http://www.riseupfoundation.org.np/

Rise Up Foundation Nepal, Budhnilkantha-6, Golfutar, Kathmandu (2026)

12/08/2026

🌍 अन्तर्राष्ट्रिय युवा दिवस २०२६ | फरक परिवेश, साझा आकांक्षा 🌱

युवाहरू फरक–फरक गाउँ, शहर, संस्कृति, आर्थिक अवस्था र सामाजिक परिवेशमा हुर्किन्छन्। तर यी विविधताबीच पनि हाम्रा आकांक्षाहरू धेरै समान छन्- सम्मान, अवसर, गुणस्तरीय शिक्षा, सुरक्षित जीवन, अर्थपूर्ण सहभागिता र आफ्नो भविष्य आफैँ निर्माण गर्ने अधिकार।

नेपालका ग्रामीण समुदायदेखि विश्वव्यापी मञ्चसम्म, युवाहरू परिवर्तनको प्रतीक्षा मात्र गरिरहेका छैनन्- उनीहरू आफैँ परिवर्तन निर्माण गरिरहेका छन्। अन्यायविरुद्ध आवाज उठाउँदै, जलवायु न्यायका लागि अभियान चलाउँदै, प्रविधिको प्रयोग गर्दै, समानताको पक्षमा उभिँदै, मानव अधिकारको रक्षा गर्दै र आफ्ना समुदायलाई अझ बलियो बनाउँदैछन्।

राइज अप फाउन्डेसन नेपाल को विश्वास छ- युवाहरू विकासका केवल लाभग्राही होइनन्; उनीहरू साझेदार, नेतृत्वकर्ता र निर्णय प्रक्रियाका महत्वपूर्ण पात्र हुन्।

तर अर्थपूर्ण युवा सहभागिता भनेको युवाहरूलाई कार्यक्रममा बोलाउनु मात्र होइन। यसको अर्थ हो- उनीहरूको आवाजमा विश्वास गर्नु, सीप र क्षमतामा लगानी गर्नु, सुरक्षित स्थान निर्माण गर्नु, नेतृत्वका अवसर सिर्जना गर्नु र निर्णय प्रक्रियामा वास्तविक स्थान दिनु।

आज संसारभरका युवाहरूको विविधता, साहस, सिर्जनशीलता र नेतृत्वको उत्सव मनाऔँ।

🌱 फरक परिवेश।
🤝 साझा आकांक्षा।
💡 साझा जिम्मेवारी।
🚀 युवाको नेतृत्वमा परिवर्तन।

युवाहरूको आवाज आज मात्र होइन- हरेक दिन सुनौँ।

💙 अन्तर्राष्ट्रिय युवा दिवस २०२६ को हार्दिक शुभकामना!

#अन्तर्राष्ट्रिययुवादिवस२०२६ #फरकपरिवेशसाझाआकांक्षा #युवानेतृत्व #युवासहभागिता #युवासशक्तिकरण #युवाकोआवाज #सामाजिकपरिवर्तन #समावेशिता

01/08/2026

मिथकले होइन, सत्यले परिवर्तन ल्याउँछ। 💙

महिनावारीसम्बन्धी अन्धविश्वास र गलत धारणाले पुस्तौँदेखि किशोरी तथा महिलाहरूको स्वास्थ्य, मर्यादा, शिक्षा र अवसरमा असर पार्दै आएका छन्। अब समय आएको छ- मिथकलाई तथ्यले र विभेदलाई सम्मानले प्रतिस्थापन गर्ने।

राइज अप फाउन्डेसन नेपाल द्वारा अछाममा सञ्चालित 'मर्यादित महिनावारी गाउँ अभियान' मार्फत हामी किशोरीहरू, अभिभावक, शिक्षक, तथा धार्मिक अगुवा र समुदायसँग मिलेर महिनावारीसम्बन्धी भ्रम चिर्दै, मर्यादित महिनावारी र प्रजनन अधिकारको प्रवर्द्धन गर्दै तथा महिनावारी जस्ता गलत अभ्यास अन्त्य गर्न निरन्तर काम गरिरहेका छौं।

