Rural Self-reliance Development Centre - RSDC

27/08/2026

नेपाल र मित्रराष्ट्र चीनको सिमावर्ती क्षेत्रबाट भोटेकोशी लगायतका नदी बेसिनमा आएको अप्रत्याशित र अकल्पनीय बाढीबाट रसुवा, नुवाकोट, धादिङ, गोरखा लगायतका जिल्लाहरूमा पर्न गएको असीमित मानवीय क्षति, भौतिक संरचनाको विनाश र वातावरणीय संकटप्रति ग्रामीण स्वावलम्बन विकास केन्द्र(आरएसडिसी) गहिरो शोक तथा पीडा व्यक्त गर्दछ ।
यस अकल्पनीय प्राकृतिक विपत्तिमा परी निधन भएका व्यक्तिहरुप्रति भावपूर्ण श्रध्दाञ्जली अर्पण गर्दै शोकाकुल परिवारजनमा हार्दिक समवेदना तथा घाइते व्यक्तिहरुको शीघ्र पूर्णरूपमा स्वास्थ्य लाभको कामना गर्दछ र वेपत्ताहरुको शकुशलता सहितको शीघ्र यथार्थता प्राप्त होस् भन्ने कामना छ ।
विपदको यस संवेदनशील घडीमा ग्रामीण स्वावलम्बन विकास केन्द्रका तर्फबाट राहत रु. ५००,०००/-(पाँचलाख) "प्रधानमन्त्री दैवीप्रकोप उध्दारक‍ोष"मा राहत सहयोग स्वरूप जम्मा गरेको छ । साथै थप राहत कार्यमा सहकार्य गर्न आरएसडिसी निरन्तर प्रयत्नशील छ ।

30/07/2026

ग्रामीण स्वावलम्बन विकास केन्द्रको ३५ औ स्थापना दिवस तथा संस्थापक एवं स्वावलम्बन अवधारणाका प्रणेता नेपाली आकासमा बहुआयामिक चम्किला तारा स्वर्गीय देवेन्द्रराज पाण्डेको १३ औ दिनको पुण्यतिथी यही २०८३ साल श्रावण १३ गते शोक सभा गरी मनाइएको छ । शोक सभामा उहाँका परिवारका सदस्यहरु, भाइ, सुपत्री, नाती, ग्रामीण स्वावलम्बन विकास केन्द्रका पदाधिकारी तथा सदस्यहरु, बहालवाला तथा पूर्व कर्मचारीहरु, २०३८ सालमा IDS सस्थामा उहाँसँगै काम गर्नुहुने उहाँका समकक्षीहरु, स्थानीय छिमेकीहरु, विभिन्न संस्थाका प्रमुख तथा प्रतिनिधिहरु र नागरिक अगुवाहरुको ठूलो सख्यामा सहभागिता थियो ।
ग्रामीण स्वावलम्बन विकास केन्द्रको कार्यालय प्राङ्गणमा भएको शोक सभामा एकमिनेट मौन धारण गरी उहाँको तस्विरमा पुष्पगुच्छा तथा माल्यार्पण गरेर श्रध्दाञ्जली अर्पण गरिएको थियो ।
शोक सभामा स्वर्गीय पाण्डेले लेख्नुभएका पुस्तकहरु र २ वर्ष अगाडि उहाँमा अरएसडिसीले गरेको सम्मान सम्बन्धि भडियो प्रदर्शन र मृत्युवरण गर्नु एकमहिना पहिले उहाँ स्वयंले लेख्नुभएका तिनवटा कृतिहरु क्रमशः कविता "रैती बन्न मन लाग्छ र लघु साहित्य- मृत्यु, यात्राको तयारी" बाचन गरिएको थियो । सोही अवसरमा स्वावलम्बन अवधारणा सम्बन्धमा उहाँले २०८० सालमा लेख्नुभएको आलेखलाइ पनि बाचन गरिएको थियो ।
उहाँसँग विताएका अविस्मरणीय पलहरु तथा उहाँका विशेषताका बारेमा धेरै सहभागीहरुले आफ्ना अनुभवहरु सुनाउनु भएको थियो । ग्रामीण स्वावलम्बन विकास केन्द्र प्रबन्ध समितिका सदस्य-सचिव कान्ता सिंहले अध्यक्षाता गर्नुभएको शोक सभामा अध्यक्ष राजेन्द्र दाहालले स्वर्गीय पाण्डेका बहुअयामिक विधामा धारणा राख्नुभएको थियो । उहाँले मुलुकका लागि गर्नुभएको योगदान तथा ग्रामीण स्वावलम्बन विकास केन्द्रमा उहाँले निर्वाह गर्नुभएको भूमिका सदा जीवन्त रहोस् र भावी पुस्ताले पनि जान्ने बुझ्ने अवसर पाउन भनेर सस्थाको स्थापना दिवसलाइ अवका वर्षमा डाक्टर पाण्डे स्मृति दिवसका रुपमा मनाउने सहित थप विभिन्न विशेष निर्णय गरेको अध्यक्ष राजेन्द्र दाहालले सभामा जानकारी गराउनु भयो ।
ग्रामीण स्वावलम्बन विकास केन्द्रको वार्षिक प्रतिवेदनको बाह्य आवरणमा डाक्टर देवेन्द्रराज पाण्डेको तस्विर राखेर उहाँ प्रति सम्मान सहित ३५ औ स्थापना दिवसलाइ शोक दिवसकारुपमा मनाएको छ ।
देवेन्द्रराज पाण्डेको निधनले सिङ्गो मुलुकलाइ अपुरणीय क्षति पुगेको छ । ग्रामीण स्वावलम्बन विकास केन्द्रले सस्थाका पथप्रदर्शक अभिभावकलाइ गुमाएको छ । स्वर्गीय देवेन्द्रराज पाण्डे प्रति सबैको तर्फबाट भावपूर्ण श्रध्दाञ्जली गर्दछौ ।

