Kathmandu Photographer Association, Newroad, Kathmandu (2026)

31/07/2026

📸 चितवनको सौराहामा नेपाल फोटोग्राफर महासंघको प्रथम विस्तारित बैठक सम्पन्न: काठमाडौँ फोटोग्राफर संघको उत्साहजनक सहभागिता र विशेष जिम्मेवारी प्राप्त"✒️
नेपाल फोटोग्राफर महासंघको ऐतिहासिक पहिलो विस्तारित बैठक पर्यटकीय नगरी चितवनको सौराहस्थित एमेजन रिसोर्टमा गत साउन ९ गते शनिबार भव्य रूपमा सम्पन्न भएको छ। महासंघका अध्यक्ष श्री महेन्द्र प्रसाद उपाध्याय तथा केन्द्रीय पदाधिकारीहरूले तुलसीमा जल अर्पण र तुलसीको बिरुवा रोपण गरी कार्यक्रमको उद्घाटन गर्नुभएको थियो। देशभरका विभिन्न फोटोग्राफर संघहरूको प्रतिनिधित्व गर्ने केन्द्रीय पदाधिकारीहरूको कार्यक्रममा उत्साहजनक उपस्थिति थियो।

📌 काठमाडौँ फोटोग्राफर संघलाई प्राप्त विभागीय जिम्मेवारीहरू:
उक्त बैठकले १० वटा विभाग गठन गरेकोमा काठमाडौँ फोटोग्राफर संघका निम्न चार बिभागमा पदाधिकारीहरूले प्रमुख जिम्मेवारी प्राप्त गर्नुभएको छ:
🖍️हरि प्रसाद घिमिरे (निवर्तमान अध्यक्ष): विदेश विभाग
🖍️हरी ज्ञवाली (उपाध्यक्ष): सामाजिक उत्तरदायित्व तथा विपत् व्यवस्थापन विभाग
🖍️कालिका प्रसाद रिमाल (सचिव): सूचना, सञ्चार तथा प्रकाशन विभाग
🖍️धर्मराज के.सी. (पूर्व सचिव): तालिम, अनुसन्धान तथा क्षमता विकास विभाग
चितवन फोटोग्राफर संघको व्यवस्थापनमा आयोजित उक्त बैठकको समापनपछि संघका अध्यक्ष हरि चन्द्र पन्त तथा संस्थापक अध्यक्ष देवेन्द्र गुरुङले देशभरबाट पाल्नुभएका केन्द्रीय पदाधिकारीहरूलाई सम्मानका साथ मायाको चिनो हस्तान्तरण समेत गर्नुभएको थियो।

29/07/2026

गुरुब्र्रह्मा गुरुर्विष्णुः गुरुर्देवो महेश्वरः ।
गुरुः साक्षात्परं ब्रह्म तस्मै श्रीगुरवे नमः ॥
गुरु पूर्णिमाको हार्दिक शुभकामना !
शैक्षिक तथा व्यावहारिक ज्ञान प्रदान गर्नुहुने सम्पूर्ण गुरुहरूमा नमन गर्दै काठमाडाैं फाेटाेग्राफर संघ सबैमा गुरु पूर्णिमाको हार्दिक शुभकामना ! व्यक्त गर्दछ ।

21/07/2026

भावपूर्ण श्रद्धाञ्जली!
काठमाडौँ फोटोग्राफर संघका सदस्य तथा Quick Digital Colour Lab भक्तपुरकाका सञ्चालक श्री बिजय कुमार मानन्धरकी ममतामयी माताको २०८३ साल असार ३० गते मंगलबार असामयिक निधन भएको खबरले काठमाडौँ फोटोग्राफर संघ परिवार अत्यन्त दुःखित भएको छ।
यस कठिन र पीडादायी घडीमा भगवानले परिवारजनमा धैर्यधारण गर्ने शक्ति प्रदान गरून् भनी प्रार्थना गर्दै आमाको आत्माको चीर शान्तिको कामनाका साथ भावपूर्ण श्रद्धाञ्जली अर्पण गर्दछौँ।