हाम्रो "मिथक बनाम सत्य" भिडियो हेर्नुहोस् र प्रत्येक छोरीले सुरक्षित, सम्मानजनक र आत्मविश्वासका साथ महिनावारी व्यवस्थापन गर्न सक्ने समाज निर्माणको अभियानमा साथ दिनुहोस्।

भिडियाे एअ।इ काे प्रयाेग बाट बनाइएकाे हाे ।

🎥 सत्य जानौँ, विभेद हटाऔँ, मर्यादित महिनावारी सुनिश्चित गरौँ।

#मिथकबनामसत्य #मर्यादितमहिनावारी #छाउपडीअन्त्य #प्रजननअधिकार #राइजअपफाउन्डेसननेपाल

28/07/2026

हरेक छोरीले आफ्नो महिनावारीलाई मर्यादा, आत्मविश्वास र सम्मानका साथ अनुभव गर्न पाउनुपर्छ- डर, लाज र विभेदका साथ होइन।

अछाममा सञ्चालित 'मर्यादित महिनावारी गाउँ अभियान' मार्फत हामी किशोरीहरूलाई ज्ञानले सशक्त बनाउँदै, मर्यादित महिनावारी र प्रजनन अधिकारको प्रवर्द्धन गर्दै तथा छाउपडीजस्ता हानिकारक अभ्यास अन्त्य गर्न समुदायलाई एकजुट गरिरहेका छौं।

आउनुहोस्, सबै मिलेर प्रत्येक छोरीका लागि सम्मानपूर्ण र समान अवसर भएको समाज निर्माण गरौं।

💙 #मर्यादितमहिनावारी #छाउपडीअन्त्य #प्रजननअधिकार #राइजअपफाउन्डेसननेपाल

26/07/2026

🌸 २१ किशोरी। ३ महिना। एउटा प्रेरणादायी नेतृत्व यात्रा। 🌸

हामीले नेपालमा सञ्चालित Global Girl Leadership Initiative (GGLI) को तेस्रो समूह सफलतापूर्वक सम्पन्न भएको गौरवका साथ साझा गर्न चाहन्छौँ। 🎉

पछिल्ला तीन महिनामा २१ जना किशोरीहरूले ४० घण्टे नेतृत्व विकास कार्यक्रम सफलतापूर्वक पूरा गर्दै आत्मविश्वास, नेतृत्व क्षमता, सञ्चार सीप तथा समुदायमा सकारात्मक परिवर्तन ल्याउने ज्ञान र सीप हासिल गरेका छन्।

यस उपलब्धिको अवसरमा किशोरीहरूले नै ८० भन्दा बढी अभिभावक, शिक्षक, कलेजका विद्यार्थी, परिवारका सदस्य तथा समुदायका प्रतिनिधिहरूको सहभागितामा समुदाय संवाद कार्यक्रम आयोजना गरे।

कार्यक्रम पूर्ण रूपमा किशोरीहरूले सञ्चालन गरेका थिए। उनीहरूले तीन वटा आकर्षक सांस्कृतिक नृत्य तथा नेपालमा अझै पनि विद्यमान महिनावारीसम्बन्धी विभेद माथि आधारित प्रभावशाली नाटक प्रस्तुत गर्दै सहभागीहरूलाई गहिरो सन्देश दिएका थिए।

त्यसपछि किशोरीहरूले महिनावारी मर्यादा (Menstrual Dignity), लैङ्गिक समानता तथा यौन तथा प्रजनन स्वास्थ्य तथा अधिकार (SRHR) विषयमा समुदायसँग खुला संवाद सञ्चालन गरे। यसले परिवार र समुदायबीच सकारात्मक सोच, सम्मान र समानताको वातावरण निर्माण गर्न महत्वपूर्ण योगदान पुर्‍यायो।

कार्यक्रममा सहभागी अधिकांश व्यक्तिहरूले किशोरीहरूको आत्मविश्वास, नेतृत्व क्षमता र प्रस्तुतिको खुलेर प्रशंसा गरे। यसले फेरि प्रमाणित गर्‍यो कि जब किशोरीहरूलाई नेतृत्व गर्ने अवसर दिइन्छ, उनीहरूले आफू मात्र होइन, सम्पूर्ण समुदायलाई परिवर्तनको यात्रामा प्रेरित गर्छन्।

