गर्नुहुने न्यू सन फलावर नर्सरी, क्रप प्रो–टेक नेपाल, सिस्टता नर्सरी, यस आर नर्सरी प्रा.ली., आइरिस फ्लावर सप, फ्लावर जोन र घिमिरे नर्सरी लाई हार्दिक आभार प्रकट गदछौं । साथै व्यवसायीहरू, आयोजक समिति, रेफ्री, स्वयंसेवक, सहभागी टोली, खेलाडी तथा प्रत्यक्ष–अप्रत्यक्ष रूपमा सहयोग पुर्याउनुहुने सम्पूर्ण महानुभावहरूप्रति फ्लोरिकल्चर एशोसिएसन नेपाल (फ्यान) हार्दिक आभार तथा धन्यवाद व्यक्त गर्दछौं ।
फ्यानले यस्ता खेलकुद तथा सामाजिक कार्यक्रमहरू मार्फत पुष्प व्यवसायीहरूबीचको एकता, आपसी सम्बन्ध र संस्थागत सहकार्यलाई अझ सुदृढ बनाउँदै लैजाने छ।

हार्दिक बधाई तथा सफल कार्यकालको शुभकामनाफ्लोरिकल्चर एशोसिएसन नेपालका अध्यक्ष श्री राजेश भक्त श्रेष्ठज्यू नेपाल उद्योग वा...
17/07/2026

हार्दिक बधाई तथा सफल कार्यकालको शुभकामना

फ्लोरिकल्चर एशोसिएसन नेपालका अध्यक्ष श्री राजेश भक्त श्रेष्ठज्यू नेपाल उद्योग वाणिज्य महासङ्घ, कृषि उद्यम केन्द्र (AEC) को बोर्ड सदस्यमा मनोनित हुनुभएकोमा फ्लोरिकल्चर एशोसिएसन नेपाल परिवारका तर्फबाट हार्दिक बधाई तथा सफल कार्यकालको हार्दिक शुभकामना व्यक्त गर्दछौँ ।

पुष्प उद्यम विकास, कृषि यान्त्रीकरण, आधुनिक प्रविधिको प्रवर्द्धन तथा कृषि व्यवसायको सुदृढीकरणमा यहाँले पुर्‍याउँदै आउनुभएको लामो अनुभव, समर्पण र उल्लेखनीय योगदानले कृषि उद्यम केन्द्रको कार्यलाई अझ प्रभावकारी, परिणाममुखी र दूरदर्शी बनाउन महत्वपूर्ण भूमिका निर्वाह गर्नेमा हाम्रो पूर्ण विश्वास रहेको छ ।

यहाँको सक्षम नेतृत्व, व्यावसायिक दक्षता र दूरदृष्टिले पुष्प क्षेत्रको मात्र नभई समग्र कृषि क्षेत्रको दिगो, समावेशी तथा सर्वाङ्गीण विकासमा नयाँ आयाम थप्नेछ भन्ने विश्वास व्यक्त गर्दछौँ । आगामी कार्यकाल सफल, उपलब्धिमूलक र प्रेरणादायी रहोस् भन्ने शुभेच्छासहित पुनः हार्दिक बधाई तथा शुभकामना व्यक्त गर्दछौँ ।

फ्लोरिकल्चर एशोसिएसन नेपाल परिवार

चोभारमा फ्यानद्वारा वृक्षारोपण कार्यक्रम सम्पन्न :काठमाडौं, असार ३०, २०८३। संस्थागत सामाजिक उत्तरदायित्व (CSR) अन्तर्गत ...
14/07/2026

चोभारमा फ्यानद्वारा वृक्षारोपण कार्यक्रम सम्पन्न :

काठमाडौं, असार ३०, २०८३। संस्थागत सामाजिक उत्तरदायित्व (CSR) अन्तर्गत फ्लोरिकल्चर एशोसिएसन नेपाल (फ्यान) ले लायन्स क्लब अफ काठमाडौं ग्लोबल फ्लोरिकल्चरसँगको सहकार्यमा काठमाडौंको चोभारस्थित आदिनाथ सामुदायिक वन क्षेत्र (पिकनिक स्पट) मा वृक्षारोपण कार्यक्रम सफलतापूर्वक सम्पन्न गरेको छ।

