ठैब खानेपानी तथा सरसफाई उपभोक्ता समिति

28/07/2026

खानेपानी सेवा अवरुद्ध सम्बन्धि सूचना!!!

​आदरणीय उपभोक्ता महानुभावहरू,
​ यस समिति अन्तर्गतको पंसल ट्यांकीमा अचानक विद्युत सर्ट (Short circuit) भई पानी तान्ने मुख्य पम्प मेशिन जलेको हुँदा खानेपानी आपूर्ति केही समयको लागि अस्थायी रूपमा बन्द हुने जानकारी गराउँदछौं।
​यद्यपि, यहाँहरूलाई पर्न सक्ने असुविधालाई मध्यनजर गर्दै हाल गोदावरी स्थित कुना खोलाको मुहानबाट आउने पानीलाई टौखेल ट्यांकीमा सङ्कलन गरी न्यून मात्रामा भए पनि खानेपानी वितरणको वैकल्पिक व्यवस्था मिलाएका छौं।
​यस आकस्मिक प्राविधिक समस्याका कारण आदरणीय उपभोक्ता वर्गमा पर्न गएको असहजता र असुविधा प्रति समिति क्षमा प्रार्थी छ। पम्प मेशिन मर्मत गरी छिट्टै नियमित पानी सुचारु गर्न हामी तीव्र गतिमा लागि परेका छौं। यहाँहरूको धैर्यता र अमूल्य सहयोग प्रति समिति परिवार पूर्ण आभार व्यक्त गर्दछौं।
​धन्यवाद !
– ठैब खानेपानी तथा सरसफाई उपभोक्ता समिति

22/07/2026

कर्मचारी माग सम्बन्धि सूचना!!

13/07/2026

सूचना: अनलाइन भुक्तानी सेवा अस्थायी रूपमा बन्द रहने बारे ।

चालु आर्थिक वर्ष २०८२/२०८३ को अनलाइन भुक्तानी सेवाको हिसाब मिलानको लागि यही मिति २०८३-०३-२९ गते बेलुका ५ बजे देखि २०८३-०४-०१ गते बिहान १० बजे बजे सम्मका लागि अस्थायी रूपमा अनलाइन सेवा बन्द रहने कुरा जानकारी गराउँदछौं।
धन्यवाद !

12/07/2026

बंशिकोटमा बोरिङ्ग गरेको पानी न्हु फल्चाको चेम्बर हुँदै ठैब सम्म आपूर्ति गर्न पाइपलाइन गाँस्दै प्लम्बर साथीहरु र सो कार्यको निरीक्षण गर्दै समितिका पदाधिकारीहरु।

26/06/2026

कर्मचारी चाहियो !! ——— कर्मचारी चाहियो !!!

26/05/2026

खानेपानी वितरण तालिका परिवर्तन सम्बन्धि अत्यन्त जरुरी सूचना!!
​प्रकाशित मिति: २०८३ जेष्ठ १२ गते

​आदरणीय उपभोक्ता महानुभावहरू,
​यस ठैब खानेपानी तथा सरसफाई उपभोक्ता समितिद्वारा विगतमा खानेपानी व्यवस्थापनलाई सहज बनाउने उद्देश्यले मिति २०८३/०२/०७ गतेको निर्णय अनुसार आलोपालो प्रणाली लागू गरिएको व्यहोरा सर्वविदितै छ। ​तर, उक्त प्रणाली प्रयोगमा ल्याउँदा प्राविधिक तथा व्यावहारिक रूपमा झन् जटिलता र समस्याहरू निम्तिएको भनी उपभोक्ताहरूबाट प्राप्त गुनासो तथा समितिको आन्तरिक समीक्षाका आधारमा उक्त व्यवस्थालाई परिमार्जन गरिएको छ।
​उपभोक्ताहरूको सहजताका लागि आजै मिति २०८३ साल जेष्ठ १२ गते बेलुकादेखि नै लागू हुने गरी आलोपालो प्रणाली खारेज गरी साविककै कार्यतालिका बमोजिम बिहान र बेलुका एकैपटक खानेपानी वितरण गरिने व्यहोरा सहर्ष जानकारी गराइन्छ। ​यसबाट उपभोक्ता वर्गमा पर्न गएको असुविधा प्रति समिति क्षमा प्रार्थी छ। आगामी दिनमा पनि यहाँहरूको पूर्ण सहयोगको अपेक्षा गर्दछौँ।
धन्यवाद।

