Nepal Red Cross Society Ganabahal Sub-Chapter

05/01/2026

२२ औ वार्षिक उपशाखा सभा सम्पन्न

उपशाखाको २२ औं उपशाखा सभा मिति २०८२ पौष १९ गते शनिबारका दिन नेपाल आदर्श मा.वि मा सम्पन्न भएको छ । उपशाखा सभापतिको सभा अध्यक्षतामा भएको उक्त सभामा नेरेसो काठमाडौं जिल्ला शाखाका मन्त्री वृद्धि मान शाक्य, श्री नेपाल अदर्श माध्यमिक विध्यालयका प्रधानाध्यापक करुणा प्रधान, ब्लड डोनर्स एशोसिएशन नेपाल (ब्लोदान) को पुर्व अध्यक्ष सानुवाबु प्रजापति, नेरेसो केन्द्रिय रक्त सञ्चार सेवाका निर्देशक पवन कुमार गुप्ता र नेरेसो केन्द्रिय रक्तसञ्चार सेवाका पुर्व निर्देशक तथा स्टार अस्पतालका वरिष्ठ कन्सल्टेन्ट डा. मनिता राजकर्निकार अतिथि थिए। साथै नेरेसो स्वयम्भु उपशाखाका सभापति राजेन्द्र श्रेष्ठ, उप-सभापति मन्जु पण्डे र नेरेसो बालाजु उपशाखाका सभापति लभ राज श्रेष्ठ पनि उपस्थित रहेको थियो ।

उक्त सभामा नयाँ आजिवन सदस्यता प्राप्त गर्नु भएका महानुभावहरुलाई सदस्यता प्रमाण पत्र र परिचय पत्र वितरण कार्यक्रम रहेको थियो भने सो सभाबाट सचीव तेज नारायण मानन्धरद्वारा प्रस्तुत बार्षिक प्रगति प्रतिवेदन र उप-सचीव भक्त चन्दन बाराहीद्वारा प्रस्तुत आर्थिक प्रतिवेदन पारित गरिएको थियो । उपशाखाका कार्यसमिति, सल्लाहकारहरू, आजीवन सदस्यहरु लगायत विद्यालयका शिक्षकहरुको उपस्थितिमा सभा सम्पन्न भएको थियो।

जानकारी : भक्त चन्दन बाराही (उप-सचिव)
फोटो : सुदर्शन मन सी (सल्लाहकार)

07/12/2025

नेरेसो काठमाडौं जिल्ला शाखाले काभ्रेपलाञ्चोक जिल्लाको रोशी गाउँपालिका वडा नं. ९ को देउराली चौतारा खानेपानी योजना पुननिर्माण गरी हस्तान्तरण । रोशी गाउँपालिका वडा नं. ९ र नेरेसो मङ्गलटार उपशाखाको अनुरोधमा नेरेसो काठमाडौ जिल्ला शाखा र उपशाखाहरुको आर्थिक सहयोगमा मुहानदेखि नै पुनः निर्माण गरिएको खानेपानी योजनाबाट प्रत्यक्षरुपमा ३० घरधुरी लाभान्वित भएका छन् ।

22/11/2025

२०८२ मङ्सिर ५ - गत वर्ष २०८१ असोज १० देखि १२ गते सम्म परेको अविरल बर्षाका कारण काभ्रे, रोशि गाउँपालिका वडा नं ९ मंगलटार स्थित बाढीबाट क्षतिग्रस्त देउराली चौतारामा नेरेसो काठमाडौं जिल्ला शाखाको अगुवाइमा पुनः निर्माण हुन गइरहेको खानेपानी आयोजनाका लागि सहयोग स्वरुप नेरेसो गणबहाल उपशाखाका कार्यसमिति र सल्लाहकार समितिबाट संकलन भएको आर्थिक सहयोग नेरेसो काठमाडौं जिल्ला शाखाका मन्त्रीज्युलाई उपशाखाका उप-सचीव मार्फत हस्तान्तरण ।

29/09/2025

𝐇𝐀𝐏𝐏𝐘 𝐃𝐀𝐒𝐇𝐀𝐈𝐍 𝟐𝟎𝟖𝟐 🙏

- 𝘕𝘙𝘊𝘚 𝘎𝘢𝘯𝘢𝘣𝘢𝘩𝘢𝘭 𝘚𝘶𝘣-𝘊𝘩𝘢𝘱𝘵𝘦𝘳

15/06/2025

रक्तदान गरौ, आशा जगाऔ : सबै मिली जीवन बचाऔ भने मूल नाराका साथ विश्व रक्तदाता दिवस मनाइयो

नेरेसो गणबहाल उपशाखाद्वारा प्रत्यक वर्ष झैं यस वर्ष जुन १४ मा रक्तदान गरौ, आशा जगाऔ : सबै मिली जवान बचाऔ भने मूल नाराका साथ विश्व रक्तदाता दिवसको उपलक्ष्यमा महादेव पार्वती दवली, बसन्तपुरमा रक्तदान तथा दिप प्रज्वोलन कार्यक्रमको आयोजना गरी मनाएको थियो। दिउँसो १:०० बजे देखि ६:०० बजे सम्म भएको रक्तदान कार्यक्रममा १५ जना महिला र ४० जना पुरुष गरी कुल ५५ जना स्वयंसेवी रक्तदाताहरू रक्तदान गर्नु भएको थियो भने साँझ ६ बजे पछि दिप प्रज्वोलन कार्यक्रम आयोजना गरिएको थियो। सो कार्यक्रममा उपशाखाका कार्यसमिति पदाधिकारी, सदस्य एव सल्लाहकारहरू, उपशाखाका आजीवन सदस्य स्वयंसेवकहरूको उपस्थिति रहेको थियो।



