Bishwashanti Campus

01/10/2026

30/09/2026

A Video Tour of Bishwashanti Chiran Milan Campus.
🎓 Excellence in Quality Education

20/09/2026

दीक्षान्त समारोहमा भाग लिनका लागि अनलाइन फाराम खुल्यो ।

19/09/2026

क्याम्पस र समुदायबिच सहकार्य सुदृढ गर्ने प्रतिबद्धता

बाँसबारी, काठमाडौँ, असोज ३। विश्वशान्ति चिरन मिलन क्याम्पस र क्याम्पसको छिमेकी संस्था गैरी गाउँ गुठी समाज एवं गैरी गाउँ टोलसुधार समितिका प्रतिनिधिहरूबिच क्याम्पसको विकास, पूर्वाधार व्यवस्थापन तथा समुदायसँगको सहकार्यका विषयमा संयुक्त छलफल सम्पन्न भएको छ।
छलफलमा क्याम्पसलाई स्थानीय समुदायको साझा शैक्षिक संस्थाका रूपमा अझ व्यवस्थित, सुरक्षित र आकर्षक बनाउँदै लैजाने विषयमा सकारात्मक विचार–विमर्श भएको थियो। क्याम्पसको विकासमा समुदायको साथ र सहयोग निरन्तर रहने धारणा समुदायका प्रतिनिधिहरूले व्यक्त गरेका थिए।
छलफलका क्रममा क्याम्पस भवनको छानाबाट बग्ने आकाशे पानीको उचित व्यवस्थापन गर्नुपर्ने विषयमा समुदायका प्रतिनिधिहरूले सुझाव दिएका थिए। वर्षायाममा पानीका कारण छिमेकी क्षेत्रमा पर्न सक्ने असरलाई ध्यानमा राखी व्यवस्थित तथा दीर्घकालीन समाधान खोज्नुपर्नेमा जोड दिइएको थियो।
त्यसैगरी, क्याम्पस परिसरमा मुख्य प्रवेशद्वार (गेट) निर्माणलाई प्राथमिकताका साथ अघि बढाउनुपर्ने सुझावसमेत प्राप्त भएको थियो। क्याम्पस सञ्चालन नभएका समयमा बाह्य व्यक्तिहरूको अनावश्यक आवतजावत तथा होहल्लालाई व्यवस्थित गर्न, साथै भर्ना तथा अध्ययनका लागि आउने विद्यार्थीहरूलाई सुरक्षित वातावरणको अनुभूति दिलाउन गेट निर्माण आवश्यक रहेको धारणा समुदायका प्रतिनिधिहरूले राखेका थिए।
क्याम्पस सञ्चालक समिति र स्थानीय समुदायबिच नियमित संवाद, समन्वय र सहकार्यका माध्यमबाट क्याम्पसको विकासलाई अघि बढाउने विषयमा छलफलमा साझा समझदारी बनेको थियो। क्याम्पसको आवश्यकता र प्राथमिकताअनुसार छिमेकी संघसंस्था तथा समुदायका तर्फबाट गर्न सकिने सहयोगका लागि आफूहरू सकारात्मक र तयार रहेको आश्वासनसमेत समुदायका प्रतिनिधिहरूले दिएका थिए।
क्याम्पसको पूर्वाधार विकासका लागि काठमाडौँ महानगरपालिका–३ बाट विगतमा प्राप्त सहयोग तथा भएका पहलहरूका विषयमा पनि छलफल गरिएको थियो। प्राप्त सहयोगमध्ये कार्यान्वयन हुन बाँकी रहेका विषयहरूलाई वडा प्रतिनिधिहरूको पुनः ध्यानाकर्षण गराई आवश्यक समन्वय र पहल अघि बढाउनुपर्ने सुझाव दिइएको थियो।
कार्यक्रममा सहभागी दुवै पक्षले क्याम्पसको विकास र स्थानीय समुदायको हित एकअर्कासँग जोडिएको विषय भएकाले आपसी सद्भाव, सहकार्य र समन्वयलाई अझ प्रभावकारी बनाउँदै लैजाने प्रतिबद्धता व्यक्त गरेका थिए।
क्याम्पस र समुदायबिचको सहकार्यलाई थप मजबुत बनाउँदै विश्वशान्ति चिरन मिलन क्याम्पसलाई स्थानीय समुदायको विश्वास र सहभागितामा विकसित हुँदै गएको शैक्षिक केन्द्रका रूपमा अघि बढाउने सकारात्मक सन्देशसहित छलफल सम्पन्न भएको थियो।