26/08/2026
हार्दिक श्रद्धाञ्जली तथा समवेदना
एवं अधिवेशन स्थगन सम्बन्धमा
भोटेकोशी हुँदै त्रिशूली नदीमा आएको विनाशकारी बाढी तथा प्राकृतिक विपद्का कारण भएको मानवीय क्षतिप्रति नेपाल मगर पर्यटन समाज गहिरो दुःख व्यक्त गर्दछ। यस दुःखद घटनामा ज्यान गुमाउनुहुने सम्पूर्णप्रति भावपूर्ण श्रद्धाञ्जली अर्पण गर्दै शोकसन्तप्त परिवारजन, आफन्त तथा सम्बन्धित सबैमा हार्दिक समवेदना प्रकट गर्दछौँ।
यस पीडादायी घडीमा नेपाल मगर पर्यटन समाजका सम्पूर्ण सदस्य, शुभेच्छुक तथा पर्यटन क्षेत्रका सरोकारवाला महानुभावहरूलाई सम्भव भएसम्म तत्काल उद्धार, राहत तथा मानवीय सहयोगमा जुट्न हार्दिक अनुरोध गर्दछौँ। विपद्मा परेका नागरिकहरूको उद्धार तथा सहयोगका लागि सम्बन्धित निकायसँग समन्वय गरी आ–आफ्नो क्षेत्रबाट सक्दो सहयोग गरौँ।
यस विनाशकारी विपद्का कारण उत्पन्न भएको अत्यन्तै दुःखद परिस्थितिलाई मध्यनजर गर्दै नेपाल मगर पर्यटन समाजको ७औँ अधिवेशन तथा १४औँ वार्षिक साधारण सभा समेत निर्धारित समयमा आयोजना गर्न असमर्थ भएको जानकारी गराइन्छ। वर्तमान परिस्थितिलाई ध्यानमा राख्दै कार्यक्रम स्थगित गरिएको छ। नयाँ मिति तथा कार्यक्रमसम्बन्धी सूचना पछि औपचारिक रूपमा जानकारी गराइनेछ।
यस कठिन तथा संवेदनशील समयमा हामी सबै एकजुट भई उद्धार, राहत र पीडितको सहयोगमा हातेमालो गरौँ।
भावपूर्ण श्रद्धाञ्जली।
शोकसन्तप्त परिवारजनमा हार्दिक समवेदना।
महासचिव
केन्द्रीय समिति
नेपाल मगर पर्यटन समाज
