LC KTM Danfe

05/11/2024

05/11/2024

शुभ दिपावली २०८१ एवं नेपाल सम्बत ११४५ को पावन अवसरमा सामुदायीक बिद्यालयको शैक्षिक उत्थानको लागि लायन्स क्लब अफ काठमाण्डौं डाँफेद्वारा आयोजित “सामुहिक द्यौसी भैली कार्यक्रम” सफलता पूर्वक सम्पन्न भएको छ । गोकर्णेश्वर नगरपालिका वडा नं. ६, नारायणटार निवासी आदरणीय गोविन्द कोईराला तथा शुशिला कोईरलको घर प्राङ्गणमा रहेको पूर्वाञ्चल काण्ठ उद्योग परिसरमा २०८१ साल कार्तिक १७ गते शनिवारको दिन दिनको ठिक २ः०० बजे देखि साँझ ८ः०० बजे सम्म आयोजित कार्यक्रममा चिरपरिचित कलाकारहरुले परम्परागत द्यौसी भैली, खैजडी भजन, तथा बहु चर्चित लोक दोहोरी प्रस्तुती बाट मनोरञ्जन दिनु भएको थियो । कार्यक्रममा उपस्थित महानुभावहरुले लायन्स क्लब अफ काठमाण्डौं डाँफेले सामुदायीक बिद्यालयको शैक्षिक उत्थानको लागि गर्ने सहयोगको लक्ष्य पुर्ति गर्न मन खोलेर आर्थिक सहयोग उपलब्ध गराउनु भएको थियो । कार्यक्रमबाट क्लब पदाधिकारी तथा सदस्यहरुको परिवार तथा अन्य उपस्थित मनकारी व्यक्तिहरुबाट जम्मा रु ३,३०,०००।– (अक्षरुपी तीन लाख तीस हजार रुपैया) आर्थिक सहयोग संकलन गर्न सफल भएको थियो । कार्यक्रमलाई सफलता पूर्वक सम्पन्न गर्न महत्वपूर्ण भुमिका निर्वाह गर्नुहुने आर्थिक सहयोगदाता मनका धनि सम्पूर्ण महानुभाव हरु प्रति कार्यक्रम आयोजकको तर्फबाट आगामि दिनहरुमा पनि यस्तै साथ र सहयोगको अपेक्षा गर्दै हार्दिक कृतज्ञताका साथ बिशेष धन्यवाद तथा आभार व्यक्त गर्दछौं । साथै कार्यक्रम अवधिभर आफ्नो वेजोड प्रस्तुतीका साथ भरपुर मनोरञ्जन दिनुहुने चिरपरिचित कलाकारहरु गायक भिमसेन खतिवडा, सूर्य मणि आचार्य, स्मृति गौतम, संगम लामिछानेज्यूहरु तथा वाद्यबादन कलाकार र अन्य अतिथि कलाकारहरु प्रति हार्दिक धन्यवाद ज्ञापन गर्दछौं । कार्यक्रम आयोजना गर्न स्थान उपलब्ध गराई सहयोग गर्नुहुने गोविन्द कोईरालाज्यूपरिवार, स्टेज तथा खाजा व्यवस्थापनमा सहयोग गर्नुहुने छिमेकी पार्टि प्यालेस परिवार, स्वयं सेवकको रुपमा सहयोग गर्नुहुने क्लब पदाधिकारी तथा सदस्यज्यूहरु सम्पूर्णमा कार्यक्रम आयोजकको तर्फबाट हार्दिक धन्यवाद ज्ञापन गर्दछौं

