30/04/2026
🕉️ योग, आयुर्वेद र सनातन चेतनाको अद्भुत संगम — योग चौतारीको छैटौँ वार्षिकोत्सव आज
पतञ्जलि योगपीठ नेपाल अन्तर्गत सञ्चालन भइरहेको अनलाइन आध्यात्मिक मञ्च “योग चौतारी” ले आज आफ्नो छैटौँ वार्षिकोत्सव मनाउँदैछ।
वि.सं. २०८३ बैशाख १७ गते साँझ ७ बजे देखि विशेष कार्यक्रमको आयोजना गरिनेछ।
कोरोना महामारीको कठिन समयमा, वि.सं. २०७७ बैशाख १७ गते बाट सुरु गरिएको यो पवित्र अभियान आज विश्वभरका लाखौँ साधकहरूको जीवनमा सकारात्मक परिवर्तन ल्याउने माध्यम बनेको छ।
योग, प्राणायाम, आयुर्वेद, प्राकृतिक चिकित्सा तथा सनातन वैदिक ज्ञानको प्रचार–प्रसार गर्दै आएको यस मञ्चले हजारौँलाई स्वास्थ्य, आत्मबल र आध्यात्मिक उन्नतिको मार्गमा अग्रसर गराएको छ।
🌿 दैनिक कार्यक्रम (बिहान ५ बजे देखि साँझ ९ बजे सम्म)
बिहान ५–७: योगशाला
बिहान ७–८: अध्यात्म संस्कार
बिहान ८–९: अध्यात्म चिन्तन
बिहान ११–१: स्वाध्यायशाला
दिउँसो २–३: सोसल मिडिया सत्र
दिउँसो ३–४: स्वास्थ्य परामर्श
साँझ ७–८: बौद्धिक सत्र
📅 साप्ताहिक विशेष कार्यक्रम
आइतबार: संस्कृत पाठशाला
सोमबार: भजनमाला
मंगलबार: क्वीज प्रतियोगिता
बुधबार: नृत्यशाला
बिहीबार: आरोग्य जीवनशैली
शुक्रबार: रमाइलो शुक्रबार
शनिबार: साहित्यमाला
🌙 साँझ ८–९ विशेष सत्र
आइतबार / मंगलबार / बिहीबार: संगठन चर्चा
सोमबार: ध्यानशाला
बुधबार / शुक्रबार: विश्राम
शनिबार: योगयात्रा
🌍 विश्वव्यापी सहभागिता र सेवा भावना
यस अभियानमा नेपाल, भारत, अमेरिका, जापान, बेलायत, कोरिया, दुबई लगायत विभिन्न देशबाट साधकहरू सक्रिय रूपमा सहभागी हुँदै आएका छन्।
कोरोना कालमा दैनिक Zoom मा हजारौँ तथा Facebook Live मार्फत हजारौँ बढी साधकहरूले सहभागिता जनाएका थिए।
करीब २०० सदस्यीय आयोजक टोली, प्राविधिक समूह (Zoom सञ्चालन, डिजाइन, प्रचार–प्रसार, Live प्रसारण) र समर्पित स्वयंसेवकहरूको निःस्वार्थ सेवाले यो अभियान ३६५ दिन निरन्तर सञ्चालन हुँदै आएको छ।
🕉️ गुरु आशिर्वाद र राष्ट्रिय अभियान
विश्व योगगुरु स्वामी रामदेवजी महाराज तथा विश्व आयुर्वेदाचार्य आचार्य बालकृष्णजी महाराज को तप, संकल्प र पावन आशिर्वादबाट
पतञ्जलि योगपीठ नेपाल अन्तर्गत
पतञ्जलि योग समिति नेपाल
महिला पतञ्जलि योग समिति नेपाल
युवा नेपाल समिति
मार्फत देशव्यापी घरघरमा निःशुल्क योग अभियान सञ्चालन हुँदै आएको छ, जसले आज २२ वर्ष पूरा गरेको छ।
त्यसैगरी, “योग चौतारी” अनलाइन अभियानले ५ वर्ष पूरा गरी छैटौँ वर्षमा प्रवेश गरेको छ।
🙏 आभार तथा शुभकामना
यस महान् अभियानमा प्रत्यक्ष–अप्रत्यक्ष रूपमा सहयोग गर्ने सम्पूर्ण साधक, स्वयंसेवक तथा संगठनका कार्यकर्ताप्रति हार्दिक धन्यवाद ज्ञापन गर्दै,
आगामी दिनहरूमा अझ व्यापक रूपमा योग, आयुर्वेद र सनातन ज्ञानको ज्योति फैलिरहने विश्वास व्यक्त गरिएको छ।
– लवराज
मुख्य संयोजक, योग चौतारी