कार्यक्रममा फ्यानका कार्यसमिति तथा नर्सरी उपसमितिका पदाधिकारीहरू, लायन्स क्लबका पदाधिकारीहरू, आदिनाथ सामुदायिक वन क्षेत्र संरक्षण समितिका प्रतिनिधिहरू तथा विभिन्न पुष्प व्यवसायीहरूको उत्साहजनक सहभागिता रहेको थियो।
चोभारस्थित पिकनिक स्थललाई थप हराभरा, आकर्षक र पर्यटकमैत्री बनाउने उद्देश्यका साथ विभिन्न रङ्गका आलंकारिक बगनबेली (Bougainvillea) का बिरुवाहरू रोपिएका छन्। यस अभियानले सार्वजनिक स्थलको सौन्दर्य अभिवृद्धि गर्नुका साथै वातावरण संरक्षण र हरियाली प्रवर्द्धनमा महत्वपूर्ण योगदान पुर्‍याउने अपेक्षा गरिएको छ। फ्लोरिकल्चर एशोसिएसन नेपालले यस्ता सामाजिक उत्तरदायित्वमूलक कार्यक्रममार्फत वातावरण संरक्षण, सार्वजनिक स्थलको सौन्दर्यीकरण तथा पुष्प व्यवसायको प्रवर्द्धनप्रति आफ्नो प्रतिबद्धतालाई निरन्तर अगाडि बढाउँदै आएको छ।

कार्यक्रम सफल बनाउन प्रत्यक्ष तथा अप्रत्यक्ष रूपमा सहयोग पुर्‍याउनुहुने सम्पूर्ण पदाधिकारी, सदस्य, सहयोगी संस्था तथा सहभागीहरूप्रति फ्लोरिकल्चर एशोसिएसन नेपाल हार्दिक आभार व्यक्त गर्दछ।

🌱 "हरियाली वातावरण, सुन्दर नेपाल" भन्ने साझा लक्ष्यलाई साकार पार्न सबैको साथ र सहभागिता आवश्यक छ।

२३ औ राष्ट्रिय धान दिवस तथा रोपाई महोत्सब २०८३ को शुभकामना
29/06/2026

२३ औ राष्ट्रिय धान दिवस तथा रोपाई महोत्सब २०८३ को शुभकामना

फ्लोरिकल्चर एसोसिएसन नेपाल (FAN) अन्तर्गत “कट–फ्लावर उत्पादक उपसमिति” गठन भएको सुखद जानकारी सम्पूर्ण सदस्यहरूमा साझा गर्...
13/06/2026

फ्लोरिकल्चर एसोसिएसन नेपाल (FAN) अन्तर्गत “कट–फ्लावर उत्पादक उपसमिति” गठन भएको सुखद जानकारी सम्पूर्ण सदस्यहरूमा साझा गर्न पाउँदा हामी अत्यन्त हर्षित छौं।

नवनिर्वाचित कार्यसमितिको गठन भएको करिब डेढ वर्षसम्म कट–फ्लावर उत्पादक मित्रहरूले नयाँ नेतृत्वको कार्यशैली, प्रतिबद्धता तथा उद्योगप्रतिको दृष्टिकोणलाई नजिकबाट अवलोकन गर्नुभयो। यस अवधिमा कार्यसमितिले उद्योगको हितमा गरेका प्रयास तथा सकारात्मक पहलप्रति विश्वास व्यक्त गर्दै अन्ततः कट–फ्लावर उत्पादक उपसमिति गठन भएको छ।

यो FAN कार्यसमितिका लागि अत्यन्तै खुसीको क्षण हो। नवगठित उपसमितिसँग सहकार्य गर्दै कट–फ्लावर क्षेत्रका समस्या, चुनौती तथा सम्भावनाहरूको पहिचान गरी तिनको समाधानका लागि संयुक्त रूपमा कार्य गर्न हामी प्रतिबद्ध छौं।

