What are the opening hours?

Monday 10:00 - 17:00 Tuesday 10:00 - 17:00 Wednesday 10:00 - 17:00 Thursday 10:00 - 17:00 Friday 10:00 - 17:00 Sunday 10:00 - 17:00

Non-Resident Nepali Association - NRNA, Subarna Sumsher Marg, Baluwatar, Kathmandu (2026)

09/10/2026

The Non-Resident Nepali Association (NRNA) is seeking motivated and talented professionals to join our team and contribute to building a stronger, more connected global Nepali community.

Open Positions:

1. Senior Information Technology (IT) Officer
2. Information Technology (IT) Officer (Designer)

We are looking for dedicated professionals with the right skills, creativity, and passion to support our IT operations, digital transformation, graphic design, and digital communications.

Interested candidates are encouraged to review the detailed job descriptions, qualifications, and application requirements on Merojob.

👉 Apply Now:
https://merojob.com/employer/non-resident-nepali-association-nrna/jobs

08/10/2026

Press release-51 - 025/027

एनआरएनएको राहत तथा मानवीय सहयोग अभियानको ४३ औं दिन

उत्तरगया-४ का ८० बाढी प्रभावित परिवारका लागि राहत सामग्री वितरण
भोटेकोशी बाढीका कारण प्रभावित रसुवाको उत्तरगया–४ का ८० बाढी प्रभावित परिवारका लागि राहत सामग्री वितरण गरिएको छ।राहत सामग्रीमा भान्सामा प्रयोग हुने सामग्री, ग्यास चुलो, ग्यास सिलिन्डर, प्रेसर कुकरलगायतका सामग्री रहेका छन्। राष्ट्रिय समन्वय परिषद् (NCC) फिलिपिन्स, Nepal Development Academy (NDA) र स्टिचिङ नेपाल फन्ड, नेदरल्यान्ड्स को सहयोगमा उक्त राहत सामग्री उपलब्ध गराइएको हो।राहत सामग्री महिला संयोजक रश्मी थापा, फिलिपिन्सका कोषाध्यक्ष प्रेम लामा, सदस्य इभान अमात्यलगायतको टोलीले रसुवा पुगेर उत्तरगया–४ का वडा अध्यक्ष अमर बुलनलाई हस्तान्तरण गर्नुका प्रत्यक्ष रुपमा पिडितलाइ उक्त सामान बाडिएको हो।
७ करोड १० हजार ६२१ रुपैयाँ संकलन
गत भदौ १० गतेको भोटेकोशी बाढी प्रभावितका लागि पूर्वप्रतिबद्धता अनुसारको सहयोग रकम प्राप्त हुने क्रम जारी रहेको छ। भोटेकोशी-रसुवा बाढी २०२६ को वित्तीय प्रतिवेदनअनुसार यस अभियानका लागि कुल ९ करोड ३९ लाख ६६ हजार २२६ रुपैयाँ प्रतिबद्धता प्राप्त भएकोमा हाल ७ करोड १० हजार ६२१ रुपैयाँ संकलन भएको छ।
क्र.स देश (Country) क्षेत्र (Region) रकम (Amount)
१ बेलायत (UK) युरोप (Europe) ५,३४३,२४४.२५
२ कतार (Qatar) मध्य पूर्व (Middle East) ४,६०६,८८३.००
३ अष्ट्रेलिया (Australia) ओसिनिया (Oceania) ३,१०१,५८१.७६
४ जापान (Japan) एसिया प्यासिफिक (Asia Pacific) २,८८७,०००.००
६ क्यानाडा (Canada) अमेरिका (Americas) २,७०३,४०७.५०
७ बहराइन (Bahrain) मध्य पूर्व (Middle East) २,५७९,३२८.००
८ चीन (China) एसिया प्यासिफिक (Asia Pacific) २,५००,०००.००
१० न्युजिल्याण्ड (New Zealand) ओसियनिए (Oceania) २,१५२,८९९.७३
११ स्पेन (Spain) युरोप (Europe) २,०४३,८१६.८०
१२ स्विट्जरल्याण्ड (Switzerland) युरोप (Europe) १,८८२,६७२.९१
१३ हङकङ (Hong Kong) एसिया प्यासिफिक (Asia Pacific) १,८७७,२३२.५०
१४ स्टिच्टिङ नेपाल फोन्ड्स (नेदरल्याण्ड्स) युरोप (Europe) १,८५५,२८०.९७
१५ स्विडेन (Sweden) युरोप (Europe) १,८३१,५३५.००
१६ नर्वे (Norway) युरोप (Europe) १,७८९,८४२.९६
१७ इराक (Iraq) मध्य पूर्व (Middle East) १,४०९,११७.२४
१८ ओमान (Oman) मध्य पूर्व (Middle East) १,३१५,०००.००
१९ फिलिपिन्स (Philippines) एसिया प्यासिफिक (Asia Pacific) १,२००,०००.००
२० दक्षिण कोरिया (Korea - South) एसिया प्यासिफिक (Asia Pacific) १,११०,८१२.००
२१ लक्जेम्बर्ग (Luxembourg) युरोप (Europe) १,०४६,५४८.८६
२२ साउदी अरेबिया (Saudi Arabia) मध्य पूर्व (Middle East) १,०००,०००.००
२३ डेनमार्क (Denmark) युरोप (Europe) ९१९,३०५.८५
२४ टर्की (युरोपेली क्षेत्रका नेपाली संघ) युरोप (Europe) ७५०,३३७.००
२५ सेशेल्स (Seychelles) अफ्रिका (Africa) ७१६,०२४.००
२६ कंगो (Congo) अफ्रिका (Africa) ७००,०००.००
२७ संयुक्त अरब इमिरेट्स (UAE) मध्य पूर्व (Middle East) ६५८,६६३.००
२८ म्यानमार (Myanmar) एसिया प्यासिफिक (Asia Pacific) ६०१,०००.००
२९ बेल्जियम (Belgium) युरोप (Europe) ५११,६९७.१९
३० इजरायल (Israel) युरोप (Europe) ५०४,३८५.००
३१ आयरल्याण्ड (Ireland) युरोप (Europe) ५००,०००.००
३२ रुस (Russia) युरोप (Europe) ५००,०००.००
३३ थाइल्याण्ड (Thailand) एसिया प्यासिफिक (Asia Pacific) ५००,०००.००
३४ नेदरल्याण्ड्स (Netherlands) युरोप (Europe) ५००,०००.००

