https://www.facebook.com/162974550468432/

Kirtipur Volunteer Society, Chithu, Kirtipur (2026)

20/09/2026

🌙 कीर्तिपुरमा अब रात्रीकालीन साझा बस सेवा

कीर्तिपुरलाई काठमाडौंको केन्द्रसँग जोड्ने गरी साझा यातायातको कीर्तिपुर–जमल रुटमा ४ वटा रात्रीकालीन बस सञ्चालनमा आएका छन्। बसहरू सम्बन्धित रुटको सुरुआती स्थानबाट राति ८ बजेदेखि ११ बजेसम्म सञ्चालन हुनेछन्। रातको समयमा काम, अध्ययन, व्यवसाय वा अन्य आवश्यक कामले आवतजावत गर्ने कीर्तिपुरवासीका लागि यो सेवा उपयोगी सार्वजनिक यातायात विकल्प बन्ने अपेक्षा छ।

कीर्तिपुर स्वयंसेवक समाज यस सेवाको स्वागत गर्दछ। सेवा नियमित, सुरक्षित, समयमै र यात्रुमैत्री रूपमा सञ्चालन होस् भन्ने हाम्रो अपेक्षा छ। यात्रुको आवश्यकता र अनुभवका आधारमा सेवा अझ प्रभावकारी बन्दै जाओस्। कीर्तिपुर रातमा पनि सहज रूपमा काठमाडौंसँग जोडिँदै जाओस्। 🚌🌙

#कीर्तिपुर #कीर्तिपुरस्वयंसेवकसमाज #साझाबस #रात्रीकालीनबस #सार्वजनिकयातायात

10/09/2026

कीर्तिपुर स्वयंसेवक समाजले एउटा फिल्म शो आयोजना गरेको थियो—“For Those About to Rock, We Salute You!”

निर्देशक थिए—अभिनाश बी. शाह।
त्यतिबेला युवा, सम्भावनाले भरिएका र आफ्नै कथा आफ्नै आँखाले भन्न खोजिरहेका एक फिल्ममेकर।

माघ २७, २०६३, शनिबार, पासापुच क्लब, खसीबजार, कीर्तिपुरमा त्यो फिल्म हेरिएको थियो। समय बित्यो। बाटो फराकिलो हुँदै गयो। क्यामेरा उही रह्यो होला, तर कथाको क्षितिज धेरै टाढासम्म पुग्यो।

आज “Elephants in the Fog” लिएर अभिनाश अन्तर्राष्ट्रिय मञ्चमा उभिँदा, त्यो माघ २७, २०६३ को साँझ फेरि सम्झना आउँछ।

कहिलेकाहीँ हामीले कसैको यात्राको सुरुवात देखेका हुन्छौँ, गन्तव्य होइन।
आज त्यही यात्रालाई परबाट हेर्दा लाग्छ—कथा भन्न खोज्ने मान्छेले आफ्नो बाटो भेटेरै छाड्दो रहेछ।

कीर्तिपुर स्वयंसेवक समाजको तर्फबाट अभिनाश बी. शाह र “Elephants in the Fog” को सम्पूर्ण टिमलाई हार्दिक बधाई तथा सफलताका लागि शुभकामना।

२०६३ को कीर्तिपुरदेखि आजको अन्तर्राष्ट्रिय पर्दासम्म—
यात्रा जारी रहोस्, कथा बोलिरहोस्।

04/09/2026

कीर्तिपुर स्वयंसेवक समाजको तर्फबाट सेवाभावलाई सम्मान।

कीर्तिपुर स्वयंसेवक समाजका आजीवन सदस्य ई. ज्ञानुराजा महर्जनले बाढीपछिको उद्धार तथा खोजी कार्यमा ड्रोन अपरेटरका रूपमा पुर्‍याउनुभएको योगदानप्रति हामी गर्व गर्दछौँ। जोखिमपूर्ण परिस्थितिमा आकाशबाट वास्तविक अवस्था पहिचान गर्न, खोजी तथा उद्धार कार्यलाई सहज बनाउन उहाँले निर्वाह गर्नुभएको भूमिका केवल प्राविधिक सहयोग मात्र होइन—मानवीय सेवाप्रतिको प्रतिबद्धताको उदाहरण पनि हो।

विपद्को बेला हातमा भएको सीप, ज्ञान र प्रविधिलाई मानव जीवन बचाउने अभियानमा समर्पित गर्नु नै साँचो स्वयंसेवा हो।

ज्ञानुराजा महर्जनज्यू, तपाईंको साहस, समर्पण र सेवाभावलाई कीर्तिपुर स्वयंसेवक समाज हार्दिक सम्मानसहित सलाम गर्दछ।

