Transparency International Nepal

17/09/2026

04/09/2026

ट्रान्सपरेन्सी इन्टरनेशनल नेपलका नवनिर्वाचित अध्यक्ष श्री मदनकृष्ण शर्माले २०८३ भदौ १७ गते बसेको कार्यसमिति बैठकमा कार्यसमितिका पदाधिकारीहरू मनोनयन गर्नु भएको छ । ३१औं साधारण सभाबाट निर्वाचित कार्यसति सदस्यहरु क्रमसः श्री सरोज प्रसाद पाण्डे उपाध्यक्ष, श्री शरद चन्द्र न्यौपाने महासचिव र श्री चन्द्रकिरण श्रेष्ठ(जोशी) कोषाध्यक्ष पदमा मनोनयन हुनु भएको छ ।
यस्तै कार्यसमितिलाई आवश्यक परामर्श तथा मार्गदर्शन प्रदान गर्न श्री विष्णु बहादुर के।सी। (पूर्व अध्यक्ष), श्री भरत बहादुर थापा (पूर्व अध्यक्ष), डा. पोषराज पाण्डे (संस्थापक), श्री शरच्चन्द्र वस्ती (पूर्व उपाध्यक्ष), श्री मुकुन्द बहादुर प्रधान (पूर्व महासचिव)लाई सल्लाहकारका रूपमा मनोनयन गरिएको छ ।
संस्थाको प्रवक्ताका रूपमा अध्यक्ष श्री मदनकृष्ण शर्मा तथा उपप्रवक्ताका रूपमा महासचिव श्री शरद चन्द्र न्यौपाने रहनु भएको छ।
बैठकले नवनिर्वाचित कार्यसमितिको आगामी दुई वर्षको कार्यकालका प्रमुख प्राथमिकताहरूका सम्बन्धमा चाडै एक विस्तृत छलफल आयोजना गर्ने निर्णय गरेको छ ।

03/09/2026

The Transparency International Regional Assessment of Integrity in Political Finance in South Asia, Southeast Asia and East Asia report release provides regional assessment of political finance integrity across 17 countries in South, Southeast and East Asia, including Nepal, highlighting key reform priorities to strengthen transparency, accountability and fairness in political financing.

ट्रान्सपरेन्सी इन्टरनेशनलद्वारा आज जारी गरिएको Regional Assessment of Integrity in Political Finance in South Asia, Southeast Asia and East Asia प्रतिवेदनले नेपालसहित एसियाका १७ देशमा राजनीतिक वित्तसम्बन्धी कानुनी व्यवस्था, पारदर्शिता, निगरानी तथा कार्यान्वयनको अवस्थाको समीक्षा गरेको छ।
यो प्रतिवेदनले राजनीतिक वित्तको अखण्डता सम्बन्धी पहिलो व्यापक क्षेत्रीय मूल्याङ्कन प्रस्तुत गर्दै पारदर्शिता, जवाफदेहिता र निष्पक्षता सुदृढ गर्न आवश्यक सुधारका प्राथमिक क्षेत्रहरू औँल्याएको छ ।
https://www.transparency.org/en/publications/integrity-political-finance-asia

