Nepal Police Wives Association-NPWA

06/04/2026

आज मिति २०८२ साल चैत्र २३ गते आसरा सुधार केन्द्र रानिवारीकी समादरणीय अध्यक्ष श्रीमती नबिना खत्री कार्कीज्यूको प्रमुख आतिथ्यतामा केन्द्र परिसरमा नयाँ वर्ष २०८३ सालको शुभकामना आदान प्रदान तथा केन्द्रमा कार्यरत प्रहरी कर्मचारीहरु, भोलेन्टियरहरु एवं उपचाररत सदस्यहरुको सामूहिक जन्मोत्सव कार्यक्रममा यस केन्द्रकी उपाध्यक्षज्यू, नेपाल प्रहरी श्रीमती संघकी महासचिवज्यू एवं उपाध्यक्षज्यू, केन्द्रकी सचिवज्यू, नेपाल प्रहरी श्रीमती संघ तथा यस केन्द्रका पदाधिकारीज्यूहरु, बरिष्ठ प्रहरी अधिकृतज्यूहरु, अन्य प्रहरी अधिकृतज्यूहरु, केन्द्रमा कार्यरत कर्मचारीहरु,परामर्शदाताहरु तथा उपचाररत सदस्यहरुको उपस्थितिमा कार्यक्रम राष्ट्रिय गानबाट शुरु भई केन्द्रकी सचिव श्रीमती रोजी तुलाधर अधिकारीज्यूबाट स्वागत मन्तव्य, केन्द्रकी समादरणीय अध्यक्षज्यूबाट नयाँ वर्ष २०८३ सालको उपलक्ष्यमा केन्द्रबाट प्रकाशित “आसरा भित्तेपात्रो २०८३” बिमोचन गर्नु भई समादरणीय अध्यक्षज्यूबाट खेलकुद प्रतियोगितामा विजय हुने उपचाररत सदस्यहरुलाई पुरस्कार वितरण, जन्मदिन परेका प्रहरी कर्मचारीहरु, भोलेन्टियरहरु तथा उपचाररत सदस्यहरुलाई कलम तथा डायरी वितरण एवं सामूहिक जन्मोत्सवको केक काट्नुको साथै उपचाररत सदस्यहरुबाट तयार पारिएका साँस्कृतिक कार्यक्रम पश्चात समादरणीय अध्यक्षज्यूबाट आफ्नो प्रेरणादायी शुभकामना एवं धन्यवाद मन्तव्य व्यक्त गर्नु भएको कार्यक्रमका केही झलकहरु ।

05/04/2026

Television & ECG Machine हस्तान्तरण तथा फलफूल वितरण कार्यक्रम सम्पन्न ।
काठमाडौं, बि.सं. २०८२ चैत २२ गते, आइतबार ।
*****************************************************************
नेपाल प्रहरी श्रीमती संघद्वारा नेपाल प्रहरी अस्पताल महाराजगंज काठमाडौंको ४२ औं वार्षिकोत्सवको अवसरमा अस्पतालमा उपचारार्थ बिरामीहरुलाई शिघ्र स्वास्थ्य लाभको कामना गर्दै फलफूल वितरण गर्नुको साथै अस्पतालको लागि Television & ECG Machine हस्तान्तरण कार्यक्रम सम्पन्न भएको छ ।

संगठन प्रहरी प्रमुख प्रहरी महानिरीक्षक दान बहादुर कार्कीज्यूको प्रमुख आतिथ्यतामा सम्पन्न भएको उक्त कार्यक्रममा यस संघका आदरणिय अध्यक्ष श्रीमती नविना खत्री कार्कीज्यू, महासचिव श्रीमती अन्जु कार्की, सचिव (प्रशासन) श्रीमती संगिता लम्सालज्यू, कोषाध्यक्ष श्रीमती राधिका ज्ञवालीज्यू तथा संघका अन्य पदाधिकारीज्यूहरु, आसरा सुधार केन्द्र रानीबारीका पदाधिकारीज्यूहरु, प्रहरी बरिष्ठ अधिकृतहरु, सिनियर प्रहरी अधिकृतहरु तथा अन्य प्रहरी कर्मचारीहरु समेतको उपस्थिती रहेको थियो ।