जानकारी : भक्त चन्दन बाराही (उप-सचिव, नेरेसो गणबहाल उपशाखा)
फोटो : रोनी डंगोल (कार्यसमिति सदस्य, नेरेसो गणबहाल उपशाखा), सामाजिक संजाल

14/04/2025

12/01/2025

२१ औ वार्षिक उपशाखा सभा सम्पन्न

नेरेसो गणबहाल उपशाखाको २१ औ वार्षिक उपशाखा सभा २०८१ पुष २६ शुक्रबारका दिन श्री नेपाल आदर्श माध्यमिक विद्यालयमा सम्पन्न भएको छ। नेरेसो काठमाडौं जिल्ला शाखाका मन्त्री श्री वृद्धि मान शाक्यको प्रमुख आथित्यतामा भएको सभामा नेरेसो काठमाडौं जिल्ला शाखाका सदस्य एव जुनियर युवा रेडक्रस सर्कलका संयोजक लक्ष्मी प्रसाद कुइकेल, नेरेसो बालाजु उपशाखाका सभापति लव राज श्रेष्ठ, नेरेसो केन्द्रिय रक्तसञ्चार सेवाका पुर्व निर्देशक तथा स्टार अस्पतालका वरिष्ठ कन्सल्टेन्ट डा. मनिता राजकर्निकार अतिथि रहेका थिए भने सभामा अतिथि लगायत उपशाखाका आजीवन सदस्य पंचा कुमारी मानन्धर र कार्यसमिति सदस्य एव नेरेसो काठमाडौँ जिल्लाका पुर्व मन्त्रि संघ रत्न शाक्यले मन्तव्य राख्नु भएका थिए। सो सभाबाट सचीव तेज नारायण मानन्धरद्वारा प्रस्तुत बार्षिक प्रगति प्रतिवेदन र उप-कोषाध्यक्ष गौतम रत्न बज्राचार्यद्वारा प्रस्तुत आर्थिक प्रतिवेदन पारित गरिएको थियो । उपशाखाका कार्यसमिति, सल्लाहकारहरू, आजीवन सदस्यहरु, जुरेस सदस्यहरु लगायत विद्यालयका शिक्षकहरुको उपस्थितिमा सभा सम्पन्न भएको थियो।

जानकारी : भक्त चन्दन बाराही (उप-सचिव)
फोटो : अमृत मानन्धर (सभापति), कमल बज्राचार्य (का.स.स), सुदर्शन मन सी (सल्लाहकार)

02/11/2024

लक्ष्मी पूजा २०८१

नेरेसो गणबहाल उपशाखा कार्यालयमा मिति २०८१ कार्तिक १५ बिहिवारका दिन उपशाखा पदाधिकारी, सल्लाहकार र कार्यसमिति सदस्यहरुको उपस्थितिमा लक्ष्मी पुजा र शुभकामना आदान प्रदान कार्यक्रम सम्पन्न भएको थियो।

फोटो : रोनी डंगोल (का.स.स / नेरेसो गणबहाल उपशाखा)

09/10/2024

दशैं, तिहार, छत् पर्व, नेपाल संवत ११४५ को शुभ उपलक्ष्यमा हार्दिक मंगलमय शुभकामना

16/09/2024

निशुल्क प्राथमिक उपचार, स्वास्थ्य शिविर र पानी वितरण कार्यक्रम सम्पन्न

२०८१ भदौ ३० गते आइतबारका दिन उपाकुको उपलक्ष्यमा यस उपशाखाले कामपा १२ वडा र शहरी स्वास्थ्य प्रवर्धन केन्द्र संगको समन्वयमा निशुल्क प्राथमिक उपचार, स्वास्थ्य शिविर र पानी वितरण कार्यक्रम सम्पन्न गरेको छ। उक्त कार्यक्रममा कामपा स्वास्थ्य प्रवर्धन केन्द्र र उपशाखाले एकिकृत सेवा प्रदान गरेको थियो भने उक्त कार्यक्रमबाट कुल ३२ जनाले प्राथमिक उपचार तथा स्वास्थ्य सेवा प्राप्त गरेका थिए। कार्यक्रममा प्राथमिक उपचार र पानी वितरण कार्यको व्यवस्थापन उपशाखाले गरेको थियो भने औषधी वितरण र स्वास्थ्य सेवाको व्यवस्थापन स्वास्थ्य प्रवर्धन केन्द्र कामपा १२ ले गरेको थियो।

जानकारी / व्यवस्थापन : भक्त चन्दन बाराही (उप-सचिव, नेरेसो गणबहाल उपशाखा)
फोटो : रोनी डंगोल (कार्यसमिति सदस्य, नेरेसो गणबहाल उपशाखा)

07/09/2024

भाद्र २१, २०८१ - तिजको उपलक्ष्यमा हनुमानढोका परिसरमा मखन महादेव क्लबको आयोजना सम्पन्न तिज कार्यक्रममा यस उपशाखाद्वारा बिगतका वर्ष झैँ प्राथमिक उपचार शिविरको राखी सेवा प्रदान गरेको थियो ।

फोटो : कमल बज्राचार्य (कार्यसमिति सदस्य, नेरेसो गणबहाल उपशाखा)

05/09/2024

मानवतालाई जीवित राखौ भन्ने मूल नाराका साथ यस वर्ष पनि सदा झैँ नेपाल रेडक्रस सोसाइटी स्थापना दिवस (भाद्र १९)को उपलक्ष्यमा रक्तदान तथा भेटघाट कार्यक्रमको आयोजना गरी मनाइयो।
फोटो : कमल बज्राचार्य (कार्यसमिति सदस्य, नेरेसो गणबहाल उपशाखा)