30/10/2024

🙏🙏हार्दिक मंगलमय शुभकामना 🙏🙏

20/10/2024

लायन्स क्लब अफ काठमाण्डौं डाँफे तथा लियो क्लब अफ काठमाण्डौं डाँफेद्वारा मिति २०८१ कार्तिक ४ गते शनिवार बिहान ठिक १०ः०० बजे देखि अपरान्ह ठिक २ः३० बजे सम्म गोकर्णेश्वर नगपालिका वडा नं. ५, जोरपाटी चोक स्थित मञ्जुश्री पार्कमा नियमित रक्तदान कार्यक्रम सम्पन्न गरियो । लायन्स क्लब अफ काठमाण्डौं डाँफेले पहिलो पटक त्रिभुवन विश्वविद्यालय लायन्स रक्त संचार केन्द्र (TU Lions Blood Bank) को प्रविधिक सहयोगमा आयोजना गरिएको कार्यक्रममा ३८ जना रक्तदाता हरुले रक्तदान गर्नु भयो । कार्यक्रममा रक्तदान गर्नुहुने सम्पूर्ण रक्तदाता महानुभावहरु, कार्यक्रममा प्रविधिक सहयोग गर्नुहुने TU Lions Blood Bank परिवार तथा स्वयं सेविको रुपमा सहयोग गर्नुहुने लायन्स लाथा लियो सदस्यज्यूहरु प्रति कार्यक्रम आयोजकको तर्फबाट हार्दिक धन्यवाद ज्ञापन गर्दछौं ।

08/10/2024

हार्दिक मंगलमय शुभकामना ।।

28/09/2024

लायन्स अन्तर्राष्ट्रियले सेप्टेम्बर महिनालाई चाइल्ड हुड क्यान्सर सम्बन्धि सचेताना मुलक कार्यक्रम गर्ने महिनाको रुपमा मनाउँदै आएको छ । यसै सन्दर्भमा लायन्स अन्तर्राष्ट्रिय डिष्ट्रिक्ट ३२५ डी अन्तर्गतको लायन्स क्लब अफ काठमाण्डौं डाँफे र लियो क्लब अफ काठमाण्डौं डाँफेको संयुक्त आयोजना तथा भक्तपुर क्यान्सर अस्पतालको प्रविधिक सहयोगमा गोकर्णेश्वर नगरपालिका वडा नं. ६, नारायणटार स्थित चामुण्डा माध्यमिक बिद्यालयमा “बाल बलिाकामा हुने क्यान्सर सम्बन्धि सचेतना कार्यक्रम” सपन्न गरेको छ । मिति २०८१ आसोज ११ गते शुक्रबार सम्पन्न कार्यक्रममा चामुण्डा माध्यमिक बिद्यालयका कक्षा ९ सेक्सन ए र बि मा अध्ययनरत करिव १३० जना बिद्यार्थीहरुको सहभागिता रहेको थियो । कार्यक्रममा बिषय बिज्ञको रुपमा राजमति गोसाईज्यूको व्यवस्थापनमा भक्तपुर क्यान्सर अस्पतालका बिशेषज्ञ डा. सजल त्वानाबासु र डा. अर्फान आजादज्यूहरुले बालबालिकामा हुने क्यान्सर सम्बन्धि सचेतना मुलक प्रशिक्षण दिनु भएको थियो । साथै प्रशिक्षण पश्चात बालबालिकाले उठाउनु भएको जिज्ञासाको समेत प्रशिक्षकद्वयले सहजिकरण गर्नु भएको थियो । कार्यक्रमलाई सहज र सफल रुपमा सम्पन्न गर्न सुबिधा सम्पन्न हल उपलब्ध गराउनुहुने चामुण्डा माध्यमिक बिद्यालय परिवार, प्राविधिक सहयोग उपलब्ध गारउनुहुने भक्तपुर क्यान्सर अस्पताल परिवार तथा सम्पूर्ण लायन लिडरज्यूहरु, लियो भाईबहिनीहरु प्रति कार्यक्रम आयोजकको तर्फबाट हार्दिक धन्यवाद तथा आभार व्यक्त गर्दछौं ।

