01/08/2026
नेपाल सरकार र प्रहरी प्रशासनको गम्भीर ध्यानाकर्षण होस्।
सामाजिक सञ्जालमा सार्वजनिक भएको भिडियोमा एक पुरुष र एक महिलामाथि समूहले कुटपिट गर्दै उनीहरूलाई आफ्नै सानो बालबालिकाको अगाडि धार्मिक नारा लगाउन बाध्य बनाएको देखिन्छ। यदि यो घटना वास्तविक हो भने, यो अत्यन्त गम्भीर र मानव अधिकार तथा कानुनी शासनमाथिको चुनौती हो।
नेपाल धर्मनिरपेक्ष राष्ट्र हो। कुनै पनि नागरिकलाई धर्म, जात, वा विचारका आधारमा डर, हिंसा वा जबर्जस्ती सहन बाध्य बनाइनु स्वीकार्य हुन सक्दैन।
नेपाल सरकार र नेपाल प्रहरीसँग केही स्पष्ट प्रश्न छन्:
• यस घटनाका दोषीहरूलाई अहिलेसम्म किन पक्राउ गरिएको छैन?
• कानुन हातमा लिनेहरूलाई किन कारबाही गरिएको छैन?
• निर्दोष नागरिक र साना बालबालिकाको सुरक्षाको जिम्मेवारी कसले लिने?
यदि कसैले कानुनविपरीत कार्य गरेको छ भने, निष्पक्ष छानबिन गरी कानुनअनुसार कडा कारबाही होस्। तर कुनै पनि व्यक्तिलाई भीडको हिंसाको शिकार बनाउने अधिकार कसैलाई छैन।
हामीलाई धार्मिक द्वन्द्व होइन, कानुनी शासन, न्याय र सामाजिक सद्भाव चाहिएको हो। सरकारले कुनै पनि प्रकारको भीड हिंसा, धार्मिक उक्साहट र आतंकप्रति शून्य सहनशीलता देखाउनुपर्छ।
नेपाल सरकार, सम्बन्धित निकाय र नेपाल प्रहरी यस घटनामा तत्काल निष्पक्ष अनुसन्धान गरी दोषीलाई कानुनी दायरामा ल्याउन आग्रह गर्दछु।
B***n HelloSarkar Nepal Police