24/07/2026

24/07/2026

ग्रामीण स्वावलम्बन विकास केन्द्र(RSDC)का संस्थापक एवं स्वावलम्बन अवधारणाका प्रणेता डाक्टर देवेन्द्रराज पाण्डेको २०८३ श्रावण १ गते शुक्रबारका दिन ८७ वर्षको उमेरमा निधन भएको घटना प्रति सिङ्गो RSDC परिवारले दु:ख व्यक्त गरेको छ । साथै, RSDC प्रबन्ध समितिको बैठकले स्वर्गीय डा. पाण्डेप्रति हार्दिक श्रध्दाञ्जली अर्पण गरी उहाँकि धर्मपत्नी पद्मा पाण्डे, सुपुत्री डा. प्रिनिती पाण्डे र शोकाकुल समस्त पाण्डे परिवार प्रति समवेदना व्यक्त गर्दै शोक प्रस्ताव पास गरेको छ ।
मिति २०८३ साल श्रावण १३ गते स्वर्गीय डा. पाण्डेको १३ औं दिनको पुण्यतिथि परेको छ र सोही दिन RSDC को स्थापना दिवस पनि भएकोले उक्त दिन RSDC का तर्फबाट डा. पाण्डेको स्मृति दिवस तथा शोक सभा गर्ने निर्णय भएको छ ।
स्वर्गीय डा. देवेन्द्रराज पाण्डे र उहाँको योगदानलाई कदर गर्नुहुने समस्त शुभेच्छुकहरु, आफन्तहरु, RSDC प्रबन्ध समित, साधारणसभा सदस्य, RSDC बहालवाला तथा पूर्व कर्मचारीहरु र समस्त स्वावलम्बन प्रेमि महानुभावहरुलाई श्रावण १३ गते (२९ जुलाई, २०२६) बुधबारको दिन दिउँसो २:३० वजे RSDC को कार्यालय बालुवाटारमा उपस्थित भै उल्लेखित स्मृति दिवस सफल बनाउन य‍ोगदान गर्नुहुन RSDC यसै सूचनाबाट अनुरोध गर्दछ ।