05/04/2026

नव वर्ष २०८३ सालको शुभकामना आदान-प्रदान कार्यक्रम सम्पन्न ।
काठमाडौ,२०८२ चैत्र, २० गते शुक्रबार ।
**********************************************************
नेपाल प्रहरी श्रीमती संघद्वारा नव वर्ष २०८३ सालको पावन अवसरमा शुभकामना आदान- प्रदान कार्यक्रम सम्पन्न भएको छ ।
संघका अध्यक्ष श्रीमती नविना खत्री कार्कीज्यूको प्रमुख आतिथ्यतामा सम्पन्न भएको उक्त कार्यक्रममा उपाध्यक्ष श्रीमति सुस्मिता के.सी.ज्यू, संघका महासचिव श्रीमती अन्जु कार्कीज्यू, संघका सचिव (कार्यक्रम) श्रीमती संगिता लम्सालज्यू, आसरा सुधार केन्द्रका सचिव श्रीमती रोजी तुलाधर अधिकारीज्यू, कार्यसमितिका पदाधिकारीज्यूहरु, आसरा सुधार केन्द्रका पदाधिकारीज्यूहरु, सिनियर प्रहरी अधिकृतज्यू तथा अन्य प्रहरी कर्मचारीहरु समेतको उपस्थिती रहेको थियो ।
उक्त कार्यक्रममा प्रमुख अतिथिज्यूले उपस्थित सम्पूर्णलाई नव वर्ष २०८३ सालको हार्दिक शुभकामना व्यक्त गर्नुका साथै आपसी एकता, सहकार्य र समर्पणभावका साथ अगाडि बढ्दै समाज सेवामा थप सक्रिय रहनुपर्ने उल्लेख गर्दै नव वर्ष २०८३ शुभकामना कार्ड समेत प्रदान गर्नुभएको थियो ।

16/03/2026

भवन शिलान्यास कार्यक्रम सम्पन्न
काठमाडौं,२०८२ चैत ०२ गते सोमबार
**********************************
नेपाल प्रहरी श्रीमती संघका अध्यक्ष श्रीमती नबिना खत्री कार्की ज्यूको प्रमुख आतिथ्यतामा नेपाल प्रहरीको नियमित बजेटबाट नयाँ निर्माण हुने आसरा सुधार केन्द्रको कार्यालय/व्यारेक भवनको शिलान्यास कार्यक्रम सम्पन्न भएको छ ।
उक्त कार्यक्रममा नेपाल प्रहरी श्रीमती संघकी महासचिव ज्यू तथा पदाधिकारी ज्यूहरू, आसरा सुधार केन्द्रका पदाधिकारी ज्यूहरू, प्रहरी वरिष्ठ अधिकृत ज्यूहरू, प्रहरी कर्मचारीहरू र परामर्शदाताहरू उपस्थिती रहेको थियो ।

08/03/2026

११६ औं अन्तर्राष्ट्रिय महिला दिवसको अवसरमा यस संघकी समादरणीय अध्यक्ष श्रीमती नविना खत्री कार्कीज्यूको शुभकामना सन्देश !

