10/06/2026
स्वर्गीय प्रतिमा पोखरेलले गृहश्रमिक महिलाहरूका छोरीहरू शिक्षाबाट वञ्चित नहोस् भन्ने उद्देश्यका साथ उनीहरूको अध्ययनमा सहयोग गर्ने परिकल्पना गर्नुभएको थियो। उहाँकै शिक्षा, अवसर र बालिकाहरूको उज्ज्वल भविष्यप्रतिको प्रतिबद्धतालाई निरन्तरता दिँदै स्थापना गरिएको प्रतिमा पोखरेल स्मृति कोष अन्तर्गत यस वर्ष धरान र रंगेली समूहहरूको समन्वयमा पाँच जना बालिकाहरूलाई आवश्यक शैक्षिक सामग्री प्रदान गरिएको छ।
यस सहयोगको उद्देश्य बालिकाहरूलाई विद्यालय जान प्रोत्साहित गर्नुका साथै उनीहरूको आत्मविश्वास अभिवृद्धि गर्न सहयोग पुर्याउनु हो। वर्षभरि अध्ययनमा आवश्यक पर्ने सामग्रीले उनीहरूको शैक्षिक यात्रालाई थप सहज बनाउने विश्वास लिएका छौँ।
यस अवसरमा छात्रवृत्ति प्राप्त गर्ने पाँचै जना बालिकाहरूलाई हार्दिक बधाई तथा शुभकामना व्यक्त गर्दछौँ। तपाईंहरू निरन्तर अध्ययनमा अग्रसर रहँदै आफ्ना सपना र लक्ष्यहरू पूरा गर्न सफल हुनुहोस् भन्ने हाम्रो हार्दिक कामना छ।
साथै, स्वर्गीय प्रतिमा पोखरेलको प्रेरणादायी योगदानलाई स्मरण गर्दै यस अभियानलाई सफल बनाउन साथ दिनुहुने धरान र रंगेली समूहका सदस्यहरू, सहयोगीहरू तथा सम्पूर्ण शुभेच्छुकहरूप्रति हार्दिक आभार व्यक्त गर्दछौँ।
#प्रतिमा_पोखरेल_स्मृति_कोष #शिक्षाका_लागि_सहयोग #बालिकाको_शिक्षा
