02/08/2026
शेर्पा समुदायले गुमायो चार साहसी पर्वतारोही
पाकिस्तानस्थित विश्वको १२औँ अग्लो हिमाल ब्रड पिकमा आरोहणका क्रममा आएको भीषण हिमपहिरोमा परी चार नेपाली शेर्पा पर्वतारोहीको दुःखद निधन भएको छ। हिमपहिरोपछि सञ्चालन गरिएको खोज तथा उद्धार अभियानका क्रममा उनीहरूको शव फेला परेको पुष्टि भएको छ।
निधन भएका साहसी आरोहीहरू:
🏔️ किली पेम्बा शेर्पा (किलु)
🏔️ निमा शेर्पा
🏔️ नवाङ थिन्डु शेर्पा
🏔️ ग्यालु शेर्पा
उहाँहरू केवल हिमालका मार्गदर्शक मात्र होइन, साहस, समर्पण, सीप र व्यावसायिकताको प्रतीक हुनुहुन्थ्यो। विश्वका अग्ला हिमालहरूमा सुरक्षित आरोहण सम्भव बनाउन शेर्पा समुदायले पुर्याएको योगदान अमूल्य छ। उहाँहरूको समर्पण र साहस सधैं सम्मानका साथ स्मरण गरिनेछ।
दिवंगत आत्माप्रति भावपूर्ण श्रद्धाञ्जली तथा शोकसन्तप्त परिवार, आफन्त र सम्पूर्ण शेर्पा समुदायमा हार्दिक समवेदना व्यक्त गर्दछौँ।
ॐ मणि पद्मे हुँ।