24/02/2026

नेपाल पुलिस स्कुल साँगाको “४२ औं बार्षिकोत्सव तथा वार्षिक खेलकुद दिवस” कार्यक्रम सम्पन्न ।
*********************************************************************
काभ्रेपलाञ्चोक, २०८२।११।१२ गते मंगलबार ।
नेपाल प्रहरी स्कुल साँगा, काभ्रेमा मिति २०८२।११।१२ गते विद्यालयको ४२ औं बार्षिकोत्सव तथा बार्षिक खेलकुद दिवस” समारोह कार्यक्रम यस संघका अध्यक्ष श्रीमती नविना खत्री कार्कीज्यूको प्रमुख आतिथ्यमा भव्य तथा गरिमामय वातावरणमा सम्पन्न भएको छ ।
उक्त कार्यक्रममा विशेष अतिथी एवं नेपाल श्रीमती संघ भृकुटीमण्डपका संस्थापक अध्यक्ष श्रीमती बसुन्धरा लामाज्यू, नेपाल प्रहरी प्रधान कार्यालय प्रशासन विभाग नक्सालका प्रमुख तथा विद्यालय व्यवस्थापन समितिका अध्यक्ष श्रद्धेय श्रीमान प्रहरी अतिरिक्त महानिरीक्षक हिमालय कुमार श्रेष्ठज्यू, नेपाल प्रहरी श्रीमती संघका पदाधिकारीज्यूहरु, प्रदेश प्रहरी कार्यालय बागमती बनेपाका प्रमुखज्यू, जिल्ला स्थित विभिन्न सरकारी कार्यलयका प्रमुखज्यूहरु, विद्यालयका समादेशक, प्राचार्य, विद्यालय व्यवस्थापन समितिका पदाधिकारीज्यूहरु, शिक्षक/ शिक्षिका, अभिभावकज्यूहुरु, विद्यार्थीहरु र अन्य प्रहरी कर्मचारी समेतको उपस्थिती रहेको थियो ।
उक्त कार्यक्रममा यस संघका अध्यक्ष श्रीमती नविना खत्री कार्कीज्यूबाट विद्यार्थीहरुद्धारा प्रदर्शन गरिएको मार्चपास, कराँते, तेक्वान्दो,जुडो,जिम्न्याष्टि खेलहरुको अवलोकन गरी विद्यालयको वार्षिक मुखपत्र “दीपिका” ३५औं अंक बिमोचन गर्नुका साथै विद्यालयमा उत्कृष्ट कार्य गर्ने शिक्षक, शिक्षका,विद्यार्थी, प्रहरी कर्मचारी, अस्थायी कर्मचारीहरुलाई प्रमाण पत्र, सम्मान पत्र वितरण समेत गरी सम्पूर्ण स्कुल परिवारलाई वार्षिकोत्सवको शुभकमामना समेत प्रदान गर्नु भएको थियो ।

23/02/2026

छात्रवृत्ति सम्बन्धमा
यस नेपाल प्रहरी श्रीमती संघ, भृकुटीमण्डप काठमाडौं र लर्ड बुद्ध एजुकेशन फाउण्डेसन मैतिदेवि काठमाडौ वीच मिति २०८२।१०।२८ गते निम्नानुसारको विषय र तहमा शैक्षिक छात्रवृत्तिको लागी सम्झौता भएको हुंदा नेपाल प्रहरीमा कार्यरत कर्मचारीका परिवारहरु, पुर्व प्रहरी कर्मचारीका परिवारहरू र अमर/अशक्त प्रहरीका परिवारहरुले उक्त सेवा सुविधा प्राप्त गरी शैक्षिक लाभ लिनु हुनको लागि जानकारी गराउदछौ ।

निम्नः
 लर्ड बुद्ध एजुकेशन फाउण्डेसन(LBEF) द्धारा प्रदान गरिने छात्रवृति व्यवस्था
LBEF Collage ले प्रत्येक शैक्षिक वर्षमा नेपाल प्रहरीका योग्य लाभग्राहीहरुका लागि निम्न अनुसारको छात्रवृत्ति कार्यक्रम
१. स्नातक तहका छात्रवृत्ति कार्यक्रम
क. पूर्ण छात्रवृत्ति कार्यक्रम
• B.SC कार्यक्रमका लागि मात्र लागू हुने,
ख. ५० प्रतिशत छात्रवृत्ति कार्यक्रम
• B.Sc. IT (Core/Cloud Engineering/IoT).
• B.Sc. Computer Science (A1/Cyber Security/Data Analytics)
ग. ३० प्रतिशत छात्रवृत्ति कार्यक्रम
• B.Sc. IT (Core/Cloud Engineering/lot)
• B.Sc. Computer Science (AI/Cyber Security/Data Analytics)

२. स्नातकोत्तर तहका कार्यक्रमहरूको लागि आंशिक छात्रवृत्ति कार्यक्रमः
(५/५ जनालाई लाग्ने पूर्ण शुल्कमा ५०% आर्थिक छात्रवृत्ति प्रदान गरिनेछ)
• M.Sc. in Information Technology Management (M.Sc. ITM)
• MBA (Core/Digital Leadership/Data Analytics/Artificial Intelligence/ Hospitality & Tourism Management).