23/06/2026

सुदूरपश्चिम खप्तडछान्ना गाउँपालिकाका किसानहरूले वेमौसमी तरकारी तालिम लिएर व्यवसायी तरकारी खेती गर्न उत्साह देखाएका छन् । घरको लागि गर्जो टार्नेगरी सिमित मात्रै मौसमी तरकारी लगाउँदै आएका किसानहरु तरकारी खेती मौसमी मात्रै नभएर वेमौसमी पनि गर्न संभव छ र व्यवसायका रुपमा गरियो भने छोटो समयमा थोरै जमिनबाट पनि राम्रो आम्दानी पनि लिन सकिन्छ भन्ने विश्वास राखेर अगाडि बढ्दै छन् ।
ग्रामीण स्वावलम्बन विकास केन्द्र (RSDC)को आयोजना र जिल्ला कृषि ज्ञान केन्द्रका प्रमुखको मुख्य-प्रशिक्षणमा खप्तडछान्ना गाउँपालिकाका २५ जना अगुवा कृषकहरूले २ दिवसीय वेमौसमी व्यवसायिक तरकारी खेती सम्बन्धि तालिम लिएका छन् । तालिममा वेमौसमी तरकारी खेतीको लागि टनेल कसरी निर्माण गर्ने, बीउ कहाँबाट ल्याउने, तरकारीको बेर्ना कसरी तयार गर्ने, विरुवा कसरी लगाउने, रोगकीराबाट कसरी जोगाउने र बढी उत्पादन कसरी लिने भन्ने विषयमा सैधान्तिक ज्ञानका साथै ब्यवहारिक अभ्यास पनि गराइएको थियो ।
खप्तडछान्ना गाउँपालिकाका ७ वटै वडामा RSDC ले सहजीकरण गरेर गठन भएका विभिन्न नामका समुदायमा आधारित सहकारी संस्थाहरुले वेमौसमी व्यवसायिक तरकारी खेती गर्ने अगुवा किसानहरु छनौट गरेर तालिममा सहभागी हुन सिफारिस गरेका थिए । तिनै सहकारी संस्थाबाट सिफारिस भएका अगुवा किसानलाई उक्त तालिम दिइएको थियो ।
खप्तडछान्ना गाउँपालिका वडा नं. ५ को वडा कार्यालयको सभाहलमा औपचारिक कार्यक्रम गरेर तालिमको सुभारम्भ गरिएको थियो । औपचारिक सत्र आयोजक संस्था RSDC का संयोजक धिरेन्द्र आर.सी. को अध्यक्षतामा सम्बन्धित वडाका वडाअध्यक्षको प्रमुख आतिथ्यतामा भएको थियो भने जिल्ला कृषि ज्ञान केन्द्रका प्रमुख, कृषि शाखाका अधिकृत, RSDC का कर्मचारीहरु र तालिममा सहभागी हुनुहुने अगुवा किसानहरु सहभागी हुनुहुन्थ्यो र कार्यक्रमको संचालन RSDC का फिल्ड सुपरभाइजर कुम्भराज जोशीले गर्नुभएको थियो ।
तालिमको अन्तिममा सहभागीलाई वेमौसमी व्यवसायिक तरकारी खेती गर्नका लागि विभिन्न जातका तरकारीको वीउहरु र टनेलका लागि आंशिक प्लास्टिक हौसला स्वरुप उपलब्ध गराइएको थियो ।