कार्यक्रमको समापनमा Rise Up Foundation Nepal की संस्थापक अध्यक्ष श्रीमती सरस्वती पाठक ले स्नातक भएका सबै किशोरीहरूलाई प्रमाणपत्र प्रदान गर्दै उनीहरूको नेतृत्व यात्रा र समर्पणको सम्मान गर्नुभयो।

यस ऐतिहासिक यात्रामा हाम्रो साथ दिई नेपालका किशोरीहरूमा लगानी गरेकोमा Global Girl Project प्रति हामी हार्दिक आभार व्यक्त गर्दछौँ। यो साझेदारीले आत्मविश्वासी, सक्षम र सामाजिक परिवर्तनका अगुवा किशोरीहरूको नयाँ पुस्ता निर्माण गरिरहेको छ।

💜 जब किशोरीहरूले नेतृत्व गर्छन्, समुदायले सुन्छ। जब समुदायले सुन्छ, परिवर्तन सम्भव हुन्छ।

#किशोरीनेतृत्व #मर्यादितमहिनावारी #लैङ्गिकसमानता

20/07/2026

सँगै उभिँदा परिवर्तन सम्भव हुन्छ। 💙

राइज अप फाउन्डेसन नेपाल द्वारा सञ्चालित 'मर्यादित महिनावारी गाउँ अभियान' अन्तर्गत विद्यालयमा सञ्चालन गरिएका सहभागितामूलक कार्यक्रमहरूले किशोरीहरूलाई आफ्ना अनुभव साझा गर्ने, आत्मविश्वास बढाउने र महिनावारीसम्बन्धी विभेदविरुद्ध एकजुट हुने अवसर प्रदान गरिरहेका छन्।

प्रतिबद्धता घेरामा उभिएर किशोरीहरूले छाउपडी लगायतका महिनावारीसम्बन्धी सबै प्रकारका विभेद अन्त्य गर्ने र एकअर्काको साथमा रहने सामूहिक प्रतिबद्धता व्यक्त गर्छन्।

त्यसपछि उनीहरूले परम्परागत देउडा नृत्य मार्फत एकता, आत्मविश्वास र सामूहिक आवाजको सशक्त सन्देश फैलाउँछन्। संस्कृति र सचेतनालाई जोड्ने यस्तो अभ्यासले परिवर्तनको यात्रा अझ प्रभावकारी बनाइरहेको छ।

आजको प्रतिबद्धताले भोलिको विभेदरहित समाज निर्माणको आधार तयार गर्छ।

#मर्यादितमहिनावारी #छाउपडीविभेदअन्त्य #किशोरीसशक्तीकरण #राइजअपफाउन्डेसननेपाल

11/07/2026

📚 महिनावारी विभेद अन्त्यका लागि नयाँ पुस्तासँग संवाद

राइज अप फाउण्डेशन नेपालद्वारा अछाम जिल्लाको बान्नीगढी जयगढ गाउँपालिका–४ स्थित अलकनन्दा माध्यमिक विद्यालयमा कक्षा ८, ९ र १० का ६० भन्दा बढी विद्यार्थीहरू (छात्र तथा छात्रा), शिक्षकहरू, स्थानीय स्वास्थ्य चौकीका प्रतिनिधि तथा विद्यालय व्यवस्थापन समितिका अध्यक्षको उपस्थितिमा “मर्यादित महिनावारी” विषयक अभिमुखीकरण तथा संवाद कार्यक्रम सफलतापूर्वक सम्पन्न गरिएको छ।

कार्यक्रममा सहभागीहरूले निम्न विषयहरूमा अन्तरक्रियात्मक छलफल तथा सिकाइ गरेका थिएः

