11/08/2026
Principals Association of Nepal (PAN), UNESCO को आयोजना तथा Norway को सहयोगमा, काठमाडौं विश्वविद्यालय (Kathmandu University School of Education - KUSOED) को सहकार्यमा सुदूरपश्चिम प्रदेशको धनगढीमा चारदिने आवासीय “Leading Green Schools and Climate-Ready Classrooms” तालिम साउन 16 गते देखि 19 गते सम्म सफलतापूर्वक सम्पन्न भएको छ।
तालिममा सुदूरपश्चिम प्रदेशका १५ विद्यालयका ३० जना प्रधानाध्यापक तथा हरित विद्यालय फोकल शिक्षकहरू सहभागी हुनुभएकोथियो।
तालिमका क्रममा विद्यालयलाई हरित, वातावरणमैत्री, दिगो तथा जलवायुमैत्री बनाउने अवधारणा तथा अभ्याससँगै जलवायु परिवर्तन शिक्षा, दिगो विकासका लागि शिक्षा (ESD), हरित विद्यालय, जलवायु उत्थानशील कक्षाकोठा, विद्यालय कार्ययोजना तथा स्थानीय एवं मौलिक ज्ञान र अभ्यासमा आधारित समाधानहरूका विषयमा विस्तृत छलफल, अभ्यास तथा अनुभव आदानप्रदान गरिएको थियो।
सहभागीहरूले आफ्ना विद्यालयको स्थानीय आवश्यकता र सन्दर्भअनुसार विद्यालय आधारित हरित तथा जलवायुमैत्री कार्ययोजना समेत निर्माण गर्नु भएको छ, जसलाई आगामी दिनमा विद्यालयमा कार्यान्वयन गरिनेछ।
यस कार्यक्रमले विद्यालय नेतृत्व र शिक्षकहरूको क्षमता अभिवृद्धि गर्दै नेपालका विद्यालयहरूलाई हरित, दिगो, जलवायुमैत्री तथा उत्थानशील बनाउन महत्वपूर्ण योगदान पुर्याउने विश्वास लिइएको छ।
