13/08/2026
२०८३ श्रावण २७ गते ललितपुर महानगरपालिका भित्रको अव्यवस्थित फुटपाथ व्यापारले गर्दा उक्त स्थानमा व्यापार व्यवसाय गर्दै आएका व्यवसायीहरूको व्यवसायमा असर परेकोले ललितपुर उद्योग वाणिज्य संघले जिल्ला स्थित वस्तुगत संघहरूको आग्रहमा फुटपाथ व्यापारलाई व्यवस्थापन गर्न ललितपुर महानगरपालिकासंग चरणवद्ध रूपमा निरन्तर छलफल तथा ध्यानाकर्षण गर्दै आएकोमा आज भएको छलफल पश्चात ललितपुर महानगरपालिकाका मेयर चिरी बाबु महर्जन ज्यूबाट यस विषयलाई गम्भीर रूपमा लिनु हुदै फुटपाथ व्यापारलाई व्यवस्थापन गर्न आफुले प्राथमिकता साथ काम गर्ने बताउनु भयो ।
यस्तै ललितपुर नगर भित्रको सार्वजनिक स्थानमा संचालन रहेको जुत्ता चप्पल मेलाले गर्दा महानगरपालिकालाई राजस्व तिरि रहेका स्थानीय व्यवसायीहरूको व्यवसायमा गम्भीर असर परेको बारेमा संघले ध्यानाकर्षण गराउंदा ललितपुर महानगरपालिकाका मेयरले यस प्रकारको मेला संचालनका लागि स्वीकृति दिनु पूर्व स्थानीय व्यवसायीहरूलाई पर्ने असरलाई विचार गरेर मात्र महानगर पालिकाले अनुमति दिने नीति अवलम्वन गर्ने भनि आश्वासन दिनु भएको छ ।