यस महत्वपूर्ण उपलब्धिका लागि सम्पूर्ण कट–फ्लावर उत्पादक दाजुभाइ तथा दिदीबहिनीहरूमा हार्दिक धन्यवाद तथा आभार व्यक्त गर्दछौं। विशेष रूपमा उपसमिति संयोजक श्री दशराम सुनुवारज्यूलाई कट–फ्लावर उत्पादकहरूलाई एकताबद्ध गर्दै उपसमिति गठनको प्रक्रियालाई सफलतापूर्वक सम्पन्न गराउनुभएको अथक प्रयास, समन्वय तथा नेतृत्वका लागि विशेष धन्यवाद ज्ञापन गर्दछौं।

नवगठित उपसमितिका सम्पूर्ण पदाधिकारी तथा सदस्यहरूलाई हार्दिक बधाई तथा सफल कार्यकालको शुभकामना व्यक्त गर्दछौं। हामी विश्वास गर्दछौं कि यस उपसमितिले कट–फ्लावर क्षेत्रको दिगो विकास, व्यवसायिक सुदृढीकरण तथा उत्पादकहरूको हित संरक्षणमा महत्वपूर्ण भूमिका निर्वाह गर्नेछ।

हार्दिक श्रद्धाञ्जली
03/06/2026

हार्दिक श्रद्धाञ्जली

हार्दिक बधाई:फ्लोरिकल्चर एसोसिएसन नेपाल (फ्यान) का पूर्व कार्यसमिति सदस्य तथा ‘द एभरेष्ट फ्लोरिकल्चर एण्ड भेजिटेबल फार्म...
01/06/2026

हार्दिक बधाई:
फ्लोरिकल्चर एसोसिएसन नेपाल (फ्यान) का पूर्व कार्यसमिति सदस्य तथा ‘द एभरेष्ट फ्लोरिकल्चर एण्ड भेजिटेबल फार्म’का सञ्चालक, प्रतिष्ठित पुष्प व्यवसायी श्री रामेश्वर बासी ज्यू, गणतन्त्र दिवसको पावन अवसरमा आयोजित विशेष समारोहमा “राष्ट्रिय उत्कृष्ट कृषक पुरस्कार” द्वारा सम्मानित हुनुभएकोमा हार्दिक बधाई ज्ञापन गर्दछौं।
लामो समयदेखि पुष्प व्यवसायमा निरन्तर क्रियाशील रहँदै, आधुनिक कृषि प्रविधिको उच्चतम प्रयोगमार्फत व्यावसायिक फूलखेतीको विकास र विस्तारमा यहाँले पुर्‍याउनुभएको अतुलनीय योगदानको यो कदर सम्पूर्ण पुष्प क्षेत्रकै लागि गौरवको विषय हो। यस गौरवपूर्ण उपलब्धिप्रति खुसी व्यक्त गर्दै सम्माननीय राष्ट्रपतिज्यूबाट विभूषित हुनुभएको यस गरिमामय क्षणमा यहाँको व्यावसायिक लगाव र सफलताको यात्रा आगामी दिनमा अझै थपियोस् भन्ने कामना गर्दछौं । फ्लोरिकल्चर एसोसिएसन नेपाल (फ्यान)

फ्यान सदस्य पुष्प व्यवसायीहरूका लागि “वस्तुको अधिकतम खुद्रा मूल्य (MRP), लेबलिङ तथा लेखा सम्बन्धी अन्तरक्रिया तथा अभिमुख...
22/05/2026

फ्यान सदस्य पुष्प व्यवसायीहरूका लागि “वस्तुको अधिकतम खुद्रा मूल्य (MRP), लेबलिङ तथा लेखा सम्बन्धी अन्तरक्रिया तथा अभिमुखीकरण कार्यक्रम” सम्पन्न :