भवदीय,
दिलिप देशार
सचिव
ठैब खानेपानी तथा सरसफाई उपभोक्ता समिति

24/05/2026

https://thaibakhanepani.org.np/news-detail/81667

23/05/2026

https://washkhabar.com/np/2026/05/23/49964?fbclid=Iwb21leAR-Or5jbGNrBH4r7mV4dG4DYWVtAjExAHNydGMGYXBwX2lkDDM1MDY4NTUzMTcyOAABHl9g67iHnX3m9H9jHQfYpEYowXXAuUKsDoeN6beFhvww7ZKq-dsSCGerGZvE_aem_byP6JghXcP0nCTQN-BAa0A

    ललितपुर : गोदावरी नगरपालिका, ललितपुरमा पानीको पहुँच र गुणस्तर सुधारका प्रयासहरू (सम्भाव्यता अध्ययन)’ परियोजना....

21/05/2026

खानेपानी वितरण सम्बन्धि अत्यन्त जरुरी सूचना!
सूचना प्रकाशित मिति: २०८३-०२-०७

यस वर्षको सुख्खायाम सँगै मुहानमा पानीको उत्पादनमा कमी आएको सर्वविदितै छ। सबै उपभोक्ताहरुलाई समान रुपमा खानेपानी उपलब्ध गराउनको लागि आज मिति २०८३ साल जेष्ठ ७ गते देखि अर्को व्यवस्था नभएसम्मको लागि देहाय बमोजिम आलोपालो प्रणाली अनुसार पानी वितरण गरिने व्यहोरा अनुरोध गराइन्छ।

पानी वितरणको तालिका:
१) ठैब देखि गोदावरी जाँदाको दायाँ तर्फ: हरेक बिहान ६:०० देखि ९:०० बजेसम्म ।
२) ठैब देखि गोदावरी जाँदाको बायाँ तर्फ: हरेक बेलुका ४:०० देखि ७:०० बजेसम्म।

विशेष अनुरोध:
• धाराबाट सिधै पम्प मेशिनको प्रयोग गरी पानी नतान्नु होला।
• करेसाबारीमा सिंचाइ वा सवारी साधन धोएर पानी खेर नफाल्नु होला।
• भान्सामा प्रयोग हुने पानीलाई फाल्नुको साटो करेसाबारी वा बोटबिरुवामा हाल्ने बानी बसाल्नु होला।
• धारा खुल्लै राखेर भाँडा माझ्ने वा लुगा धुने नगर्नु होला।
• आफ्नो घरको धारा वा पाइपलाइन कतै चुहिएको भए तुरुन्त मर्मत गरी पानी खेर जानबाट जोगाउनु होला।
• मुख्य वितरण लाइनमा कतै पानी चुहिएको वा दुरुपयोग भएको देखिएमा तुरुन्त समितिका प्रतिनिधिहरूलाई खबर गरिदिनु होला।

यसबाट उपभोक्ता महानुभावहरूमा पर्न जाने असुविधा प्रति हामी क्षमा प्रार्थी छौँ। यहाँहरूको सहयोगको अपेक्षा गर्दछौँ।

सम्पर्कका लागि:
कार्यालय सम्पर्क नं.: ०१-५५६१०८५/५९१५०८५
श्रीगोपाल महर्जन: ९८४९६८६५७३
रामकृष्ण पुतवार: ९८४९१०४८०३
गगन नेपाली (मुगु): ९८४७९०८२८०

भवदीय,
दिलिप देशार
सचिव
ठैब खानेपानी तथा सरसफाई उपभोक्ता समिति
गोदावरी-१४, ललितपुर

20/05/2026

One-Day Workshop on Project Findings Sharing in collaboration with Health and Environment Development Nepal