22/06/2026

खप्तडछान्ना गाउँपालिकामा खानेपानी सरसफाइ तथा स्वच्छता (WASH) व्यवस्थापन समिति गठन भएको छ । उक्त समितिले स्वच्छ तथा गुणस्तरीय खानेपानी तथा सरसफाइ सेवा प्राप्त गर्ने नागरिकको मौलिक अधिकारको सम्मान संरक्षण र परिपूर्ति गरी स्वच्छ तथा गुणस्तरीय खानेपानी सेवा सहज रुपमा उपलब्ध गराउने र सरसफाइ स्वच्छता कायम गर्न विशेष जोडदिने उध्देश्य राखेको छ ।
उल्लेखित खानेपानी सरसफाइ तथा स्वच्छता (WASH) व्यवस्थापन समिति गठन गर्न ग्रामीण स्वावलम्वन बिकास केन्द्र (RSDC)ले सहजीकरण गरेको थियो । समिति गठनका सन्दर्भमा RSDC ले WASH को विषयमा विगत देखि गाउँपालिकामा भइरहेका गतिविधिहरु सम्बन्धि जानकारी गराउनुका साथै WASH व्यवस्थापन समितिको आवश्यकता, महत्त्व, गठन विधि सम्बन्धमा सहभागीलाई अभिमूखिकरण गरेको थियो ।
खानेपानी सरसफाइ तथा स्वच्छता (WASH) व्यवस्थापन समिति खानेपानी सरसफाइ तथा स्वच्छता ऐन २०७९ मा भएको प्रावधान अनुसार गठन गरिएको थियो । जस अनुसार खप्तछान्ना गाउँपालिकाका अध्यक्ष उत्तम बहादुर रोकाया अध्यक्ष हुनुहुन्छ भने गाउँपालिकाका उपाध्यक्ष विष्णु कुमार थापा, प्रविधिक शाखा प्रमुख इ. पदमराज जोशी, LACC परियोजना सल्लाहकार भेषराज पाध्य, साझेदार संस्था RSDC का WASH संयोजक सुनिल विश्वकर्मा सदस्य हुनुहुन्छ र गाउँपालिकाका प्रमुख प्रशासकीय अधिकृत विजयराज गिरी सदस्य सचिव हुनुहुन्छ ।
खानेपानी सरसफाइ तथा स्वच्छता व्यवस्थापन समिति गठनका लागि औपचारिक कार्यक्रम आयोजना गरिएको थियो । उक्त कार्यक्रम गाउँपालिका अध्यक्ष उत्तम बहादुर रोकायाको अध्यक्षतामा भएको थियो । कार्यक्रममा गाउँपालिका उपाध्यक्ष्य, विभिन्न वडाका वडाअध्यक्षहरु, कार्यपालिका सदस्यहरु, शाखा प्रमुखहरु, RSDC का परियोजना संयोजक लगायतका कर्मचारीहरु, LACC परियोजनाका सल्लाहकार र WASH युनिटका कर्मचारीहरुको सहभागिता थियो ।
स्मरण रहोस् RSDC ले जर्मन सरकार र माल्टेजर इन्टरनेशनलको सहयोगमा खप्तडछान्ना गाउँपालिकामा गाउँपालिकासँगको साझेदारी र समन्वयमा जीविकोपार्जन र खानेपानी सरसफाइ तथा स्वच्छता सम्बन्धि गतिविधिहरु गर्दै आएको छ ।

