JCI Kathmandu Lady Nepal

08/09/2026

🩸❤️ बृहत् रक्तदान कार्यक्रम सफलतापूर्वक सम्पन्न! ❤️🩸

भोटेकोशी–त्रिशूली नदी बाढीपीडितहरूको सहयोग तथा राहतका लागि JCI Nepal Area C अन्तर्गतका विभिन्न Chapters को संयुक्त आयोजनामा आयोजित बृहत् रक्तदान कार्यक्रम सफलतापूर्वक सम्पन्न भएको छ।

यस मानवीय सेवाको अभियानमा JCI Kathmandu Lady को तर्फबाट पनि बोर्ड पदाधिकारी तथा सदस्यहरूको सक्रिय सहभागिता र योगदान रहेको थियो। 🙏❤️

रक्तदान गरी जीवन बचाउने यस पवित्र कार्यमा सहभागी हुनुहुने सम्पूर्ण रक्तदाता, स्वयंसेवक, आयोजक Chapters तथा सहयोगी सम्पूर्ण महानुभावहरूमा हार्दिक धन्यवाद एवं आभार व्यक्त गर्दछौँ।

तपाईंको एक थोपा रगत, कसैको जीवनको आशा बन्न सक्छ। 🩸
सधैँ मानव सेवामा समर्पित रहौँ। ❤️

JCI Kathmandu Lady परिवार 2083/05/23

04/09/2026

भावपूर्ण श्रद्धाञ्जली
JCI Kathmandu Lady की पूर्व अध्यक्ष (2011) आदरणीय दिदि जेसी सुमित्रा पलान्चोके ज्यूको निधनको खबरले हामी सम्पूर्ण JCI Kathmandu Lady परिवार स्तब्ध र दुःखी भएका छौं।
उहाँको नेतृत्व, व्यक्तित्व, योगदान र JCI प्रति उहाँले देखाउनुभएको समर्पण हामी सबैका लागि सदैव प्रेरणाको स्रोत रहनेछ। उहाँले छोडेर जानुभएको सकारात्मक छाप र स्मृतिहरू हामीमाझ सधैं जीवित रहनेछन्।

यस अपूरणीय क्षतिको घडीमा शोकसन्तप्त परिवारजनमा हार्दिक समवेदना प्रकट गर्दछौं।

दिवंगत आत्माको चिरशान्तिको कामना गर्दै भावपूर्ण श्रद्धाञ्जली अर्पण गर्दछौं। 🙏🕊️
काठमाडौ लेडी जेसिस परिवार

10/07/2026

10/07/2026

🌍 July 10 – International Human Duties Day 2026
JCI Kathmandu Lady को तर्फबाट सम्पूर्णमा International Human Duties Day को हार्दिक शुभकामना।
अधिकारसँगै कर्तव्यको पालना गर्नु नै जिम्मेवार नागरिक र प्रभावकारी नेतृत्वको आधार हो। समाज, राष्ट्र र विश्वप्रति आफ्नो जिम्मेवारी इमान्दारीपूर्वक पूरा गर्दै सकारात्मक परिवर्तनका लागि अग्रसर बनौं।
"Rights inspire us. Duties define us.”

JCI Kathmandu Lady
Developing Leaders for a Changing World

16/06/2026

काठमाडौं लेडी जेसीज वर्ष २०२६ की अध्यक्ष जेसी मुना खरेल देबकोटाज्युलाई आज पर्न गएको जन्म दिनको शुभ अवसरमा यहाँको सुख, शान्ति, समृद्धि, शु-स्वास्थ्यका साथै उत्तरोत्तर प्रगतिको हार्दिक मंगलमय शुभकामना ब्यक्त गर्दछौ ।

14/06/2026

JCI Week 2026 अन्तर्गत विशेष अवसरका रूपमा सन् 2024 की शाखा अध्यक्ष जेसी स्तुति बुढाथोकीज्यूको उहाँको सुखद वैवाहिक जीवनको हार्दिक मंगलमय शुभकामना व्यक्त गर्दै सानो शुभकामना तथा सेलिब्रेसन कार्यक्रम सम्पन्न गरिएको थियो।

14/06/2026

JCI Week 2026 को समापन कार्यक्रम (Closing Ceremony) भव्य एवं सभ्यतापूर्वक सम्पन्न गरिएको थियो। एक सातासम्म सञ्चालन भएका विविध कार्यक्रमहरूको समीक्षा, उपलब्धिहरूको प्रस्तुति तथा सहभागीहरूको अनुभव आदानप्रदानका साथ कार्यक्रम सम्पन्न भएको थियो। कार्यक्रममा सम्पूर्ण सदस्य, अतिथि तथा सहयोगीहरूलाई उनीहरूको योगदानको लागि सम्मान तथा धन्यवाद ज्ञापन गरिएको थियो।
समापन समारोहको विशेष आकर्षणका रूपमा “Professional Sharing on Board Members” कार्यक्रम आयोजना गरिएको थियो। यस सत्रमा बोर्डका पदाधिकारीहरूले आफ्नो पेशागत अनुभव, नेतृत्व यात्रा, सफलता प्राप्तिका उपायहरू तथा व्यक्तिगत तथा व्यावसायिक जीवनका महत्वपूर्ण सिकाइहरू सहभागीहरूसँग साझा गर्नुभएको थियो। उक्त अन्तरक्रियात्मक सत्रले सदस्यहरूलाई प्रेरणा, मार्गदर्शन तथा आफ्नो क्षमता विकासका लागि नयाँ दृष्टिकोण प्रदान गरेको थियो।
JCI Week 2026 अन्तर्गत सम्पन्न भएका सम्पूर्ण कार्यक्रमहरूले नेतृत्व विकास, सामाजिक उत्तरदायित्व, सांस्कृतिक संरक्षण, शिक्षा, जनचेतना तथा सदस्य सशक्तीकरणका क्षेत्रमा सकारात्मक प्रभाव पार्न सफल भएका छन्। कार्यक्रमहरूको सफलताका लागि प्रत्यक्ष तथा अप्रत्यक्ष रूपमा सहयोग गर्नुहुने सम्पूर्ण सदस्य, बोर्ड पदाधिकारी, राष्ट्रिय पदाधिकारी, अतिथिवर्ग, प्रायोजक तथा शुभेच्छुकहरूप्रति JCI Kathmandu Lady हार्दिक आभार तथा कृतज्ञता व्यक्त गर्दछ।“Together We Grow, Together We Serve.”