🌸 महिनावारीको वैज्ञानिक र प्राकृतिक प्रक्रिया
🌸 महिनावारी सम्बन्धी विभेद तथा छाउपडी प्रथाको उत्पत्ति र प्रभाव
🌸 मिथक र यथार्थबीचको अन्तर
🌸 मर्यादित महिनावारी, प्रजनन स्वास्थ्य तथा मानव अधिकार
🌸 लैङ्गिक समानता र सामाजिक परिवर्तनमा किशोर–किशोरीहरूको भूमिका

कार्यक्रमको विशेषता भनेको विद्यार्थीहरूले खुला रूपमा आफ्ना जिज्ञासा राख्नु, समाजमा प्रचलित भ्रम तथा कुसंस्कारमाथि प्रश्न उठाउनु र महिनावारीका कारण किशोरीहरूले शिक्षा, स्वास्थ्य, आत्मविश्वास तथा अवसरमा पर्ने असरबारे गम्भीर छलफल गर्नु थियो। शिक्षक, स्वास्थ्यकर्मी तथा विद्यालय व्यवस्थापनको सक्रिय सहभागिताले “मर्यादित महिनावारी सबैको साझा जिम्मेवारी हो” भन्ने सन्देशलाई अझ बलियो बनायो।

आजका सचेत किशोर–किशोरीहरू नै भोलिका परिवर्तनका अगुवा हुन्। उनीहरूमा सही ज्ञान, सकारात्मक सोच र सम्मानको संस्कार विकास गर्नु नै छाउपडी विभेद जस्ता हानिकारक अभ्यास अन्त्य गर्ने दीर्घकालीन आधार हो।

यो कार्यक्रम Rise Up Foundation Nepal द्वारा AmplifyChange को सहयोगमा सञ्चालित “Period-Friendly Village Initiative – Eradicating Chhaupadi Discrimination in Rural Nepal” परियोजना अन्तर्गत सञ्चालन गरिएको हो।

आउनुहोस्, सबै मिलेर मर्यादित महिनावारी, समानता र सम्मानयुक्त समाज निर्माण गरौं।

#मर्यादितमहिनावारी #छाउपडीअन्त्य #युवापरिवर्तन #मानवअधिकार #लैङ्गिकसमानता #विद्यालयसंवाद

02/07/2026

🚶‍♀️ परिवर्तनको सुरुवात हुन्छ- संवादबाट।

समाज परिवर्तन एकै दिनमा सम्भव हुँदैन। परिवर्तनको आधार हो- संवाद, विश्वास र सामूहिक प्रतिबद्धता।

"मर्यादित महिनावारी गाउँ अभियान" अन्तर्गत राइज अप फाउण्डेशन नेपालको सामाजिक सहजकर्ताकाे टोलीले रामारोशन र बान्नीगढी जयगढ गाउँपालिकाका विभिन्न बस्ती तथा घरधुरीहरूमा नियमित भेटघाट र समुदाय संवादलाई निरन्तरता दिएको छ।

यी घरदैलो भेटघाट तथा संवादमार्फत महिला, पुरुष, किशोरी, अभिभावक, धामी–झाँक्री, स्थानीय जनप्रतिनिधि तथा समुदायका अन्य सदस्यहरूसँग महिनावारी, यौन तथा प्रजनन स्वास्थ्य तथा अधिकार, मानव अधिकार तथा छाउपडी विभेदजस्ता महिनावारीसम्बन्धी विभेदका हानिकारक अभ्यासहरू बारे खुला छलफल भइरहेको छ।

संवादका क्रममा धेरै परिवारहरूले परम्परागत मान्यता र व्यवहारलाई पुनः सोच्न थालेका छन्। समुदायभित्र सम्मानजनक महिनावारी, सुरक्षित अभ्यास तथा महिला र किशोरीहरूको अधिकारप्रति सकारात्मक सोच विकास हुँदै गएको अनुभव गर्न पाउँदा हामी उत्साहित छौं।

सामाजिक मान्यता परिवर्तन समय लाग्ने प्रक्रिया हो, तर हरेक घरको ढोका ढकढक्याउने प्रयास, हरेक संवाद र हरेक सकारात्मक सोच परिवर्तनको एउटा महत्वपूर्ण पाइला हो।