२०८३ असोज २१ गते
गैरआवासीय नेपाली संघ सचिवालय
बालुवाटार, काठमाडौं।

07/10/2026

Press release-50 - 025/027

एनआरएनएको राहत तथा मानवीय सहयोग अभियानको ४१र ४२ औं दिन

मनाङका बाढी पहिरो प्रभावित ६४ परिवारलाई एनआरएनएको राहत सहयोग
मनाङका बाढीपहिरो प्रभावित नागरिकसँग ऐक्यबद्धता जनाउँदै गैरआवासीय नेपाली संघ (एनआरएनए) द्वारा सञ्चालन गरिएको राहत तथा मानवीय सहयोग अभियानअन्तर्गत आज राहत सामग्री हस्तान्तरण कार्यक्रम सम्पन्न भएको छ।
गत असोज ८ देखि १२ गतेसम्म परेको भीषण वर्षापछि आएको बाढी तथा पहिरोबाट प्रभावित चामेका १४ र ताल गाउँका ५० गरी ६४ परिवारलाई स्थानीय आवश्यकता र प्राथमिकताका आधारमा राहत सामग्री हस्तान्तरण गरिएको हो।
चामे गाउँपालिकाका अध्यक्ष लोकेन्द्रबहादुर घले तथा नासो गाउँपालिका–१ का वडा अध्यक्ष मिनराशी गुरुङको अनुरोधमा स्थानीय तहसँगको समन्वयमा प्रभावित परिवार पहिचान गरी राहत वितरण गरिएको हो। राहत हस्तान्तरणका लागि मनाङका प्रमुख जिल्ला अधिकारी मुक्ति प्रसाद खनाल, चामे गाउँपालिका, नासो गाउँपालिका तथा स्थानीय जनप्रतिनिधिहरूसँग आवश्यक समन्वय गरिएको थियो। प्रत्येक प्रभावित परिवारलाई कराई, थाल, डाडु, पन्यु, गिलास, कचौरा, चम्चा, जग, २० लिटरको बाल्टिन, खाद्यान्न प्याकेज, सोलार लाइट तथा त्रिपाल लगायतका आवश्यक सामग्री हस्तान्तरण गरिएको छ। साथै, चिया/टी-ब्याग तथा अन्य आवश्यक सामग्री समेत राहत प्याकेजमा समावेश गरिएको थियो।
यसै क्रममा नेपाल प्रहरी कार्यालयलाई एक थान ह्यान्ड माइक सेटसमेत हस्तान्तरण गरिएको छ। विपद्का समयमा सूचना सम्प्रेषण, समन्वय तथा उद्धार एवं राहत कार्यमा सहयोग पुग्ने उद्देश्यले उक्त सामग्री प्रदान गरिएको हो। राहत वितारंका लागि उपाध्यक्ष तथा राहत तथा विपद् व्यवस्थापन समितिका संयोजक मनोज कुमार श्रेष्ठको संयोजकत्वमा प्रवक्ता सोम नाथ सापकोटा, एनसीसी यूएईका उपाध्यक्ष सबिन योञ्जन, Disaster Management Committee सदस्य निरञ्जन केसी तथा एनसीसी यूएई सदस्य शिर तामाङ प्रभावित स्थानमा पुग्नुभएको थियो।