थप जानकारी तथा सुविधा प्राप्त गर्नको लागि लर्ड बुद्ध एजुकेशन फाउण्डेसन(LBEF) कलेजको आधिकारीक link https://lbef.org/ictscholarships-2082.php र नेपाल प्रहरी श्रीमती संघको सम्पर्क नं. Office – ०१ ५३२७०३८, CUG – ९८५१२८७०३८) मा सम्पर्क गर्नु हुन अनुरोध गरिएको छ ।

Lord Buddha Education Foundation

17/02/2026

निःशुल्क स्वास्थ्य शिविर, खानेपानी तथा खाजा वितरण कार्यक्रम सम्पन्न ।
***************************************************************
काठमाडौं, बि.सं.२०८२ फागुन ०३ गते, आइतबार ।
महाशिवरात्रीको अवसरमा नेपाल प्रहरी श्रीमती संघ भृकुटीमण्डप, काठमाडौंको आयोजना तथा नेपाल प्रहरी अस्पताल महाराजगंजको सहकार्यमा पवित्र धार्मिक स्थल पशुपतिनाथ मन्दिर दर्शन गर्न आउने श्रद्धालु भक्तजनहरुलाई लक्षित गरि प्रथामिक स्वास्थ्य उपचार,शुद्ध पिउने पानी तथा भक्तजनहरुको सुरक्षार्थमा खटिएका प्रहरी कर्मचारीहरुलाई खाजा शिविर कार्यक्रम सम्पन्नः
उक्त शिविरलाई नेपाल प्रहरी संगठनका प्रमुख श्रद्धय श्रीमान प्रहरी महानिरीक्षक दान बहादुर कार्किज्यू, सशस्त्र प्रहरी संगठनका प्रमुख श्रीमान राजु अर्यालज्यू, सशस्त्र प्रहरी श्रीमती संघका अध्यक्ष श्रीमती अनिता लामीछानेज्यू र उपत्यका प्रहरी कार्यालयका प्रमुख श्रीमान ईश्वर कार्कीज्यूले अवलोकन गर्नु भएको थियो भने यस श्रीमती संघ तथा आसरा सुधार केन्द्र रानिबारीका पदाधिकारिज्यूहरुको उपस्थितिमा उक्त कार्यक्रम सम्पन्न भएको थियो ।

13/02/2026

11/02/2026

नेपाल प्रहरी श्रीमती संघ र लर्ड बुद्ध एजुकेशन फाउन्डेसनबीच शैक्षिक सहकार्यको आपसी समझदारी पत्रमा हस्ताक्षर कार्यक्रममा सम्पन्न ।
*****************************************************************
काठमाडौं, २०८२ माग २८ गते बुधबार ।
नेपाल प्रहरी श्रीमती संघ र लर्ड बुद्ध एजुकेशन फाउन्डेसन बीच आपसी सहकार्य अभिवृद्धि गर्ने उद्देश्यसहित समझदारीपत्र (MoU) मा हस्ताक्षर कार्यक्रम सम्पन्न भएको छ ।
उक्त समझदारीपत्र (MoU) कार्यक्रममा नेपाल प्रहरी श्रीमती संघका तर्फबाट अध्यक्ष श्रीमती नविना खत्री कार्कीज्यू र लर्ड बुद्ध एजुकेशन फाउन्डेसनका तर्फबाट अध्यक्ष श्री पंकज जलानज्यूले हस्ताक्षर गर्नु भएको थियो ।
गुणस्तरीय शिक्षा, नैतिक मूल्य, अनुशासन तथा सामाजिक उत्तरदायित्वलाई प्राथमिकतामा राख्दै सम्पन्न उक्त समझदारीपत्र मार्फत नेपाल प्रहरीमा सेवारत तथा अवकासप्राप्त प्रहरी कर्मचारीका परिवारहरू र अमर/अशक्त प्रहरीका परिवारलाई लक्षित गरी गुणस्तरीय सूचना प्रविधि तथा व्यवस्थापन शिक्षामा स्नातक र स्नातकोत्तरका विद्यार्थीहरुलाई पूर्ण छात्रवृत्ति, आंशिक छात्रवृत्ति र क्षमता विकासका अवसरहरू प्रदान गर्ने सहमति भएको उक्त समझदारीपत्र (MoU) कार्यक्रममा लर्ड बुद्ध एजुकेशन फाउन्डेसनका पदाधिकारीज्यूरहरु, त्यसैगरी श्रीमती संघका महासचिव अन्जु कार्कीज्यू,कोषाध्यक्ष राधिका ज्ञवालीज्यू र संघका अन्य पदाधिकारीज्यूहरु र प्रहरी कर्मचारीहरुको समेत उपस्थिति रहेको थियो ।