नेपाल सरकारले हालै जारी गरेको वस्तुको अधिकतम खुद्रा मूल्य (MRP) तथा लेबलिङ सम्बन्धी व्यवस्थाका कारण पुष्प व्यवसायीहरूमाझ देखिएको अन्यौलता चिर्न र व्यवसायलाई अझ बढी व्यवस्थित बनाउन फ्लोरिकल्चर एशोसिएसन नेपाल (फ्यान) को आयोजनामा २०८३ जेष्ठ ७ गते, बिहिबार, आरम्भ रेष्टुरेन्ट, बुद्धनगर काठमाडौंमा “वस्तुको अधिकतम खुद्रा मूल्य (MRP), लेबलिङ तथा लेखा सम्बन्धी अन्तरक्रिया तथा अभिमुखीकरण कार्यक्रम” भव्य रूपमा सम्पन्न भएको छ।
उक्त कार्यक्रममा पुष्प व्यवसायीहरूलाई निम्न महत्त्वपूर्ण विषयहरूमा विस्तृत रूपमा सुसूचित र प्रशिक्षित गरिएको थियोः:

१. उपभोक्ता हक र कानुनी प्रावधान: पुष्पजन्य वस्तुहरूको बिक्री-वितरण गर्दा 'उपभोक्ता हकहित संरक्षण ऐन' बमोजिम अनिवार्य रूपमा अधिकतम खुद्रा मूल्य (MRP) र लेबलिङ (Labelling) गर्नुपर्ने कानुनी प्रावधानहरूबारे व्यवसायी सदस्यहरूलाई सुसुचित र सचेत गराइएको थियो।

२. MRP निर्धारणको वैज्ञानिक तरिका: बजारमा स्वस्थ प्रतिस्पर्धा कायम राख्न र उपभोक्तामाझ मूल्यको आधिकारिकता एवं विश्वसनीयता स्पष्ट पार्नका लागि MRP कसरी वैज्ञानिक र सही तरिकाले निर्धारण गर्ने भन्ने व्यावहारिक ज्ञान प्रदान गरियो।

३. आधुनिक लेखा प्रणाली र कर (VAT/Tax) व्यवस्थापन: पुष्प व्यवसायीहरूले आफ्नो दैनिक कारोबार, आम्दानी-खर्च, र कर सम्बन्धी रेकर्डहरूलाई कानुनी रूपमा चुस्त-दुरुस्त राख्न सकून् भनी आधुनिक लेखा प्रणालीबारे विशेष अभिमुखीकरण तालिम प्रदान गरियो।

४. फूलको विशिष्ट प्रकृति (Perishable Nature) र व्यावहारिक चुनौती: फूलहरू शीघ्र नष्ट हुने/ओइलाउने (Perishable) प्रकृतिका हुने भएकाले यो नियम हुबहु कार्यान्वयन गर्दा व्यवसायीहरूले भोग्नुपरेका व्यावहारिक समस्या र चुनौतीहरूमाथि गम्भीर छलफल भयो। छिटो बिग्रने वस्तुको हकमा MRP कसरी व्यावहारिक बनाउने र यसका समाधानका उपायहरू के-के हुन सक्छन् भन्ने विषयमा बृहत् अन्तरक्रिया गरियो।

यस कार्यक्रमले पुष्प व्यवसायलाई थप व्यावसायिक, पारदर्शी र कानुनसम्मत बनाउनुका साथै फूलको प्रकृतिका कारण आइपर्ने व्यावहारिक अड्चन सुल्झाउन सदस्य व्यवसायीहरुलाई महत्त्वपूर्ण पुग्ने बिश्वास फ्यानले लिएको छ । यस कार्यक्रममा सहभागी भई प्रशिक्षण गर्नु हुने प्रशिक्षकज्यू तथा आफ्ना समस्या र सुझाव राख्नुहुने सम्पूर्ण सदस्य पुष्प व्यवसायी महानुभावहरूमा हार्दिक धन्यवाद ज्ञापन गर्दछौँ।

Address

Jwagal/11
Lalitpur

Telephone

+97715269089

Website

Alerts

Be the first to know and let us send you an email when Floriculture Association Nepal posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Floriculture Association Nepal:

Shortcuts

Share

Category