६ करोड ९० लाख ४० हजार ६२१ रुपैयाँ संकलन
गत भदौ १० गतेको भोटेकोशी बाढी प्रभावितका लागि पूर्वप्रतिबद्धता अनुसारको सहयोग रकम प्राप्त हुने क्रम जारी रहेको छ। भोटेकोशी-रसुवा बाढी २०२६ को वित्तीय प्रतिवेदनअनुसार यस अभियानका लागि कुल ९ करोड ३९ लाख ६६ हजार २२६ रुपैयाँ प्रतिबद्धता प्राप्त भएकोमा हाल ६ करोड ९० लाख ४० हजार ६२१ रुपैयाँ संकलन भएको छ।
क्र.स देश (Country) क्षेत्र (Region) रकम (Amount)
१ बेलायत (UK) युरोप (Europe) ५,३४३,२४४.२५
२ कतार (Qatar) मध्य पूर्व (Middle East) ४,६०६,८८३.००
३ अष्ट्रेलिया (Australia) ओसिनिया (Oceania) ३,१०१,५८१.७६
४ जापान (Japan) एसिया प्यासिफिक (Asia Pacific) २,८८७,०००.००
६ क्यानाडा (Canada) अमेरिका (Americas) २,७०३,४०७.५०
७ बहराइन (Bahrain) मध्य पूर्व (Middle East) २,५७९,३२८.००
८ चीन (China) एसिया प्यासिफिक (Asia Pacific) २,५००,०००.००
१० न्युजिल्याण्ड (New Zealand) ओसियनिए (Oceania) २,१५२,८९९.७३
११ स्पेन (Spain) युरोप (Europe) २,०४३,८१६.८०
१२ स्विट्जरल्याण्ड (Switzerland) युरोप (Europe) १,८८२,६७२.९१
१३ हङकङ (Hong Kong) एसिया प्यासिफिक (Asia Pacific) १,८७७,२३२.५०
१४ स्टिच्टिङ नेपाल फोन्ड्स (नेदरल्याण्ड्स) युरोप (Europe) १,८५५,२८०.९७
१५ स्विडेन (Sweden) युरोप (Europe) १,८३१,५३५.००
१६ नर्वे (Norway) युरोप (Europe) १,७८९,८४२.९६
१७ इराक (Iraq) मध्य पूर्व (Middle East) १,४०९,११७.२४
१८ ओमान (Oman) मध्य पूर्व (Middle East) १,३१५,०००.००
१९ फिलिपिन्स (Philippines) एसिया प्यासिफिक (Asia Pacific) १,२००,०००.००
२० दक्षिण कोरिया (Korea - South) एसिया प्यासिफिक (Asia Pacific) १,११०,८१२.००
२१ लक्जेम्बर्ग (Luxembourg) युरोप (Europe) १,०४६,५४८.८६
२२ साउदी अरेबिया (Saudi Arabia) मध्य पूर्व (Middle East) १,०००,०००.००
२३ डेनमार्क (Denmark) युरोप (Europe) ९१९,३०५.८५
२४ टर्की (युरोपेली क्षेत्रका नेपाली संघ) युरोप (Europe) ७५०,३३७.००
२५ सेशेल्स (Seychelles) अफ्रिका (Africa) ७१६,०२४.००
२६ कंगो (Congo) अफ्रिका (Africa) ७००,०००.००
२७ संयुक्त अरब इमिरेट्स (UAE) मध्य पूर्व (Middle East) ६५८,६६३.००
२८ म्यानमार (Myanmar) एसिया प्यासिफिक (Asia Pacific) ६०१,०००.००
२९ बेल्जियम (Belgium) युरोप (Europe) ५११,६९७.१९
३० इजरायल (Israel) युरोप (Europe) ५०४,३८५.००
३१ आयरल्याण्ड (Ireland) युरोप (Europe) ५००,०००.००
३२ रुस (Russia) युरोप (Europe) ५००,०००.००
३३ थाइल्याण्ड (Thailand) एसिया प्यासिफिक (Asia Pacific) ५००,०००.००
३४ नेदरल्याण्ड्स (Netherlands) युरोप (Europe) ५००,०००.००

२०८३ असोज २१ गते
गैरआवासीय नेपाली संघ सचिवालय
बालुवाटार, काठमाडौं।

07/10/2026

Do you know about the Foreign Employment Savings Bond?
Looking for a safe way to save and invest your hard-earned income from abroad? The Foreign Employment Savings Bond provides Nepali migrant workers and eligible NRNs with an opportunity to save and invest for their future.
Turn your hard-earned income into a meaningful investment for yourself and your family. 🇳🇵

07/10/2026

Call for Abstracts: 6th NRNA Global Nepali Health Conference 2026
Theme: Reverse Migration with Global Collaboration
📍 Janakpurdham, Madhesh Province | 📅 4–5 December 2026

Researchers, practitioners, policymakers, students, diaspora professionals and institutional partners are invited to submit abstracts (300 words).