06/07/2026

काठमाडौँ फोटोग्राफर संघका सल्लाहकार तथा वरिष्ठ फोटोग्राफर Raj Bhai Suwal (राजभाई सुवाल)का पिता स्व. पंचरत्न महर्जनको निधन भएको छ। ८७ वर्षको उमेरमा असार १८ गते महर्जनको असामयिक निधन भएको हो।
यस दुःखद घडीमा काठमाडौँ फोटोग्राफर संघले गहिरो शोक व्यक्त गरेको छ। संघका बिभिन्न पदाधिकारी तथा सदस्यहरूले सल्लाहकार सुवालको निवास मैतिदेवी पुगी स्व. महर्जनप्रति भावपूर्ण श्रद्धाञ्जली अर्पण गरेका छन्।
सो अवसरमा संघका प्रतिनिधिहरूले दिवङ्गत आत्माको चिर शान्तिको कामना गर्दै शोक सन्तप्त परिवारजनमा धैर्य धारण गर्ने शक्ति मिलोस् भनी समवेदना प्रकट गरेका छन्। संघले एक अनुभवी अभिभावक गुमाउनु परेकोमा दुःख व्यक्त गरेको छ।

04/07/2026

काठमाडौँ फोटोग्राफर संघका सल्लाहकार तथा वरिष्ठ फोटोग्राफर राजभाई सुवालज्यूका पिता पंचरत्न महर्जन को यही मिति २०८३/०३/१८ गते ८७ वर्षको उमेरमा भएको असामयिक निधनले हामी अत्यन्तै मर्माहित भएका छौँ। दुःखको यस घडीमा दिवंगत आत्माको चीर शान्तिको कामना गर्दै शोकसन्तप्त परिवार प्रति धैर्यधारण गर्ने शक्ति भगवानले प्रदान गरून भन्दै हार्दिक श्रद्धाञ्जली प्रकट गर्दछौँ ।

03/07/2026

शोक सूचना तथा अन्तिम श्रद्धाञ्जलीमा उपस्थितिका लागि हार्दिक अनुरोध

हाम्रो संस्था काठमाण्डाै फाेटाेग्राफर संघका सल्लाहकार राजभाई शुवालज्यूका पूज्य पिताको हिजो राति १०:४५ बजे बि एण्ड बि अस्पतालमा उपचारका क्रममा ८७ वर्षको उमेरमा दुःखद निधन भएको खबरले हामी स्तब्ध भएका छौं।

दिवंगत आत्माको चिरशान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गर्दछौं। साथै, यस दुःखद घडीमा परिवारलाई धैर्य धारण गर्ने शक्ति भगवानले प्रदान गरून् भन्ने प्रार्थना गर्दछौं।

दिवंगतप्रति अन्तिम श्रद्धाञ्जली अर्पण तथा विदाई कार्यक्रम आज बिहान 10:30 बजेबाट टेकु दोभानमा हुने भएकाले सम्भव भएसम्म सम्पूर्ण सदस्यहरूलाई उपस्थित भई श्रद्धाञ्जली अर्पण गरिदिनुहुन हार्दिक अनुरोध गर्दछौं।

काठमाण्डाैं फाेटाेग्राफर संघ

23/06/2026

काठमाडौँ फोटोग्राफर संघ (KPA) को आयोजनामा नयाँ वर्ष २०८३ को पावन अवसरमा शुभकामना आदान-प्रदान, चियापान तथा वार्षिक भित्ते-पात्रो (KPA Calendar 2083) विमोचन कार्यक्रम ।

23/06/2026

काठमाडौँ फोटोग्राफर संघद्वारा 'सम्पन्न एआई' (AI) सम्बन्धी एक दिने कार्यशालाकाे झलक ।

15/06/2026

काठमाडौँ फोटोग्राफर संघद्वारा 'एआई' (AI) सम्बन्धी एक दिने कार्यशाला सम्पन्न
काठमाडौँ, ३१ जेठ।