28/01/2026

खाद्यान्न बितरण कार्यक्रम सम्पन्न ।
*****************************
रुपन्देही, २०८२ माघ १४ गते बुधबार ।
नेपाल प्रहरी श्रीमती संघ भृकुटीमण्डप, काठमाण्डौंको आयोजना तथा जिल्ला प्रहरी कार्यालय, रुपन्देहीको सहकार्यमा जिल्ला रुपन्देही मायादेवी गाउँपालिका वडा नं.०८ बसडिलवा अवस्थित रहेको सिद्धार्थ बालगृह (अनाथालय) मा भोजनदान तथा खाद्यान्न वितरण कार्यक्रम सम्पन्न भएको छ ।
नेपाल प्रहरी श्रीमती संघका अध्यक्ष श्रीमती नविना खत्री कार्कीज्यूको प्रमुख आतिथ्यतामा सम्पन्न भएको उक्त कार्यक्रममा नेपाल प्रहरी श्रीमती संघ लुम्बिनी प्रदेशका अध्यक्ष श्रीमती पुजा खत्रीज्यू, जिल्ला प्रहरी कार्यालय रुपन्देहीका कार्यालय प्रमुख प्रहरी उपरीक्षक जनक बहादुर शाहीज्यू, अन्य सिनियर प्रहरी अधिकृतज्यूहरु, सिद्धार्थ बालगृह अनाथ आश्रमका सञ्चालक कृष्ण माया गुरुङ सोही आश्रमका पदाधिकारीहरुज्यू, अन्य प्रहरी कर्मचारी, पत्रकारहरु र स्थानीय बासिन्दाहरु समेतको उपस्थिति रहेको थियो ।

23/01/2026

शैक्षिक सामाग्री वितरण कार्यक्रम सम्पन्न ।
***************************
काठमाडौं, २०८२ माग ०९ गते शुक्रबार ।
यस नेपाल प्रहरी श्रीमती संघका अध्यक्ष श्रीमती नविना खत्री कार्कीज्यूको प्रमुख आतिथ्यतामा बसन्त पञ्चमीको शुभ-अवसरमा नेपाल प्रहरी विद्यालय सामाखुशी काठमाडौंको प्राङ्गणमा रहेको मन्दिरमा सरस्वती पुजा तथा अक्षरारम्भ कार्यक्रम सम्पन्न गरी नेपाल प्रहरी श्रीमती संघको तर्फबाट विद्यालयमा अध्ययनरत विद्यार्थी भाइबहिनीहरुलाई स्टेशनरी सामाग्री वितरण गर्नुको साथै विद्यालयलाई खेलकुद सामाग्री समेत हस्तान्तरण गर्नु भएको थियो साथै हाम्रो स्कुल सामाखुशी काठमाडौंमा अध्ययनरत भाइबहिनीहरुलाई शैक्षिक सामाग्री तथा प्रविधी युक्त शिक्षाको लागि Smart Board समेत हस्तान्तरण गर्नु भएको थियो ।
उक्त कार्यक्रममा विद्यालय व्यवस्थापन समितिका अध्यक्ष काठमाडौं उपत्यका प्रहरी कार्यालय रानीपोखरी काठमाडौंका प्र.ना.म.नि. ओम प्रसाद अधिकारीज्यू, नेपाल प्रहरी श्रीमती संघका पदाधिकारीज्यूहरु, अभिभावकज्यूहरु, शिक्षक/शिक्षिकाज्यूहरु, विद्यार्थी भाइबहिनीहरु तथा कर्मचारीहरु समेतको उपस्थिती रहेको थियो ।
उक्त कार्यक्रमलाई सम्बोधन गर्दै अध्यक्षज्यूले सरस्वती माताले यहाँहरु सबैको ज्ञान, प्रतिभा, आत्मविश्वास र क्षमतामा अझबृद्धी गरिदिउन भन्ने कामना सहित विद्यालय परिवार तथा विद्यार्थीहरुको उत्तरोत्तर प्रगितको लागि शुभेच्छा समेत व्यक्त गर्नु भएको थियो ।