28/08/2026

प्रेस वक्तव्य

मिति २०८३/०५/१० गतेका दिन भोटेकोशीको नदि र त्रिशुली नदि क्षेत्रमा आएको विनाशकारी बाढी– पहिरोबाट भएको भारी जनधनको क्षतिप्रति ट्रान्सपरेन्सी इन्टरनेशनल नेपाल गहिरो दुःख व्यक्त गर्दछ । यस विपदमा परी ज्यान गुमाउनुहुने आम नेपाली तथा विदेशी नागरिकप्रति हार्दिक श्रद्धाञ्जली अर्पण गर्दै शोकसन्तप्त परिवारजनमा समवेदना दिदै घाइतेहरुको शीघ्र स्वास्थ्यलाभको कामना गर्दछौं । यस विपदबाट सिर्जित क्षतिको गम्भरीरतालाई ध्यानमा राखी खोजी, उद्धार तथा राहत कार्यलाई थप तीव्र र समन्वयात्मक बनाउन नेपाल सरकारसँग आग्रह गर्दछौं ।
साथै, प्रभावित नागरिकहरुको दीर्घकालीन पुनस्र्थापना, जीविकोपार्जन र पुनर्निर्माणका लागि नेपाल सरकारका साथै आम नागरिक, निजी क्षेत्र, नागरिक समाज र अन्तराष्ट्रिय साझेदारहरुबाट निरन्तर सहयोग अपेक्षा गर्दै यस कठिन घडीमा सम्पूर्ण राहत तथा पुनर्निर्माणका कार्यहरु मानवीय संवेदना, सुशासन, पारदर्शिता र जवाफदेहिताका साथ अगाडि बढाउन ट्रान्सपरेन्सी इन्टरनेशनल नेपाल सम्बन्धित सबै पक्षसँग हार्दिक आव्हान गर्दछ ।

मदन कृष्ण शर्मा
अध्यक्ष
२०८३ भदौ १२ गते, काठमाडौं


(Unofficial English Version)
Press Release
Transparency International Nepal expresses its deep sorrow over the heavy loss of life and property caused by the devastating floods and landslides in the Bhotekoshi River and Trishuli River areas on 10/05/2083. We express our heartfelt condolences to the Nepali and foreign citizens who lost their lives in this disaster, express our condolences to the bereaved families, and wish the injured a speedy recovery. Keeping in mind the seriousness of the damage caused by this disaster, we urge the Government of Nepal to make the search, rescue, and relief operations more rapid and coordinated.

In addition, expecting continued support from the Government of Nepal, as well as the general public, the private sector, civil society, and international partners, for the long-term rehabilitation, livelihood, and reconstruction of the affected citizens, Transparency International Nepal cordially calls on all parties concerned to carry out all relief and reconstruction operations with humanitarian sensitivity, good governance, transparency, and accountability in this difficult time.

Madhan Krishna Sharma
President
2083 Bhadra 12, Kathmandu

26/08/2026

प्रेस विज्ञप्ति
ट्रान्सपरेन्सी इन्टरनेशनल नेपालको अध्यक्ष पदमा श्री मदनकृष्ण शर्मा पुनः निर्वाचित

काठमाडौं, २०८३ भदौ १० गते
ट्रान्सपरेन्सी इन्टरनेशनल नेपालको ३१औँ वार्षिक साधारणसभा आज काठमाडौंमा सम्पन्न भएको छ। साधारणसभाले संस्थाको अध्यक्ष पदमा श्री मदनकृष्ण शर्मालाई पुनः निर्वाचित गरेको छ । वरिष्ठ चार्टर्ड एकाउण्डेन्ट शर्मा यस संस्थामा अध्यक्ष पदमा एक कार्यकाल सफलतापूर्वक सम्पन्न गरि दोश्रो कार्यकालको लागि पूनः निर्वाचित हुनुभएको छ । वहाँ विगत १३ वर्षदेखि ट्रान्सपरेन्सी इन्टरनेशनल नेपालसँग निरन्तर आबद्ध रहँदै आउनुभएको छ। उहाँले यसअघि संस्थामा पूर्व महासचिवको रूपमा समेत संलग्न भईसक्नुभएको छ।

त्यसैगरी, कार्यसमिति सदस्य पदमा राष्ट्रिय व्यावसायिक पहल (प्रतिनिधि: श्री सुरेन्द्रवीर मालाकार), श्री सरोजप्रसाद पाण्डे, श्री शरदचन्द्र न्यौपाने, श्री सुष्मा कर्ण, श्री चन्द्रकिरण श्रेष्ठ (जोशी), श्री दीपकराज जोशी, श्री सुरेश प्रधान र डा. प्रकाशचन्द्र भट्टराई निर्वाचित हुनुभएको छ।