⏰ Deadline: 30 October 2026
📧 Send abstracts to: [email protected]
📝 Download the abstract form: https://nrna-my.sharepoint.com/:w:/g/personal/mahesh_nrna_org/IQBRKktKh92zQZ218d6PvoGjAewsslD9XHgLU25P7cZk0a4?rtime=NzVO9cwi30g
🎟️ Register: https://docs.google.com/forms/d/e/1FAIpQLSctSEycPbUBkUuqdjrHD36DcnMoiiTaUckp02M3Z-UMhD0eNg/viewform
🌐 nrna.org

06/10/2026

Press release-48 - 025/027

प्रेस विज्ञप्ति
गैरआवासीय नेपाली संघ (NRNA) को ११७औँ अन्तर्राष्ट्रिय समन्वय परिषद् (ICC) बैठकका निर्णयहरू
गैरआवासीय नेपाली संघ (NRNA) को ११७औँ अन्तर्राष्ट्रिय समन्वय परिषद् (ICC) बैठक ३–४ अक्टोबर २०२६ मा भर्चुअल माध्यमबाट सफलतापूर्वक सम्पन्न भएको छ। अध्यक्ष डा. हेम राज शर्माको अध्यक्षतामा महासचिव डा. चिरञ्जीवी खड्काले सञ्चालन गर्नुभएको बैठकमा विश्वभरबाट ICC, पदाधिकारी, सल्लाहकार,राष्ट्रिय समन्वय परिषद् (NCC) का आमन्त्रित अध्यक्षहरूको सहभागिता रहेको थियो। बैठकको पहिलो दिन पछिल्ला तीन महिनामा भएका संस्थागत, आर्थिक तथा विभागीय प्रगति विवरण प्रस्तुत गरी समीक्षा गरिएको थियो। बैठकको फेसबुकमार्फत प्रत्यक्ष प्रसारण समेत गरिएको थियो। दोस्रो दिन विभिन्न संस्थागत विषयहरूमा विस्तृत छलफल पश्चात निम्न निर्णयहरू गरिएको छः
१ . रसुवा–भोटेकोसी बाढीपीडितहरूको राहत तथा पुनर्स्थापना
रसुवा र नुवाकोटलगायतका क्षेत्रमा गएको विनाशकारी बाढीबाट प्रभावित समुदायको उद्धार, राहत तथा पुनर्स्थापनाका लागि हालसम्म भएका कार्यहरूको समीक्षा गर्दै बैठकले तत्कालका लागि राहत वितरणको कार्य स्थगन गरी पुनर्निर्माण तथा पुनर्स्थापनाका कार्यमा केन्द्रित हुने निर्णय गरेको छ। त्यसैगरी, नेपाल सरकारसँग समन्वय गरी पुनर्निर्माण तथा पुनर्स्थापनाका प्राथमिकता र कार्ययोजनाका सम्बन्धमा केही हप्ताभित्र आवश्यक निर्णय गर्ने तथा राष्ट्रिय समन्वय परिषद् (NCC) हरूले सङ्कलन गरेको रकम अन्तर्राष्ट्रिय समन्वय परिषद् (ICC) मार्फत पुनर्निर्माण तथा पुनर्स्थापनाका कार्यमा सहयोग गर्न आह्वान गर्ने निर्णय गरिएको छ । विशेष गरी स्वास्थ्य तथा शिक्षा सम्बन्धी परियोजनाहरू प्राथमिकतामा राखेर छनोट गर्ने निर्णय गरिएको छ।
२ . आगामी महत्वपूर्ण कार्यक्रम
बैठकले आगामी महत्वपूर्ण कार्यक्रमहरूको मिति अनुमोदन गरेको छ :
कार्यक्रम / सम्मेलन मिति स्थान
एनआरएन दिवस ११ अक्टोबर २०२६ नेपाल तथा विभिन्न राष्ट्रिय समन्वय परिषद् (NCC) हरू
NRNA Rasuwa Recovery and Resilience Initiative – 2026 वेबिनार १२ अक्टोबर २०२६ अनलाइन
एनसीसीको क्षमता अभिबृद्धि सम्बन्धि ३ दिने आवासीय तालिम २८–३० अक्टोबर २०२६ गोदावरी ललितपुर
छैटौँ विश्व स्वास्थ्य सम्मेलन ४–५ डिसेम्बर २०२६ जनकपुर, मधेश प्रदेश
नवौँ मध्यपूर्व क्षेत्रीय सम्मेलन ११–१२ डिसेम्बर २०२६ दोहा, कतार
दशौँ ओसियाना क्षेत्रीय सम्मेलन १९–२० डिसेम्बर २०२६ न्युजिल्याण्ड
चौथो ज्ञान सम्मेलन (Knowledge Convention) २–४ जनवरी २०२७ काठमाडौं
पहिलो एनआरएन सेकेन्ड जेनेरेसन युथ कन्भेन्सन ३ जनवरी २०२७ काठमाडौं
पहिलो एनआरएन ग्लोबल महिला सम्मेलन ४ जनवरी २०२७ काठमाडौं
वार्षिक साधारण सभा (Annual General Assembly) ६ जनवरी २०२७ हाइब्रिड मोडल
दशौँ अमेरिकाज क्षेत्रीय सम्मेलन २४–२५ अप्रिल २०२७ टोरन्टो, क्यानाडा
३. दशौँ राष्ट्रिय खेलकुद प्रतियोगितामा सहभागीता
२०२६ डिसेम्बर २ देखि १३ सम्म सुर्खेतमा आयोजना हुने दशौँ राष्ट्रिय खेलकुद प्रतियोगितामा गैरआवासीय नेपाली संघ (एनआरएनए) को सहभागिता जनाउने तथा विदेशमा रहेका इच्छुक नेपाली खेलाडीहरूबाट सहभागिताका लागि आवेदन माग गरी आवश्यक प्रक्रियाअनुसार खेलाडी छनोट गर्ने निर्णय गरिएको छ।
४ . ११औँ एसिया–प्यासिफिक तथा १७औँ युरोप क्षेत्रीय सम्मेलन
१७औँ युरोप क्षेत्रीय सम्मेलन सफलतापूर्वक सम्पन्न गरेकोमा आयोजक राष्ट्र आयरल्याण्ड र युरोप क्षेत्रीय समिति तथा ११औँ एसिया–प्यासिफिक क्षेत्रीय सम्मेलन सफलतापूर्वक सम्पन्न गरेकोमा आयोजक राष्ट्र चीन र एसिया–प्यासिफिक क्षेत्रीय समितिलाई धन्यवाद ज्ञापन गर्दै दुवै सम्मेलनको आर्थिक प्रतिवेदन सम्बन्धित क्षेत्रीय समितिहरूले एक साताभित्र अन्तर्राष्ट्रिय समन्वय परिषद् (ICC) मा पठाउनुपर्ने निर्णय गरिएको छ। सम्मेलनबाट बचत भएको रकम ICC मा पठाउन अनुरोध गर्ने तथा उक्त रकम बाढीपीडितहरूको पुनर्निर्माणमा खर्च गर्ने निर्णय गरिएको छ।
५ . सदस्यता शुल्क नबुझाएका NCC सम्बन्धमा
सदस्यता शुल्क नबुझाएका NCC हरूका लागि २०२७–२०२९ को Membership Registration System (MRS) नखोल्ने निर्णय गरिएको छ। शुल्क नबुझाएका NCC हरूको नाम तथा बुझाउन बाँकी रहेको रकम सार्वजनिक गर्ने र सम्बन्धित NCC का पञ्जीकृत सदस्यहरूलाई समेत सदस्यता शुल्क नबुझाएको जानकारी गराउने निर्णय गरिएको छ। अबदेखि सदस्यता लिँदा ICC लाई बुझाउनुपर्ने शुल्क अनलाइनमार्फत सिधै भुक्तानी गर्ने व्यवस्था गर्ने निर्णयसमेत गरिएको छ।
६ . ICC शुल्क तथा मनोनयन शुल्क नबुझाएका पदाधिकारी तथा सदस्य सम्बन्धमा
बैठकले मनोनयन शुल्क तथा सदस्यता शुल्क नबुझाएका ICC का पदाधिकारी तथा सदस्यहरूलाई उक्त शुल्क बुझाउन १० दिनको समय दिने निर्णय गरेको छ। उक्त अवधिभित्र शुल्क नबुझाउनेहरूको नामावली सार्वजनिक गर्ने तथा सम्बन्धित NCC लाई जानकारी दिने निर्णय गरिएको छ। साथै, शुल्क नबुझाउनेहरूको पद विधानअनुसार रिक्त रहने निर्णय गरिएको छ। एनसीसीको एकताका लागि योगदान गर्दै आफ्नो पद छाडेर ICC को पद ग्रहण गरेका पदाधिकारीहरूको मनोनयन शुल्क मिनाहा गर्ने निर्णय गरिएको छ। दोस्रो पुस्ताको अध्ययनरत सदस्यहरूको हकमा भने अनुरोधको आधारमा सदस्यता शुल्क आधा (५०%) गर्ने निर्णय गरिएको छ।

