23/09/2026
सुडी समाज मोरङका अध्यक्ष साहलाई सम्मानः सामाजिक एकता र सामुदायिक हितमा सहकार्य गर्नुपर्नेमा जोड
काठमाडौँ । सुडी समाज काठमाडौंले आयोजना गरेको स्वागत तथा सम्मान कार्यक्रममा सुडी समाज मोरङका अध्यक्ष रामेश्वर साहलाई सम्मान गरिएको छ ।
सुडी समाज काठमाडौंको कार्यालय मिनभवनमा आयोजित कार्यक्रममा अध्यक्ष साहलाई खादालगाएर स्वागत तथा सम्मान गरिएको हो । कार्यक्रममा सुडी समाज काठमाडौंका अध्यक्ष शीतलप्रसाद महतोसहित समाजका पदाधिकारी, सदस्य तथा शुभेच्छुकहरूको सहभागिता थियो ।
कार्यक्रममा सुडी समाज काठमाडौंका अध्यक्ष महतोले विभिन्न जिल्लामा क्रियाशील सुडी समाजबीच आपसी सम्बन्ध विस्तार गर्दै सामाजिक तथा सामुदायिक गतिविधिमा सहकार्य अभिवृद्धि गर्ने बताउनुभयो ।
सो अवसरमा सुडी समाज मोरङका अध्यक्ष साहले आफूलाई गरिएको स्वागत तथा सम्मानप्रति आभार व्यक्त गर्दै समुदायको हित, सामाजिक एकता तथा सामुदायिक विकासका लागि सबै पक्षबीच सहकार्य आवश्यक रहेको बताउनुभयो । उहाँले सुडी समुदायको हकहित, सामाजिक उत्थान तथा सांस्कृतिक पहिचानको संरक्षणका लागि सामूहिक प्रयासलाई निरन्तरता दिनुपर्नेमा जोड दिनुभयो ।
समाजका उपाध्यक्ष विनय गामीले सुडी समुदायको सामाजिक, सांस्कृतिक तथा आर्थिक विकासका लागि देशका विभिन्न स्थानमा क्रियाशील सुडी समाजबीच आपसी समन्वय, सहकार्य र एकतालाई थप सुदृढ बनाउनुपर्नेमा जोड दिएका थिए ।
कार्यक्रममा समाजका सल्लाहकार अशोक महासेठ तथा समाजका कोषाध्यक्ष विनोद महासेठले सुडी समुदायको समग्र विकासका लागि एकीकृतरूपमा अघि बढ्दै आपसी सहयोग, समन्वय र सहकार्यलाई प्राथमिकता दिनुपर्ने धारणा व्यक्त गरेका थिए ।