आउनुहोस्, सबै मिलेर यस्तो समाज निर्माण गरौं जहाँ महिनावारी विभेदको कारण होइन, सम्मान र मर्यादाको विषय बनोस्।

🙏 समुदायका सम्पूर्ण सदस्यहरूको सहयोग र विश्वासका लागि हार्दिक धन्यवाद। साथै, यस अभियानलाई निरन्तर साथ र सहयोग प्रदान गर्नुहुने AmplifyChange प्रति हार्दिक आभार व्यक्त गर्दछौं।

#मर्यादितमहिनावारी #छाउपडीविभेदअन्त्य #समुदायसंवाद #मानवअधिकार #लैङ्गिकसमानता

Pawan Khanal Pawan Giri Sita Thakulla Sanu Dipak Prasad Bashyal

28/06/2026

🌸 परिवर्तन एउटा साहसी निर्णयबाट सुरु हुन्छ। 🌸

हरेक ठूलो परिवर्तनको सुरुवात एउटा साधारण प्रश्नबाट हुन्छ- "म मेरो समुदायका लागि के गर्न सक्छु?"

हामी अत्यन्त खुसीका साथ साझा गर्न चाहन्छौं कि Global Girl Leadership Initiative (GGLI) को तेस्रो समूह ले सफलतापूर्वक पाँचौँ र छैटौँ सत्र सम्पन्न गरेको छ।

यी सत्रहरूमा किशोरीहरूले सामाजिक परिवर्तन कसरी सम्भव हुन्छ, सानो र ठूलो परिवर्तन अभियानबीचको फरक, परिवर्तनका क्रममा आउने चुनौतीहरू तथा ती चुनौती पार गर्न आवश्यक नेतृत्व सीपहरूबारे सिक्ने अवसर पाए। साथै, उनीहरूले निर्णय गर्ने क्षमता, प्रभावकारी सञ्चार, प्रस्तुतीकरण र समुदायका समस्याहरूको अध्ययन गर्ने सीप पनि विकास गरे।

यी सत्रहरूको सबैभन्दा महत्वपूर्ण उपलब्धि भनेको आफ्नै समुदायका लागि एउटा सामुदायिक परियोजना छनोट गर्ने प्रक्रिया सुरु गर्नु हो। किशोरीहरूले समुदायका विभिन्न समस्याहरूको विश्लेषण गर्दै, एकअर्काको विचार सुन्दै र सामूहिक निर्णय गर्दै आफूहरूले नेतृत्व गर्ने सामाजिक अभियानको आधार तयार गरेका छन्।

यी किशोरीहरूमा दिनप्रतिदिन बढ्दै गएको आत्मविश्वास, जिज्ञासा र नेतृत्व क्षमता देख्दा हामी विश्वस्त छौँ कि नेतृत्व जन्मजात होइन- अवसर, सिकाइ र विश्वासले निर्माण गर्ने यात्रा हो।

Global Girl Project सँगको सहकार्यमा Rise Up Foundation Nepal यस्ता किशोरी नेतृहरू निर्माण गर्न प्रतिबद्ध छ, जसले आफ्ना सपना मात्र होइन, आफ्ना समुदायको भविष्य पनि परिवर्तन गर्ने साहस राख्छन्।

💜 जब किशोरीहरूले परिवर्तनको नेतृत्व गर्ने विश्वास प्राप्त गर्छन्, सम्पूर्ण समुदाय परिवर्तनतर्फ अघि बढ्छ।

#किशोरीनेतृत्व #छोरीशिक्षा #सामाजिकपरिवर्तन

23/06/2026

🚀 CALL FOR AI CONTENT CREATORS & DIGITAL STORYTELLERS

Are you passionate about social change, storytelling, and artificial intelligence (AI)?

Rise Up Foundation Nepal is looking for enthusiastic and creative young people to join our team as AI Content Creator Volunteers/Interns to produce short videos, animations, reels, and visual stories on important social issues.