निर्वाचन अधिकृत वरिष्ठ अधिवक्ता श्री कृष्णप्रसाद भण्डारीले निर्वाचित अध्यक्ष तथा कार्यसमिति सदस्यहरूलाई पदको शपथ ग्रहण गराउनुभएको छ ।

साधारणसभाले आर्थिक वर्ष २०८२/८३ को वार्षिक प्रगति प्रतिवेदन, लेखापरीक्षकको प्रतिवेदन तथा वित्तीय प्रतिवेदन सर्वसम्मत रूपमा पारित गरेको छ । प्रस्तुत प्रगति प्रतिवेदनअनुसार ट्रान्सपरेन्सी इन्टरनेशनल नेपालले सुशासन, सदाचार, पारदर्शिता तथा जवाफदेहिता प्रवर्द्धनका लागि जनचेतनामूलक, अनुसन्धानात्मक, नीतिगत तथा संस्थागत कार्यहरू सम्पन्न गरेको छ। वित्तीय प्रतिवेदनमा संस्थाको आय–व्ययको विवरण प्रस्तुत गर्नुका साथै आगामी आर्थिक वर्ष २०८३/०८४ का लागि प्रस्तावित कार्यक्रमहरू तथा आवश्यक बजेटसमेत समावेश गरिएको छ ।

साधारणसभामा सहभागी सदस्यहरूले वर्तमान चुनौतीपूर्ण परिस्थितिमा संस्थाले आफ्ना अभियान, कार्यक्रम तथा वकालतजन्य गतिविधिहरूलाई अझ प्रभावकारी, परिणाममुखी र व्यापक बनाउँदै लैजानुपर्नेमा जोड दिनुभएको छ ।

धन्यवाद।
आशिष थापा
कार्यकारी निर्देशक

(Unofficial English Version)
Press Release
Mr. Madan Krishna Sharma re-elected as the President of Transparency International Nepal
Kathmandu, Bhadra 10, 2083
The 31st Annual General Meeting of Transparency International Nepal was held in Kathmandu today. The general meeting has re-elected Mr. Madan Krishna Sharma as the President of the organization. Senior Chartered Accountant Sharma has been re-elected for a second term after successfully completing one term as the President of the organization. He has been continuously associated with Transparency International Nepal for the past 13 years. He has also been involved in the organization as a former General Secretary.

Similarly, National Business Initiative (Representative: Mr. Surendrabir Malakar), Mr. Saroj Prasad Pandey, Mr. Sharad Chandra Neupane, Ms. Sushma Karna, Ms. Chandrakiran Shrestha (Joshi), Mr. Deepak Raj Joshi, Mr. Suresh Pradhan and Dr. Prakash Chandra Bhattarai have been elected as members of the Executive Committee.

Election Officer Senior Advocate Shri Krishna Prasad Bhandari administered the oath of office to the elected chairperson and working committee members.

The Annual General Meeting passed the annual progress report, auditor's report and financial report for the fiscal year 2082/83. According to the presented progress report, Transparency International Nepal has conducted public awareness, research, policy and programs to promote good governance, ethics, transparency and accountability. The financial report presents the details of the organization's income and expenditure, as well as the proposed programs and necessary budget for the upcoming fiscal year 2083/084.

The members participating in the general assembly emphasized that in the current challenging situation, the organization should continue to make its campaigns, programs and advocacy activities more effective, result-oriented and comprehensive.

Thank you.