02/06/2026

सुदूरपश्चिम प्रदेशको खप्तडछान्ना गाउँपालिकाको विकट गोर्खाली गाउँका महिलाहरूले २८ मई २०२६, अर्थात जेष्ठ १४ गतेका दिन विभिन्न कार्यक्रम गरेर १२ औं अन्तर्राष्ट्रिय महिनावारी स्वच्छता दिवसलाई प्रभावकारी तरिकाले मनाएका छन् । सो अवसरमा सामाजिक सचेतनाका लागि चेतनामूलक नारा लेखिएको ल्पेकार्ड सहित गाउँ परिक्रमा, छाउगोठमा बस्दा महिलाले भोग्नुपरेका हिंसाको वृत्तचित्र प्रदर्शनी, चेतनामूलक साँस्कृतिक कार्यक्रम भएको थियो । कार्यक्रमका सहभागी महिलाहरूले स्वच्छता र सुरक्षित महिनावारीका लागि प्याड र सावुन पाएका थिए । महिनावारी स्वच्छता दिवस कार्यक्रम सफल बनाउन ग्रामीण स्वावलम्बन विकास केन्द्र(RSDC) र ग्रिनतारा नेपाल संस्थाले सहजीकरण गरेका थिए ।
गोर्खाली गाउँ खप्तडछान्ना गाउँपालिकाको सबैभन्दा विकटमा पर्ने उच्च भेगमा रहेको अलग्गै टापु जस्तो छ । यहाँ १३० घरपरिवारको क्षेत्री समुदायको वस्ति छ । केही वर्ष अघिसम्म यस गाउँको सबैजसो घरमा अलग्गै छाउ गोठ अनिवार्य थियो । महिलाहरू महिनावारीमा छाउ गोठमा अनिवार्य बस्नुपर्थ्यो । छाउ गोठमा बस्दा यहाँका महिलाले ब्यहोरेका जोखिमपूर्ण घटना र हिंसाका दर्दनाक कथाहरू धेरै छन् ।
नेपाल सरकारले छाउपडी, छुवाछुत जस्ता अन्धविश्वास, रुढीबादी परम्परालाई बदल्नका बेग्लै कानुनी व्यवस्था गरेको छ । सरकारले बनाएको कानुनलाई प्रभावकारी बनाउन विभिन्न सामाजिक संघ-संस्थाले पनि सहयोग गर्दै आएका छन् र स्थानीय सरकारले पनि विभिन्न कार्यक्रम गर्दै आएको छ । तरपनि यो समस्या अझैसम्म पूर्णरूपमा निर्मुल हुन सकेको छैन ।
रुढीबाद र अन्धविश्वासमा जकडिएको समाजलाई पूर्णरूपमा रुपान्तरण गरेर अगाडि बढाउन गोर्खाली गाउँका स्थानीय महिलाले विगत केही वर्षयता संगठितरुपमा सक्रियता देखाएका छन् । यहाँका महिलाहरूको सक्रियतामा पुरुषहरुको पनि साथ सहयोग रहेको छ । अहिले गोर्खाली गाउँमा छाउगोठ हटेका छन् । महिनावारीलाई महिलाको इश्वरीय वरदान ह‍ो र प्रजनन अधिकारका हो भनेर समाजले पनि क्रमश बुझ्दै गएको छ । यस १२ औं अन्तर्राष्ट्रिय महिनावारी स्वच्छता दिवस कार्यक्रम आफ्नो गाउँमा भव्यरुपमा मनाउन पाएकोमा गोर्खाली महिला दिदीबहिनीहरु अत्यन्त खुशी छन् ।

