Nepal Red Cross Society, Kathmandu District Chapter

01/10/2026

काठमाडौ स्थित सुन्दरीजलको एक घरमा आश्रय लिइरहनु भएका आमाछोल्दिङ्ग्मो-१, रसुवाका बाढी प्रभावित महिलाका लागि कपडा उपलब्ध गराउदै नेरेसो काठमाडौ जिल्ला शाखाका स्वयंसेवकहरु ।
कपडा सौजन्य: नेपाल तयारी पोशाक उद्योग संघ

01/10/2026

आशिका पौडेल, टिमुरे । वहाँको श्रीमान कन्टेनर चालक हुनुहुन्थ्यो । भाद्र १० गते विहान चीनबाट सामान लोड गरिएको गाडी लिएर आउन लागेको खबर गर्नु भयो । फोन गरेको केही समय पश्च्यात नै वहाँ बेपत्ता हुनुहुन्छ । टिमुरेबाट ९ महिनाको छोरी सहित जीवन जोगाउन सफल आशिका हाल काठमाडौक मनमैजुमा आश्रय लिइराख्नु भएको छ । भोटेकोसी बाढीमा बेपत्तालाई राज्यले हालसम्म मृतक घोषणा गरि नसकेकोले हालसम्म वहाँले राहत समेत प्राप्त गर्न सक्नु भएको छैन । नेरेसो काठमाडौ जिल्ला शाखाले वहाँलाई आज भेटेर दुखमा सान्त्वना दिदै खाद्य सामग्री सहितको राहत उपलब्ध गराएको छ ।

26/09/2026

इन्द्रजात्राको दोस्रो दिन जात्रामा सहभागी घाइतेहरुलाइ प्राथमिक उपचार गर्दै नेरेसो काठमाडौ जिल्ला शाखाका स्वयंसेवकहरु ।
#२०८३/६/१० #

25/09/2026

अविरल वर्षाको बाबजुद पनि काठमाडौको प्रख्यात पर्व इन्द्रजात्रामा प्राथमिक उपचार सेवाका लागि र टोखा नगरपालिका वडा न १ गौरी पन्तको घरको आँगन पुटेर पहिरो गएर घरलाई नै असर गर्ने देखिएकोले थप क्षती हुनबाट जोगाउदै नेरेसो काठमाडौ जिल्ला शाखाका स्वयंसेवक ।

25/09/2026

हिजो असोज ८ देखिको अविरल वर्षाका कारण बुनपा १३ जगडोलमा पहिरोले घर जोखिममा परेपछि त्रीपालले पहिरो रोकथाम र मनोहरा र भक्तपुरको बोडे जोड्ने पूल प्रवेश भागलाई बाढीले कटान गरेपछि पूल प्रयोगमा सावधानीका लागि आग्रह गर्दै नेरेसो का स्वयंसेवकहरु ।

25/09/2026

17/09/2026

भोटेकोसी बाढिका कारण सघन घाइते हुनु भइ उपचारत इलामका बेनुप राज थेगिमका लागि नेरेसो काठमाडौ जिल्ला शाखाले ३ महिनासम्मका लागि दैनिक खाद्य सामग्री उपलब्ध गराएको छ । अस्पतालका अनुसार वहाँलाई सामान्य स्वास्थ्यमा फर्कन ३ महिना लाग्ने र त्यस अवधिसम्म श्रम गर्ने नसक्ने भएकोले उक्त खाद्य सामाग्री उपलब्ध गराइएको हो । नेरेसो काठमाडौ जिल्ला शाखाको आग्रहलाई स्वीकार गर्दै सामाग्री उपलब्ध गराउनु भएकोमा कृष्ण थापा (ओखलढुंगा), चिराग गोयल र असीमजीलाइ हार्दिक धन्यवाद ।

13/09/2026

वहाँ हुनुहुन्छ इलामका वेनुप राज थेगिम । २०८३ भाद्र १० गते भोटेकोसीमा आएको विनासकारी बाढीले वहाँ कार्यरत चाइना पावर २१६ को सुरुङ्गलाई पनि बाकी राखेन । सुरुङ्ग भित्रको अध्यारो र लेदो सहितको बाढी मा लड्दै शरीरभरी चोटपटक लिएर वीर अस्पतालसम्म पुग्नु भयो । उपचार पश्चात् अहिले डेरामा आराम गरिराख्नु भएको छ । अस्पतालले पूर्ण नीको हुन तीन महिना लाग्ने बताएको रहेछ । आज भाद्र २८ नेरेसो काठमाडौ जिल्ला शाखा वहाँको आवासमा खाद्य सामग्री सहित पुगेर स्वास्थ्य लाभको कामना गरेको छ ।