Ashish Thapa
Executive Director

20/08/2026

ट्रान्सपरेन्सी इन्टरनेशनल नेपालको ३१औँ स्थापना दिवस सम्पन्न, वार्षिक प्रतिवेदन सार्वजनिक

काठमाडौं, [२०८३ भदौ ३] । ट्रान्सपरेन्सी इन्टरनेशनल नेपाल (टीआई नेपाल) ले आफ्नो ३१औँ स्थापना दिवस बिशेस कार्यक्रमका साथ मनाउँदै वार्षिक प्रतिवेदन सार्वजनिक गरेको छ ।
उक्त अवसरमा महासचिव प्रा. डा. सागरराज शर्माले विगत तीन दशकभन्दा बढी अवधिमा संस्थाले भ्रष्टाचारविरुद्ध नागरिक आवाजलाई सशक्त बनाउँदै सुशासन, पारदर्शिता, जवाफदेहिता र सदाचार प्रवर्द्धनका क्षेत्रमा निरन्तर योगदान पुर्‍याएको उल्लेख गर्नुभयो।

टीआई नेपालका अध्यक्ष श्री मदनकृष्ण शर्माले आफ्नो सम्बोधनमा देशको राजनीतिक संक्रमण र अस्थिरताको प्रभाव, सामाजिक तथा आर्थिक सूचकहरूको अवस्था, भ्रष्टाचार र संस्थागत सदाचारका चुनौतीहरू, नीतिगत तहमा देखिएका भ्रष्टाचारजन्य काण्डहरू तथा सुशासन प्रवर्द्धनका प्रयासहरूको समीक्षा समेटिएको वार्षिक प्रतिवेदन सार्वजनिक गरिएको उल्लेख गर्नुभयो। साथै, नागरिक सहभागिता, पारदर्शिता, जवाफदेहिता र इमान्दारिताको प्रवर्द्धनमार्फत भ्रष्टाचारमुक्त समाज निर्माण गर्ने टीआई नेपालको दीर्घकालीन दृष्टिकोण र कार्यपद्धतिलाई प्रतिवेदनले स्पष्ट रूपमा प्रतिबिम्बित गरेको उहाँले उल्लेख गर्नुभयो।

समारोहका प्रमुख अतिथि तथा प्रतिनिधिसभा अन्तर्गत सार्वजनिक लेखा समितिका सभापति माननीय भरतबहादुर खड्काले सुशासन र सार्वजनिक उत्तरदायित्व सुदृढीकरणमा नागरिक समाजको भूमिकाको प्रशंसा गर्दै भन्नुभयो, “भ्रष्टाचार नियन्त्रण, पारदर्शिता प्रवर्द्धन र जनउत्तरदायी शासन व्यवस्थाको निर्माणका लागि राज्य र नागरिक समाजबीचको सहकार्य अझ सुदृढ हुन आवश्यक छ। यस दिशामा टीआई नेपालले निर्वाह गर्दै आएको भूमिका महत्वपूर्ण र प्रशंसनीय छ।”
कार्यक्रममा संघीय संसद्का प्रतिनिधि, सरकारी अधिकारी, विकास साझेदार, नागरिक समाजका प्रतिनिधि, सञ्चारकर्मी, टीआई नेपाल परिवार तथा अन्य सरोकारवालाहरूको उल्लेखनीय सहभागिता रहेको थियो।

https://www.tinepal.org/ti-nepal-reports-2021-2026/

19/08/2026

How is Nepal performing in governance, integrity, transparency, and accountability?
The Transparency InternationaI Nepal Report on State of Governance and Integrity in Nepal 2025/26 presents an evidence-based assessment of key governance trends, achievements, challenges, and emerging risks, public accountability, service delivery, and anti-corruption efforts. The report aims to inform policy dialogue, strengthen citizen engagement, and contribute to building a more transparent, accountable, and inclusive Nepal.