७ . राष्ट्र बैंकबाट प्राप्त गर्नुपर्ने भाडा रकम
नेपाल राष्ट्र बैंकले गैरआवासीय नेपाली संघ (NRNA) को भवन भोगचलन गरेको भए पनि उक्त भवन भोगचलन गरेबापत संघलाई प्राप्त हुनुपर्ने भाडा रकम हालसम्म भुक्तानी गरेको छैन। भाडा रकम भुक्तानीका लागि संघले पटक–पटक ताकेता तथा अनुरोध गर्दै आए पनि हालसम्म भुक्तानी नभई आलटाल हुँदै आएको अवस्था छ। यस सम्बन्धमा संघले प्राप्त गर्नुपर्ने भाडा रकम असुलउपर गर्न आवश्यक प्रक्रिया अघि बढाउने निर्णय गरिएको छ।
८ . एनआरएनए फाउन्डेसन नवीकरण
बैठकले एनआरएनए फाउन्डेसन नवीकरण गर्ने प्रस्ताव अनुमोदन गर्ने निर्णय गरेको छ।
९. राष्ट्रिय समन्वय परिषद् (NCC) एकीकरण
अधिकांश राष्ट्रिय समन्वय परिषद् (NCC) मा एकीकरणको प्रक्रिया सम्पन्न भइसके पनि केही NCC मा एकीकरण हुन बाँकी रहेको सन्दर्भमा, बाँकी रहेका NCC को अवस्थाबारे एकताको लागि जिम्मा दिएका उपमहासचिवहरूबाट प्रतिवेदन प्राप्त गरी उहाँहरू तथा सम्बन्धित क्षेत्रीय संयोजकहरूसँग आवश्यक परामर्श गर्ने र सोही आधारमा अध्यक्ष र महासचिवले आवश्यक निर्णय गर्ने निर्णय गरिएको छ।
१०. NCC पुनःसक्रियता तथा नयाँ देशमा स्थापना
बैठकले रोमानियाको नवगठित समितिलाई अनुमोदन गर्ने तथा माल्टाको हालको समितिलाई कायम राख्ने निर्णय गरेको छ।
११ . Membership Registration System (MRS) खोल्ने सम्बन्धमा
Membership Registration System (MRS) प्रणाली खोल्दा फेस भेरिफिकेसन अनिवार्य गर्ने तथा ICC लाई बुझाउनुपर्ने शुल्क अनलाइनमार्फत सिधै सचिवालयमा भुक्तानी गर्ने व्यवस्था गर्ने निर्णय गरिएको छ।
१२. विभिन्न समितिका संयोजकको चयन
बैठकले डिजिटल मेडिसिनको संयोजक दीपक गौतम, उपमहासचिवलाई अनुमोदन गर्ने निर्णय गरेको छ। त्यसैगरी, वैदेशिक रोजगार परामर्श समितिको अध्यक्षमा दीपक ओली, उपमहासचिव तथा स्मार्ट एनआरएनएको संयोजक मा डा. नवराज रोस्यारा, उपमहासचिवलाई अनुमोदन गर्ने निर्णय गरिएको छ।
एनआरएनए ग्लोबल नेपाली डायस्पोरा इन्टिग्रेसन कमिटीको मा संयोजक कृष्ण पोखरेल, उपमहासचिव तथा एनआरएनए कानुनी तथा प्रशासनिक सल्लाहकार केन्द्रको संयोजक मा विनोद कार्की, उपमहासचिवलाई अनुमोदन गर्ने निर्णय गरिएको छ। साथै, स्कुल विभागको संयोजक मा प्रकाश धमला, उपमहासचिवलाई अनुमोदन गर्ने निर्णय गरिएको छ।

