06/09/2026
भोटेकोशी बाढीपीडितका लागि राहत सहयोग कार्यक्रम
बुधबार १७ गते बसेको बैठकमा राहत कहाँ पठाउने भन्ने छलफल भएको थियो। देवी अम्गाईं सरको समन्वयमा House of Beauty Salon की सोनिस्ता लामा म्यामसँग भेट भएपछि उत्तरगया गाउँपालिका–१, मैलुङ क्षेत्रमा राहत नपुगेको जानकारी प्राप्त भयो। स्थानीय पीडितसँग फोनमा कुराकानी गर्दा खाद्यान्नसमेत अभाव रहेको थाहा पाएपछि सोही क्षेत्रमा राहत पठाउने निर्णय गरियो।
१८ गते राहत सामग्री खरिद गरी संकलन केन्द्रमा पठाइयो। १९ गते सोनिस्ता म्यामसहितको टोली राहत लिएर प्रस्थान गर्यो। करिब २८ घण्टाको कठिन अफरोड यात्रापछि टोली मैलुङ पुग्यो र आइतबार सामग्री वितरण गर्यो।
स्थानीयका अनुसार उक्त क्षेत्रमा ठूलो मानवीय क्षति भएको छ र करिब ४०–५० बालबालिका अभिभावकविहीन भएका छन्। तथ्याङ्कको आधिकारिक पुष्टि हुन बाँकी छ। अहिले पनि राहत, स्वास्थ्य उपचार तथा मनोसामाजिक परामर्शको तत्काल आवश्यकता रहेको छ।
यस कार्यमा पहल र समन्वय गर्नुहुने देवी अम्गाईं सर, सोनिस्ता लामा म्याम, ह्याप्पी भाइ, शेख भाइ र टोली, मार्क, सगुन पकुवाल, जोन्टी वर्मा, रोशिता पकुवाल तथा लायन्स क्लब अफ नेपाल हिमालयका सम्पूर्ण सहयोगी मनहरूलाई हार्दिक धन्यवाद।