14/06/2026

काठमाडौँ फोटोग्राफर संघद्वारा 'एआई' (AI) सम्बन्धी एक दिने कार्यशाला सम्पन्न

काठमाडौँ, ३१ जेठ।

काठमाडौँ फोटोग्राफर संघको आयोजनामा शनिबार (जेठ ३० गते) "Upgrade Your Skill With AI" (तपाईंको अर्को पाइला : फोटो र भिडियो यहाँबाट सुरु हुन्छ) भन्ने मुख्य नाराका साथ एक दिने विशेष कार्यशाला भव्यताका साथ सम्पन्न भएको छ।
नेपाल चलचित्र बिकास बाेर्ड, ईन्टरनेशनल फिल्म फेस्टिबल समेतका प्रशिक्षक रहनु भएका ए आाई प्रशिक्षक श्री माैसम पुरीले प्रशिक्षण दिनु भएकाे उक्त कार्यशालाकाे समुद्घाटन काठमाण्डाै फाेटाेग्राफर संघका अध्यक्ष आनन्दप्रभाकर धिमिरे, निबर्तमान अध्यक्ष हरि प्रसाद घिमिरे पुर्व अध्यक्ष द्वय बालकृष्ण श्रेष्ठ तथा माेतिबहादुर बाेगटी, प्रशिक्षक माैसम पुरी लगाएत कार्यक्रम संयाेजक सुजन तिमिल्सिनाले संयुक्त रुपमा गर्नु भएकाे थियाे ।

वसुन्धरास्थित दियालो फुडल्याण्डमा आयोजना गरिएको उक्त कार्यशालामा काठमाडौँ र वरपरका क्षेत्रका डिजिटल प्रविधि, फोटोग्राफी र भिडियोग्राफी क्षेत्रमा क्रियाशिल व्यावसायिक फोटोग्राफरहरूको उत्साहजनक सहभागिता रहेको थियो। बिहान १०:०० बजेदेखि बेलुका ५:०० बजेसम्म चलेको उक्त प्रशिक्षण कार्यक्रममा पछिल्लो समय प्रविधि क्षेत्रमा भित्रिएको आर्टिफिसियल इन्टेलिजेन्स (AI) लाई फोटो तथा भिडियो सम्पादन (Editing) मा कसरी व्यावसायिक रूपमा प्रयोग गर्ने भन्नेबारे विस्तृत प्रशिक्षण दिइएको थियो।

कार्यक्रममा सहभागीहरूलाई एआई प्रविधिको प्रयोग गरेर कामको गति बढाउने, गुणस्तर सुधार्ने र नयाँ डिजिटल ट्रेन्ड अनुसार आफूलाई परिमार्जित गर्ने व्यावहारिक सीपहरू सिकाइएको थियो। फोटोग्राफी र भिडियोग्राफी विधामा एआईको बढ्दो प्रभाव र यसले सिर्जना गरेका नयाँ अवसरहरूका विषयमा केन्द्रित रहँदै प्रशिक्षकले आफ्ना अनुभव र प्राविधिक ज्ञान साझा गर्नुभएको थियो।
कार्यक्रममा फाेटाे कन्सन नेपाल तथा सिबराम ट्रेडिङ कम्पनी (STC) बाट सहयाेग प्राप्त भएकाे थियाे । यसै सन्दर्भमा फाेटाे कन्सनका निर्देशक दिनेशराज अर्यालले सम्पुर्ण सहभागिहरुलाई नि:शुल्क फाेटाे बुक लगाएतकाे हात खालि नजाने कुपन, काठमाण्डाै फाेटाेग्राफर संघका सदस्यहरुलाई आजकै मितिबाट फाेटाेबुकमा रू ५०० छुट साथै साउन १ गतेबाट फ्रि डेलिभरीकाे सुबिधा दिने समेत घाेषणा गर्नु भएकाे थियाे

काठमाडौँ फोटोग्राफर संघ (KPA) ले स्थापनाकालदेखि नै आफ्ना सदस्य तथा समग्र फोटोग्राफी क्षेत्रको पेसागत दक्षता अभिवृद्धिका लागि विभिन्न समयमा यस्ता सीपमूलक तालिम तथा कार्यशालाहरू आयोजना गर्दै आइरहेको छ। हिजो सम्पन्न कार्यशालाले पनि सहभागी फोटोग्राफर तथा भिडियो सम्पादकहरूलाई नयाँ प्रविधिसँग अभ्यस्त हुन र आफ्नो व्यवसायलाई डिजिटल युग सुहाउँदो बनाउन ठूलो मद्दत पुर्‍याएको संघले विश्वास लिएको छ।

Kathmandu Photographer Association

31/07/2026

29/07/2026

21/07/2026

06/07/2026

04/07/2026

03/07/2026

23/06/2026

23/06/2026

15/06/2026

14/06/2026

Address

Website

Alerts

Shortcuts

Share

Category

Listing takedown request