हामी तपाईंमाथि गर्व गर्छौँ। हामी तपाईंलाई सलाम गर्छौँ। 🙏

Er. Gyanu Raja Maharjan

#कीर्तिपुर_स्वयंसेवक_समाज

04/09/2026

कीर्तिपुरका कबीर महर्जन उद्धार

रसुवाको त्रिशूली–३ ए जलविद्युत् आयोजनाको सुरुङभित्र कठिन परिस्थितिमा फसेकामध्ये कीर्तिपुर निवासी कबीर महर्जन जीवितै उद्धार हुनुभएको खबरले हामी सबैमा ठूलो राहत र खुसी ल्याएको छ।

नौ दिनसम्म अन्धकार र अनिश्चितताबीच जीवनका लागि संघर्ष गर्नुभएका कबीर महर्जनको साहसप्रति सम्मान व्यक्त गर्दै उहाँको उद्धारमा खटिनुभएका नेपाली सेना, सुरक्षाकर्मी, उद्धारकर्मी, प्राविधिक तथा स्थानीय समुदायप्रति कीर्तिपुर स्वयंसेवक समाज हार्दिक आभार व्यक्त गर्दछ।

यो उद्धार केवल एक व्यक्तिको जीवन जोगिनु मात्र होइन—आशा नछोड्ने साहस र मानवीय प्रयासको विजय हो।

कबीर महर्जनको शीघ्र स्वास्थ्यलाभको कामना गर्दछौँ। उहाँको परिवार र आफन्तजनमा आएको यो राहतको क्षणसँग कीर्तिपुर स्वयंसेवक समाज पनि सँगै छ।

कबीर, कीर्तिपुर तपाईंको घर फर्काइको प्रतीक्षामा छ ।

#कीर्तिपुरस्वयंसेवकसमाज #कीर्तिपुर #कबीरमहर्जन #उद्धार #आशा #मानवता #नेपाल

28/08/2026

कीर्तिपुर स्वयंसेवक समाज (KVS)

रसुवा बाढी : मानवीय सेवामा एकजुट बनौँ

रसुवाको भोटेकोशी क्षेत्रमा आएको विनाशकारी बाढीबाट भएको ठूलो मानवीय क्षतिप्रति कीर्तिपुर स्वयंसेवक समाज गहिरो दुःख व्यक्त गर्दछ।

पछिल्लो विवरणअनुसार नेपालमा बाढीका कारण ५४७ जनाको मृत्यु भएको छ र खोज तथा उद्धार कार्य निरन्तर जारी छ।

यस विपद्को कठिन घडीमा उद्धार तथा राहत कार्यमा खटिनुभएका नेपाली सेना, नेपाल प्रहरी, सशस्त्र प्रहरी बल, स्थानीय तह, स्वास्थ्यकर्मी, स्वयंसेवक तथा सम्पूर्ण सहयोगी हातहरूप्रति हार्दिक सम्मान व्यक्त गर्दछौँ।

उद्धार गरिएका ७७१ जनाको नामावली यहाँ छ।
सम्बन्धित परिवार तथा आफन्तजनले आफ्नो मानिसको अवस्था पहिचान गर्न यो सूची उपयोग गर्न सक्नुहुनेछ।

हराइरहेका व्यक्तिको खोजी, उद्धार, राहत तथा प्रभावित परिवारलाई आवश्यक सहयोग पुर्‍याउन सबैलाई आ–आफ्नो ठाउँबाट सक्दो सहयोग गर्न हार्दिक अपिल गर्दछौँ।

विपद्को यो घडीमा हामी सबै एकसाथ छौँ।
मानवीयता नै हाम्रो पहिलो जिम्मेवारी हो।

कीर्तिपुर स्वयंसेवक समाज (KVS)

15/08/2026

Happening today!
11:00 am onwards

06/07/2026

🚴‍♀️ साइकल र सम्पदा: पशुपति देखि कीर्तिपुर 🚴‍♂️

कीर्तिपुर स्वयंसेवक समाजको सहकार्यमा सम्पन्न "साइकल र सम्पदा: पशुपति देखि कीर्तिपुर" अभियानलाई सफल बनाउन प्रत्यक्ष तथा अप्रत्यक्ष रूपमा साथ, सहयोग र सहभागिता जनाउनुहुने सम्पूर्णमा हार्दिक धन्यवाद।

