Kathmandu Animal Save

01/03/2026

हरेक सचेतना कार्यक्रमहरूमा, हामी सिक्छौं कि मानिसहरू कति समानुभूतिशील हुन्छन्। पक्कै पनि मानिसहरू छन् जसले गैर-मानव जनावरहरुको बारे वास्ता गर्दैनन्, तर यस्ता मानिसहरू पनि छन् जसले यो बारे बुझ्छन् र त्यो अझ महत्त्वपूर्ण हो।

We The Free Kathmandu सँगको हाम्रो सहकार्यको क्रममा, हामीले मानिसहरूमा परिवर्तनको झिल्को देख्न पायौं। यथास्थिति परिवर्तन गर्ने, आफू भित्र परिवर्तन ल्याउने र संसार परिवर्तन गर्ने। परिवर्तनको प्रतिरोध फरक रूपमा आउँछ। हामी दयासँग लड्न रोज्दैछौं।

27/02/2026

दूध उद्योगमा भालेहरूलाई फालिन्छ।🐄

केही भाले बाछाहरू प्रजनन र वीर्य सङ्कलनका लागि राखिन्छन्। बाँकी चाहिँ? फोहोरझैँ व्यवहार गरिन्छ।किन? किनभने उनीहरूलाई “उत्पादक” मानिँदैन।उनीहरूले दूध दिन सक्दैनन्। त्यसैले धेरैजसो बाछाहरू सडकमा छोडिन्छन्। केही सीमापारि तस्करी गरिन्छन्। केहीलाई लुकिछिपी मारिन्छ। नेपालमा गाई–गोरु मार्न गैर कानुनी भएकाले, अब “काम नलाग्ने” जनावरहरूलाई सिधै फालिन्छ वा बिस्तारै मर्न छोडिन्छ। उनीहरूले सडक दुर्घटना भोग्छन्। प्लास्टिक र फोहोर खान बाध्य हुन्छन्। कुकुरले टोकेर आक्रमण गर्छन्। तस्करी गरिन्छ।🚫🥛

यो नै दूध उद्योगको लुकेको क्रूरता हो।

26/02/2026

"यदि तपाईँलाई दूध-भात वा दूधजन्य उत्पादनहरूको तलतल लागेमा एक चोटि यी बच्चाहरूको बारेमा नि सोच्नुहोस्!🐄

"

25/02/2026

हामीलाई बारम्बार भनिन्छ कि किसानहरूले आफ्ना जनावरहरूलाई “माया गर्छन्।” तर के त्यो साँच्चै माया हो कि नाफा?

यदि यी जनावरहरूलाई साँच्चै छोरा–छोरी झैँ माया गरिएको हुन्थ्यो भने, उनीहरूको पीडाले हाम्रो मुटु चिरिन्थ्यो।यी जनावरहरूलाई परिवार झैँ हेरिन्छ भन्ने कथा गहिरो रूपमा त्रुटिपूर्ण छ र प्रायः सत्य हुँदा पनि हुँदैन।

यही सत्य हो: उनीहरूलाई एक निर्जीव वस्तुका रूपमा हेरिन्छ, उनीहरूको शरीर कमाइ गर्ने भाँडो।पशु कृषि उद्योगले चेतनशील प्राणीहरूलाई ‘सम्पत्ति’ मा झार्छ, र “हेरचाह” को सीमा प्रायः नाफासँगै टुङ्गिन्छ।

यदि हामी साँच्चै जनावरहरूको माया गर्छौँ भने, हामीले त्यसलाई व्यवहारमा उतार्नुपर्छ उनीहरूलाई कसैको सम्पत्ति जस्तो व्यवहार नगरी।🚫

24/02/2026

एक छिनका लागि आफूलाई उनीहरूको ठाउँमा राखेर सोच्नुहोस्।

यदि तपाईँको साथीहरू तपाईँको आफ्नै आँखै अगाडि मारिँदै गरेको देख्नुपरेको भए कस्तो महसुस हुन्थ्यो?
यदि साथीको आँखाको उज्यालो बिस्तारै निभ्दै गएको देख्नुपरेमा तपाईँको मन कति विचलित हुन्थ्यो?
यदि साथीको चिच्याहट सुनेर पनि विवश भई केही गर्न नसक्दा तपाईँमा के बित्थ्यो?
र यदि तपाईँ आफै पनि मृत्युको पालो कुर्दा के सोच्नुहुन्थ्यो?