14/06/2026

JCI Week 2026 अन्तर्गत छैटौँ कार्यक्रमका रूपमा ट्राफिक सचेतना कार्यक्रम सम्पन्न गरिएको थियो। कार्यक्रममार्फत सडक सुरक्षा, ट्राफिक नियमहरूको पालना, सुरक्षित यात्राका उपायहरू तथा जिम्मेवार सडक प्रयोगसम्बन्धी जानकारी प्रदान गरिएको थियो। कार्यक्रममा सर्वसाधारण, सवारी चालक तथा युवाहरूको सहभागिता रहेको थियो। ट्राफिक नियमको पालनाले दुर्घटना न्यूनीकरण तथा सुरक्षित समाज निर्माणमा महत्वपूर्ण योगदान पुर्‍याउने सन्देश कार्यक्रममार्फत प्रवाह गरिएको थियो। यस कार्यक्रमले सहभागीहरूमा ट्राफिक अनुशासन र सडक सुरक्षाप्रति सकारात्मक चेतना अभिवृद्धि गरेको छ।

14/06/2026

5. कर सम्बन्धी जनचेतना (Taxation Awareness) कार्यक्रम

JCI Week 2026 अन्तर्गत पाँचौँ कार्यक्रमका रूपमा कर सम्बन्धी जनचेतना कार्यक्रम सफलतापूर्वक सम्पन्न गरिएको थियो। कार्यक्रमको मुख्य उद्देश्य सदस्यहरू, युवा उद्यमीहरू तथा सर्वसाधारणमा करसम्बन्धी ज्ञान अभिवृद्धि गर्नुका साथै कर प्रणाली, करदाताको अधिकार तथा दायित्वबारे सचेतना फैलाउनु रहेको थियो।

उक्त कार्यक्रममा सिए प्रेम प्रसाद देवकोटाज्यू ले स्रोत व्यक्तिका रूपमा सहजीकरण गर्नुभएको थियो। उहाँले आयकर, मूल्य अभिवृद्धि कर (VAT), कर विवरण पेश गर्ने प्रक्रिया, करसम्बन्धी कानुनी व्यवस्था तथा व्यवसाय सञ्चालनमा करको महत्वबारे विस्तृत तथा व्यावहारिक जानकारी प्रदान गर्नुभएको थियो। सहभागीहरूले आफ्ना जिज्ञासाहरू राखी करसम्बन्धी विभिन्न विषयमा उपयोगी ज्ञान हासिल गरेका थिए।

यस कार्यक्रमले जिम्मेवार करदाता निर्माण, कर संस्कृतिको विकास तथा आर्थिक अनुशासन कायम गर्न महत्वपूर्ण योगदान पुर्‍याएको विश्वास लिइएको छ। कार्यक्रम सफल बनाउन महत्वपूर्ण भूमिका निर्वाह गर्नुहुने सिए प्रेम प्रसाद देवकोटाज्यू, सहभागीहरू तथा सम्पूर्ण सहयोगीहरूप्रति हार्दिक आभार तथा धन्यवाद व्यक्त गर्दछौँ।

14/06/2026

JCI Week 2026 अन्तर्गत चौथो कार्यक्रमका रूपमा पद्मोदय विद्यालयमा अध्ययनरत विद्यार्थीहरूलाई शैक्षिक सामग्री वितरण कार्यक्रम सफलतापूर्वक सम्पन्न गरिएको थियो। कार्यक्रममा विद्यार्थीहरूको शैक्षिक विकासलाई टेवा पुर्‍याउने उद्देश्यले आवश्यक स्टेशनरी तथा अध्ययन सामग्रीहरू वितरण गरिएको थियो। यस कार्यक्रमले विद्यार्थीहरूलाई शिक्षाप्रति थप प्रेरित गर्नुका साथै उनीहरूको सिकाइ यात्रामा सकारात्मक सहयोग पुर्‍याएको विश्वास लिइएको छ। कार्यक्रम सफल बनाउन सहयोग गर्नुहुने विद्यालय परिवार, सदस्यहरू तथा सम्पूर्ण सहयोगीहरूप्रति हार्दिक धन्यवाद व्यक्त गर्दछौँ।