18/04/2026
तिलाठी खानेपानी सञ्चालन हेतु अहोरात्र समर्पित: श्री सतिश चन्द्र मिश्र जी
गामक विकास प्रति समर्पित व्यक्तित्व सभ मध्ये एक, श्री सतिश मिश्र जीक प्रति आभार प्रकट करैत एहि पेजक माध्यम सँ हुनक खानेपानी सञ्चालनमे भेल प्रयासक संक्षिप्त वर्णन क' रहल छी।
कर्तव्यनिष्ठ, स्वच्छ छवि आ इमानदार निर्माण व्यवसायीक संगे सप्तरी जिल्ला अध्यक्ष सन गरिमामय पद पर आसीन भ' क' गामक मान-मर्यादा बढ़बैत हमरा सभकेँ गौरवान्वित केने छथि।
आदरणीय ग्रामीण महानुभाव, गामक अभिभावक, बुद्धिजीवी आ शुभेच्छुक ,
लोकनि सँ आग्रह अछि जे सत्य आ भ्रमक बीचक फरक बुझि क' मात्र अपन कोनो धारणा बनाउ।
खानेपानीक लेल श्री सतिश चन्द्र मिश्र जी अपन निजी ३ कट्ठा जमिन सहर्ष दान देने छथि। गामक घर-घरमे शुद्ध पानी पहुँचेबाक लेल ओ दिन-राति एक क' देने छथि। योजनामे विलम्बक मुख्य कारण विद्युत प्राधिकरण थिक। वास्तवमे ई काज पिछला सालहि सम्पन्न भ' जाइत, मुदा प्राधिकरणक सुस्तीक कारण नै भ' सकल।
काल्हि जखन हुनका सँ भेंट भेल छल, तखन ओ विद्युत प्राधिकरणमे कार्यरत तिलाठी निवासी श्री सन्तोष झा जी सँ सेहो गपशप करौलनि। ओहो आश्वस्त कएलनि जे हम सभ पूर्ण रूपेण लागल छी—कखनो जनकपुर त' कखनो राजविराज दौड़ि क' ई समस्या शीघ्र निवारण करबाक प्रयास भ' रहल अछि।
जहिया हमरा लोकनिक विस्तृत भेंटघाट ह्वैत, ओहि समयमे एहि विषय पर आर स्पष्ट जानकारी उपलब्ध करायब। आशा अछि जे ई काज शीघ्रहि सम्पन्न होयत। हम सभ तिलाठी खानेपानी संयोजक श्री सतिश चन्द्र मिश्र जीक सतत सम्पर्कमे छी। आजु हुनका सँ भेंटबाक कार्यक्रम छल, मुदा कोनो आकस्मिक काज सँ हुनका कतौ बाहर जाए पड़लनि ताहि द्वारे भेंट नै भ' सकल। शीघ्रहि हुनका सँ भेंट क' विलम्बक तकनीकी कारण आ आगामी योजना पर विस्तृत प्रतिवेदन प्रस्तुत करब।
धन्यवाद!
तिलाठी खबर परिवार
