22/04/2026
मानवीय सहयोगको हार्दिक अपिल
श्री लिला भण्डारीज्यूको परिवारमा अकल्पनीय दुःखद घटना घटेको छ।
रामेछाप जिल्ला, लिखु तामाकोसी गाउँपालिका–६ निवासी तथा हाल काठमाडौं घट्टेकुलो बसोबास गर्दै आउनु भएका सदोहर परिवारको दिदी बस्नु भएको घरमा २०८३ साल वैशाख ७ गते बिहान करिब ३ बजे अचानक आगलागी हुँदा परिवारका पाँच जना गम्भीर रूपमा घाइते हुनुभएको छ।
घाइते हुनुहुनेहरू:
१. सोभिता अधिकारी
२. विनोद अधिकारी
३. विपिन अधिकारी
४. सदिक्षा दाहाल (१० वर्ष)
५. प्रशान्त दाहाल
उहाँहरू आगलागीमा परेर गम्भीर रूपमा जलेका छन्। विशेष गरी १० वर्षीय सदिक्षा दाहाल जटिल शल्यक्रियाका लागि आई.सि.यु. मा उपचाररत हुनुहुन्छ। साथै विपिन अधिकारीको विवाहको तयारी भइरहेको समयमा यस्तो अकल्पनीय घटना घट्दा परिवारमाथि थप पीडा परेको छ।
आगलागीबाट परिवारको सम्पूर्ण सम्पत्ति जलेर नष्ट भएको छ। हाल पाँचै जना घाइतेहरूको उपचार काठमाडौंस्थित किर्तिपुर बर्न अस्पतालमा भइरहेको छ। तर आर्थिक अवस्था अत्यन्त कमजोर भएकाले उपचारका लागि ठूलो रकम आवश्यक परेको छ।
यस संकटपूर्ण घडीमा बिरामीहरूको जीवन बचाउनका लागि सम्पूर्ण मानवीय सहयोगी महानुभावहरूलाई एक छाक खाजा नखाएर भए पनि सहयोग गरिदिनुहुन हार्दिक अनुरोध गर्दछौं।
सिधै पिडितको इ सेवामा जम्मा गरिदिनुहोला 🙏
QR मार्फत सहयोग गर्न सकिन्छ। सहयोग गरेपछि कृपया स्क्रिनसट पठाइदिनुहुन अनुरोध छ।
आगलागीमा घाइते पाँचै जनाको शीघ्र स्वास्थ्य लाभको कामना गर्दै, जीवन बचाउने यस महत्वपूर्ण मानवीय अभियानमा सहभागी भइदिनुहुन हार्दिक अनुरोध गर्दछौं।
#जीवनबचाऔं
मानवीय सहयोग नै सबैभन्दा ठूलो पुण्य कार्य हो।
Hamro Team Nepal