01/06/2026

ग्रामीण स्वावलम्बन विकास केन्द्र(RSDC)लाई बदलिँदो परिवेस अनुसार समय सापेक्ष गतिशील बनाउने सन्दर्भमा तदनुरुपको रणनीति निर्माणका लागि विगत केही समयदेखि निरन्तर औपचारिक र अनौपचारिक वौध्दिक मन्थन भइरहेको छ ।
रणनीति निर्माणका लागि संस्थाका सदस्य डा. गिरी पन्थी संयोजक, डा. संजय महतो र देवका के.सी. सदस्य रहेको तीन सदस्यीय समितिले हालसम्म गरेका कार्यहरुको जानकारी गराउने र थप सुझाबहरु लिने उध्देश्यले यही २०८३ जेष्ठ १७ गते सहभागितामूलक कार्यशाला सम्पन्न भएको छ । उक्त कार्यशालामा संस्थाका पदाधिकारीहरु, सदस्यहरु र फिल्ड तथा केन्द्रमा कार्यरत कर्मचारीहरु भौतिक र भर्चुअल गरी २६ जनाको सहभागिता थियो ।
कार्यशालाको सहजीकरण समितिका संय‍ोजक डा. गिरी पन्थीले गर्नुभएको थियो । डा. संजय महतोले RSDC को ५ वर्षको रणनीति तयारीमा समितिले हालसम्म गरेको कामको प्रगति प्रस्तुत गर्नुभएको थियो । सोही अवसरमा अक्सफोर्ड विश्वविद्यालयमा आवध्द RSDC सदस्य डा. कृष्ण अधिकारीले RSDC को इतिहास, स्वावलम्बन अवधारणाको महत्त्व, मूल्य, मान्यता, सरकार, दातृ निकायहरुले विकासलाई हेर्ने, बुझ्ने दृष्टिकोणका विषयमा अनुभवजन्य कार्यपत्र प्रस्तुत गर्नुभयो । त्यसैगरी लामो समय युरोपमा रहेर विकासको विश्वव्यापीकरणलाई अध्ययन गरेर आफ्नै मुलुकमा सक्दो योगदान गरौं भनेर लागिरहनुभएका डा. कृष्ण भण्डारीले समुदायको विकासमा सफल ठानिएको वंगलादेशको BRACK म‍डेल र RSDC को स्वावलम्बन मोडेलको विश्लेषण सहित भविष्यका लागि RSDC को संभावित गन्तव्य सम्बन्धि कार्यपत्र प्रस्तुत गर्नुभएको थियो । डा. दुर्गा पौडेलले विकासको विध्यमान विधि, पध्दतिबाट भुइतहमा साधन, स्रोत, सेवा, अवसर नपुगेको र भुइतहमा परिवर्तन ल्याउनका लागि स्वावलम्बन म‍डेल उपयुक्त हुनसक्ने धारणा राख्नुभएको थियो । अध्यक्ष राजेन्द्र दाहालले RSDC ले समुदायको विकासमा विगत ३५ वर्षमा खेलेको भूमिका महत्त्वपूर्ण रहेको र अबको वदलिएको परिवेशलाई आत्मसात् गरेर संस्थाका सबै पक्षमा पुनरावलोकन गरी तदनुरुपको रणनीतिक योजना सहित संस्थालाई अगाडि बढाउन लागिपरेको बताउनु भयो । कार्यशालामा सहभागी विभिन्न क्षेत्रका अनुभवी महानुभावहरुले पनि कार्यशालामा गहन सुझाब राख्नुभएको थियो ।
RSDC को सभाहलमा भएको कार्यशालामा समितिले हालसम्म गरेको गृहकार्यमा सहभागीहरुबाट प्राप्त थप सुझाब, विभिन्न विद्वानहरुबाट प्रस्तुत कार्यपत्रहरुलाई समेत समेटेर रणनीति निर्माण समितिले थप गृहकार्य गर्ने र पुनः अर्को सहभागितामूलक कार्यशालामा प्रस्तुत गर्ने भन्ने सहमति भएको छ ।
RSDC लई भावी दिशानिर्देश गर्नका लागि आजको कार्यशाला अत्यन्तै महत्त्वपूर्ण हुने सहभागीहरुको धारणा थियो ।