हरित पर्यटन, सम्पदा संरक्षण र स्वस्थ जीवनशैलीलाई प्रवर्द्धन गर्ने उद्देश्यले आयोजित यस अभियानमा सहभागी सम्पूर्ण साइक्लिस्ट, स्वयंसेवक, सुरक्षाकर्मी, आयोजक टोली तथा शुभेच्छुकहरूको उत्साह, अनुशासन र सकारात्मक सहभागिताले यो यात्रा अझ अर्थपूर्ण र अविस्मरणीय बनेको छ।

यस अभियानका सहयोगी तथा साझेदार संस्थाहरूप्रति विशेष कृतज्ञता:

समन्वय: StoryCycle

सहयोगी:
• वन तथा वातावरण मन्त्रालय, बागमती प्रदेश सरकार

सहकार्य:
• नेपाल साइक्लिङ फेडरेसन
• नेपाल साइक्लिङ एसोसिएसन (बागमती प्रदेश)
• रसुवा नुवाकोट पर्यटन समाज
• नेपाल बार एसोसिएसन खेलकुद समिति
• लाइन्स क्लब अफ काठमाडौं भिजन सर्कल
• समुदायमा आधारित वन सहजकर्ता सञ्जाल नेपाल (COFSUN Nepal)
• जोशी ननि हेरिटेज होम, कीर्तिपुर
• कीर्तिपुर विकास समिति

हामी विश्वास गर्छौं—यस्ता अभियानहरूले सम्पदा, वातावरण र समुदायलाई जोड्दै दिगो पर्यटनको सशक्त सन्देश प्रवाह गर्नेछन्। आगामी दिनहरूमा पनि यस्तै साथ, सहयोग र सहभागिताको अपेक्षा गर्दछौं।

धन्यवाद! फेरि अर्को यात्रामा भेटौँ। 💚🚴

23/06/2026

🚴‍♂️ साइकल र सम्पदा: पशुपति देखि कीर्तिपुर 🏁
यस साइकल यात्राको लागि आफ्नो नाम दर्ता (Register) गर्नुहुने सम्पूर्ण राइडरहरूलाई हार्दिक धन्यवाद! यहाँहरूको उत्साहजनक सहभागिताले यो यात्रा पक्कै पनि अविस्मरणीय बन्नेछ। 🙌
यात्रा सुरु गर्नु अघि केही महत्त्वपूर्ण कुराहरू:
🗺️ मार्ग (Route Map): तिलगंगा (पशुपतिनाथ क्षेत्र) ➡️ बागमती कोरिडोर ➡️ बल्खु ➡️ कीर्तिपुर (जोशी नानी हेरिटेज होम)।
🎒 साथमा ल्याउनुपर्ने चीजहरू (Things to Bring): यात्रामा निस्किनु अघि चाहिने आवश्यक सामानहरूको सूची माथि पोष्टरमा हेर्नुहोला। आफ्नो साइकल र सुरक्षा सामग्री (हेल्मेट) अनिवार्य रूपमा तयार राख्नुहोला! 🚲⛑️
🤝 हाम्रा सहयोगी संस्थाहरू : यो कार्यक्रमलाई सफल बनाउन साथ दिनुहुने हाम्रा सम्पूर्ण आदरणीय सहयोगी संस्थाहरूप्रति कृतज्ञता व्यक्त गर्दछौं। ।
शनिबार बिहान ठीक ६:०० बजे तिलगंगा आँखा अस्पताल अगाडि आ-आफ्नो साइकलका साथ भेटौंला! ⏰✨
#साइकलरसम्पदा

19/03/2026

हाम्रा सम्पुर्ण सदस्य, स्वयंसेवक, शुभेच्छुक तथा सरोकारवालाहरुलाई आज २१औं स्थापना दिवस (वार्षिकोत्सव) को विशेष दिनमा बधाईका साथसाथै आजको दिनले हामी सम्पुर्णलाई अझ बढि क्रियाशिल भइ सामाजिक काममा लाग्ने उत्प्रेरणा तथा शक्ति किपुबासिहरुका आराध्यदेव श्री श्री श्री बाघभैरवले प्रदान गरुन् भनि शुभकामना व्यक्त गर्दछौं ।

08/07/2025

कीर्तिपुर स्वयंसेवक समाजले स्मार्ट इन्फोटेक र एनसिसिएस कलेजसँगको सहकार्यमा २०८२ असार २१ मा हालसालै एसईइ स्नातक...

Kirtipur Volunteer Society

20/09/2026

10/09/2026

04/09/2026

04/09/2026

28/08/2026

15/08/2026

06/07/2026

23/06/2026

19/03/2026

08/07/2025

Address

Opening Hours

Website

Alerts

Shortcuts

Share

Category

Listing takedown request