१३ . पदाधिकारी तथा सदस्यहरूको पदबाट अलग हुने प्रस्ताव अनुमोदन
बैठकले आफ्नो पदबाट अलग रहने इच्छा व्यक्त गरेका कमलमणि गुरागाईं–उपाध्यक्ष, गोविन्द गौतम–उपमहासचिव, विमल सुवेदी–उपकोषाध्यक्ष, कमलराज शर्मा–उपक्षेत्रीय संयोजक, युरोप, सुदेश झा–उपक्षेत्रीय संयोजक, एसिया प्यासिफिक, मनिषा सिंह कोइराला–ICC सदस्य, डेनमार्क, आभा मल्ल–ICC सदस्य, बेल्जियम तथा ओमराज पौडेल–ICC सदस्य, आइसल्यान्डको सम्बन्धमा प्राप्त प्रस्तावलाई अनुमोदन गर्दै उहाँहरूलाई सम्बन्धित पदबाट अलग गर्ने निर्णय गरेको छ।
१४ . राजनीतिक संस्थासँग आबद्ध पदाधिकारीहरू
संघको निर्वाचन सम्बन्धी नियमावली- २०२१ को दफा ७ बमोजिम कुनै राजनीतिक संस्थाको कार्यकारी समितिको पदाधिकारी वा सदस्य पदमा बहाल रहेको भए सम्बन्धित व्यक्तिले उक्त पदबाट राजीनामा दिई सोको प्रमाणसहित अन्तर्राष्ट्रिय समन्वय परिषद् (ICC) लाई जानकारी गराउनुपर्ने निर्णय गरिएको छ।
१५ . समझदारी पत्र (MoU) सम्बन्धमा
बैठकले गैरआवासीय नेपाली संघ (NRNA), नेपाल रेडक्रस सोसाइटी (NRCS) तथा International Federation of Red Cross and Red Crescent Societies (IFRC) बीच साझा हितका विषयमा सहकार्यका लागि गरिएको समझदारीपत्र (MOU) अनुमोदन गर्ने निर्णय गरेको छ। साथै, नेपाल रेडक्रस सोसाइटीको मनसुन तथा बाढी प्रतिकार्य पहलमा संघको कोषबाट रु. ५ लाख सहयोग उपलब्ध गराउने प्रस्तावसमेत अनुमोदन गरिएको छ। यस्तै नेपाल चेम्बर अफ कमर्स तथा एजुकेशन कन्सल्टेन्सी एसोसिएसन नेपाल (ECAN) सँग गरिएको समझदारीपत्र (MOU) अनुमोदन गर्ने निर्णय गरिएको छ।
१६. उज्यालो फाउन्डेसन
संघको संलग्नतामा २०७५/०४/२७ मा स्थापना भएको तर पछिल्लो ५ वर्षा यता निस्क्रिय अवस्थामा रहेको उज्यालो फाउन्डेसनको विधिवत् रूपमा बन्द/खारेज गर्ने प्रक्रिया अघि बढाउने निर्णय गरिएको छ।
मिति : २०८३ असोज २० तदनुसार ६ अक्टोवर २०२६

सोमनाथ सापकोटा
प्रवक्ता
गैरआवासीय नेपाली संघ (एनआरएनए )