13/05/2026

सुदूरपश्चिम खप्तडछान्ना गाउपालिकाले खानेपानी, सरसफाइ तथा स्वछता (WASH) योजना निर्माणको कार्यलाई उच्च प्राथमिकता दिएर तत्सम्बन्धी गतिविधि गर्दै आएको छ । प्रारम्भमा गाउँपालिकाका जनप्रतिनिधिहरु, कर्मचारीहरु र सरोकारवालाहरुसँग WASH योजनाको महत्त्व, आवश्यकता, विधि, प्रकृया सम्बन्धमा प्रारम्भिक कार्यशाला गरी WASH योजना निर्माणकार्य प्रारम्भ गरेको थियो भने WASH योजना निर्माणका लागि सूचना, तथ्यांक संकलन गर्न गणकहरु छनौट गरेर उक्त गणकहरुको लागि ३ दिवशीय NWASH सम्बन्धी तालिम सम्पन्न भएको छ । खप्तडछान्ना गाउँपालिका, ग्रामीण स्वावलम्बन विकास केन्द्र (RSDC) र जलवायु परिवर्तन स्थानीय अनुकूलन परियोजना (LACCP) को संयुक्त साझेदारीमा बन्ने WASH योजनाको लागि तालिमको आयोजना पनि सोही अनुसार भएको थियो ।
तालिमको प्रारम्भमा औपचारिक कार्यक्रम भएको थियो । उक्त औपचारिक कार्यक्रम खप्तडछान्ना गाउँपालिकाका प्रमुख प्रशाशकिय अधिकृत विजय प्रकाश गिरीको अध्यक्ष्यतामा र गाउँपालिकाका उपाध्यक्ष विष्णु कुमार थापाको प्रमुख आथित्यतामा भएको थियो । तालिममा RSDC का तर्फबाट ७ जना, LACCP परियोजनाका तर्फबाट ४ जना, गाउपालिका तर्फबाट प्राविधिक २ , IT र अन्य कर्मचारी ९ जना गरी जम्मा २० जनाको सहभागिता थियो ।
तालिममा WASH Plan निर्माण गर्न चाहिने सूचना, तथ्यांक लिनका लागि NWASH app कसरी प्रयोग गर्ने, घर-धुरी सर्वेक्षणकोलागि सरसफाई र स्वच्छता application, NWASH Inventory, विद्यालय प्रश्नावली, Project Sustainability, स्वास्थ्य संस्था सुविधा, Community Sanitation, सार्वजनिक शौचालय, Unserved Population गरेर ८ वटा Application मा login, data collectio, Edit and send कसरी गर्ने भन्ने विषयमा प्रशिक्षण दिइएको थियो ।
गाउँपालिकाको तालिम कक्षमा वैशाख २३ देखि २५ गतेसम्म संचालन भएको सो तालिममा सहभागीहरुलाई प्रमाण पत्र र प्रमुख प्रशिक्षकलाई सम्मान पत्र दिइएको थियो ।
स्मरण रहोस् RSDC ले खप्तडछान्ना गाउँपालिकामा "पिछडिएका समुदायहरुको स्वास्थ्य, सरसफाइ, स्वच्छता तथा पिउने पानी (WASH) र जनजीविकाकालागि क्षमता वृद्धि परियोजना" मार्फत विभिन्न गतिविधिहरु गर्दै आएको छ । सोही परियोजनाको उध्देश्य हासिल गर्नका लागि उक्त तालिम भएको ह‍ो ।

06/05/2026

सुदूरपश्चिम खप्तडछान्ना गाउँपालिकाले पालिकाको लागि "खानेपानी सरसफाइ तथा स्वच्छता (WASH) योजना" निर्माणलाई तिव्रता दिएको छ । सोही क्रममा WASH योजना निर्माणका लागि गाउँपालिकाले आयोजना गरेको प्रारम्भिक कार्यशाला खानेपानी तथा ढल व्यवस्थापन विभागका विषयगत विज्ञ निरभ वैध्यको सहजीकरणमा मिति २०८३ बैशाख २२ गते सम्पन्न भएको छ । खप्तडछान्ना गाउँपालिकाका उपाध्यक्ष विष्णु कुमार थापाक‍‍ो अध्यक्षतामा भएको उक्त कार्यशालामा स‍ोही गाउँपालिकाका विभिन्न वडाका वडा अध्यक्षहरु, कार्यपालिका सदस्यहरु, शाखा प्रमुखहरु, सहजकर्ताहरु, गोरखापत्र दैनिकका जिल्ला प्रतिनिधि, गाउँपालिका र परियोजनाका प्राविधिकहरु, RSDC र LACC का कर्मचारीहरु गरी ३६ जना व्यक्तिहरु सहभागी हुनुहुन्थ्यो ।
खप्तडछान्ना गाउँपालिकाको मुख्य नेतृत्वमा बन्ने WASH योजनाको निर्माणका लागि ग्रामीण स्वावलम्बन विकास केन्द्र (RSDC) र जलवायु परिवर्तन स्थानीय अनुकूलन (LACC) परियोजनाले गाउँपालिकासँग सहकार्य गरेका छन् । नेपाल सरकारले बनाएको नीति, नियम, विधि, पध्दति र निर्देशिका अनुसार WASH योजना बनाउनका लागि खप्तडछान्ना गाउँपालिका, RSDC र LACC का बिचमा त्रिपक्षीय सम्झौता भएर योजना निर्माणको प्रक्रिया अगाडि बढेको छ ।