09/09/2024

कुशे औंसी मेलाबाट गोकर्णेश्वर महादेव मन्दिर परिसरमा सृजित फोहोर व्यवस्थापन गर्ने उद्देश्यले लायन्स क्लब अफ काठमाण्डौं डाँफे लगायत लायन्स अन्तर्राष्ट्रिय डिष्ट्रिक्ट ३२५ डी अन्तर्गतका ६६ वट क्लबहरुको संयुक्त आयोजनामा “मन्दिर परिसर सरसफाई कार्यक्रम” सम्पन्न गरिएको छ । मिति २०८१ भाद्र महिना १८ गते मंगलबारको दिन सम्पन्न कार्यक्रममा कुशे औंसीको मेलाबाट सृजित फोहोरहरु संकलन गरि गोकर्णेश्वर मन्दिर प्रवन्ध समिति मार्फत सम्बन्धित निकायबाट उचित व्यवस्थापन गर्ने गरि हस्तान्तरण गरिएको थियो । कार्यक्रममा स्वतःस्फुर्त रुपमा लायन पदाधिकारी तथा सदस्यसाथिहरुको सहभागिता रहेको थियो । कार्यक्रमलाई सफल पार्न सहयोग गर्नुहुने सम्पूर्ण लायन पदाधिकारी तथा सदस्यसाथिहरु र कार्यक्रम स्थलमा स्वयंसेवी रुपमा सहयोग गर्नुहुने सम्पूण माहानुभावहरुलाई लायन्स क्लब अफ काठमाण्डौं डाँफे परिवार हर्दिक धन्यवाद ज्ञापन गर्दछौं ।

02/09/2024

लायन्स क्लब अफ काठमाण्डौं डाँफेद्वारा अन्य २१ वटा क्लबहरुको सहकार्यमा “निःशुल्क पिउने पानी तथा जुस वितरण कार्यक्रम” आयोजना गरियो । कुशे औंसी (बुबाको मुख हेर्ने दिन) को पावन अवसरमा मिति २०८१ भाद्र १७ गते सोमवारको दिन गोकर्णेश्वर नगरपालिका वडा नं. ४, माकलबारीमा आयोजित कार्यक्रममा गोकर्णेश्वर मेलामा सहभागि हुन आउनु भएका तिर्थ यात्रीहरुलाई निःशुल्क पिउने पानी तथा जुस वितरण गरियो । कार्यक्रम बिहान ठिक ८ः०० बजे देखि ३ः०० बजे सम्म सञ्चालनमा रहेको थियो ।

02/09/2024

लायन्स क्लब अफ काठमाण्डौं डाँफे तथा लियो क्लब अफ काठमाण्डौं डाँफेद्वारा मिति २०८१ भाद्र १५ गते शनिवारको दिन गोकर्णेश्वर नगरपालिका वडा नं. ६, नारायणटार स्थित चामुण्डा मा.वि. परिसरमा ग्राण्डी अस्पताल ब्लड बैंकको प्रविधिक सहयोगमा “रक्तदान कार्यक्रम” आयोजना गरिएको थियो । बिहान ठिक १०ः०० बजे देखि २ः०० बजे सम्म संचालित कार्यक्रममा २९ जना रक्तदाताहरुले रक्तदान गर्नु भयो । कार्यक्रम सफलता पूर्वक सम्पन्न गर्न सहयोग गर्नुहुने रक्तदाता महानुभावहरु तथा क्लबका पदाधिकारी तथा सदस्यहरु प्रति हार्दिक धन्यवाद ज्ञापन गर्दछौं ।

10/08/2024

यस लायन्स क्लब अफ काठमाडौँ डाँफेको अधक्ष्य लायन शुष्मा ढकाल खतिवडाको बुबा तथा क्लब सदस्य लायन प्रकाश खतिवडाको ससुरा बुबा श्रद्धेय बिष्णु प्रसाद ढकालज्यूको ८३ बर्षको उमेरमा २०८१ श्रावण २५ गते शुक्रबारको दिन असामहिक निधन भएको खबरले हामी अत्यन्त मर्माहत भएका छौ । यस शोकको घडीमा दिबंगत आत्माको चिर शान्तिको कामना गर्दै हार्दिक श्रद्धान्जली अर्पण गर्दछौ । साथै शोकसन्तप्त परिवार जनहरु प्रति हार्दिक समबेदना ब्यक्त गर्दछौ ।
लायन्स क्लब अफ काठमाडौँ डाँफे परिवार ।