नेपालमा सुशासन, सदाचार, पारदर्शिता र जवाफदेहिताको अवस्था कस्तो छ?
ट्रान्सपरेन्सी इन्टरनेशनल नेपाल (TI नेपाल) द्वारा प्रकाशित Report on State of Governance and Integrity in Nepal 2025/26 ले सार्वजनिक जवाफदेहिता, सेवा प्रवाह तथा भ्रष्टाचार नियन्त्रणका प्रयाससँग सम्बन्धित प्रमुख प्रवृत्ति, उपलब्धि, चुनौती र जोखिमहरूको प्रमाणमा आधारित विश्लेषण प्रस्तुत गर्दछ। नीति संवादलाई सुदृढ बनाउने, नागरिक सहभागिता प्रवर्द्धन गर्ने तथा थप पारदर्शी, जवाफदेही र समावेशी नेपाल निर्माणमा योगदान पुर्‍याउने उद्देश्यले यो प्रतिवेदन तयार गरिएको हो।

https://www.tinepal.org/ti-nepal-reports-2021-2026/

11/08/2026

ट्रान्सपरेन्सी इन्टरनेशनल (टीआई) नेपालले नेपालमा सुशासनको पहल कार्यक्रम अन्तरगत मिति २०८३ साउन २२ गते राजनैतिक दलहरुसँग राष्ट्रिय राजनीतिक दलहरुको निवाचर्न खर्चः प्रतिनिधिसभा निर्वाचन, २०८२ सम्बन्धी छलफल सम्पन्न गरेको छ । छलफलमा राष्ट्रिय राजनैतिक दलहरुमध्ये नेपाली काँग्रेस, नेकपा एमाले, नेपाली कम्युनिष्ट पार्टी, श्रम संस्कृति पार्टी र राष्ट्रिय प्रजातन्त्र पार्टी गरी पाँच वटा पार्टीको तर्फबाट निर्वाचन विभाग, लेखा परीक्षण विभाग र आर्थिक विभागको तर्फबाट प्रमुख तथा प्रतिनिधिको उपस्थिति रहेको थियो । साथै, त्रिभुवन विश्वविद्यालय अन्तरगत सार्वजनिक नीति, सुशासन तथा भ्रष्टाचार निवारण अध्ययनको तर्फबाट स्नातकोत्तर तहका संयोजक डा. दिपक अधिकारी, लगायत संवैधानिक निकाय अन्तरगत महालेखा परिक्षकको कार्यालय, तथा अन्य नागरिक संस्थाहरुको तर्फबाट प्रमुख तथा प्रतिनिधिको उपस्थिति रहेको थियो । त्रिभुवन विश्वविद्यालय अन्तरगत सार्वजनिक नीति, सुशासन तथा भ्रष्टाचार निवारण अध्ययनको तर्फबाट स्नातकोत्तर तहमा अध्ययनरत छात्रा ज्योती अधिकारीले उपरोक्त विषयमा प्रस्तुतीकरण गर्नुभएको थियो । लेखा परीक्षण प्रतिवेदन सार्वजनिक भएपश्चात पुन अध्ययन गरेर वृहत कार्यक्रम गर्नुपर्नेमा उपस्थित सहभागीहरुको सुझाव रहेको थियो ।

05/08/2026

ट्रान्सपरेन्सी इन्टरनेशनल (टीआई) नेपालले नेपालमा सुशासनको पहल कार्यक्रम अन्तरगत मिति २०८३ साउन १९ गते कागेश्वरी मनोहरा नगरपालिका वडा नं १ कार्यालय प्राङ्गणमा सार्वजनिक सेवा प्रवाह सम्बन्धमा गुनासो तथा सुझाव संकलन कार्यक्रम सम्पन्न गरेको छ । सो समयमा निर्माण आयोजनामा भएका ढिलासुस्ती, उपभोक्ता समिति मार्फत गरिने योगदानको पारदर्शिताको विषय, अव्यवस्थित रुपमा सडकको दाँयाबाँया निर्माण सामाग्री राख्ने विषय, कृषि उत्पादनमा बजारीकरणको लागि पहल गर्नुपर्ने विषय, नियमित बजार अनुगमन गरिनुपर्ने विषयजस्ता सुझाव तथा गुनासोहरु प्राप्त भएका थिए । प्राप्त विषयहरु सोही समयमा वडा समितिलाई जानकारी गराइएको छ ।