यी जनावरहरूसँग जे भइरहेको छ, त्यो केवल “खानाको चक्र” मात्र होइन। यो तरकारी काट्नु वा रुखबाट फल टिप्नुजस्तै कुरा होइन।
यो त हिंसा हो। यो क्रूरता हो र यो अन्याय हो।⚠️🚫

मुख उता फेर्नु अघि, नियालेर यी तस्बिरहरू हेर्नुहोस्।👀
र सोच्नुहोस् ‘तपाईँको रोजाइले केलाई समर्थन गरिरहेको छ?

23/02/2026

दूध किन पिउनु जब यसको धेरै विकल्पहरू छन्? 🥛✨

घरमै सजिलै बनाउन सकिन्छ, सस्तो र सबै प्राणीप्रति दयालु पनि हुन्छ।तपाईँको स्वादका लागि कसैको जीवन शोषण गर्नु हुँदैन। 💛

हाम्रो यी reels हेर्नुहोस्! 👩‍🍳

🥛 Soy Milk – https://www.instagram.com/reel/C4IghUGpA6g/?igsh=aXlyYWhwd3NzbnNo
🍮 Almond Kheer – https://www.instagram.com/reel/C9_SpEby8Pj/?igsh=MWVubmR3NjhuNmJnMw==
🥄 Soy Yogurt – https://www.instagram.com/reel/C8vns4EIHg1/?igsh=MWVnZnU2dnh0ODVvYw==
🥥 Coconut Milk – https://www.instagram.com/reel/C3pvlkFqu1W/?igsh=MXEybXMyczcyY2N5cQ==

23/02/2026

22/02/2026

होलीमा सामुदायिक जनावरहरूलाई किन रङ्गहरू लगाउनु हुँदैन भन्ने जान्नको लागि तल पढ्नुहोस्!

होलीको अग्रिम शुभकामना, कृपया सुरक्षित भएर पर्व मनाऔं 🙏

21/02/2026

स्याङ्कचुएरी भ्रमण अपडेट ✨🐄

असहाय गाईबाछा संरक्षण अभियानले धेरै वर्षदेखि सडकमा छाडिएका गाई बाछाहरुका लागि आफ्नो ढोका खोल्नुभएको छ र यहाँ राजधानी मात्र नभई अन्य जिल्लाका छाडिएका गाई बाछाको उद्धार तथा हेरचाह हुन्छ। यस अभियानमा दिनरात खटेर आफ्नो जीवन समर्पित गर्नुहुने सबै अभियन्ताहरू प्रति कृतज्ञता व्यक्त गर्न चाहन्छौँ। वहाँहरूको काम साँच्चै प्रेरणादायक छ! 💚

आज हामीसँग जोडिएर गाई बाछाको पिडाका बारे बुझ्न तथा आज हामीसँग जोडिएर दूध उद्योगका बारेमा ज्ञान लिनु हुने सबै सहभागीहरूलाई पनि धन्यवाद। तपाईँहरूको उपस्थिति र सिक्ने इच्छाशक्ति नै परिवर्तनको बाटो खोल्छ!

आजको स्वादिष्ट भिगन भोजनमा सहायता पुर्‍याउनु भएकोमा देवी जीलाई विशेष धन्यवाद। ‍

20/02/2026

सामाजिक न्यायले कसलाई जोगाउँछौँ मात्र भन्दैन, यसले कसलाई बेवास्ता गर्नु हुँदैन भन्ने नि सिकाउँछ।

हामी जात, लिङ्ग, वर्ग र असमानताका विषयमा न्यायको कुरा गर्छौँ र गर्नुपर्छ पनि। र यदि न्याय भनेको उत्पीडनको विरोध गर्नु हो भने, हामीले सबैभन्दा अदृश्य पीडितहरू गैरमानव जनावरहरू तर्फ पनि हेर्नै पर्छ।🐄🐖

हरेक दिन अर्बौँ जनावरहरू कैद गरिन्छन्, परिवारबाट छुटाइन्छन्, शोषण गरिन्छन् र मारिन्छन्, किनकि यो त “सामान्य” हो भन्ने ठान्दछौँ।

शक्ति र उत्पीडनको प्रणालीलाई चुनौती दिनु नै न्याय हो।र पृथ्वीमा सबैभन्दा ठुलो शक्ति प्रणाली भनेको मानवले अरू प्राणीमाथि जमाएको नियन्त्रण हो। न्यायपूर्ण संसार भनेको केही जीवन मात्र महत्त्वपूर्ण हुने संसार होइन। त्यो यस्तो संसार हो जहाँ हरेक जीवन सम्मान, सुरक्षा र करुणाको योग्य हुन्छ।

यस सामाजिक न्याय दिवसमा, हाम्रो करुणाको घेरा फराकिलो बनाऔँ। किनकि कमजोरलाई बाहिर राख्ने न्याय, न्याय नै हुँदैन।⚖️💚