06/10/2026

भोटेकोशी नदीको बाढीबाट प्रभावित नागरिकहरूको राहत तथा पुनःस्थापनाका लागि गैरआवासीय नेपाली संघ (एनआरएनए) ले स्थापना गरेको रु. ५ करोडको राहत कोषमा सहयोग गर्नुहुने पदाधिकारी तथा अभियन्ता ज्यूहरूलाई हार्दिक धन्यवाद व्यक्त गर्दछौँ।
विपद्को यस कठिन घडीमा यहाँहरूको सहयोग र ऐक्यबद्धताले प्रभावित परिवारहरूलाई ठूलो राहत पुग्ने विश्वास लिएका छौँ।
बाँकी रहनुभएका सम्पूर्ण पदाधिकारीज्यूहरूलाई पनि यस अभियानमा यथासक्य सहयोगको प्रतिबद्धता जनाई मानवीय सेवाको यस अभियानमा साथ दिनुहुन हार्दिक अनुरोध गर्दछौँ।

05/10/2026

सरकारसँग समन्वय गरी पुनर्निर्माण तथा पुनर्स्थापनामा सहकार्य गर्ने
भोटेकोशी बाढी प्रभावित क्षेत्रमा गैरआवासीय नेपाली संघ (एनआरएनए) ले सञ्चालन गरेको राहत अभियानको हालसम्मको प्रगति, प्राप्त सहयोग तथा प्रभावित परिवारसम्म पुऱ्याइएको राहतबारे समीक्षा गर्दै अब दोश्रो चरणमा पुनर्निर्माण तथा पुनर्स्थापनाका कार्यमा केन्द्रित हुने निर्णय गरिएको छ। अन्तर्राष्ट्रिय समन्वय परिषद्को ११७ औं बैठकले राहत अभियानलाई अब क्रमशः स्वास्थ्य र शिक्षा क्षेत्रको पुनर्निर्माणमा केन्द्रित गर्ने निर्णय गरेको हो । साथै, नेपाल सरकारसँग समन्वय गरी पुनर्निर्माण तथा पुनर्स्थापनाका प्राथमिकता र कार्ययोजनाबारे केही हप्ताभित्र निर्णय गर्ने तथा राष्ट्रिय समन्वय परिषद् (NCC) हरूले सङ्कलन गरेको रकम अन्तर्राष्ट्रिय समन्वय परिषद् (ICC) मार्फत पुनर्निर्माण तथा पुनर्स्थापनाका कार्यमा सहयोग गर्न आह्वान गर्ने निर्णय गरिएको छ।
मनाङका बाढीपहिरो प्रभावितलाई भोलि राहत सामग्री वितरण गर्ने
गत असोज ८-१२ गतेको भीषण वर्षापछि आएको बाढी तथा पहिरोबाट प्रभावित मनाङ जिल्लाका नागरिकलाई गैरआवासीय नेपाली संघ (एनआरएनए)ले भोलि मंगलबार राहत गर्दैछ। मनाङको चामेमा १४ र ताल गाउँमा ५० बाढीपहिरो प्रभावित नागरिकका लागि राहत सामग्री वितरणको तयारी गरिएको हो। उपाध्यक्ष तथा राहत तथा विपद् व्यवस्थापन समितिका संयोजक मनोज कुमार श्रेष्ठको संयोजकत्वमा टोलीले भोलि नै प्रभावित क्षेत्रमा राहत सामग्री वितरण गर्नेछ। प्रभावित परिवारलाई भान्साको सामग्री, खाद्यान्न सामग्री, त्रिपाल र सोलार लाइट उपलब्ध गराइनेछ।
२०८३ असोज १९ गते
गैरआवासीय नेपाली संघ सचिवालय
बालुवाटार, काठमाडौं।