🎯 What will you do?
• Create short AI-generated videos and animations
• Transform real social issues into engaging visual stories
• Develop awareness content for social media campaigns
• Support advocacy on gender equality, menstrual dignity, human rights, climate justice, child protection, anti-human trafficking, disability inclusion, and other social issues
• Experiment with innovative AI tools for social impact communication

💡 Skills We Are Looking For
• Basic knowledge of AI tools (ChatGPT, Gemini, Canva AI, CapCut AI, Runway, Kling, Pika, Hailuo, etc.)
• Creativity and storytelling skills
• Interest in social issues and community development
• Ability to create short videos, reels, graphics, or animations
• Willingness to learn and innovate

🌟 What Will You Gain?
• Practical experience in AI-powered content creation
• Opportunity to contribute to meaningful social causes
• Mentorship and guidance from development professionals
• Certificate of Completion/Internship
• Outstanding performers may receive project-based paid assignments and future opportunities with Rise Up Foundation Nepal

📍 Location: Remote (Work from Anywhere)
⏰ Duration: Flexible (Part-time)
👥 Number of Positions: 2-3 persons
Open
📩 To Apply:
Send your CV, a short introduction about yourself, and links to any videos, designs, or digital content you have created to:
📧 [email protected]

Subject Line:
Application – AI Content Creator Volunteer/Intern

Together, let's use technology and creativity to amplify voices, challenge harmful social norms, and inspire positive change.

22/06/2026

🌍 मानव अधिकार रक्षकहरूको संरक्षण र ऐक्यबद्धताका लागि महत्वपूर्ण संवाद

आज राइज अप फाउन्डेसन नेपालको तर्फबाट हाम्रो कार्यकारी निर्देशकले "Human Rights Defenders and Diplomats: Reflections from Practice" विषयक अन्तर्राष्ट्रिय वेबिनारमा सहभागिता जनाउनुभयो।

Diplomacy Training Program (DTP) र Front Line Defenders द्वारा आयोजित उक्त कार्यक्रममा मानव अधिकार रक्षक (HRDs) को संरक्षण, उनीहरूको भूमिकाको सम्मान, तथा कूटनीतिक निकायहरूले उनीहरूलाई कसरी सहयोग गर्न सक्छन् भन्ने विषयमा महत्वपूर्ण छलफल भएको थियो।

कार्यक्रममा विभिन्न देशका अनुभवी वक्ताहरूले मानव अधिकार रक्षकहरूले सामना गर्ने चुनौतीहरू, नागरिक समाजको स्वतन्त्रता, मानव अधिकार संरक्षणका अन्तर्राष्ट्रिय संयन्त्रहरू तथा कूटनीतिक सहकार्यको महत्वबारे आफ्ना अनुभवहरू साझा गर्नुभयो।

विश्वका धेरै स्थानहरूमा मानव अधिकार रक्षकहरू अझै पनि धम्की, हिंसा, दमन तथा सीमित नागरिक स्वतन्त्रताको सामना गरिरहेका छन्। यस्ता संवादहरूले मानव अधिकारको संरक्षण र लोकतान्त्रिक मूल्यहरूको प्रवर्द्धनका लागि साझा सिकाइ र सहकार्यको अवसर प्रदान गर्छन्।

राइज अप फाउन्डेसन नेपाल मानव अधिकार, सामाजिक न्याय, लैङ्गिक समानता तथा मानव अधिकार रक्षकहरूको संरक्षणप्रति आफ्नो प्रतिबद्धता पुनः व्यक्त गर्दछ।

🤝 मानव अधिकारको संरक्षण सबैको साझा जिम्मेवारी हो।
🕊️ अधिकारको पक्षमा आवाज उठाउनेहरूको सुरक्षा लोकतान्त्रिक समाजको आधार हो।

#मानवअधिकार #मानवअधिकाररक्षक #लोकतन्त्र #सामाजिकन्याय

Rise Up Foundation Nepal

12/08/2026

01/08/2026

28/07/2026

26/07/2026

20/07/2026

11/07/2026

02/07/2026

28/06/2026

23/06/2026

22/06/2026

Address

Telephone

Website

Alerts

Contact The Organization

Shortcuts

Share

Category

Listing takedown request