13/04/2026
श्री सत्य साई शिक्षा प्रतिष्ठान, नेपालको आयोजनामा मिति २०८२ चैत्र २९ देखि २०८२ बैशाख ०५ गतेसम्म आयोजित ७ दिने आवासीय "श्री सत्य साई आध्यात्मिक शिक्षा (बालविकास) गुरु तालिम कार्यक्रम" भगवानलाई पुष्पगुच्छा अर्पण तथा दीप प्रज्ज्वलनबाट आह्वान गरी शुभारम्भ भएको छ । उक्त कार्यक्रममा नेपालभरिका ५१ जना शिक्षक तथा शिक्षिकाहरूको सक्रिय सहभागिता रहेको छ । श्री सत्य साई आध्यात्मिक शिक्षा (बालविकास) गुरु तालिम कार्यक्रमको पहिलो दिनको सत्र विभिन्न क्रियाकलाप गर्दै सम्पन्न भयो ।
उक्त सत्रमा बालविकास - श्री सत्य साई अवधारणा, सिकाई पद्दती, मानव मूल्यहरू, बालविकास तथा ५ शिक्षा प्रणाली, ध्यान र प्रार्थना, कथा वाचन, सामूहिक गान, सामूहिक कृयाकलाप र बालविकास कक्षामा विद्युतिय सामग्रीको प्रयोग र प्रभावकारिता जस्ता विषयहरूमा कक्षा सञ्चालन गर्दै सम्पन्न गरियाे।