04/10/2026

Press release-4 - 025/027

एनआरएनएको राहत तथा मानवीय सहयोग अभियानको ३९ औं दिन

राहत अभियानको समीक्षा तथा पुनर्निर्माणमा सहकार्यबारे छलफल

भोटेकोशी बाढी प्रभावित क्षेत्रमा गैरआवासीय नेपाली संघ (एनआरएनए) ले सञ्चालन गरेको राहत अभियानको हालसम्मको प्रगति, प्राप्त सहयोग तथा प्रभावित परिवारसम्म पुर्‍याइएको राहतबारे अन्तराष्ट्रिय समन्वय परिषद बैठकमा समीक्षा गरिएको छ। बैठकमा राहत वितरणका क्रममा देखिएका चुनौती, स्थानीय तहसँगको समन्वय तथा अझै सहयोग आवश्यक रहेका प्रभावित क्षेत्रका विषयमा समेत छलफल गरिएको छ। राहत अभियानलाई क्रमशः पुनर्स्थापना तथा पुनर्निर्माणतर्फ अघि बढाउँदै नेपाल सरकारसँग आवश्यक समन्वय र सहकार्य गर्ने विषयमा बैठकले जोड दिएको छ। पुनर्निर्माणका लागि रणनीतिक योजना बनाउन नेपाल तथा विदेशमा रहेका विज्ञ, योजनाविद् तथा नेपाल सरकारसँग समन्वय गरी कार्यशाला आयोजना गर्ने विषयमा छलफल भयो। पुनर्निर्माणका लागि आवश्यक स्रोत तथा सहयोग जुटाउन राष्ट्रिय समन्वय परिषद् (NCC) हरूलाई सक्रिय रूपमा सहयोग गर्न अनुरोध गरिएको छ। साथै, सम्बन्धित देशमा रहेका नेपाली समुदाय, संघसंस्था तथा सहयोगी निकायसँग समन्वय गरी पुनर्निर्माण अभियानमा थप सहयोग जुटाउन आग्रह गरिएको छ। बैठकमा राहत अभियानलाई प्रभावकारी रूपमा निरन्तरता दिँदै राहतबाट पुनर्स्थापना र पुनर्निर्माणको चरणमा प्रवेश गर्नुपर्ने तथा यसका लागि सरकार, एनआरएनए, NCC र स्थानीय सरोकारवालाबीच सहकार्यलाई थप सुदृढ बनाउने विषयमा जोड दिइएको छ। बैठक भोलि पनि बस्ने छ ।

आफन्तको काजक्रिया सकेका थप ३ परिवारलाई राहत सामाग्री वितरण

भोटेकोशी नदीको बाढीबाट आफन्त गुमाई काठमाडौंका विभिन्न क्रियाघरमा काजक्रिया सम्पन्न गरी हाल कोठा भाडामा लिएर बसिरहेका प्रभावित ३ परिवारलाई सहयोगस्वरूप ग्यास सिलिन्डर, भाँडाकुँडा, खाद्यान्नलगायतका राहत सामग्री वितरण गरिएको छ। आज एनआरएनए सचिवालयबाट प्रभावित परिवारलाई उक्त राहत सामग्री उपलब्ध गराइएको हो। यसअघि पनि ४८ परिवारलाई सोही परिमाणमा राहत सामग्री उपलब्ध गराइएको थियो।

६ करोड ७० लाख ८८ हजार ९६० रुपैयाँ संकलन

गत भदौ १० गतेको भोटेकोशी बाढी प्रभावितका लागि पूर्वप्रतिबद्धता अनुसारको सहयोग रकम प्राप्त हुने क्रम जारी रहेको छ। भोटेकोशी-रसुवा बाढी २०२६ को वित्तीय प्रतिवेदनअनुसार यस अभियानका लागि कुल ९ करोड ३९ लाख ६६ हजार २२६ रुपैयाँ प्रतिबद्धता प्राप्त भएकोमा हाल ६ करोड ७० लाख ८८ हजार ९६० रुपैयाँ संकलन भएको छ।

क्र.सं. एनसीसी/संस्था प्राप्त रकम (रुपैयाँ)
१ युके (पहिलो चरणमा) ५,३४३,२४४.२५
२ कतार(पहिलो चरणमा) ४६,०६,८८३.००
३ अष्ट्रेलिया (पहिलो चरणमा) ३,१०१,५८१.७६
४ क्यानडा (पहिलो चरणमा) २,७०३,४०७.५०
५ बहराइन २,५७९,३२८.००
६ चीन (दोस्रो चरणमा) २४,५४,०००.००
७ न्युजिल्यान्ड २,१५२,८९९.७३
८ स्पेन २,०४३,८१६.८०
९ हङकङ १,८७७,२३२.५०
१० स्विडेन १,८३१,५३५.००
११ नर्वे १,७८९,८४२.९६
१२ इराक १४,०९,११७.२४
१३ ओमान १,३१५,०००.००
१४ फिलिपिन्स १,२००,०००.००
१५ दक्षिण कोरिया १,११०,८१२.००
१६ स्टिचिङ नेपाल फन्ड, नेदरल्यान्ड्स १,०५५,१९३.६०
१७ लग्जम्बर्ग १,०४६,५४८.८६
१८ साउदी अरेबिया १,०००,०००.००
१९ डेनमार्क ९,१९,३०५.८५
२० सेसेल्स ८,७५, 0२४.००
२१ टर्की ७५०,३३७.००
२२ कंगो (पहिलो चरणमा ) ६५८,६६३.००
२३ युएई (पहिलो चरणमा) ६५८,६६३.००
२४ म्यानमार ६०१,०००.००
२५ इजरायल ५०४,३८५.००
२६ आयरल्याण्ड (पहिलो चरणमा) ५००,०००.००
२७ रसिया (पहिलो चरणमा) ५००,०००.००
२८ थाईल्याण्ड (पहिलो चरणमा) ५००,०००.००

२०८३ असोज १८ गते
गैरआवासीय नेपाली संघ सचिवालय
बालुवाटार, काठमाडौं।

Non-Resident Nepali Association - NRNA

09/10/2026

08/10/2026

07/10/2026

07/10/2026

07/10/2026

06/10/2026

06/10/2026

05/10/2026

04/10/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	10:00 - 17:00
Tuesday	10:00 - 17:00
Wednesday	10:00 - 17:00
Thursday	10:00 - 17:00
Friday	10:00 - 17:00
Sunday	10:00 - 17:00